سوال الى كل ام جديده ..

مشكورين حبايبي على الردود مشكوره عمري كلاسيكيوو مشكورين الباقي عسا ربي يخلي لكم عيالكم ويرزقكم من حيث لاتدرون يارب العالمين ويرزقج اختي رانيا البحرنيه .. عاجل غير اجل

هلا وغلا



1- عدد الرضعات والفتره بين كل رضعه واخرى لمده 3 شهور؟

انا ارضع طبيعي...والحليب نادرا ماتشربه...يمكن في اليوم مرضاعه وحده...

2- كميه الحليب (الملعقه مضافه الى سانتي ماي يعني الكميه بالضبط؟
على حسب نوع الحليب فيه كل 2 سم ملعقتين..وفيه كل 2سم ملعقه.

.
3- هل تستخدمين منقوع التمر ( المريس ومن اي عمر؟
ايه من شهرين استخدمته..

4- متى تبدأين استخدام الاعشاب لطفلك اليانسون والشمر او النعناع والكميه؟
ماستخدمت

5-هل تستخدمين الماي وكم رضعه باليوم وهل تضيفين لها السكر؟
اسخدمته بس في ابره..لانها ماتحب الرضاعه

6-ماهو احسن نوع حليب صناعي من وجهه نظرك؟
اعتقد نان وسيملاك

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
اهو الكحول مال المستشفى...وعقب 5 ايام طاحت..بس فيه ملاحظه دام سر البيبي ماطاح لاتسبحين البيبي بس مسحيه بفوطه معقمه..

8- كيف تتعاملين معا ختان الولد؟ وماذا تستخديمن له؟
اهم شي الما والملح..والمره لانها تعقم الجراحه..وخصوصا البيببي يسويها وهو مختن فيجب تعقم المنطقه..

9 - هل قمتي بتحنيك ولدك؟ وماذا فعلتي بالضبط؟
اامي حنكتها..


10- ماهو افضل نوع حفاظ من وجهه نظرك؟ وماهي مميزاته ؟
انا جربت شيكو وبامبرز ومووني احسنهم بامرز وشيكو
طبعا شيكو جربته برع قطر بس حصلته اهنيه وايد زين ومايسرب ..وووموني مانصح في..لانه بلاستيك مب قطن من برع..

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

جربت المره ووووالميبو..واغسل يغسول معقم..


بس يمكن نسيتي شي علشان التهاب الحفاظ شنو تستخدم الام..انا استخددم فازلين لتبديل الحفاظه..وفي اليل سودا كريم..


وووشكرا

السلام عليكم ورحمة الله
الصراحه انا من زمان عن البيبيات

اما بعض النقاط اقدر افيد بها
بالنسبة للاعشاب من عمر 15 يوم ابداء بها
اما الماي في الايام الاولى احط فيه شوي سكر جلكوز
اما بعدين لا
السره تحتاج بس دواء الاحمر الي نشفها وعادة مدتها خمس ايام ولا تضغطين عليها
اما الختان فعادي في المستشفى يتركونه لين يبول في الحفاظ
وتنظيفه بس بالماي
وانا ما استخدم ملح ولا غيره بس ديتول العنايه الشخصيه

هلا يالغاليه مشكوره على الموضوع باذن الله بيفيد وايد امهات الجدد

1- عدد الرضعات والفتره بين كل رضعه واخرى لمده 3 شهور؟
من البدايه ساعتين
شهر الثاني ساعتين ونص
الثالث 3 ساعات

2- كميه الحليب (الملعقه مضافه الى سانتي ماي يعني الكميه بالضبط؟
على حسب الحليب
انا كنت اعطي ولدي كميه اقل من اللى مذكور بالعلبه
لو مكتوب 3 ملاعق احط 2 وخليه خفيف لاني لاحظت يوم التزم بالكميه اللى مكتوبه
يسبب الامسااك مع ولدي اقلل الحليب يرتاااح

3- هل تستخدمين منقوع التمر ( المريس ومن اي عمر؟
من انولد واعطيه على حسب نصيحه الدكتور ساعه 12 الظهر
علشان الى الليل يهضم الطفل
مااعطيه من بعد المغرب لانها تكون ثقيله عليه

4- متى تبدأين استخدام الاعشاب لطفلك اليانسون والشمر او النعناع والكميه؟
من انولد ياقلبي وانا اعطيه 50 مل المغرب و50 مل ساعه 12 الليل

5-هل تستخدمين الماي وكم رضعه باليوم وهل تضيفين لها السكر؟
اعطيه ماي ولكن من غير السكر لان السكر والملح ممنوع على الطفل اول 4 شهور
لان كليته ماتتحمل

6-ماهو احسن نوع حليب صناعي من وجهه نظرك؟
ابتاميل كمفورت

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
طاحت خلال 10 ايااام ماستخدمت لها شئ مجرد تنظيف يومي بالممسحه طبيه

8- كيف تتعاملين معا ختان الولد؟ وماذا تستخديمن له؟
استخدمت له فقط زيت زيتون

9 - هل قمتي بتحنيك ولدك؟ وماذا فعلتي بالضبط؟
لا

10- ماهو افضل نوع حفاظ من وجهه نظرك؟ وماهي مميزاته ؟
انا استخدم بيبي جوي بالبيت قطني وبارد ماتسبب التهابات
ولكن اذا عندي طلعه استخدم بمبرز

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
انا ربيت قيصري ياقلبي استخدمت كريم جروح ومطهر بيتادين فقط

هلا وغلا داينغ راح اجاوبج على اسئلتج

1- عدد الرضعات والفتره بين كل رضعه واخرى لمده 3 شهور؟

انا عيالي اول شهر يشربون 2 سم فاعطيهم كل ساعتين وبعدها يشربون ال 4 سم فاعطيهم كل اربع ساعات

طبعا هذا مايمنع ان الياهل يخرج وبعدها يجوع على طوووول فعادي تعطينه اذا جاع..

2- كميه الحليب (الملعقه مضافه الى سانتي ماي يعني الكميه بالضبط؟

مكتوب على العلبة الحليب

3- هل تستخدمين منقوع التمر ( المريس ومن اي عمر؟

لا ماستخدمته ولا مرة بس الصراحة اول مرة اعرفة ان شاء الله بسوي الى بنتى بنين


متى تبدأين استخدام الاعشاب لطفلك اليانسون والشمر او النعناع والكميه؟

عادي من ينولدون واسويه الله يسلمج بمرضاعه ال 2 سم واحط قفشه يانسون او ورقه نعناع ..واخصص مرضاعه خاصه للاعشاب5-
هل تستخدمين الماي وكم رضعه باليوم وهل تضيفين لها السكر؟

اي 1 سم الى 2 سم ف اليوم واحط سكر نبات اذا مااخرج ف هاليوم6-ماهو احسن نوع حليب صناعي من وجهه نظرك؟احسن حليب نان 1 بعدين استخدمت نان 1 اية ار ضد الترجيع وبعدين غيرة الحليب الى بيبي ليك وبعدين رديت رجعت الى نان والحين خلص نان عطيتهاا اس 26 احسة افضل
كيف تتعاملين معا السره ؟ وبماذا تداوينها وبعد كم يم المفروض تسقط ؟


انى بي ولدى فاضل كنت احط لية زيت الزيتون وبي بنتى بنونة طاح سرهاا في المستشفي يعنى ماعلجتهاا


8- كيف تتعاملين معا ختان الولد؟ وماذا تستخديمن له؟

كنت احط لية زيت الزيتون كل مااغير الحفاظ وطاح الى فية صار بي 2يوميين


9 - هل قمتي بتحنيك ولدك؟ وماذا فعلتي بالضبط؟

لا



10- ماهو افضل نوع حفاظ من وجهه نظرك؟ وماهي مميزاته ؟
بامبرز ..لانه ناشف وحجمه حلو ماينتفخ11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
انى كنت انقع روحى بي سافلون وديتول زين سيدة طاح لى بسرعة

وموفقة يا الغالية واى سال انى حاضري خيواا

مشكورين حبيباتي وجزاكم الله الف خيررر

للرفع

1- عدد الرضعات والفتره بين كل رضعه واخرى لمده 3 شهور؟
ماأقدر أحددلج عدد الرضعات على حسب الطفل نفسه والفترات كل ساعتين بالكثير بس إذا شفتي الطفل جوعان يعني ماشبع..

2- كميه الحليب (الملعقه مضافه الى سانتي ماي يعني الكميه بالضبط؟
عندج المرضاعة الصغيرة لأول الأشهر يعني حطي ملعقتين من الحليب وبعدين حطي الماي 2ملي شوفي أنا استخدمت لليهال حليب"نان" فعلى حسب الحليب اللي تستخدمينه ومكتوب عندج على العلبة الكمية..

3- هل تستخدمين منقوع التمر ( المريس ومن اي عمر؟
أي حبيبتي،استخدمته من أول الأيام،هو مفيد للبطن بس لاتكثرين منه..


4- متى تبدأين استخدام الاعشاب لطفلك اليانسون والشمر او النعناع والكميه؟
عادي من أول الأيام لان مايأثر عالطفل لأن أعشاب..


5-هل تستخدمين الماي وكم رضعه باليوم وهل تضيفين لها السكر؟
شي طبيعي الماي مفيد جدا للطفل مب شرط كم رضعه أي وقت عطيه يعني إذا شربتي الطفل حليب بعد فترة عطيه ماي والسكر زين بس مره أومرتين فالأسبوع بس والماي كل يوم وأي وقت..


6-ماهو احسن نوع حليب صناعي من وجهه نظرك؟
الصراحة " نان " أنتي كيفج..


7- كيف تتعاملين معا السره ؟ وبماذا تداوينها وبعد كم يم المفروض تسقط ؟
والله السره أطهرها بأمبي وآيدين الأحمر أنتي روحي الصيدلية وقولي لهم وبيعطونج واااااااااااااايد زين أسبوع عالأقل..


8- كيف تتعاملين معا ختان الولد؟ وماذا تستخديمن له؟
والله ماجربت هههه لأن ماعندي أولاد..


9 - هل قمتي بتحنيك ولدك؟ وماذا فعلتي بالضبط؟
بعد مادري..


10- ماهو افضل نوع حفاظ من وجهه نظرك؟ وماهي مميزاته ؟
بامبرز..


11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
لا والله ماجربت ، جربت الأمبي والآيدين الأحمر وبعد تنقعي بالماي والملح لإن وااااااايد أوكي ييبس الجرح بسرعة ..



وإذا تبين أي سؤال حبيبتي أنا تحت أمرج وإنشاء الله قدرت أفيدج ..

وناسة و الله ...


فديتكم خواتي ..


استفدت منكم وايد ...


:Za_thanx:

مشكوره ام شواخي وراضي عا ربي يخليهم لك..

قصايد نورتي حبوبه

للرفع

1- عدد الرضعات والفتره بين كل رضعه واخرى لمده 3 شهور؟

كل ساعتين

2- كميه الحليب (الملعقه مضافه الى سانتي ماي يعني الكميه بالضبط؟

كنت اعطي ولدي 60 مل = 2 سانتي ماي و2 ملعقة حليب

3- هل تستخدمين منقوع التمر ( المريس ومن اي عمر؟

اي استخدمه حق ولدي من اول ماولدت

4- متى تبدأين استخدام الاعشاب لطفلك اليانسون والشمر او النعناع والكميه؟

استخدمه من اول ماجبته

5-هل تستخدمين الماي وكم رضعه باليوم وهل تضيفين لها السكر؟

استخدمه مره في اليوم او مرتين 1 سم في اليوم واذا حسيت ان فيه غازات وبطنه يعوره اضيف السكر

6-ماهو احسن نوع حليب صناعي من وجهه نظرك؟

نان وهو اقرب حليب لحليب الام

7- كيف تتعاملين معا السره ؟ وبماذا تداوينها وبعد كم يم المفروض تسقط ؟

احط زيت زيتون من اول مايرخصوني من المستشفى

8- كيف تتعاملين معا ختان الولد؟ وماذا تستخديمن له؟

بعد استخدمت له زيت الزيتون

9 - هل قمتي بتحنيك ولدك؟ وماذا فعلتي بالضبط؟

مافهمت شنو يعني؟

10- ماهو افضل نوع حفاظ من وجهه نظرك؟ وماهي مميزاته ؟

في البدايه استخدمت له بيبي جوي لانه كان يسرب لان ألبسه البامبرز وبعد ماكبر شويرجعت للبامبرز مره ثانية

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

لا والله ماستخدمت العسل

استخدمت المره والماي والملح والملحه


والله يعطيج العافيه

نشكوره حبيبتي ام نموري وغسا ربي يخلي لج نمورري

1- عدد الرضعات والفتره بين كل رضعه واخرى لمده 3 شهور؟
كل ما ياع عطيه لانه ها مب دوا ولا شياته عطيه كل ما ياع
2- كميه الحليب (الملعقه مضافه الى سانتي ماي يعني الكميه بالضبط؟
انا كنت احط 3 ملاعق على 120 ml
3- هل تستخدمين منقوع التمر ( المريس ومن اي عمر؟
انا ما عطيته
4- متى تبدأين استخدام الاعشاب لطفلك اليانسون والشمر او النعناع والكميه؟
استخدمت اليانسون اول ما انولد كنت مداومه عليه لانه ايريح معدته
5-هل تستخدمين الماي وكم رضعه باليوم وهل تضيفين لها السكر؟
مرة وحدة في اليوم وان كان وااايد صايح اعطيه بعد اول الشهرين كنت اعطيه ويه السكر بعين خفيت
6-ماهو احسن نوع حليب صناعي من وجهه نظرك؟
S GOLD
7- كيف تتعاملين معا السره ؟ وبماذا تداوينها وبعد كم يم المفروض تسقط ؟
كنت انظفها وانشفها من الماااي واحط عليها بودرة اسمها BANEOCIN
8- كيف تتعاملين معا ختان الولد؟ وماذا تستخديمن له؟
للحين ما اتختن الولد عضوة كان اصغير ع الختان
9 - هل قمتي بتحنيك ولدك؟ وماذا فعلتي بالضبط؟
ما اعرف شو معناتها
10- ماهو افضل نوع حفاظ من وجهه نظرك؟ وماهي مميزاته ؟
ما فيه غيرة البامبرز
11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
مربيه الحمد الله طبيعي كنت وااايد ايلس بالما ي والملح

مشكوره حبوبه واللله يعطيك العافيه

هلا فديتج داينغ بجاوبج على اسئلتج وان شاء الله افيدج

1- عدد الرضعات والفتره بين كل رضعه واخرى لمده 3 شهور؟

انا ولدي اول شهر يشرب 2 سم واعطيه كل ساعتين وقبل لااخلص الاربعين ازيد الرضعه لين 4 سم ونفس الشي كل ساعتين

واذا (( رجع )) بعد الرضعه يمكن يجوع فاعطيه رقمين

:9_33:

2- كميه الحليب (الملعقه مضافه الى سانتي ماي يعني الكميه بالضبط؟

انا اعطيهم حليب سيميلاك وهالحليب تحطين ملعقة لكل 2 سم يعني اذا المرضاعه 2 سم احط ملعقة وحده
يعني لكل رقمين ملعقة

وبعدها استخدمت حليب نان وهالحليب تستخدمين لكل رقم ملعقه..

:9_33:

3- هل تستخدمين منقوع التمر ( المريس ومن اي عمر؟

اعطيه المريس على المغربيه عشان يمشيه بطنه فالليل قبل لينام..

:9_33:

4- متى تبدأين استخدام الاعشاب لطفلك اليانسون والشمر او النعناع والكميه؟

استخدميه من ينولد ال 2 سم واحط ملعقة يانسون او ورقه نعناع او حلوه.. ولاتجبرينه يخلص الرضعه كامله حتى لو رقم

:9_33:

5- هل تستخدمين الماي وكم رضعه باليوم وهل تضيفين لها السكر؟

1 سم الى 2 سم ف اليوم وحطي سكر نبات قطعه صغيره

:9_33:

6-ماهو احسن نوع حليب صناعي من وجهه نظرك؟

سيميلاك
او
نان
او
ابتميل

7- كيف تتعاملين معا السره ؟ وبماذا تداوينها وبعد كم يم المفروض تسقط ؟

انا كنت احط على السره زيت زيتون على كل تبديلة حفاظ وماطولت اقل من اسبوع وفايدة الزيت ان يرطب السر واحسن عشان مايطلع الدم

:9_33:

8- كيف تتعاملين معا ختان الولد؟ وماذا تستخديمن له؟

انا قالوا لي في المستشفى قالوا لي ستخدم ماي وملح بس كان يحرقه وام زوجي قالت استخدم زيت زيتون وبالفعل 4ايام بس والحمد لله

:9_33:

9 - هل قمتي بتحنيك ولدك؟ وماذا فعلتي بالضبط؟

لا

:9_33:

10- ماهو افضل نوع حفاظ من وجهه نظرك؟ وماهي مميزاته ؟

بامبرز ..لانه ناشف وحجمه حلو وجوده

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟

لا .. استخدمت زيت زيتون لترطيب الخياطة و مع كريم ميبو الصراحه فضيع


الله يهون عليج وتولدين بالسلامة ان شاء الله

1- عدد الرضعات والفتره بين كل رضعه واخرى لمده 3 شهور؟

كل ساعتين او ثلاث ساعات وتبدا تزيد عد الرضعات كل ما كبر وحتى لو كان راقد توعينه يرضع

2- كميه الحليب (الملعقه مضافه الى سانتي ماي يعني الكميه بالضبط؟[/COLOR

اولا يفضل الطبيعي
كل 2سم ملعقة واحدة بس اهم شي مايكون ثقيل عشان ما يصيدها امساك


[COLOR="red"]3- هل تستخدمين منقوع التمر ( المريس ومن اي عمر؟
اكيد ضروري
من بعد الشهر ويكون بمقدار فنجان القهوة
والطريقة انج تجيبين تمرتين في نص كوب ماي كبير وتفورينه شوي وبعدين تجيبين شاش عشان تشخلينه لان الشاش يصفيه واايد وتحطينه بالرضاعة



4- متى تبدأين استخدام الاعشاب لطفلك اليانسون والشمر او النعناع والكميه؟
عند الامساك او الغازات والكميه شوي قد اصغر رضاعة


5-هل تستخدمين الماي وكم رضعه باليوم وهل تضيفين لها السكر؟

نعم بس بدون سكر على كيفج الكمية بس بدون مبالغة


6-ماهو احسن نوع حليب صناعي من وجهه نظرك؟

سيميلاك و26

ليتك معي اسعدني وجودك وردودك دمتي اختا طيبه وفقك الله لما يحب ويرضى
مشكوره حبوبه توم توم الله يهون عليج يارب ويرزقج احلى بيبي بالدنيا

عدد الرضعات والفتره بين كل رضعه واخرى لمده 3 شهور؟
انا ارضع بنتي صناعي وبين كل رضعة ثلاث ساعات
بس اذا حسيتها عطشانة قبل الموعد المحدد اعطيها عادي

2- كميه الحليب (الملعقه مضافه الى سانتي ماي يعني الكميه بالضبط؟
مكتوب ( الغالب ملعقة لكل 60 مل)

3- هل تستخدمين منقوع التمر ( المريس ومن اي عمر؟
عادي من البداية
انا استخدمته لبنتي بعد الاربعين.

4- متى تبدأين استخدام الاعشاب لطفلك اليانسون والشمر او النعناع والكميه؟
صراحة للحين ما استخدمت ليها الا المرقدوش والملوبيا

5-هل تستخدمين الماي وكم رضعه باليوم وهل تضيفين لها السكر؟
انا اعطيها قبل كل رضعة قطرات ماي وبعد الرضعة بعد نفس الشي
اضافة الى رضعتين من 40 مل ماء يةميا وهذا وايد زين حق يمنع الامساك

6-ماهو احسن نوع حليب صناعي من وجهه نظرك؟
انا استخدم سيملاك

7- كيف تتعاملين معا السره ؟ وبماذا تداوينها وبعد كم يم المفروض تسقط ؟
انا كنت استخدم الكحول والبودرة اللي عطوني ايها المستشفى
وطاحت سرة بنتي بعد 5 ايام

8- كيف تتعاملين معا ختان الولد؟ وماذا تستخديمن له؟
ما عندي خبرة

9 - هل قمتي بتحنيك ولدك؟ وماذا فعلتي بالضبط؟

10- ماهو افضل نوع حفاظ من وجهه نظرك؟ وماهي مميزاته ؟
اكيد بامبرز

11- واخيرا سوالي بخصوص االام هل قمتي باستخدام العسل لمداواه الجرح والخياطه؟ وهل استفدتي من ذلك والالا؟
لا ما اقدر افيدش بهال خصوص

انشا الله افدتش

فدوووووووك تصيح باقوم الها

هلاوغلا الغاليه ام فدوكه.. الله يخليها لج يارب ويرزقج البنين والبنات .. افدتينا جزاك الله الف خيرر ..