خطيبي هدني ... ادعولي بالصبر

كل إنسان ما ياخذ إلا نصيبه من هاذي الدنيه والله ما سوه جذي إلا عشان مصلحتك يمكن كان بتغير بعد الزواج وتصير بينك وبينه مشاكل من جذي الله بعدك عنه عشان تاخذين واحد أحسن ومسألة النسيان مسألة وقت وبتنسين وبتتزوجين وكل شي بصير من الماضي والله ما يسوي شي إلا فيه الصلاح إلى عبده عليك بالدعاء وشكر رب العالمين

مثل سالفة أختي بالضبط..

أخته عفست الموضوع وهو يا غافلين لكم الله ...

الله يعوضكم خير وييسر لكم ..

والله يا اختي لا تندمين ولا تتحسرين الا جايبة بيجيب غيره وأحسن منه بعد..

وأهله حسابهم على الله..

شوفي الظاهر إنتي تركتي كل شيء في حياتج وتفرغتي له .. تركتي أخواتج وأهلج ونظام حياتج من شغل أو دراسة وكنتي وياه 24 ساعة ع الخط .. لها السبب تحسين بالوحدة


ردي إملي حياتج .. وردي سوي كل شيء كان يمنعج عنه .. وشوفي إنج بترتاحين وبينشغل بالج ,, ومسألة إنج ما بتتزوجين أو إنج بتظلين تحبينه بتضحكين عليها بعدين غيرج قضى سنين حب وفي النهاية ضحك عليها ...


والله يوفقج

الله يكتبلك الي فيه الخير.

البنات ما قصرو

جزاهن الله كل خير

و عوضكي اختي بأحسن منه

الحياة لا تتوقف بغيابه

و لا حياته هو ستتوقف

فكوني أكيدة انك تستحقي الحياااة و الحب و السعادة

و الحياة اذا انحصرت على شخص وحيد تضيق بنا السبل الى الخلاص اختي

الله يعوضك خير ياا رب

او

الله يرجعه لك و الله مثل ما جمعني بخطيبي بعد المستحيل ..........................!!!!!

يجمعك به الله بعد المستحيل............!!!

الله على كل شيء قدير

امين يارب اامن على دعاء ليند ا الجزائريه كيف حاللك وكيف فراشة القناديل

الله يكتب لك الي فيه الخير

وعســــــــى ان تكرهـــــوا شيئا وهو خير لكـــــــــــــم

الله يجزيكم الخير كلكم والله انكم خففتوا عني وايد

انا من خاطر احس انكم خواتي وقلبكم علي الله يخليلنا منتدانا اللي يجمع قلوبنا على قلب واحد

الخوات اللي نصحوني احاول معاه محاولات اخيرة، انا الصراحة حاولت وايد لكن هو ما يستجيب
اولها كان متردد وبعدين بدا يتهرب مني

(اونه يقولي انتي تنازلتي وايد علشاني وانا ما اباج تخسرين حياتج، عيشي على اني مب موجود واذا الله كاتب لنا نصيب بنتجمع، بس عيشي حياتج واذا ياج نصيب تزوجي، وبعدها امتنع انه يكلمني او يشوفني)

ما ادري احس يا انه عنده مشكلة (اهله او الشغل او شي انا ما اعرفه) او انه خلاص على كثر المشاكل عافني وما يباني
اخاف ارد احاول وما يكون نصيبي واضيع وقت اكثر واخرب على عمري وما انساه بسرعة


تحليلكم وايد واقعي، انا فعلا فترة المشاكل تمسكت فيه وايد وتركت كل شي ثاني وتنازلت عن وايد امور ويمكن هذا يزيد المي الحين اني حاولت من خاطر لكن سبحان الله، الله ما كتب نستمر


الحين ادور شغل يديد يشغلني اكثر وباحاول اطلع نفسي من جو العزلة شوي.
خليكم وياي خواتي، ادعولي الله ينسيني ويعوض علي، او يردلي اياه محب ومتمسك

والله ما لي غيركم الحين

اهلي وربعي وكل حد غسل ايده والناس تعرفون في هالمواقف شعورهم شفقة او شماتة لكن سبحان الله ماحد يساعدج

بارك الله لكل من دعتلي وبتدعيلي ووفقها في حياتها واحلامها واحسن خاتمتها
الله يجمعنا كلنا في جنانه ان شاء الله

[COLOR="seagreen"][COLOR="SeaGreen"][COLOR="[COLOR="SeaGreen"]DeepSkyBlue"]فديت روحج والله

انا مريت بنفس حالتج تقريبا

هو انفصل عني بسبت اطباعي واهله الله يسامحهم

واحمدي ربج انه انفصل عنج وما جرحج نفسي .. ويوم كنت اباه يوقف معاي ما وقف ... بس بعدني احن له .. واضغط على نفسي .. يلا الحمدلله على كل حال

وعقب هذا كله قمت احن له وايد

وحاسه فيج والله

بعدني احن له .. بس امي شلت عني التلفون .. ويوم اسير ادرب الصيدليه انساه تقريبا ..

بس يوم ايلس اروحي واااايد احن له واتذكره واتذكر كلامه

حاولي تشغلين عمرج ولا تيلسين اروحج وايلسي مع اهلج ربيعاتج اي شي .. ضيفي حد من المنتدى وسولفي معاهن
قمت جي اسوي ( ترا شي بنات سوالف ويبربرن وايد مايسكتن <<<< لا تصدقن عماركن وايد ولا تزعلن)

الله يسهل علينا يا رب

ويعوضنا باخير منهم

ويصبرنااااااااااااا

آآآآآآآآآآآآآآآمييييييييييييين يا رب[/COLOR][/COLOR][/COLOR][/COLOR]

ربنا ينولك اللى تتمنيه ويجمع شملكم أ ويعوضك خير ا منه

يووه والله ربنا يكون بعونك اذا غلطتي حاولي معاه رغم انه بعد الي حصل يعني صعب الاهل يرجعو مثل قبل بس انا الله على كل شي قدير وان شاءالله ربنا يوفقك بلي خير لك

حبيبتي كثري من الصلاه والدعاء وبخاصه فصلاة الفجر

وان كنتي غلطتي بحقه اعتذري له وادعي انه الله يحنن قلبه عليج

والله ان شالله راح يكتب لج اللي فيه الخير

دعواتي لك بالتوفيج ان شالله

الله يكتبلك الي فيه الخير.... اللهم اجرها في مصيبتها واخلفها خيرا منه

وعسى ان تكرهو شيئا وهو خير لكم صدقيني باجر بييج اللي احسن منه والله بيعوضج ان شالله وبتقولين الحمد لله ما خذته