jassylovly;4377362:
هاي حوامل ولا اقولكم
لاسلام عليكم ورحمة الله وبركاته
عاملين ايه
النتيجة طلعت سلبي حسيت اني متضايقة بس الحمد لله
خيرها في غيرها وبالنسبة للكلام اللي قولتيه يا ماهي انا اقتنعت خلاص لما يحيى يبقى سنة كده اشيل الجهاز واول ما ربنا يريد افطمه
بالنسبة لتجهيزات البيبي
انا جبت له فانلات بكم ونص كم وحملات
سلوبتات بس في حاجة مهمة يا بنات
هاتوا مقاس اكبر لان فعلا البيبي بيكبر بسرعة يعني يويو عنده اربع شهور وماشاء الله نزلت اشتريت له هدوم تاني وفانلات تاني
جلاليب
بافتات
واوعوا تقعوا في غلطي ادوا اولادكم ببرونة ( للاعشاب )
لان حيجي عليكي وقت حتحاجي تديله ببونة في الخروج يعني لما يبقى عنده حوالي 3 او 4 شهور فلو ما اتعودش عليها من او ما يتولد جيدوخك زي ما انا دايخة انا لحد دلوقتي مش باعرف اخرج بيه بس لما تديله الاعشاب ماتحليهاش خاااااااااااااااااااااالص واكرر خاااااااااااااااااااااااااااالص لو عملتي كده من اول مايتولد باذن الله حيتعود
والسكاته او التتينة برده اديها له حتحميه من الترجيع يعني اول ما يخلص رضاعة اديها له حتساعده على الهضم ودي برده من الغلطات اللي وقعت فيها بس حلفت على البيبي اللي جاي انه لازم اعمل معاه اللي بقولكم عليه وربنا يشهد اني باديكم النصيحة من قلبي نرجع للتجهيزات
بامبرز
طبعا شامبو ولوشن والبانيو وكرسي العربية ان وجدت او لا لانك حتستعمليه في البيت
لو البيبي راضع ونضيف حطيه فيه اوعي ياخد على الشيل
مش فكرة باقي الحاجات
انا اسفة بس اوعدكم اني مش عشان مطلعتش حامل حسيبكم لا انا حادخل ارد على اسئلتكم
واي سؤال باذن الله ارد عليه وزي ما قلتلكم في حدود معلوماتي
وقد افتى من قال لا اعرف :clap:
وعلى فكرة دي صورة يويو ايه رايكم
معلش يا جيسى خيرها فى غيرها وان شاء الله المره الجاية يكون يحيى كبر شوية عشان متظليمهوش حرام وماشاء الله عليه زى القمر ربنا يخليهولك يا جميلة وشكرا على النصايح الحلوة دى:9_33: