سؤال صريح للمتزوجات "يابنوتات ادخلوا للفائده

ناعسة الاهداب;4220617:
اختي الحياة الوردية كلامك صحيح ،، مو شرط معاملة الرجال لاخواته نفس زوجته،، اقولها لكم عن تجربه>>

أنا اخوي يعاملنا بقسوة وصارم وحاكرنا ولحد الحين يتحكم ،، لكن شوفوا الفرق مع زوجته دلللللع على الاخيييييير

وانسان ثااااني في تعامله ، ماكنا نتوقعه بهالحنية والرقة انصدمنا به خخخخخ ،، ويخدم زوجته لو تطلب لبن العصفور يجيبه لها ههههه

الله يعينا،، ويرزقنا على قد نوايانا وناخذ اللي يستاهلنا يا أحلى بنات

وانا لاحظت كذا مع اخواني صايرين دياي :21_177:

ههههههههههههههه والله ضحكتيني حبيبتي يا شاعرية انتي

دياي شوي عليهم،، يطلعون رجولتهم علينا احنا الفقارى المساكين،، خخخخخخ

لكن جدام حريمهم سمعا وطاعة ههههههه

بالنسبة لي كل مرحلة ولها ايجابياتها وسلبياتها ..

بس بالنسبة عن الطلعات مع البنات انا متعودة من قبل ان علاقتي بصديقاتي بس تكون فيالمدرسة او الجامعة وفي البيت تقتصر بس على التلفون والمسنجر .. ما تعودت ازور بنات او اطلع معاهم ،، احب اكثر ان اعزمهم عندي على وجبة مثلا لكن ما تعودت ان انا ازروهم والطلعات لالالالالا ..
والحين بعد الزواج احس ان زوجي ما يؤيد هالشي بعد والحمد لله هالشي مو مضايقني لاني متعودة على هالشي :D_smil1:

اما عن شغل البيت فأنا قبل ما اتزوج ما كان عندنا شغالة لان امي ما كانت تحبهم " بعد ما تزوجت انا بسنة مرضت واضطرت تجيب شغالة " فكنت اساعد في شغل البيت والحمدلله انا بطبعي نظيفة واحب المكان دايما نظيف ومرتب وريحته حلوة وهالشي نقلته لمملكتي الخاصة :2_106: بس مشكلتي كانت اني ما كنت اعرف اطبخ وتعلمت بعد زوجي بسنتين وعن رغبة بدون ما يجبرني زوجي .. فديييته خلاني على راحتي وتمينا طول السنتين على اكل المطاعم حتى بشهر رمضان " :21_207:
الفرق الكبير كان في النوووووووووووووووووووووووووووووووم لاني حملت بعد زواجي مباااشرة وولدت بنص التاسع وابتدا السهر والتعب وانا من النوع اللي احب النوووووم من وانا صغيرة ومتعودة انام للظهر وارد انام العصر للمغرب لكن انحرمت من هالشي .. وطبعا مسؤولية العيال كبييييرة لان ما عندي احد يساعدني عليهم وابوهم يشتغل للمغرب على عكس ايام العزوبية لا مسؤوليات ولا شي ..

اضافة الى ان احنا في بيت ابوي كنت انا الكبير واحنا عددنا 8 اولاد وبنات .. وما في الا تلفزيونين في البيت وجهاز كمبيوتر واحد .. يعني مو دايما تعرفين تطالعين اللي تبينه في التلفزيون ولا تقدرين تقعدين على النت اي وقت ولا الوقت اللي تبينه لان في ناس قاعد ينطرون تقومين اذا جا الوالد وقالج قومي (w) والتلفزيون كل واحد يبي يطالع شي غير واخرتها تملين وتقومين :qaq:
لكن الحين في شقتي الحمد لله زوجي موفر لي بدل التلفزيون الواحد اثنين وموفر كمبيوتر اقعد عليه على راحتي وتقريبا بس انا اللي استخدمه والتلفزيون بعد على راحتي فيه ..
وقبل الزواج كان ابوي ما يحب يطلع وايد وكانت طلعاتنا قليلة اضافة الى انه كان حاط بعض الاماكن في لستة الاماكن الممنوعة لاي سبب .. لكن بعد الزواج صرت اطلع اكثر واروح الاماكن اللي خاطري اروحها :2_106:

وطبعا زوووووووووووووووجي :21_207: اعتبره زوجي وحبيبي واخوي والصدر الحنون اللي اشكي له وافرغ له وافضفض له كل شي بقلبي واخذ راييه في كل شي .. اضافة الى ان مثل ما قالت دلوعة توتي دلع الاهل شي ودلع الزوج شي ثااااااااااااااااااني وحنانه بعد ..

يعني انا عندي الزواج احسن لولا بعض المسؤوليات والمتاعب .. يعني انا صح وايد اتشكي من عيالي واتعب معاهم كثيييير لكن لما اشوفهم نايمين ولا يلعبون بهدوء احمد ربي على النعمة اللي انا فيها ..


خلاصة الموضوع ان انا اؤيد الزواج بسرعة لكن اشوف الاحسن ان الزوجة تتأخر شوي في الانجاب وتعيش حياتها وبعد سنة تفكر في الحمل والعيال :poster_dev:


:9_28:

هههههههههه روددكم تفطس ضحك

الله يسعدكم و يهنيكم دااااائما و المسلمين اجمعين

موضوع حلوا ان شاء الله الخوات يقولون تجربتهم

والله لالحين بيت اهلي بس ملكه


والله من تملكت تغير تفكيري باللحظه خخخخخخخ


يسلمووو وماقصروا البنات

من الناحيه النفسيه مليون بالميه راح تكونين مرتاحه (( إذا كنتي مستخيره طبعا))
يعني الوحده أختفت .. يعني إذا جيتي تحطين راسك على الوساده ما عد فيه أفكار وأمور أصبح فيه شخص يشاركك
وفيه نوع من النضج او الإكتفاء راح تحسين فيه بعد فتره
من الناحيه الإجتماعيه
راح تلاحظين تغير كبير في شخصيتك راح تكونين أكثر ثقه بنفسك (( يمكن عشان تحملك للمسؤوليه ))
راح تتفاجأين بنفسك تقومين بالضيفه لوحدك وبكل شطاره .. وتبهجين ضيوفك .. ( يعني ست بيت ))
راح يكون عندك وعي بأمور البيت إلي راح تتعلمينها عن طريق التجرييب (( عطوني ناس كثير نصائح بس أغلبها ما فادني إلا إلي جربتها ))
أسوأ حاجه إنك تحسين إنك ثقيلت دم لما تجلسين مع بنات ..
وما عاد تعجبك سواليفهم تحسينهم بزارين وماهم فاهمين الدنيا زين ..
الصرقعه والهستره أصبحت قليله ..بس يوجد أشياء أخرى تستمتعين فيها
وفيه حاجات كمان بتضيق الصدر .. (( لما يطنقر أبو الشباب وما عاد يتفهم كلامك ))
وغير

تعرفون يا بنات الواحدة اشوفها لا ببيت ابوها ولا ببيت زوجها
كلها نفس النقطة بس في اختلاف بانها لما تكون متزوجة الزوج
انا عن نفسي كنت وانا ببيت ابوي
ممنوع الطلعة الا للمدرسة والعمل او اذا الاهل عامة بدهم يطلعون للبحر مثلا اتكون طلعة جماعية
وبعد ما اتزوجت ممنوع الطلعة الا لبيت ابوكي والدكتورة فقط واذا بريد اروح بيت واحدة من اخواتة لااااااا
واذا اصريت انوا لازم حرام ربنا يغضب وكلام من هذا رجلي على رجلة
يعني بالجهتين نقطة واحدة
بس لا انكر عيشة الزوج احلى وفيها حرية بالبيت تحسي حالك ملكة
تتحكمي بكل ركن فيه وفي حرية بالبيت باللبس والكلام بغير متكوني ببيت ابوكي
تعرفوا وانا ببيت ابوي كنت احس بروحي تطلع مني من التشدد الرهيب
كنا سبع بنات وخمس اولاد
يعني جمعية هههههه

انا بعدني ماعرست ولا انخطبت
بس بالنسبه لي البنت ابرك لها تعرس
يعني الحين ماتقدرين تسوين اي شي بالذات نحن في المجتمع العربي كله منقود عالحرمه بس لما تكونين على ذمة الريال بقولون عادي هذي معرسه
وبعدين والله يا حلاته تشوفين اثنين يتمشون بسوق والا في حديقه وماسكين ايادي بعض ومستانسين
يعني العرس الحين كله يكدر؟
وحياتج قبل العرس ماكان فيها اشيا تكدر؟

بعدين على الاقل اذا كنتي متضايجه من شي عندج ريلج تفضفضين له واطلعين كل اللي بخاطرج بالعكس بحس فيج وبساعدج لانج حبيبته.. اما وانتي في حاله العزوبيه منو بكون لج ربيعاتج؟ انتي بس قولي لهن بليز لا تقولن لحد عن سالفتي .. بتسمعين كل الكليه تعرف بسالفتج هههه والله محد يأمن الحين على ربيعه

وانزين واذا يبتي بيبي صغنون شو المشكله؟ بالعكس اذا الريل مب في البيت بكون مخلي شيطان من شياطينه يحرسج ويلعوزج خخخ ابيه اتمصخر
انا اروحي ماداني صدعه اليهال بس والله حلوين يوم يكونون صغار من يكملون السنتين اعوذ بالله منهم


[COLOR="DarkOrchid"]واقووووووووووووووووول لكم السسسسسسسسسسسسسسستر زين
وادعولي حد ايي يخطبني شو هااا كل ربيعاتي انخطبن الا انا
ادعولي الله يرزقني بالريل الصالح والذريه الصالحه
والله خاطري اعرس[/COLOR]

موووووضوع حلوو والله يرزق كل بنت الزوج الصالح آمين

كل مرحلة و ليها إحتياجاتها

سلام للحلوين خصوصا نونو القطرية فدبتج كفيتي وفيتي
حياة العزوبية حلوة سفرو طلعات ووناسة لارقيب ولا حسيب على كيفتج تروحين وتجين
وأنا لحد ألحين ماجربت الحياة الزوجية انشاالله السنة الجاية بس
بس الحياه فبل الزواج وبعده فرق السما عن الارض
مسؤليات وواجبات ووزوج يبيتج تدلعينة وتسايرينه الللللللللللله يعيننا يالحريم

انا بالنسبة لى الزواج هو


حرية اكثر 00000 مسئولية اكثر

هاي حبيبتي انا بكمل على كلام نونو وبقولك ترى الزواج مسؤليه مب سهله حدها صعبه المشكله مش زي مايقولون طبخ ونفخ وغسيل لا حبيبتي المسؤليه هنا الرجال نفسه تعرفين له والا لا يعني بعضهم بالكلمه الطيبه يجي والمقصود هنا مو بس حبيبي وبعد عمري لا في كل شي وبعضهم بطيني يعني اشكال والشاطره الي تعرف ونصيحه مني لكل عروس ولكل مخطوبه لا تسمعين نصايح من هب ودب

وااااااااااو موضوع حلوووووووو بالمرررررررررة يالله يالمتزوجات اعطونا من خبراتكم

شوفو بنات

قبل الزواج كنت مدلله من جميع النواحي أنام وأقوم وقت ما أبي
طلعات وروحات وسفرات
كنت أتكلم بالتلفون مع صديقاتي 24 ساعه
اذا مالي خلق أروح مناسبه أو عرس عادي أطنش
عادي أقوم الصبح بكشتي
كنت ما أسوي ولا شي من شغل البيت حتا أبسط الأمور كله على الخدامه
تفكيري كان محدود بدراستي وشعري ومكياجي وهدومي
وكنت أنانيه جدا ما أفكر إلا بنفسي
ما يهمني رأي أحد ثاني

أما بعد الزواج
صرت إنسانه ثانيه
أول شي حسيت براحه نفسيه كبيييييييييره واني كبرت وصرت زوجه
صرت أهتم برأي زوجي وأهله فيني
صرت أهتم ببيتي وترتيبه
صرت إنسانه منظمه أكثر
بس االمسؤلييات زادت وايد
يعني لازم أكشخ 24/24
وأجابل أهل زوجي وخصوصا اذا عندهم مناسبه
لأنه راح يزعلون اذا ما حضرت

بس أكيد الزواج أحلى من حياة العزوبيه
وموفقين

اما بالنسبة لي ...

ما احس ان تغير شي علي بعد الزواج .... بالعكس انام واصحى على كيفي .. ولا احرك اي شي في البيت كل شي الخادمة تسويه ... والاكل موجود (((( لاني عايشة عند اهل زوجي)))) ف ما في اي نوع من المسؤولية ....

وزوجي يحب يطلع مع ربعه وانا بعد .. ازور الناس واشوف اهلي متى ما بغيت....
اذا سهر برع ... انا سهرت ...
واذا رجع بدري رجعت معاه...

حبيبتي .. انشالله يكتب لج الزوج اللي يناسبج ويناسب طبعج ... وتعيشون في تفاهم وحب وسعادة....

اي .. تذكرت شي .. طبعا مو دايما انا بروحي وهو بروحه ... لازم نخلي لنا يوم في الاسبوع على الاقل لنا احنا بس مع بعض....

واوقات اسوي له حركات في الغرفة او اصحى قبله وافاجأه بفطور حلووو ... بس مو دايما لأني اشتغل واتعب مثل ما هو يتعب ... لا وفوق هذا حااامل.. الله يعين الجميع.

مشكوره خيتو على الموضوع ...

وانا ان شاء الله كله سنه وشوي واقولكم وش يصير معي ..

واجيبلكم المقارنه كامله ..

والله يوفق البنات ويرزقهم بالرجال الصالح .......

اللهم ارزق بنات المسلمين الازواج الصالحي واستر على بيوت المسلمين

الزواج أحلى خصوصا يوم يكون زوجج انسان تحبينه ومتفاهم

جميع مشاكلج راح تنحل

انا قبل الزواج كانت مشاكلي تخصني وحدي

وماعندي احد ألجأ له غير المخده

كنت احس حياتي بلاهدف معين

أعيش لمن ؟؟ ماعرف

اخاف على من ؟؟ بعد ماعرف

اما بعد الزواج

صار هناك من يشاركني همومي ومشاكلي

يفرح لفرحي ويحزن لحزني

الجأ لحضنه يوم احتاج له

حتى المشاكل بعد الزواج لها طعم اخر خصوصا يوم تتراضين معه

المسؤوليه الحمد لله مشتركه فيما بيننا وكل طرف يتفهم الأخر

اهم شي يكون الحب والتفاهم موجود

والله يديم السعاده بينا يارب

ويرزقني بولد يكون نسخه من ابوه عشان تكتمل فرحتي