صديقة عمرى سافرت العمرة بس انا مستغربة منها دخلوا واحكموا

الغريب انج ما حاولتي تفهمين منها !!! مع انه هاذي مب اول مره تسويها
كان المفروض من اول مره صار هالموقف تعاتبينها بطريقه حلوه وتفهمين منها ليش جيه سوت وتقوليلها انه هالشي اضيجبج وما كنتي تهقين من اختج وصديقتج انها تسافر ولا تسلم عليج !!!
بس هيه شكلها يوم شافتج ما اهتميتي ولا سالتي تحرت هالشي ما يضقبج .. فسوته وبتسويه دامج ما نبهتيها ..

الله يدييم علييكم هالمحبه ياااربي
ويجمعكم في ظله يوم لا ظل الا ظله .. استانس يوم اشوف صداقات مثل صداقكم .. الله لا يغير علييكم ياربي

حبوبة ...

حاولي تعرفين منها بالتفاهم وبالكلام الحـــلو

انا اشوف انه ربيــــــــــــــعتج تعزج وتحبج بس يمكن هذا طبع فيها انها ما تقول ؟؟

انتي رمسيها وقوليلها ليش تسوين هالشي ؟؟

هممممم كلميها وان شااء الله اتدومون ويا بعض .. ^_^

حبيبتي هذي اطباع يمكن ما يجي ببالها انها تقول لما تبغي تسافر

وخاصة انها زارتك وجايبة لك هدايا يعني وهي هناك متذكرتك وكنتي ببالها ما اقصد بالهدايا القيمة المادية اقصد المعنوية وانك كنتي ببالها

والصراحة والمعاتبه ما في احلى منهم لما تكون علاقتك بصديقتك حلوة قوليلها رحتي وحتى ما تقولين واكيد من ردها بتعرفي ايش السبب الي منعها انها تقولك

لا تخلي مواقف معينة تخرب عليك صداقة حلوة و الله ها الايام نادرا ما تلقين صديقة زينة وتعزك من غير مصالح

ترى باقولج شي في ناس اهم طبعهم كذا ،،
يعني مايقصدون هذي الشي ،،
وتقدرين تقعدين معاها وتجيبين لها السالفه كأنج شرهانه عليها ،، وتقولين لها اي ماتسلمين علي وانتي مسافرة يمكن ماتعزيني ويعني من هالكلام ،،
والله لايفرقكم ابد ،،

هلا حبيبتي لاتزعجين ولا شي اكيد تصرفها مب حلو
بس انا متوقعه انهاا من النوع اللي ماتحب تودع احبابهااااا
يعني ماتبي تشوف دموعج يعني انسانه ماتحب هالمواقف
^______^ و وكل انسان وله عذره

شو يعني كلمة ( ارمسيها ) ؟؟؟؟؟؟؟؟
اعذرو تطفلي لكن والله مابعرف كلام كتير من اللي بتقولوة
و افضل حل هو المصارحة وعن تجربة بقول هالحكي لأنو كبت المشاعر او اي شي مضايقك رح يؤدي بنتيجة عكسية تماما" ويمكن كل واحد يفسر المسألة من وجهة نظر خاطئة وهون تقعو بمشكل كبير يحدث خجوة بعلاقتكون

صارحيها وتحدثي معها واليها والله الهادي الى سواء السبيل

شذى لبنان

حبيبتي ارمسيها يعني كلميها

امممممم ...



اختي أنا من رايي تصارحينها بالشي اللي مضايقك ..

وتسألينها عن السبب اللي مايخليها تقولك عن السفر

إلا لارجعت ..



و صدقيني اذا انت غاليه عندها بــتــقــولــك ..



واله يسهل لك


اختك


حزيييييييينه

مرحبا خواتى

والله انى بطير من الفرحة عشان كلكم مهتمين بسالفتى ومشكورين على دعواتكم ان الله يخلى صداقتنا على طول وجزاكم الله خير

وانا وياكم يمكن هذا طبع فيها بس مثل ما قالت الاخت [B]اريش العين[/B] انا ما نبهيتها من اول مرة تصدقين تونى انتبهت انى كل مرة اسكت واحط بقلبى كان المفروض اقولها من زمان

بس هاذى المرة احس واايد اثر فينى لانه اختى قالت لى سافرت وما خبرتج مثل كل مرة مع انى انا رايحة ولله الحمد العمرة كم مرة
انا اعرف انها ما تقصد تضايقنى واحنا ربع من زمان اصلا اعتبرها مو صديقتى هى مثل اختى
انا برمسها لما ترجع بالسلامة بس اتردد اقول اطنش وابين انى زعلانه عشان تودر هذا الطبع اللى مول مب حلو
اول ما ترجع بخبركم شو صار

حاسه فيك شي يقهر

بس لوميها بطريقه حلوة

صح يمكن طبع انا عندي ام صديقتي 000هي كمان كانت صديقتي كانت مره تحبني

هي طبعها في السلام لما تصافحيها تدز ايدك باصبعها ههههههههه

تتصل علي تتحلفني اني ازورهم وانها مشتاقه لي

لما اجي اسلم عليها تسوي نفس الحركه هههههههه يعني تشيل يدها في السلام كانها ما تبي تسلم عليك


صرت ما اتضايق لاني عرفت انه طبعها

حتى هي عارفه جلست تحكي عن نفسها تقول لا شعوريا اسوي كدا

وبنات عمي كمان سلامهم باااااااارد تحسينهم با يخين بس هم مره هم مره يحبونا لكن طبعهم كدا

احنا بعد كذا ........يعنى عادي مو لازم تخبر او تعلم احد

وما نتضايق من احد اذا ما خبرنا

نصيحه حبيبتي لا تهتمين بالشكليات ؟؟؟ اهم شي اللى بالقلب وبس

وبصراحه في حديث للرسول يقول قضوا حوائجكم بالكتمان

يمكن هى تخاف ان السفر ما يتم ؟؟ وترى العين حق

لا تشيلين بقلبكم هم عادتهم كذا يمكن ,,,,,,,,,ولا تخسرين هالقلب الطيب عشان شي سخيف

اختي تقدرين اتقولين لهة هالكلام
يعني صارحيهة بايلي في قلبج احسن عشان تصفى لقلوب

لا تحطين شي بخاطرج يمكن كانت مشغولة ونست تخبرج ويمكن سفرها كان مفاجئ
وبعدين مو معقولة ان تخبرج كل شي لازم في اشياء تخفيها عنج
انا شخصيا بعض الامور لا اخبر اي حد حتى امي وابوي ما اقولهم
وفي اشياء ما اخليها بقلبي بل اتكلم بها
الانسان يختار اللي يريح باله
فليش تتضايقين من تصرفات صديقتج
وبعدين هي تجيب ليج هدايا هذا يدل انها تتذكرج بأيام سفرها وتدعيلج كل الخير
وربما كانت تتمنى انج ترافقينها بالسلامة او لوداع صعب عليها

حبيبتي في ناس دايما بيخبوا بالزات الامور الدينيه خوفا من الحسد او عدم اتمام الامرمتخذين حديث الرسول
{استعينوا على قضاء حوائجكم بالكتمان}وياريت لو الحديث في غلط حد يصححلي
يعني في ناس لما بيروحوا تحفيظ قران او اجتماع ديني لتفسير القران او غيره مابيقولوش لحد
انا طبعا مش فاهمه ليه بس خوفا يمكن من الحسد
وانا عن نفسي حسالها مباشره لانك بتحبيها فلازم اللي بيحب حد مايضمرلوش الضيق منه
وربنا يوفقك

اختي انا من راي واجهيها ولا سوي فجوات من خلال قطع علاقات ولا شيء
شدراك يمكن لما تكلميها وتقول اليك سبب تقنعك برايها

الغالية صارحيها وسمعي منها شو الأسباب اللي اتخليها اتسوي جيه

والله ايهدي الجميع ولا ايفرق بينكن انشاءالله

حبيبتي لاتزعلين في بنات مثل صديقتك تصرف
يمكن ماتقصد شي بس هدا طبعها
عدريها واسأليها قوليلها احنا مو اصدقاء ليش ماتقوليلي من تسافرين
بس بعتب حلو
الله يديم عليكم الصداقه والمحبه ياقلبي

يمكن طبع رفيقتك كذا اختى


والمفرووض انك تقولين لها انك تتحسسين من هالطريقه


مع انه كل مواصفات رفيقتك تشفع لها لانها باين انها مره ذووق الى ماتنساك حتى بالهدايا

فهميها وباذن الله مايصير الا الى يسرك

حبيبتي المسامح كريم بس يمكن هي ماتحب الوداع و دموع الوداع في ناس كتير مايحب يشوفون الي يحبوهم و هم بيفترقوا عنهم و هاي صديقتك و قبل لا تلومينها حطيلها الأعذار