حوامل مصر تعالوا نتكلم

صباح الخير يا بنات عاملين ايه انا كمان حامل من مصر و فى اخر اسبوع من الشهر الرابع و الحمد لله بس انا من محافظة المنيا و لسة مجبتش لبس البيبى لانى طبعا مش عارفة نوعه
انا عندى بنوتة 3 سنوات و ربنا يكرمنى و اجيبلها اخ يلعب معاها

mahyyyyy;4148610:
على فكره حبيبة انا لسة مجبتش لبس بيبى و مش عرفة اجيبة منين؟ حبيبة ده الحمل الكام ليكى؟ المهم انك برضة تفيدنا بالاماكان اللى عندك لبس بيبى او دكاتره علشان لو حد من المنصوره تانى بستفيد برضة

ازيك يا ماهي
ولا انا كمان اشتريت لبس البيبي ولا لبس الحمل بتاعي
ده تاني حمل ليا بس حملي الاول سقط في الشهر السادس بعد الشر عنا جميعا يارب
حتى حملي الاول الحمد لله اني كنت اتاخرت شوية في شراء لبس البيبي لاني كنت مستنية جوزي لما يسافر عشان كان هيجيبه من دبي
سبحان الله
عشان بعد كده لو كنت شفت اللبس ده بعد ما سقطت كنت هزعل اكتر كل لما اشوفه
الحمد لله
انا كنت اشتريت بنطلون بس بلزق كده بيوسع ويضيق على مقاس بطنك
ودلوقتي انا في الشهر التاني ولسة ماجبتش اي حاجة ولا ليا ولا للبيبي
ربنا ييسر

ازيك يا كوكي
ربنا يتم لك على خير ويخلي لك بنوتك
وان شاء الله تجيبي لها اخ وربنا يحقق لك اللي بتتمنيه يارب
ويقومنا كلنا بالسلامة احنا وبيبهاتنا يارب

شكرا يا حبيبة و ربنا يقومنا كلنا بالسلامة يا رب و انتى عاملة ايه فى الحمل يا رب تمام ان شاء الله
انا ولادتى يوم 15/1/2008 ان شاء الله

الحمد لله يا كوكي
ربنا يقومنا بالسلامة
انا ان شاء الله ولادتي يوم 2/4

السلام عليكم يا بنات مصر انا اماندودا من مصر بس عايشة فى الإمارات فى دبى وانا حامل دلوقتى فى اول الشهر السابع إدعولى ربنا يتملى على خير ويتملكو على خير كلكو يا رب بس انا غن شاء الله هنزل عشان اول فى مصر انا معادى إن شاء الله فى اول 11 على فكرة انا من القاهرة وان شاء الله ممكن نفيد بعض فى كل ما يخص الحمل والتجهزيات:9_33:

اهلا يا امانودا منورة
وان شاء الله ترجعي مصر بالف سلامة وربنا يطمنا عليكي
وتولدي بالسلامة ان شاء الله


ماهي اناي رحتي فين

صباح الخير يا حوامل يا كسلانين
انتو لسة نايمين ولا ايه

السلام عليكم
انا هاجر من مصر القاهرة عاجبني موضوعكم مع اني مش حامل بس عندي خبرة اصلي ابني عمرة 6 شهور يعني لسة منستش
بالنسبة للمتابعة كنت بتابع مع دكتورة فيمصر الجديدة اسمها فكرية احمد سلامة
واللبس بتاعي جبتة من روكسي ومصر الجديدة وليس البيبي بردوة من هناك فية محلات كتير هناك وفية فرج هناك عندة شنط وكاريكوت البيبي
والبرنس والفوط ولبس وكل مايتعلق بية وفية بردوه محلات في الدور الارضي في جنينة مولفيها حاجات حلوة اوي وفية هناك العزبي فية
حاجات تخص الحامل والبيبي وفية محلات في ميدان الجامع كتير بردوة
اتمنى لكم ولادة سهلة وبما اني خبرة 6شهور امومة مستناية اسئلتكم
ربنا ييسر لكم الحمل والولادة والفترة اللي بعد كدة
السلام عليكم

السلام عليكم ورحمة الله وبركاته
ازيكم ياحوامل مصر
على فكرة الموضوع ده هيبقى مفيد جدا لحوامل مصر بس ياريب ميتقفلش
انا حامل فى الشهر الثالث وده اول حمل ليه وربنا يتممه على خير

اهلا يا هاجي و tobe
ازيكو
على فكرة شكل الحوامل اللي هنا كسلانين موووووووووت

حبيبة هاى عاملة اية

انا حامل فى الشهر التانى بكرة هبدأ التالت على خير ان شاء الله ميعاد و لادتى فى 16 / 3 ان شاء الله
و فعلا انا عايزة اشترى حاجة البسها لانى بشتغل بس تكون شيك شوية

اهلا يا سوسو ازيك
انا زيك في الشهر التاني بس انتي خلصتيه خلاص
انا بقى لسة بادئة فيه
ربنا يتم علينا كلنا بخير يارب

ازيكم يا احلي حوامل انا مش حامل بس ولدت من 6 شهور يعني ممكن افيدكم لانكم فكرتوني بنفسي وبحرتي
في محل لفلي تحفه في تقاطع مصطفي النحاس ومكرم بجد تحفه لو دخلتوا مش حتجروجوا الا بكل حاجات البيبي وفي كمان kids bark تحفه قريب من السراج مول جنب عمر افندي وكمان العزبي يلا اسألوا وانا جاهزه بس لما دودي ينام

هااااااااااى يا اجمل حوامل كلكو منورين (عروس حيران - حبيبة - سوسو ميدو - توبلى - هاجر ضياء) عاملين ايه ويا رب تقوموا كلكوا بالف سلامة وانا معاكو يا رب بالنسبة بقى لتجهيزات البيبى انا جيبت معظم الحاجات من هنا بس فى حاجات شتوى ليسا مش جيبتها عشان هنا طبعا حر مستنية اما انزل مصر اجيبها محدش يعرف محل حلو فى القاهرة بيبيع حاجات تيريكو للبيبى نيفسى قوى اجيب طقم تيريكو كامل ومش عارفة محل معين يا ريت تسعدونى:9_28:

مساء الخير يا حوامل مصر معلش بقى فعلا انا كسلانة خالص و مقضياها نوم فى نوم
و لكن الحمد لله كل شىء بخير و لسة طبعا مفكرتش اجيب حاجات البيبى علشان مش عارفة هوة ولد و لا بنوتة

ازيكم كلكم يا بنات عملين اية معلش انا بقالى يومين ما دخلتش بس عيزه اسالكم سوال مهم مين الدكتور اللى بتابعوا معاه وفين؟ و اللى من القاهره تلحقنى وتفدنى علشان دكتورى قالى مش عايز يتابع الحالة بيقول خايف على اسمة لان الجنين حجمة ضعيف اوى نص الوزن اللى المفروض يكون علية دلواتى وكمان قالى ان الاستون العالى جدا اللى عندى مخلى الجنين مش بيوصلوا اكسوجين و كدا اما مش حتعيش اما حتكون معاقة وانا فى نص السادس مش عرفة اعمل اية مش قرده اتخيل ان السبب اية ؟ رعم ان وزنى رايد بتاع 20 كيلو ؟؟؟؟؟ اعمل اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حد يرد علية خصوصا انها بنوتة طيب اعمل اية مش عرفة وهو جى دلواتى يقلى كدأ

amandoda;4160659:
هااااااااااى يا اجمل حوامل كلكو منورين (عروس حيران - حبيبة - سوسو ميدو - توبلى - هاجر ضياء) عاملين ايه ويا رب تقوموا كلكوا بالف سلامة وانا معاكو يا رب بالنسبة بقى لتجهيزات البيبى انا جيبت معظم الحاجات من هنا بس فى حاجات شتوى ليسا مش جيبتها عشان هنا طبعا حر مستنية اما انزل مصر اجيبها محدش يعرف محل حلو فى القاهرة بيبيع حاجات تيريكو للبيبى نيفسى قوى اجيب طقم تيريكو كامل ومش عارفة محل معين يا ريت تسعدونى:9_28:

كده يا اماندا سلمتى عل الكل ودعتلهم ما عدا انا انا نحتاجة دعواتكم كلكم من ساعة ما رحت للدكتور وانا مش عرفة افكر ولا انام

حبـيـبـه;4152406:
ازيك يا ماهي
ولا انا كمان اشتريت لبس البيبي ولا لبس الحمل بتاعي
ده تاني حمل ليا بس حملي الاول سقط في الشهر السادس بعد الشر عنا جميعا يارب
حتى حملي الاول الحمد لله اني كنت اتاخرت شوية في شراء لبس البيبي لاني كنت مستنية جوزي لما يسافر عشان كان هيجيبه من دبي
سبحان الله
عشان بعد كده لو كنت شفت اللبس ده بعد ما سقطت كنت هزعل اكتر كل لما اشوفه
الحمد لله
انا كنت اشتريت بنطلون بس بلزق كده بيوسع ويضيق على مقاس بطنك
ودلوقتي انا في الشهر التاني ولسة ماجبتش اي حاجة ولا ليا ولا للبيبي
ربنا ييسر

ازيك يا حبيبة عمالة اية شفتى اللى الدكتور عملة فية فش عرفة اعمل اية؟؟؟؟؟؟؟؟؟؟؟؟؟؟