خطيبي هدني ... ادعولي بالصبر

وحشتوني

صار لي فترة بعيدة عنكم وعن المنتدى .... والله ما اقصد.... بس نفسيتي تعبانة وايد

انا احب خطيبي وامو عليه
واستوت مشاكل عائلية وخطيبي ما تحمل ... وانا حاولت وحاولت وترجيت ودعيت (واكيد غلطت في شي لان الله ما كتب تستمر الامور)

الحين كل شي انتهى، خطيبي .... اللي كان خطيبي .... ما يرد علي ابدا ولا يريد يكلمني ابدا واهله شلوا ايدهم واهلي غسلوا ايديهم

وانا اللي كلت السالفة وطاحت براسي

خسرت حبي .... ضاعت احلامي ... اللهم اجرني خيرا ورضني بما قسمت يا رب


الحين وايد خايفة ما انساه ... خايفة اتم احبه وما اقدر افكر بحد غيره
تخيلوا اعرس وما احب ريلي واتم اقارنه بخطيبي السابق؟ الاسوا اني ما اقبل ارتبط بحد لانه خطيبي السابق ما شاء الله كامل والكمال لله وحده غير اني اموت عليه

معقول ما اعرس طول حياتي؟ يا ترى الله بيقسم لي احب وانحب واعرس وانسى خطيبي؟

ادعولي
الله يرده لي ويجعله نصيبي (مع ان الامل تقريبا معدوم، لكن الله قادر على كل شي)
او الله ينسيني اياه تماما ويرزقني نصيبي عاجلا ويرزقني احبه ويحبني

انا حاسة بوحدة فظيعة .... الله يوفق كل المتزوجات ويتمم بخير لكل المخطوبات ويرزق كل البنات يا رب