صديقة عمرى سافرت العمرة بس انا مستغربة منها دخلوا واحكموا

كيف الحال

مضايقة وايد وما كنت ابغى اقول لحد عن اللى فى نفسى بس مب قادرة
السالفة انه لى صديقة مقربة جدا منى يعنى صديقة العمر كل مراحل حياتى معاها واكثر انسانة وقفت معاية فى اوقات الشدة وانا نفس الشى معاها حتى كل حد يقول بعدكم مع بعض هى والله طيبة وايد وقلبها ابيض والكل عارفة عنها هذا الشى

بس فى شى دايما يتكرر منها معاية يعنى من كم يوم سافرت العمرة الله يحفظها ويتقبل منها ان شاء الله بس تدرون انها ما قالت لى مع السلامة مع انى كنت ارمسها كل يوم ولا حس ولا خبر لين اليوم وهاذى مو اول مرة دايما حتىمرة سافرت الحج وما قالت لى تصدقون وانا صديقاتى اللى مب وايد وياهم فى سفرهم يتصلون ويسلمون خاصة روحة الحج لازم الواحد يتسامح من معارفه حتى لما رجعت انا مارحت وامها استغربت لانى ما رحت يمكن ما تبغى انى اسير حتى اتصلت فينى بعد ما رجعت باسبوع وبعدها بمدة زارتنى وجايبة معاها كوم من الهدايا بس اناما ابغى هدايا كنت ابغى اسلم عليها واطلب منها دعوة فى الحج وكل مرة تسافر ما تقول بس لما ترجع تجيب الهدايا
بصراحة تصرفها هذا وايد يضايقنى ودى اعرف ليش تسوى جذى معاى

ابغى اعرف كيف اتصرف معاها ودى حد يساعدنى لانها بعدها ما رجعت من العمرة