سوال الى كل ام جديده ..

1- عدد الرضعات والفتره بين كل رضعه واخرى لمده 3 شهور؟

حسب الحليب ان حليب ولدي سيمسلاك
كنت كل ساعتين وكان يقول الدكتور متى ماشفتيه حس بالجوع

2- كميه الحليب (الملعقه مضافه الى سانتي ماي يعني الكميه بالضبط؟

بيكون مكتوب ع الحليب نفسه

3- هل تستخدمين منقوع التمر ( المريس ومن اي عمر؟

ايوه استخدمه من يوم مايولد لكن مو يموميا
4- متى تبدأين استخدام الاعشاب لطفلك اليانسون والشمر او النعناع والكميه؟
من اول ايامه عااااادي
5-هل تستخدمين الماي وكم رضعه باليوم وهل تضيفين لها السكر؟

اذا كان طبيعي فعادي لو ماعطيتيه اما صناعي فلابد ماي ساده السكر ماانصحك فيه
6-ماهو احسن نوع حليب صناعي من وجهه نظرك؟

سيميلاك

7- كيف تتعاملين معا السره ؟ وبماذا تداوينها وبعد كم يم المفروض تسقط ؟

طبعا بزيت الزيتون مره مفيد وتقريبا سبعة ايام وتسقط

8- كيف تتعاملين معا ختان الولد؟ وماذا تستخديمن له؟

خوا جوا مع زيت زيتون

9 - هل قمتي بتحنيك ولدك؟ وماذا فعلتي بالضبط؟

نعم تمرسين تمره بماي وتحنكينه افضل قبل يشرب الحليب

10- ماهو افضل نوع حفاظ من وجهه نظرك؟ وماهي مميزاته ؟

بامبرز بيبي جوي
11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

قالو لأمي كثير انه تستخدمه لي بس ام يرفضت رفض قاطع

والله يسهل عليك ويسر امورك
ويتم عليك بخير

جزاك الله خير حبوبه .. وفقك ربي .. والله يعطيك الف عافيه
بانتظار الردود

هلا وغلا داينغ راح اجاوبج على اسئلتج

1- عدد الرضعات والفتره بين كل رضعه واخرى لمده 3 شهور؟

انا عيالي اول شهر يشربون 2 سم فاعطيهم كل ساعتين وبعدها يشربون ال 4 سم فاعطيهم كل اربع ساعات

طبعا هذا مايمنع ان الياهل يخرج وبعدها يجوع على طوووول فعادي تعطينه اذا جاع..


2- كميه الحليب (الملعقه مضافه الى سانتي ماي يعني الكميه بالضبط؟

انا اعطيهم حليب سيميلاك وهالحليب تحطين قفشه لكل 2 سم يعني اذا المرضاعه 2 سم احط قفشه واذا 4 سم احط قفشتين ..ع العموم يالغاليه كل حليب مكتوب عليه كل 2 سم كم قفشه ..الخ

3- هل تستخدمين منقوع التمر ( المريس ومن اي عمر؟

من يكملون عشرين يوم اعطيهم4-


متى تبدأين استخدام الاعشاب لطفلك اليانسون والشمر او النعناع والكميه؟

عادي من ينولدون واسويه الله يسلمج بمرضاعه ال 2 سم واحط قفشه يانسون او ورقه نعناع ..واخصص مرضاعه خاصه للاعشاب5-

هل تستخدمين الماي وكم رضعه باليوم وهل تضيفين لها السكر؟

اي 1 سم الى 2 سم ف اليوم واحط سكر نبات اذا مااخرج ف هاليوم


6-ماهو احسن نوع حليب صناعي من وجهه نظرك؟

سيميلاك


كيف تتعاملين معا السره ؟ وبماذا تداوينها وبعد كم يم المفروض تسقط ؟


بالمطهر (كحول ) تلقينه بالصيدليه احط مره باليوم وعادة تطيح من 7 يوم الى عاشر يوم وعادة اتم ثلاث ايام بعد ماتطيح احط المطهر لان ساعات ينزل دم خفيف عاااادي


8- كيف تتعاملين معا ختان الولد؟ وماذا تستخديمن له؟

ابد ولاشي يعطونج ف المستشفى مطهر له واحطه مره باليوم وعاشر يوم طاحت الحلقه ..


9 - هل قمتي بتحنيك ولدك؟ وماذا فعلتي بالضبط؟

لا



10- ماهو افضل نوع حفاظ من وجهه نظرك؟ وماهي مميزاته ؟
بامبرز ..لانه ناشف وحجمه حلو ماينتفخ

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

لا ..لان المستشفى عطوني بخاخ بيتادين مع مرهم مضاد وكان ماشاءالله تمام



اي سؤال يالغالية انا حااااااااااااااااضره

يسلمووو داينج انا اول مره احمل ... وانا بستفيت من البنات

سلام عليكم

شنو يعني منقوع التمر؟؟ و ليش يعطونه الطفل؟؟ و متى يعطونه اياه؟؟

والله استفت وايد من الموضوع لاني اول مره احمل

جزاكم الله خير

1- عدد الرضعات والفتره بين كل رضعه واخرى لمده 3 شهور؟
انا كنت ارضع بنتي كل ساعتين علشان ما يصيدها بصفار يعني اصحيها من النوم وكل مرة تزيد رضاعتها بس نفس الوقت تاخذ يعني كل مالها تبي ترضع اكثر

2- كميه الحليب (الملعقه مضافه الى سانتي ماي يعني الكميه بالضبط؟
هذا ما اعرف لان انا اول 3 شهور كله طبيعي بعدين بدلته الصناعي

3- هل تستخدمين منقوع التمر ( المريس ومن اي عمر؟
انا ما استخدمته بس زين لبطن الياهل من اول ما يولد... التمر زين

4- متى تبدأين استخدام الاعشاب لطفلك اليانسون والشمر او النعناع والكميه؟
لما احس ان بنتي يمسك عليها بطنها اعطيها رقمين ينسون في اليوم قبل النوم تشربه والحمد لله يمشيها بطنها وترتاح وتنام... ومرات اعطيها فوقت غير الليل، على حسب بطنها شلون

5-هل تستخدمين الماي وكم رضعه باليوم وهل تضيفين لها السكر؟
اذا ترضعين البيبي طبيعي بس ما يحتاج ماي اما اذا ترضعينه صناعي الافضل رقم بين كل رضعة علشان ما يعطش البيبي

6-ماهو احسن نوع حليب صناعي من وجهه نظرك؟
انا كنت اعطي بنتي ابتاميل خفيف للبيبي بس ريحته مو حلوة ابد... بس بعد ما تعودت عالصناعي قمت اعطيها اس 26 ايه ار للاطفال اللي يعانون من الترجيع والحمد لله مرتاحه معاه بس ثقيل على بطنها شوي

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
يعني تاخذ لها 10 ايام بس نظفيها بعود اذن وزيت زيتون وبتطيح من نفسها... خواتي استخدموا ادوية اما انا لا

8- كيف تتعاملين معا ختان الولد؟ وماذا تستخديمن له؟
ما جربت... عندي بنت وحدة بس

9 - هل قمتي بتحنيك ولدك؟ وماذا فعلتي بالضبط؟
ما حنكتها لاني طولت واجد في غرفة الانتظار ورضعت اكثر من رضعه قبل ما اشوفها... بس الافضل تحنكينه او ابوه يحنكه تعلكين التمرة لين ما تصير ليييييييييينه بعدين تاخذين منها شوي وتحطينها في حلق الياهل من فوق (في الحنك) زين للسان الياهل

10- ماهو افضل نوع حفاظ من وجهه نظرك؟ وماهي مميزاته ؟
بامبرز احسن شي... مريح وما يسرب

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
ما جربت العسل... بس الماي الدافي والملح وااااااااايد زين للخياطة ينظفها ويرخيها وما تحسين بالالم بعد ما تتنقعين

واتمنى اني افدتج في شي

هلاحبوبه ام عبود نورتي ... الله يخلي لك عبود وميمي..
منوره اختي مارشميلز انشاء الله نستفيد كلنا
اختي ام فضل حياج الله ومنقوع التمر يعني المريس .. تجيبين تمره وتصبين عليها ماي دافي تشخلينها وتشربينها الياهل في مرضاعه وزين حق بطن الياهل .. واستخدامه اقري ردود البنات ..
هلااختي غاده قطريه حياج الله وانشاء الله نستفيد وناخذ الاحسن ..
حياج اختي ام عبدالله .. الله يخلي لج البنوته وعقبال ماتملين البيت صبيان وبنات
في انتظار مشاركه الباقي ...

هلا فددديتج دااينق خبرتي بسيطه بس بجااوبج على اللي تعلمته وهاي عيب اللي تطول بحمل

1- عدد الرضعات والفتره بين كل رضعه واخرى لمده 3 شهور؟

بقولج صج انا مااعتمدت ساعات رضعه معينه بس بال40 عووش الله يحفضها كل ساعه تقوم تصيح تشرب نتفه وتناام وصرت بعدها كل ساعتين اعطيها لانه الله يحفضها كان فيها بوصفار لكن بعد ال40 طبعا تلخبط جدولي بسبب شغل وصرت اعطيها كل ماصاحت ولاتعتمدين على جدول صدقيني بيجي يوم وبتخربطين لانه عندج اعيال الله يحفضهم وممكن تكونين طالعه فخلي البيبي على كيفه

2- كميه الحليب (الملعقه مضافه الى سانتي ماي يعني الكميه بالضبط؟

شوفي كل 2سم ملعقه حليب وحده

يعني مرضاعه بيجون 2سم ملعقه

مرضاعه 4سم ملعقتين

مرضاعه 7سم تحطين ماي لين رقم 6سم وتحطين 3ملاعق وجذي

3- هل تستخدمين منقوع التمر ( المريس ومن اي عمر؟

استخدمت لعووش من 3شهور ونص بس انا ماكنت اعرف لكن ان شاءالله مع البيبي الجديد لين الله كتب بعد ال40 على طوول لانه مفييد

4- متى تبدأين استخدام الاعشاب لطفلك اليانسون والشمر او النعناع والكميه؟
من اول يوم حق عووش كل يوم المغرب اسبحها واعطيها رضعه يانسون عشان مغص

5-هل تستخدمين الماي وكم رضعه باليوم وهل تضيفين لها السكر؟
انا كنت اعطيها 1سم لكني ماضفت سكر مع ان امي تمدحه

6-ماهو احسن نوع حليب صناعي من وجهه نظرك؟
استخدمت سيميلاك ودايما اسمع عن نان

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
بنتي طولت عقب 20يوم طاحت بروحها ولاحطيت شي خلي الامور تمشي بمجراها

8- كيف تتعاملين معا ختان الولد؟ وماذا تستخديمن له؟

بقولج لين الله راد وصار عندي ولد اللهم اامين

9 - هل قمتي بتحنيك ولدك؟ وماذا فعلتي بالضبط؟
مافهمت سؤال شنو معنى تحنيك؟

10- ماهو افضل نوع حفاظ من وجهه نظرك؟ وماهي مميزاته ؟
بامبرز ااانصحج احسن نوع مايسرب ومايسوي حساسيه

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
لا وانصحج بميبو وتحملي تستخدمين ملح عادي او فارسي استخدمته وتحسفت جاني التهاب لما بعد 40 مت يعووور

مشكوره حبيبتي والله يخلي لج عوااااااااااشه وعقبال الباقي ...

اشفيكم
أفيدوني محد جاوبني يعني شنو منقوع التمر؟؟ و ليش يستخدمونه؟

ام فضل منقوع تمر يعني تاخذ كوب وتحطين فيه ماي مغلي وحبتين الى 3 تمر وتخلينه ساعه لين يذوب وبعدين تاخذين شاش او غترة من غتر ريلج قديمه وتقطعينها قطع صغار وتصفين ماي وتحطينه برضاعه وتعطينه لطفلج كل يوم واايد زين يمتن ياهل واذا عنده امساك يلين بطن ولاتنسين فوايد تمر

اتمني فهمتج

هلا اختي داينغ ان شاء الله اقدر افيدج بشي ..


1- عدد الرضعات والفتره بين كل رضعه واخرى لمده 3 شهور؟

انا ارضع عيالي كل مايجوعون مااحدد وقت معين .. لاني ارضع طبيعي ..

2- كميه الحليب (الملعقه مضافه الى سانتي ماي يعني الكميه بالضبط؟

كل علبة حليب مكتوب عليها المقادير شلون .. بس بقولج ..اذا القفشه صغيره يعني حق كل مل وحده ..

اما اذا القفشه الكبيره كل 2مل قفشه ..

3- هل تستخدمين منقوع التمر ( المريس ومن اي عمر؟

من اول ماينولدون ..عشان يطلع العقا ..

4- متى تبدأين استخدام الاعشاب لطفلك اليانسون والشمر او النعناع والكميه؟

من اول الايام اعطيهم الاعشاب .. اكون اصلا شاريتهم من قبل وغاسلتهم ومنشفتهم قبل لااولد ..خذت الطريقه

من امي والحمدلله مرتاحه عليها وايد لاغازات ولاامساك ..الانادر ..

5-هل تستخدمين الماي وكم رضعه باليوم وهل تضيفين لها السكر؟

مره الى مرتين 1مل..بس

6-ماهو احسن نوع حليب صناعي من وجهه نظرك؟

اس 27 ..وسيميلاك ..هذول اللي استخدمتهم ..


7- كيف تتعاملين معا السره ؟ وبماذا تداوينها وبعد كم يم المفروض تسقط ؟

اداويها بماي وملح فارسي نظيف .. وماتطول من اسبوع لعشر ايام ..

8- كيف تتعاملين معا ختان الولد؟ وماذا تستخديمن له؟

ختان الولد ماتسوين له شي ..هو بس تكرمين من يبول يطهر نفسه بنفسه ..وتطيح الشاشه من اولها ..

9 - هل قمتي بتحنيك ولدك؟ وماذا فعلتي بالضبط؟

ماعرف يعني شنو تحنيك واول مره اسمع عنه ..

10- ماهو افضل نوع حفاظ من وجهه نظرك؟ وماهي مميزاته ؟

هغيز .. مايسرب ولايطلع ريحه ..ولايسبب حساسيه ..

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

انا سمعت عن العسل توني من سنه يعني مااستفدت ..ولاجربته بس اسمع ناس وايد يستخدمونه ..انا استخدمت ملح

وماي دافي ..وطاحت الخياطه من اليوم 10 ..


حابه اذكركم باشياء ان شاء الله تنفعكم ..

اذا صاد ولدج امساك ..عليج بالعنب البنفسجي اخذي عنبتين واعصريهم في مشخال او غتره بيضا .. وعصريهم

بيدج مايحتاج عصاره او شي ..وشربيهم اياه ..

حاولي اول الايام دايما تمهدين ولدج لان هو طالع من مكان ضيق وكان ملموم وفجأه يطلع وتخلينه بدون شي

ماراح يرتاح بنومته ..

ابتعدي عن كثرة البودره وخصوصا في المناطق الحساسه ..عشان مايسبب له حساسيه ..حطي بس قليل ..

لاتعودينه يرقد جنبج من اول يوم خليه في سريره ..

قبل لاتسبحينه دهنيه بزيت زيتون وهمزي وجري يده وريوله .. ولما تسبحينه لاتنسين تدهنينه باللي تحبين ..

انا احب ادهن عيالي بكريم مو معطر (طبي) مااحب الفازلين ولازيت الاطفال ...لان عيالي فيهم اكزيما وجفاف والزيت

والفازلين يسويلهم حكه ويضايقهم ..

دوم غسلي عيون ولدج لا تهملينها .. من يقوم من النوم غسليها بماي دافي شوي ..وكل عين بقطنه غير ..

ايه ونسيت اذكر بعد صدرج غسليه بماي دافي قبل لاترضعينه وعقب ماتخلصين .. حتى لو تمسحينه بقطنه او فوطه فيها ماي دافيء ..

مادري اذا نسيت شي ..اذا في سؤال ان شاء الله اقدر اجاوب عليه ..

مشكوووووووووووووووووره حبيبتي الدمعه الله يهون عليج ولاتشوفين دمعه الا دمعه فرح ..

ورَد عنه عليه الصلاة والسلام تحنيك المولود .
ففي حديث عائشة رضي الله عنها أن رسول الله صلى الله عليه وسلم كان يُؤتَى بالصبيان فَيُبَرِّك عليهم ويحنكهم . رواه البخاري ومسلم .

وقالت رضي الله عنها : جئنا بعبد الله بن الزبير إلى النبي صلى الله عليه وسلم يحنكه فطلبنا تمرة فَعَزّ علينا طلبها . رواه مسلم .
وقصة تحنيك ابن الزبير مُخرّجة في الصحيحين .
عن أبي موسى رضي الله عنه قال : وُلِدَ لي غلام فأتيت به النبي صلى الله عليه وسلم فسماه إبراهيم ، فحنكه بتمرة ، ودعا له بالبركة . رواه البخاري ومسلم .
قال أنس رضي الله عنه : لما وَلَدَتْ أم سليم قالت لي : يا أنس انظر هذا الغلام فلا يُصِيبَنّ شيئا حتى تغدوا به إلى النبي صلى الله عليه وسلم يُحَنِّكَـه . رواه البخاري ومسلم .

قال الإمام النووي : اتفق العلماء على استحباب تحنيك المولود عند ولادته بتمر ، فان تعذر فما في معناه وقريب منه من الحلو ، فَيَمْضَغ الْمُحَنِّك التمر حتى تصير مائعة بحيث تُبْتَلَع ثم يَفْتَح فَمَ المولود ويضعها فيه ليدخل شيء منها جوفه . اهـ .

وأما طلب بركة الصالحين بذلك فهذا خلاف ما عليه السلف ، فإن الذي تُتحقق بركته هو النبي صلى الله عليه وسلم ، أما غيره فهي مظنونة .
لذا لا يُشرَع أن يؤخذ الصبي إلى من يُحنِّكه طلبا لِبَرَكتِه ، بل يفعل ذلك به والده أو أمه أو من حضره .

ومِن الكُتب التي عُنيت بالمولود وأحكامه كتاب " تحفة المودود بأحكام المولود " لابن القيم .
ونسخة منه هنا :
مكتبة مشكاة الاسلامية

والله تعالى أعلم .

سلام
اختي يمكن مااقدر افيدك بالشيء الكثير

لاني ماعندي غير بنوته وحده الله يحفظها توها مكملة السنة

ومااحس عندي خبرة ذاك الزود

بس يلا مابردك
تفضلي


1- عدد الرضعات والفتره بين كل رضعه واخرى لمده 3 شهور؟

عدد الرضعات تقريبا 12 مرة لان الفترة بين رضعة واخرى ساعتين

لكن في نهايه الثالث بيبدي ينام اطول وتزيد المدة يمكن 4 او 6 ساعات

2- كميه الحليب (الملعقه مضافه الى سانتي ماي يعني الكميه بالضبط؟

تقريبا كان ملعقة إلى كل 30 مل

3- هل تستخدمين منقوع التمر ( المريس ومن اي عمر؟

لا مااستخدمته

4- متى تبدأين استخدام الاعشاب لطفلك اليانسون والشمر او النعناع والكميه؟

استخدمته لها من الاسبوع الثاني تقريبا واستخمت ينسون بمقدار 20 مل يمكن او أقل

لان تأثيرة قوي فأعطيها بس كمية بسيطة

5-هل تستخدمين الماي وكم رضعه باليوم وهل تضيفين لها السكر؟

تقريبا كل يوم رضعة أو رضعتين

مو شرط تكون رضعة كامله ممكن يكون بين الرضعات شوي

6-ماهو احسن نوع حليب صناعي من وجهه نظرك؟

الصراحة مااعرف
لان ارضعها طبيعي ولله الحمد
لكن المستشفى استخدموا لها حليب S26ولهذا استخدمته لها فترة اول شهر بس كمساعدة لي
لاني ام جديدة وماتمكنت من الرضاعة بسرعة

7- كيف تتعاملين معا السره ؟ وبماذا تداوينها وبعد كم يم المفروض تسقط ؟

بالكحول بعد كل تغيير للحفاظ ويكون الحفاظ اسفل السرةوبتنشيفها جيدا
وفي بودرة يحطونها عليها لما تطيح لكن نسيت اسمها
تتراوح فترة سقوطها على حسب البيبي نفسه وحسب سمك الحبل السري اللي يربط البيبي بالمشيمة
بنتي طاحت سرتها بعد 12 يوم من الولادة بينما بنت خالتي طاحت سرتها بعد 6 ايام وصديقتي طاحت سرة ولدها بعد اسبوعين

8- كيف تتعاملين معا ختان الولد؟ وماذا تستخديمن له؟
الصراحة ماعندي ولد ولله الحمد ولا أقدر افتي لك
ولكن ادعي لي بالولد الصالح عشان اقول لك ههههه ( لكن انتي بتكونين ولدتي من زمان)
ههههههههههههههههههههههه

9 - هل قمتي بتحنيك ولدك؟ وماذا فعلتي بالضبط؟

لا لم اقم بتحنيكها

10- ماهو افضل نوع حفاظ من وجهه نظرك؟ وماهي مميزاته ؟

الموني والبيبي جوي رغم ان الموني اغلى نوع ومايتواجد في كل الصيدليات
لكنهم ممتازين لان

مايسربوا
مايطلعوا ريحه لما يتبول الطفل زي البامبرز
مو مصنوعيين من النايلون
ما يسببوا حساسية للطفل
اشكالهم كل مرة شكل جديد ومتنوع ههههههههه ادري مايفهموا لكن حلوة السالفة ههههههه
وهذا اللي اذكره

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

لا لم استخدمه

اتمنى افدتك ولو بالشيء البسيط


اختك
جود القمر

هلوووووووووو داينق وحشتيني ..
هاي ردي على اسالتج

عدد الرضعات والفتره بين كل رضعه واخرى لمده 3 شهور؟
شوفي قد ما تقدرين حاولي تنضمين الرضعات لانج اذا خليته على راحتج بيصيد البيبي مغص
انا لين اللحين نونا تعاني من المغض لان رضعاتي مب منظمة

2- كميه الحليب (الملعقه مضافه الى سانتي ماي يعني الكميه بالضبط؟
ما اعرف على حسب نوع الحليب
3- هل تستخدمين منقوع التمر ( المريس ومن اي عمر؟
لين اللحين ما استخدمته امي كانت تحط التمرة في شاش وتخلي نونا تمصها

4- متى تبدأين استخدام الاعشاب لطفلك اليانسون والشمر او النعناع والكميه؟
اول الايام كانت امي تعطي بس عقب صارت نونا ما تاخذ المرضاعة
5-هل تستخدمين الماي وكم رضعه باليوم وهل تضيفين لها السكر؟
للاسف نادر مدري ليش انسى اعطيها
السكر زين بس ماتكثرين منه ويكون سكر نبات القند والسكر العادي حار على الياهل

6-ماهو احسن نوع حليب صناعي من وجهه نظرك؟
نان يمتن الياهل شفت بعيني محد قالي خخخخ
واسمع عن ميلوبا و اس 26

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
والله عادي بس ما كانت امي تخلي الماي يجييها ولا تخليها تصيح عشان ما ينتفخ
8- كيف تتعاملين معا ختان الولد؟ وماذا تستخديمن له؟
عندي بس بنوتة بس قالوا لي لو ولد احط عليه زيت زيتون بس مب متذكرة الطريقة عدل

9 - هل قمتي بتحنيك ولدك؟ وماذا فعلتي بالضبط؟
اعتقد التمرة اللي امي تحطها هاي تحنيك

10- ماهو افضل نوع حفاظ من وجهه نظرك؟ وماهي مميزاته ؟
موني صراحة احسن شي بس نادر ما احصله
استخدمت لها بامبرز وسبب لها طفح
11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

ا ي انصحج استخدميه من اول الايام لاني استخدمته متاخر شوي

آنه شوي أم قديمة بعد بس باتذكر بعض الأشياء وإن شاء الله تنفعكم والله يسهل عليك حملك ويارب يرزقنا جميعا بالذرية الصالحة...

عدد الرضعات والفتره بين كل رضعه واخرى لمده 3 شهور؟
تقريبا كل 3 ساعات

2- كميه الحليب (الملعقه مضافه الى سانتي ماي يعني الكميه بالضبط؟
البداية 2 وبعد ال3 شهور وبالأخير أذكر 5

3- هل تستخدمين منقوع التمر ( المريس ومن اي عمر؟
أستخدمته وولدي له 3 أسابيع فقط

4- متى تبدأين استخدام الاعشاب لطفلك اليانسون والشمر او النعناع والكميه؟
اليانسون أو عندنا بالبحرين الحلوة ، من أول أسبوع

5-هل تستخدمين الماي وكم رضعه باليوم وهل تضيفين لها السكر؟
من أول يوم بالمستشفى وبعد كل رضعة أعطيه شوي، وبعد ماكمل الاربع شهور كنت أعطيه لين يصيح بالليل بديل عن الرضاعة يكون مايتعود عليها..

6-ماهو احسن نوع حليب صناعي من وجهه نظرك؟
أستخدمت نان 1 و2 وبعدين بروجرس.

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
عادي كنت أنظفه بمنديل الكحول وبودرة بي ان بي وأخلى عليه شاش وبعدين طاح بعد أسبوع تقريبا.

8- كيف تتعاملين معا ختان الولد؟ وماذا تستخديمن له؟
الوضع كان صعب وأمي كانت تغسله وماستخدمت شي بالمرة بروحها الحلقة طاخت بعد 8 أيام.

9 - هل قمتي بتحنيك ولدك؟ وماذا فعلتي بالضبط؟
لا ولا مرة

10- ماهو افضل نوع حفاظ من وجهه نظرك؟ وماهي مميزاته ؟
أستخدمت هاجيز وبعدين بامبي إلى ماقطعتها.

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
ماستخدمت العسل بس كنت أتغسل بالسافلون وانقع في ماء فارسي...

سلام اختي و الله انا كمبيوتري صارله فترة معلق باسم اختي و على حظك اليوم قدرت ادخل باسمس على نيتك ...


- عدد الرضعات والفتره بين كل رضعه واخرى لمده 3 شهور؟

و الله انا الممرضة اللي تجيني للبيت تقول بين كل 2 الى 3 ساعات بس اذا الطفل يجوع لازم تعطينه .


2- كميه الحليب (الملعقه مضافه الى سانتي ماي يعني الكميه بالضبط؟
هو يكون مكتوب على العلبة بالنسبة للحليب اللي ياخذه ولدي ملعقة لكل 30 مل.

3- هل تستخدمين منقوع التمر ( المريس ومن اي عمر؟

لا.
4- متى تبدأين استخدام الاعشاب لطفلك اليانسون والشمر او النعناع والكميه؟
من عمر شهر او اقل و كنت اعطيه مو اكثر من 30 مل في كل يوم بس طبعا كل ما يكبر ازيد شوي..


5-هل تستخدمين الماي وكم رضعه باليوم وهل تضيفين لها السكر؟

انا اعطيه بملعقة الشاي الصغيرة 3 ملاعق كل يومين تقريبا لان ما يحب. و بالنسبة للسكر استخدمته له لمن كان عنده ابو صفار بس و كل 1 ديسلتر 5 ملاعق شاي هذه وصفة الممرضة.

6-ماهو احسن نوع حليب صناعي من وجهه نظرك؟

انا حاليا استخدم نوع خاص من الصيدلية لان اخاف من اي نوع يسببله حساسية, لان انا فيني
يعني ما عندي خبرة بالحليب. بس انا ارضع ولدي و اعطيه صناعي.

7- كيف تتعاملين معا السره ؟ وبماذا تداوينها وبعد كم يم المفروض تسقط ؟

انا كنت انظفها كل يوم بماي بعود اذان و اذا تطلع فيها ريحة لازم ماي و صابون بدون ريحة لمن طاحت بعد 8 ايام.

8- كيف تتعاملين معا ختان الولد؟ وماذا تستخديمن له؟

انا و قتها طهرته عمره كان اسبوعين و لبسته حفاظة مال عمر سنة و كنت اغلب الوقت لمن يكون قاعد افتحله الحفاظة عشان المكان يتنفس و كنت كل يوم لمدة 3 ايام اسويله مغطس ماء للمنطقة مع صابون بدون ريحة عشان ما تتجمع بكتيريا و الشاشة امي شالتها بالماي من ثاني يوم

9 - هل قمتي بتحنيك ولدك؟ وماذا فعلتي بالضبط؟

لا و الله مع الاسف.

10- ماهو افضل نوع حفاظ من وجهه نظرك؟ وماهي مميزاته ؟

بامبرز لان ما يسرب ابدا و ما سوا ابد حساسية لولدي.
11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

و الله ما سويت ولالالالالالالالالالالالالالالالالا شي للمنطقة بس اني حطيت بيضتين و قعدت عليهم على المنطقة و فقصتهم بالمنطقة للنظافة و بسسسسسسسسسسسس..

اتمنى انك تكونين استفدتي و اي سؤال انا حاضرة يالطيبة...

- عدد الرضعات والفتره بين كل رضعه واخرى لمده 3 شهور؟
لما كنت اعطيها رقمييين كنت ارضعها كل ساعتيين وبعدين لما صارت 4 كنت ارضعها كل 4 ساعات ، لحد ماصارت 6 شهور وانا ارضعها 6 ساعات ، لأني بديت أأكلها من عمر 6 شهور .

2- كميه الحليب (الملعقه مضافه الى سانتي ماي يعني الكميه بالضبط؟
تعتمد على نوعية الحليب اللي بتستخدمينه ، ومكتوب عالعلبة أكييييد .

3- هل تستخدمين منقوع التمر ( المريس ومن اي عمر؟
لالالالالالالالالالالا كلش ماستعملته

4- متى تبدأين استخدام الاعشاب لطفلك اليانسون والشمر او النعناع والكميه؟
من أول الأيام ، بس خبرج اول بيبي والوسواس والتفلسف يشتغل فقطعته عنها .

5-هل تستخدمين الماي وكم رضعه باليوم وهل تضيفين لها السكر؟
مافي عدد محدد للرضعات ، بس احط لها قطعة سكر نبات صغيرة صغيرة صغيرة ، دقيها بيد الهاون وحطيها للبيبي في مرضاعة الماي .

6-ماهو احسن نوع حليب صناعي من وجهه نظرك؟
سيميلاك

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
بمطهر من الصيدليه ، قولي لهم للسره ويعطونج إياه ، ولاتخافين مايوصخ الملابس .

8- كيف تتعاملين معا ختان الولد؟ وماذا تستخديمن له؟
--------------

9 - هل قمتي بتحنيك ولدك؟ وماذا فعلتي بالضبط؟
اييييي ، قطعة تمر صغيره من غير قشرة التمر الخارجيه ، تلصقينها فالفك العلوي من الداخل ، هي بتذووب .

10- ماهو افضل نوع حفاظ من وجهه نظرك؟ وماهي مميزاته ؟
بامبببرز

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
لا والله ، بس استعملته لمنطقة الصدر لأن تجرح عندي بسبب الرضاعه ، وكنت اغسل المنطقة بماي زمزم واحط عليها عسل طوووول اليوم ، يعني بعد كل رضعه اغسل منطقة الصدر بماي زمزم واحط عسل ، 3 ايام واختى الجرح الحمدلله
مع العلم ان الجرح كان كبير ويخوووف :(