حوامل مصر تعالوا نتكلم

ماااااااااااشي
انا قاعدة من الصبح ومافيش ولا واحدة دخلت
مع اني رغاية يعني وبحب اتكلم
بس للاسف بقى مواعيدكو مش زي مواعيدي
انا عارفة اني هقوم دلوقتي وهاجي الصبح الاقيكو ما شاء الله على الرغي
يلا تصبحو على خير
سلام عليكم

amandoda;4164576:
لا والله يا ماهى انا مقدرش مسلمش عليكى انا اسفة سمحينى :9_33: والف سلامة عليكى يا حبيبتى ان شاء الله البيبى يكون كويس والدكتور دا شكله اساسا مبيفهمش حاجة بوصى انا اعرف دكتور فى مصر كويس قوى اسمه (محمد إمام راشد) هديلك النمرة بتعتو وكلميه واستشريه فى الحالة بتاعتك وخودى العنوان
منه وان شاء الله يطمنك هو دكتور كويس قوى ومتدين جدا
(0123195760) وقوليلو انك من طرف اماندا ويا رب ان شاء الله خير وانت متقلقيش وصلى وإدعى ربنا الدعاء بيغير حاجات كتير وخصوصا فى الايام المفترجة زى دلوقتى وربنا يتملك على الف خير ويسمعنا عنك خبر حلو ومتزعليش منى يا ماهىىىى؟

متشكره يا اماندا على اهتمامك انا مش زغلانة منك واللهى انا بس علشان مديقة من اللى حصل وان شاء اللة حكلم الدكتور يوم السبت علشان اكيد بكره اجازه او حتى حروح اى مستشفى قريبة و اللى ربنا يريده هو اللى يكون و طمنينا عليكى

sosomedo;4164805:
يا رب يا ماهى تتهنى ببنوتك ان شاء الله و الامور تمشى احسن من الاول

متشكره يا سوسو بس انتو ادعولى و ربنا معنا كلنا ان شاء اللة

hoba555;4165380:
السلام عليكم يا بنات يوو اسفه ة مدامات مصر اما اسمي هبه وحامل في الشهر التاسع يعني خلااااص وخايفه اوي وده اول حمل ليا وزي كل البنات معنديش اي فكره عن الحمل بس اللي ساعدني شويه جوزي لانه دكتور
انا اصلا من الصعيد واول لما اتجوزت سفرت مصر ومستقره دلوقتي في الجيزه وكنت وحدي طول اوقات الحمل وماما طبعا مش موجوده جنبي عشان كده انا حاسه بيكم اوي معلش طولت عليكم بس ياريت تقبلوني صديقه ليكم
ماهي سيبي الدكتور ده وروحي لغيره انا متابعه عند دكتوره بس بعيده عنك بس شاطره اسمها جيهان يس ومتقلقيش ان شاء الله خير وكمان عشان البيبي بيتاثر بالحاله النفسيه بتاعتك ربنا معاكي ومعانا كلنا

شكرا يا هوبا انا فعلا حالتى النفسية سيئة جدايمكن من اول الحمل بسبب سفر جوزى و ده يمكن اللى مخلنيش اهتم تاحمل كويس وادى النتيجة ربنا يستر و ربنا يقومك بالسلامة و تتمنينا على البيبى و تقوللنا سمتية اية؟؟ علشان انتى الوحيده فينا اللى فى اخر الحمل يعنى حنبتدى بيكى و نسمع عنك خير ويبقى فال حلو ان شاء اللة للبنات كلها هنا

عروس حيرانه;4166206:
ماهي الف سلامه عليكي
لو عاوزه اسم دكتوري قوليلي وانا ابعتهولك
بس نصيحتي تعمل سونار ثلاثي الابعاد في مستشفي كليوباترا

متشكره عروس على اهتمامك بس انا فعلا فكرت فى كدا و ملقتش ثلاثى الابعاد ولا فى اى مستشفى لا كليوباترا و لا النزهة و لا الامريكى ملقتش غير السونار العادى

حبـيـبـه;4167860:
ماهي حبيبتي
الف سلامة عليكي وان شاء الله يكون خير
روحي عند دكتور تاني واعملي سونار لان مش دايما كلام السونار مظبوط
وانتي ادعي ربنا كتير في قيام الليل ومافيش حاجة بعيدة على ربنا هو اللي قادر على كل شئ
وقولي الدعاء ده باليل برضو وان شاء الله ربنا هيستجيب وتجيبي بنوتة زي القمر زيك تملى عليكي حياتك

يارب احفظ لي ما في بطني
وابعد عنه وعني وعن والده شر الحاسدين
اللهم اجعله خير خلف لخير سلف عن والديه
اللهم حسن خلقه وخلقته
اللهم اعذه من شياطين الانس والجن
اللهم سهل ويسر حمله وولادته
اللهم اقر عيني وعين والده به
اللهم ارزقني ولدا بارا واجعله تقيا ذكيا جميلا
واجعله سليما ومعافي ولا تجعل في خلقه زيادة ولا نقصان
امين يارب العالمين

متشكره حبيبة انا فعلا نوية اشوف دكتور تانى رغن ان شكلة دكتور شاطر وعياده زحمه اوى و انا مؤمنة ان اللى يريده ربنا هو اللى حيكون بص طبعا كلام الدكتور مدايقنى اوى & مش تزعلى البنات بدات تكون نشيطة شوية و انا بجد رغاية اوى بس اللى انا فية مدايقنى ما تنسينيش معاكى فى الدعاء ومتشكره على الدعاء الجميل اللى كتبتية و ان شاء اللة حدعية و خلى بالك من نفسك و ان شاء اللة يجى وقت نعد نتكلم مع بعض و نتقابل فى المنتدى فى نفس الوقت بس اطمن ان شاء اللة الاول وحتلاقنى علنت ال24 ساعة

ماهي يا قمر انا متاكد انه في سونار ثلاثي وكمان رباعي في
مركز كليوباترا المتكامل للموجات فوق الصوتية ثلاثية ورباعية الابعاد بجانب مستشفى كليوباترا في مصر الجديدة
وتكلفته 200 جنيه تقريبا

صباح الخيييييييييييييير
انتو لسة نايمين كالعادة
اخباركو ايه يا بنات يارب تكونو بخير انتو وبيبهاتكو يارب

يا بنااااااااااااااات
انتو فين طول اليوم انهرده

السلام عليكم
ازيك يا ماهي الف سلامة ع البيبي وربنا يبعد عنه كل شر اللهم امين
بصي يا ستي انا كنت بتابع مع دكتورة الله يكرمها دنيا واخرة في ميدان المحكمة مصر الجديدة
ماشاء الله شاطرة جدا يوم ولادتي كنت تعبانة جدا وجوزي اتصل بيها الفجر وقال لها قالت لة اطلعوا ع المستشفى
المهم كان فية دكتورة في الشيفت قالت لي ان الرحم فتح 5سم وشوية 6سم بس مفيش نبض للبيبي
وجابت اجهزة عشان تسمع النبض ولا حياة لمن تنادي المهم فتحت لي جيب المية وبردوة مفيش فايدة والالم شديد جدا
المهم كانت الدكتورة وصلت شافت عنق الرحم لاقتة فتح 8سم بس قالت لي ان راس البيبي مش كله في الحوض ولازم قيصري
عشان انا والبيبي كدة في خطر ووافقتوا او لا هولد قيصري طبعا وافقنا ودخلت اوضة العمليات والعملية اللي تاخد تلت او نص ساعة اخدت ساعة ونص
لا انا بعيد عندكم طلع عندي سرعة نزف وسيولة فى الدم وكانت صعبة لان البيبي كان ملفوف حولية الحبل السري حولين رقبتة ونازل ما بين رجلية وعامل حرف اكس على ضهرة والله خرجت من اوضة العمليات بتقول لجوزي ان هي بقى لها 16 سنة بتشتغل
مشافتش حالة غريبة كدة
والحمد الله رب العالمين ان انا وقعت في ايديها والله بنت خالتي كانت حالتها قريبة من كدة والدكتور صمم يولدها طبيعي والبيي
بعيد عنك يارب توفى بعد 10 ايام وواحدة قريبتي تانية بردوة تشبة لحالتي والبيبي عندة تاخر عقلي يارب يشفية
والحمد لله على كل حال واللة احنا بندعي لها كتييييييييييييييير ربنا يكرمها
اسمها فكرية احمد سلامة ولو عاوزة الرقم ابعتة ليكي ع الخاص
السلام عليكم

mahyyyyy;4170203:
متشكره يا اماندا على اهتمامك انا مش زغلانة منك واللهى انا بس علشان مديقة من اللى حصل وان شاء اللة حكلم الدكتور يوم السبت علشان اكيد بكره اجازه او حتى حروح اى مستشفى قريبة و اللى ربنا يريده هو اللى يكون و طمنينا عليكى

ولا يهمك يا ماهى انا بخير والحمد لله المهم انتى طمنينا عليكى وان شاء الله يكون خير وكلنا بندعيلك

ازيكوا يا حوامل مصر عاملين اية ان شاء الله بخير

ازيكم يا أحلى حوامل عاملين ايه
سوسو عامله ايه وايه اخبار الحمل ؟:flower:

توب انا الحمد لله بس الوحم تعبنى على الاخر

نوجا عاملة اية انت فى الشهر الكام

توب انت وصلتى للشهر الكام دلوقتى و عاملة اية

اية يا حوامل مصر انتوا مش بتتكلموا لية

sosomedo;4183896:
اية يا حوامل مصر انتوا مش بتتكلموا لية

إزايك يا سوسو عاملة ايه وايه اخبار حملك انتى بقاتى فى الشهر الكام؟

انا الحمد لله بدأت التالت و انت

سورى نسيت اسلم عليكى ازيك اماندا عاملة اية اصلى فرحت لما لقيت حد فى الموضوع و دة نادرا