تجمع لمن ترغب فى تنظيم الحمل وتاخيره....

سلام انا عندي ولد عمره سنه وثمانية اشهر وطبعا استخدم الحبوب اللي هي حبوب ياسمين ..... استخدمتها لمدة سبعة اشهر ثم عملت فترة راحة شهرين استخدمت فيها انا وزوجي العازل الذكري والان لي شهر تقريبا رجعت للحبوب وانا مرتاحة معاها جدا وابغي أؤخر الحمل كمان سنه وبعدين احمل بس عندي استفسار هل الحبوب صحيح تسبب عقم وهل ممكن تضرني اذا استخدمتها لوقت طويل او بالشكل اللي انا اعمله بأني اخذ فترة راحة منها؟؟؟؟ ارجوكم افيدوني جزالكم الله خير

أنا وزوجي نستخدم الواقي الذكري ومرتاحين منه
اهم شي مافيه مضاعفات ولا كأنه فيه عازل ...
وناويه أأجل حملي سنتين على الأقل علشان أريح وأحج

عاشقة المستقبل..حبيبتي شو نوع الواقي الذكري اللي تستخدمونه؟؟ وكم صار لكم تستخدمونه؟؟

هلالالالالالالالا والله بالامهات

بالنسبة لي انا متزوجه شهر 6 / 2004 وعقب شهر واسبوعين حملت ... (حار بحار)

لاني كنت ارضع 8 شهور ما يتني الدورة وخلال هاي الفترة كنا نستخدم القذف خارج المهبل ..

وعقب ما قطع الرضاعه الباشا محمد بشهر يتني الدورة والشهر الي عقبه حملت يعني الطريقه فشلت والمانع كان الرضاعه ..

فالحمل الثاني خلال ال 9 شهور كنت افكر شو ممكن استخدم عشان المرة الثانيه ما اطيح في نفس الخطأ (الناس يفكرون فالبيبي خلال فترة الحمل وانا افكر في شي ثاني)

فكرت في العزل مرة ثانيه خفت اجازف

فكرت في العد خفت اخطأ او ما انجح

فكرت فالحبوب خفت من المضاعفات وزياده ا لدورة

فكرت فالرغوة صديقتي ما نصحتني لانه وايد اخرلها الحمل قريب السنه ونص

وفالنهاية فكرت في العازل خفت من الالتهابات لكن زوجي قال خالنجرب اذا سوالج التهابات نتركة وجربته والحمدلله ماشين عليه الين الحين وان شاء الله نستمر 3 سنوات يايه .. بس صدقوني الرياييل يملون ترا ويتلهفون للطبيعي ...

حبيبت... نفسها;4902103:
الاخت: ريحانتي...
انا كنت استخدمه ...
بس انت اذا استخدمتية كم الوقت تجليسى بعدها؟
وايش قصدك باي وقت مو الانتظام عليها؟
وكم جلستي بعدها وحملتي؟ أنا جلست 6 شهور

معليش عورت راسك بالاسئلة

شكرا

انا استخدمته بعد ولادتي والحين مالي رغبه بالحمل لــ 4 سنوات :wink:
واذا استخدمته اجلس للصباح ما اغسل مثل ما هو مكتوب بالنشرة..
يعني ما انتظم باستخدامها .. مو مثل الحبوب لازم انتظام وبالوقت
.. هذي مثل العازل تكون..يعني استخدمها مرة والمرة الثانيه
استخدم العزل..او العازل مع انه سبب لي التهابات..
بس خوفتيني اختي انك جلستي مدة 6 شهور وما حملتي:confused:
يعني احتمال يسبب عقم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع انه الدكتورة قالت ما منه ضرر بس خوفتيني بصراحه!!!!!!!!!!!(n)
بسألكم حبوبااااااااااااات..
ايش انواع الواقيات الذكريه للي يستخدمونها
وما سببت لهم التهابات او افرازات باستخدامها!!!!!!!

حلو الموضوع
انا في البدايه استخدمت العزل بعدين زهقنا منها
والحين استخدم حبوب منع حمل بالاضافه الى الواقي الذكري
يعني عشان مايزهق بو محمد لازم شوي نضحي
والنوع الي استخدمه اسمه ياسمين وايد مريح ولا يغير في الوزن شي وصفته لي دكتوره في المشافي وصار لي سنه استخدمه وشكلي بمشي عليه لين يصير عمر ولدي 5 سنوات

انا استخدم مارفيلون حبوب مين تعرفه

انا استخدم الحبوب احسها افضل من الباجي مااتخيل شكلي حاطه لولب ونازل منه خيط لوووووووووووووووول اخاف


وانا استخدم ياسمين وعندي بنت وولد والحمدلله وقل لن يصيبنا الا ماكتب الله لنا

مشكوره أختى على دا الموضوع لأنى يدوب ولده من خمسه وثلاثين يوم اول ولد ومحتاره فى استخدام الوسيله فكرت فى اللولب بس الأخوات خوفونى كده والحبوب انا نسايه مش عرفه اعمل ايه لانى مش عيزه اخلف دلوقتى لما اشد حيلى وابنى يكبر على الأقل سنتين ياريت حد يدلنى أعمل إيه من فضلكم.

هلا بكم خواتي

انا الصراحه بافيدكم وباأخوفكم بنفس الوقت


بالنسبه للعد ماتنفع لاني انا وحده مايصير الحمل عندي او التبويض الا على جيت الدوره الثانيه

واللي ياكدلي اني بحملي ادخل الشهر العاشر احياناً اسبوعين واحيانا ثلاثه طيب

يعني يبغي لي بالعزل على طول اوت

ثاني حاجه الخوات اللي مستمرين على الحبوب ثلاث وارع سنين ابانصحهم نصيحه لوجه الله
بنت عمي استخدمت حبوب لمدة خمس سنوات متواصله وفجأه طاحت على زوجها منتهيه قال خلاص

المره ماتت ومقله للمستشفى وعلى طول دخلوها للانعاش لنا ولكم فال السلامه وبعد التحاليل والاشعه تبين عندها جلطه بالرئه بعد اسبوعين يالله تحسنت حالتها والحين الطبيب مخيرها بين امرين ياتستمر على الابر مدى الحياة وانتوا تعرفون الحبوب ومشاكلها من نزيف وغيره او ربط الرحم لانه مستحيل انها تحمل بعد كذا لخطورة حالتها ولانه في حالة الحمل مجازفه بحياته لانه بيسبب لها جلطه ثانيه وثالثه لاقدر الله

وهي توها بعز شبابها يادوب ماكملت 30 سنه شفتوا اشلون ان ربي له حكمه في ان المرضع حدد لها سنتين فقط لتربية طفلها وبعد كذا مايجوز لها تمنع عطية الله ابد وهذا سمعته من عدة مشائخ علم

النقطه الاخيره واللي انا جربتها هي بعد ماجبت بنتي نجلاء الله يبارك فيها رضعتها لحد 6شهور طبيعي

وبعدين وانا ارضعها جاتني روعه على ولد بنت اختي متوفي وسبحان الله الحليب ماعاد فيه نشف مره

فااعطيتها الصناعي وبالموت تعودت عليه وجاتني الدوره واخذت خمس انواع من الحبوب ومافي شي ناسبني منها
فاتكلت على ربي واستخدمنا هذى الرغوه وسببت لي التهابات شديده والله معاناه

استخدمنا العزل فتره والرجال بعدها مل وماتحمل فاستخدمنا الواقي وبتضحكون على لا قلت لكم انا اللي

ماقدرت اتحمله تلوع كبدي من اشوفه مادري شعور غير ارادي الله لايوريكم

قلت اقول ياولد ماقدامي الا اللولب

قال كيفك
المهم واروح لطبيبتي الخاصه واشرح لها الوضع كلها قالت لي ابشري بالخير فيه لولب توه نازل ومن حسن حظك لانك اللولب العادي مايناسبك
اي نسي لاقولكم اني من قبل ركبت مرتين اللولب العادي وسبب لي نزيف ونزل دمي لاست درجات الله لايبلاكم

ويوم قالت لي كذا والله العظيم ان ودي احظنها واطير فيها قالت هاا ترى بس في حاجه قيمته غاليه شوي قلت والله لو هو ذهب شاريته شاريته

المهم ارتاح شوي و.. قالت لي الحين مو متوفر عندي روحي للصيدليه الفلانيه تلاقينه عنهم واسمه مارينا

والله واتروح اختكم واتجيبه وطلع سعره ب600 ريال واخذه وارجع لها واتركبه لي

والحمد لله لانزيف ولا تعب ولاهم 5سنوات وشلته والله اني كنت ناويه اخليه ازياده سنه بس اختي الكبيره

خوفتني من عذاب الله وقطع النسل وان هذا مايجوز وقمت دخلت على قوقل وعملت بحث في الفتاوي

والله طلع كلامها صحيح وان هذي تعد معصيه لله سبحانه وتعالى واحنا كنا مصرين عليها

فكيف بنا لو انزل الله علينا ملك الموت ونحن مصريم على معصيتنا فكيف سنقابل ربنا

والله واستخرت ورت شلته عاد قبلها كنت عند نفس الدكتوره للمتابعه وقلت لها في مانع اني اخليه سنه ازياده
قالت لا سنه كثير لكن 7شهور 8معقوله اكثر مو من صالحك وبدور الاسبوع لقتني قدامها قالت لي خير قلت لها بشيله خلاص قالت سبحان الله وش غير رايك واعلمها بالسالفه قالت الحمد لله بنتك الحين 7 سنوات احمدي ربك قلت الحمد لله

وخلاص انتهت السالفه



>> كاتبه قصة حياتها هههههه

[GRADE="00008B 808080 008000 4B0082"]انا وزوجي نستخدم الواقي الذكري .. انا مرتاحة معاه كثير
مشكوووووره عالمووووووضوع الرئع [/GRADE]

انا عندي اولاد اثنين .. الكبير عمره 3 سنوات و8 اشهر تقريبا ، والصغير سنه وشهرين تقريبا ..

الفرق بينهم سنتين و7 اشهر

حملت به بدون تخطيط وكنت اتمنى الفرق يكون اكبر بينهم لكن قدر الله وما شاء فعل ..

استخدمت حبوب الرضاعه كمانع للحمل بعد ولادتي الاولى مع الرضاعة المنتظمة لمدة سنه و9شهور بعدها جات الدوره واستمر معي نزيف مده شهرين وقفت الحبوب وجربت طريقة العزل لكن مافادت حملت
ناويه استمر على الحبوب 3سنوات عيوبه العصبيه احيانا والتوتر

انا بعد بانظم معاكم انا حاليا ماستخدم شي استخدمت حبوب منع الحمل وبديت احس بالام غير طبيعية بالرحم ومادري ليش يمكن لان ولادة قيصرية او ان الدواء لة اعراض

اولا السلام عليكم وثانيا كيف الحال ان شاء الله بخير دوووم وثالثا انا عندي خمس اطفال وسادس قرب ينولد ويحفظه ربي بالخير وصحه الاوله 10 وثانين توام ولد وبنت 7 والرابعه6 والخامسه 1 ونص وابدا مافي مانع اول شي جربت الحبوب وتخليني عصبيه وتنيمني وجربت اللولب اول شي كان زين طبعا كثرة الدوره بساللي مريحني كان داخل رطب بكثره وهذا مريحني والمشكله الكبيره الدسك
وفكرت اربط وخلاص كذاتعبت من الاطفال وتربيتهم صعبهوالحمدالله على عطى الله وخبريني نتيجج

maro;4674783:
انا مؤمنه ايمان كامل ان الله لو اراد الحمل هيكون لدرجه ان واحده من اقاربى عملت تعقيم اى اصبحت عقيمه ومع ذلك حملت فبلاش نضر انفسنا بادويه وحبوب وحقن لمنع الحمل ونكتفى بالمنع بالطرق الطبيعيه افضل

وانا رايي من رايها لاني وحدة خوافة وما استعملت شي وعندي خمسة وجبتهم ورى بعض وكل من شافني يقولي ما يبين عليج حرام جيه وكلام وايد يغث وانا حدي مستحية والله كريم والحمد لله على كل حال

رميثية;4642944:
السلام عليكم

انا ركبت لولب والحمدلله مرتاحة

أول شهر كان متعب شوي تنزل عليه قطرات دم

وأول دورة كانت كثيفة شوي بس ما طولت خمس أيام

وألحين الحمدلله مرتاحة

عندي ولد وبنت

ومأجلة موضوع الحمل لمدة خمس إلى ست سنين

لأني جبتهم ورى بعض وحابة أرتاح كم سنه ان شا الله

هلا اختي رميثية

انا مثل حالتج

عندي بنت وولد وركبت لولب من شهرين


والحمدلله مرتاحة منه وايد

الحمدلله وشكر اولا انا ربيت بالعمليه القيصريه اقل شي على كلام دكتورة لازم سنه ما احمل عسب الحرج يلتئم
وانا دعين ربي 3 سنوات ما احمل عمر ولدي الحيت تقريبا 11شهر العمر كله يارب
واستخدم حبوب اسمها سيزرت والحمدلله مرتاحه معاها وارضع طبيعي والدورة اخر مرة يتني قبل 5 شهور
وان شاء الله ناوية استمر على هالحبوب
وريلي قال للدكتورة انا اخاف على حرمتي من الحبوب ان تضرها اجيب لها امراض بالمستقبل لاسمح الله (بعيد الشر عني) وطلب منها تحط لي لولب وانا بصراحه خوفي ولا حد يقرب على منطقه هاذيج عندي فوبيا خخخخخخ والله جد انا خوافة حدي
المهم الدكتورة طمنت قالت هاي احسن نوع وماتأثر ان شاء الله بس قالت انتبه لاتدخن جنبها لان زوجي يدخن سجاير لان الحبوب هاذي مع التدخين الله يعافينا يجيب الخبيث(بسم الله علي) وهو هني خاف اكثر لان 24 ساعه يدخن الله يهديه ومش خايف على نفسه هههههه الظاهر خبرتكم قصة حياتي

ريحانتي;4758551:



هذي صورة الرغوة المانعة للحمل..مالها اي اضرار جانبيه..
لكن يجب استخدامها بالطريقة الموضحة بالنشرة
واتباع التعليمات بدقه..
استخدامها باي وقت مو شرط الانتظام عليها..
انا استخدمها بوصفه طبيه..

ياااقمر انتي عندك اطفال ولا تسخدميها في اول الزواج
لانه انا مااابي احمل اول سنه والعزل صعب :o

مشكورات جميعا

موضوع روووووووووووووووووووووووعه ..

انا جبت ولد واستخدمت حبوب جينيرا 6 سنين وملرتاحه لاني كنت ادرس صدق عصبيه بس ماحملت ..

بعدين تركتهم وحملت ببنتي وجبتها بقيصيريه ...المهم رجعت استخدم جينيرا بس مو كل مره تسلم الجره هالمره ماناسبوني وحملت وبنتي عمرها 4 شهور بس ...ااااااااااااااااااخ وحالتي الحين حاله مدري شسوي الحين بالشهر الثامن وخاااااااااااااااااايفه مدري ليش ماناسبوني معقول بسبب العمليه ؟؟؟