تجمع لمن ترغب فى تنظيم الحمل وتاخيره....

يا بنات عايزين تفاعل

هلا اختي

انا استخدمت اللولب والحمد لله مرتاحة منه

بس في شي أعاني منه وهو كثافة الدورة الشهرية وطول مدتها

فاستشرت الدكتورة وعطتني حبوب آخذه وقت الدورة لمدة ثلاث شهور

وان شاء الله ترد مثل قبل وأحسن

السلام عليكم

انا ركبت لولب والحمدلله مرتاحة

أول شهر كان متعب شوي تنزل عليه قطرات دم

وأول دورة كانت كثيفة شوي بس ما طولت خمس أيام

وألحين الحمدلله مرتاحة

عندي ولد وبنت

ومأجلة موضوع الحمل لمدة خمس إلى ست سنين

لأني جبتهم ورى بعض وحابة أرتاح كم سنه ان شا الله

مشكورين احلى شوق ورميثيه على التفاعل والافاده

انا وزوجي نستخدم الواقي الذكري .. انا مرتاحة معاه كثير ... ولا اتذكرت الحبة ولا فيه نسيت الحبة
وما يعمل تساقط شعر ولا زيادة في الوزن ولا عصبية .... استخدامه وقتي .. ومريح
ولا قاعدة احس باي شي من الي يقوله النساء ... ولا حتى زوجي في عنده مشكلة معاه ....

ناوية ان شاء الله اخلي فرق 3 سنوات بين عيالي .. وما اعتقد اني باجيب اكثر من 3 ..

انا بعد حابة انضم لكم :21_11:


انا عندي اولاد اثنين .. الكبير عمره 3 سنوات و8 اشهر تقريبا ، والصغير بعد اسبوعين يكمل السنة ان شا الله ..

الفرق بينهم سنتين و8 اشهر :o

حملت به بدون تخطيط وكنت اتمنى الفرق يكون اكبر بينهم لكن قدر الله وما شاء فعل ..

استخدمت كذا مانع للحمل بعد ولادتي الاولى اضافة الى طريقة العزل ::

استخدمت حبوب منع الحمل وما ناسبتني ابدا ،، جربت نوع ثاني كان مخفف ونزلت الدورة قبل موعدها وانا ما زلت استخدمه فقررت اني اقطعه ..

جربنا الواقي الذكري وسبب لي التهابات وقطعناه ..

وبعدها تمينا على طريقة العزل لوحدها ونجحت معانا الى ان حملت بدون تخطيط لما صار عمر ولدي سنة و11 شهر - سنتين تقريبا (w)

وبعد ولادتي بولدي الثاني فكرت في طرق ثانية لمنع الحمل ،، اول شي طرأ على بالي طريقة الابر لكن لما رحت المستشفى وقلت للدكتورة قالت لي ما انصحك ابد بالابر والافضل انك تستخدمي حبوب منع الحمل لكني رفضت وقلتلها عن اسبابي ، قالت لي ركبي اللولب قلت لها بفكر .. وفي البيت قلت بسوي سيرج عن اللولب وقرأت عنه معلومات وقرأت سلبياته وتخوفت شوي ولما خبرت زوجي قام هو بعد وسوي سيرج مطول عن اللولب وبعدها هو رفض اللولب رفض قاااطع ..

والحين بنكمل السنة على طريقة العزل وللحين ماشي حالها والحمدلله ،، واتمنى ان نأجل الحمل لمدة 5 - 6 سنوات او الاقل 3 سنوات اذا صار خاطري في بيبي ثالث ..

وهذا طبعا لان عندي اولاد اثنين .. لو كان عندي ولد وبنت يمكن ما فكرت في الحمل والولادة والتربية من جديد واكتفيت باللي عندي لكن انا خاطري وزوجي بعد خاطره في بنوتة وان شاء الله الحمل القادم الله يرزقني ببنت ونوقف خلاص :21_178:


طبعا هذا كله تخطيط .. لكن المكتوب لنا هو اللي راح يصير :9_28:

السلام عليكم و رحمة اللـــــه و بركـــــــاته..
موضـــــوع مفيد اختي maro تسلمين ..انا صـــــارلي متزوجـــة 6 شهـــــــــور و مخططين ناجــــل الحمل سنتين ان شاءاللــــــه و هـذا بسبب ظروف دراستـــــــــي و ظروف عمــــــل زوجي اللي مخليـــه بعيد ..و نحن نستخدم طريقـــة العزل الطبيعـــــي و هذا لاني ما اطيق شي اسمه ادوية مـــــــــــالها داعـــــي و تعب كـــــلى و كبد و الاثار الجانبية و هالسوالف اللي تجي من الادوية بشكل عـــــــام و خصوصا انه ما عندنا اطفال و ان شاءاللـــــه الله يرزقنــــــــا و الحمدلله ما في شكوى ..وفي الاخيـــــــــر المكتوب هو اللي بيصير ..

انا بعد حابه انظم معاكم انا كنت مركبة لولب واللولب اول ماركبته نزل علي دم غزير والدكتورة عطتني حبوب لمدة 3 شهور وبعدين اتركه في البداية صارت تجيني الدورة 12 الى 14 يوم وبعدين خفت صارت 8 ايام وغزيرة
من قبل لا اركبه ماكانت تجيني الالام قبل الدورة ولما ركبته صارت تجيني بقوة
اللولب ياامهات يبي له متابعة كل 6 شهور وفحص لان الخيط حق اللولب يتوسخ بدم الدورة والافرازات مما يسبب فطريات والتهابات
تميت مركبته خمس سنوات وبعدين شلته ولازم تشيلينه ومعاكي الدورة اسهل انا الحين حامل قريب بولد ان شاء الله على خير وماافكر فيه مررة ثانية ابدا

انا استخدم العازل بس مو عاجب زوجي
و ناوية انطر تكمل بنتي سنتين قبل لا احمل مرة ثانية عشان اكمل الرضاعة و و احج
بس زوجي شكلة راح يمل من العازل مدري شسوي

اهلا بيكم حبيباتى انا افضل طريقه العزل امنه الى حد ما وغير متعبه
وفى الاول والاخر الى ربنا كتبه بيكون بحمل او منع حمل بس احنا بنجتهد مش اكتر
منتظره باقى تجاربكم المفيده

انا ودي اسأل الي يتبعون طريقة العزل الطبيعية
انا استخدمتها فترة بس خفت ورديت هونت عنها

لاني اسمع كل ناس لهم كلام غير وتاريخ مختلف.. ممكن تقولوا لي شنو الايام بالضبط وهل كل وحده تختلف عن الثانية حسب دورتها والا الكل نفس الشي؟؟

السلام عليكم انا حابة انظم لكم انا عندي بنت وصارلى سنة اكل حبوب منه الحمل والحمد لله ولكن في الام بسيط عندي ....انا ما ابي احمل مكتفيا ببنتي والحمد لله بس زوجي يمكن واكيد يفكر يبي ولد ولكن انا ما افكر بالانجاب الا اذا صار عمر بنتي خمس سنوات ان شاء الله ..حبة اسالكم شو طريقة العازل اذا امكن اسمحولي غشية بالهسوال رغم اني متزوجة وعندي بنت ههههههههههههههههههههههههههههه.اتمنى ما تبخلون على بالطريقة .

اخواتى هناك طريقه العزل وهى القذف الخارجى خارج المهبل
وطريقه العازل الطبى او الواقى الذكرى
وطريقه العد وهى ان تعد الزوجه ايام التبويض وتتجنب الجماع فيها وتختلف الايام من واحده لاخرى

انا استخدم طريقة العزل لمنع الحمل ،، وهو ان القذف يصير خارجي على طوووووول يعني ما في ايام معينة القذف فيها يكون داخل المهبل .. وادري ان المسالة متعبة للرجل لكنها من ناحية أأمن طريقة لمنع الحمل

هذا الموضوع اللي متعبني

لان صعب على الواحد يرتبط بشي معين

واذا انا اقتعت بشي زوجي يرفضه

انا ما ودي غير اكمل دراستي عقب اذا حملت مب مشكلة

تسلمون على الافادة وجراكم ان شاء الله الجنه .

جربت طريقة العد وايام التبويض وفشششششششلت
فشل ذريع لأني حملت على طول مع ان بنتي اصغيره
فبعد ولادتي هالمرة ان شاءلله راح استخدم طريقة العزل
الطبيعي واذا بكيفي ناوية أأجل الحمل لخمس سنوات
يكونون عيالي اكبروا ودخلوا الروضة على الأقل،،

مشكورين على التفاعل والافاده

انااستخدم حبوب ياسمين وهي متعبتني بالغثيان والي تعرف احسن منها ياليت تقوووولي لان ولادتي كانت قيصريه ولازم اريح شوي