حوامل مصر تعالوا نتكلم

tobe;4372174:
السلام عليكم ورحمة الله وبركاته
ازيك يا اماندا عامله ايه؟
انتى هتنزلى مصر امتى ؟

ايزايك يا توبى عاملة ايه وحشانى قوى انا خلاص ان شاء الله فاضلى 12 يوم واجى مصر إدعيلى اوصل بالسلامة لحسن خايفة قوى على البيبى من الطيارة
وطمنينى عليكى عاملة ايه فى حملك يا قمره
:9_33:

تيجى بالسلامة ان شاء الله يعنى هتصومى فى الامارات وفى مصر بس يارب يتفقوا فى اول يوم رمضان هههههههه
انا الحمد لله كويسه اصلى فى الرابع لسه بدرى على الولادة
ان شاء الله انتى تقومى بالسلامه

بصي يا اماندا انا قعدت فيها من يوم ما كان عندي سنتين لحد اولى ثانوي
وانا ناك مكنتش بحبها اوي بس اما جيت هنا حسيت بقيمتها

انا كنت في مدينة العين وكنا بنروح دبي كتير بس بحس انها متنفعش اوي كسكن

tobe;4372203:
تيجى بالسلامة ان شاء الله يعنى هتصومى فى الامارات وفى مصر بس يارب يتفقوا فى اول يوم رمضان هههههههه
انا الحمد لله كويسه اصلى فى الرابع لسه بدرى على الولادة
ان شاء الله انتى تقومى بالسلامه

اه يا توبى والله نيفسى مرة مصر تتفق مع الدول العربية فى رمضان يعنى يبدأو مع بعض
:21_207: وربنا يقومك بالسلامة يا حبيبتى ويتملك على الف خير يا رب

amandoda;4372178:
عاملة ايه يا مهى النهاردة معلش يا ميمو هو الحمل بيورم بس انا مش حاسة انى ورمت قوى مش عارفة ليه انا التعبنى قوى فى الحركة ظهرى بيوجعنى مووووووووت مع ان انا بطنى صغيرة واليشوفنى ميقولش انى فى الثامن خالص وبالنسبة للصلاه انا بصلى وانا قاعدة من اول لما حملت الدكتور بتاعى قالى موطيش على الارض خالص وخصوصا انى تعبت فى اول حملى وبالنسبة لصيام رمضان مش عارفة هحاول اصوم على قد ما اقدر وربنا يتقبل مننا

انا كمان شكلى ميقول انى فى اخر السابع خالص المشكلة ان بطنى مش كبيره بس انا اللى بقيت منفوخة من الورم

اضحكتك قابلت واحده قربيتى حامل و اعيد نتكلم انا وهى على اساسا انها اللى حتولد الاول باين على بطنها الحمل اوى و فى اخر القعده بناس بعض على معاد ولادتنا اكتشف انها لسة حتولد بعديى بشهرين انا كمان بطنى ما تبنش خالص بصى اللى يشفنى يقولى انتى تخنتى اوى بس ما يبنش انك حامل معرفش بقى موضوع الورم ده مدايقنى اوى

المهم اية حكاية البحر دى:gum: بصى انا سمعت انة ممنوش ضرر على البيبى بس المهم انك ما تتعبيش نفسك فية

و موضوع الصيام ده مش عرفة انا الدكتور قالى افترى بس معرفش حعمل اية لسة

شهيدة;4372207:
بصي يا اماندا انا قعدت فيها من يوم ما كان عندي سنتين لحد اولى ثانوي
وانا ناك مكنتش بحبها اوي بس اما جيت هنا حسيت بقيمتها

انا كنت في مدينة العين وكنا بنروح دبي كتير بس بحس انها متنفعش اوي كسكن

هى فعلا دبى زحمة جدا وغالية موووووووت فى السكن بس انا مروحتش العين خالص بس اسمع ان هى جميلة قوى وفيها مناظر طبيعية حلوة وفعلا عندك حق فى موضوع الفرق بين هنا ومصر هو هنا تحسى بالنضافة والنظام مش زى مصر بس بردو مصر ام الدنيا:2_106:

mahyyyyy;4372176:
شهيده مرسى يا حبيبتى على الملف اللى بعتية كمان انا فعلا كان نفسى اشوف برامج لتربية الاطفال لحسان انا ولا اعرف اى حاجة فى الموضوع ده مش مش عرفة القيها بتتباع فين؟ كمان فى برامج تربية اطفال بيجى فى القنوات الفضائية بس معرفش حتى موعدها بتكون امتى؟؟؟

بصي في برنامج بييجي في قناة الناس اسمة ساعة تربية شفت منه حلقه توحفه كان بيتكلم فيها عن تعويد الطفل عالصلاة

هيا طبعا مرحلة كبيرة بس اهو كله مفيد اعتقد بيجي يوم التلات الساعة 5 ونص تقريبا بالتوقيت الجديد

بصي انا كنت بسال برضو ولقيت كذا كتاب هبقى اكتب اساميهم انا فاكرة اني شفتهم قبل كد بس بصراحه بحب الكتب اللي بتتكلم عملي وتتكلم عن مواقف ازاي تتعاملي فيها
كمان كنت عايزة اشوف الكتب بتاعت مكتبة جرير
بتبقى فيا حاجات كويسه اوقات

amandoda;4372103:

يا بنات عايزة اقولكو على حاجة مجنونة عملتها إمبارح :21_195: مش انا روحت البحر امبارح ونزلت كمان بس كنت خايفة على نفسى قوى ويدوبك قعدت 10 دقايق وطلعت على طول حسيت انى هولد خلاص :21_133: بس الحمد لله لحقت نفسى بس الميه كانت جميلة وكان نفسى اقعد فيها كتير بس حسيت ضغط الميه ممكن يكون مضايق البيبى والرجرجة بتاعت الموج ايه رأيكو بقى:think:

والله انتي بنت جدعه

وا عامة مفيش مشكلة انك تنزلي بس متقعديش فيا كتير ومتتحركيش كتير يعني كفاية انك تقعدي فيها من غير اي حركة

amandoda;4372221:
هى فعلا دبى زحمة جدا وغالية موووووووت فى السكن بس انا مروحتش العين خالص بس اسمع ان هى جميلة قوى وفيها مناظر طبيعية حلوة وفعلا عندك حق فى موضوع الفرق بين هنا ومصر هو هنا تحسى بالنضافة والنظام مش زى مصر بس بردو مصر ام الدنيا:2_106:

العين جميلة اوي

كفاية حديقة الحيوان فيها حاج وهم بجد توحفه

ولا جبل حفيت والعين الفايضة

ياااااه فكرتيني بالذي مضى

تيجي بالسلامة يا قمر

مصر هتنور

ماهي

بجد مش هزار بطلي الدوا

علشان تبقى اخدتي بالاسباب حتى وان شاء الله ربنا هيكرمك اخر كرم

بنات كان معنا بنتين فى التجمع ولادتهم الشهر ده بقالهم فتره مختفين يا ترى ولودا ولا اية اخبرهم ؟؟؟؟

ااااااااااه

اللي بخاف منه

في واحدة ست عمالة ترن الجرس وبشده وانا الطبيعي اني مبفتحش لحد خالص

وجوزي مش موجود ولا حمايا ولا حماتي

كلهم سافروا وسابوني

بجد مرررررررررررعوبة

mahyyyyy;4372269:
بنات كان معنا بنتين فى التجمع ولادتهم الشهر ده بقالهم فتره مختفين يا ترى ولودا ولا اية اخبرهم ؟؟؟؟

ان شاء الله يكونوا ولدو

وعقبال ما نفرح بيكي يا ماي انتي وكل البات

لا بجد

مرعوبة

بتخبط عالباب جامد اوي

اعمل ايه؟

شهيدة;4372259:
ماهي

بجد مش هزار بطلي الدوا

علشان تبقى اخدتي بالاسباب حتى وان شاء الله ربنا هيكرمك اخر كرم

و اللهى حولت كتير اول ما عرفت انى حامل بس كان اخرى ابطلة يوم و بعيد اقوم مش قادره الصبح حسة انى بموت اقوم وخداه بكمية اكبر الظاهر انى كان المفروض اتعالج الاول من موضوع القولون قبل ما احمل اساسا

ربنا يستر مهو لو كنت باخد حاجة دلع بس القولون عندى مزمن يعنى ملوش حل غير الادوية دى دى كمان ساعات من كتر ما جسمى اتعود عليها ما بتخوئش فية فاضتر ازود الجرعة ربنا يستر

شهيدة;4372286:
ان شاء الله يكونوا ولدو

وعقبال ما نفرح بيكي يا ماي انتي وكل البات

يا رب يسمع من بئك ربنا

شهيدة;4372305:
لا بجد

مرعوبة

بتخبط عالباب جامد اوي

اعمل ايه؟

ما تفتحيش الباب بدام قلقانة منها و بعيدين طيب نادى على البواب او شوفى حد من جراتك تفتح ببها معاكى و تشفوا مين دى علشان متكويش لوحدك ولو كل ده ما ينفع يبقى خلاص لو حاجة مهمة حتيجى يوم تانى

شهيدة;4372305:
لا بجد

مرعوبة

بتخبط عالباب جامد اوي

اعمل ايه؟

اوعى تفتحى لحد يا شوشو بوصى من العين وشوفيها عايزة ايه

اخيرا مشيت

الحمد لله

انا بصيت من العين السحرية كان شكلا غريب وفي حد معاها بس مكنتش شايفاه ومصرة بطريقة اغرب كمان

يلا ربنا يلطف

الحمد لله