سؤال صريح للمتزوجات "يابنوتات ادخلوا للفائده

السلام عليكم... :9_33:

قبل الزواج ماكنت اقدر اطلع من البيت....ولا اقدر ازور صديقاتي ...ولا اقدر البس اي شي.... ووايد اشياء كنت ممنوعه عنها.. وحتى الغرفة كنت انظفها ابروحي...
احلى شي ذكريات الدراسه ويا صديقاتي..
:balloons:
والصراحه الزواج ستر حق البنت ... بس الزواج بعد فيه أشياء وايد حلوه
الإستقرار والحب والإحساس بالأمان .. الرومانسية الزوجية .. الدلع من عند الريال...
واحلى شي يوم يكون عندج في البيت طفل يملي البيت ابصوته وضحكته ولعبة....:21_207:

صراحه زوجي وولدي مالين عليه حياتي.... واستانس يوم هم مستانسين...:flower:

الصراحه الزواج احلى عن حياة العزوبيه لأن اتحسين انج مسؤوله عن شي وما بتلقين اي وقت للفراغ أو الملل... والزواج سنة الحياة...

وترى سواء كنتي متزوجه أو بنت المشاكل موجوده في كل مكان...
السموحه..:

يعطيكم العـــــــــــــــــــــــــــــــــافيه جميعا "

وربي ماقصرتم <الله يوفقكم ويسعدكم >>

اختي مهرة الزواج متعة وكل شي فيه حلو سبحان الله شي حلال وخصوصا ًإذا تزوجتي زوج صالح حريص على الصلاة بار بوالديه والأحلى من هذا كله الأطفال زينة الحياة الدنيا صدقيني إذا كان إختيارك للرجل موفق ما راح تندمين بتعيشين حياه جميلة مع زوج حنون الله يوفقك ويسخرلك زوج طيب وخلي والدتك تدعيلك في صلاتها ولاتغضبين والديك علشان ربي يرزقك بأولاد صالحين مثلك ......آمين

خاشوقة كلامك صح وانا اايدك ..بس أحس قبل الزواج له مميزات وعيوب , وبعد الزواج كمان ,,
&#4326;

موضوعكم حلو ..


بإختصار::

أنا أشوف كل مرحلة لها مميزاتها وعيوبها يعني مانقدر نقول العزوبية أحلى ولا الزواج(:

طبعا قريت بعض الردوووود


ومثل ما توقعت انه الزواج مب بس عرس وفستااان ابيض وزفه....بس بعد الزواج مسؤوليه كبيره

ويعتمد على الزوج....بعضهم يخلون الزوجه تطلع مع ربيعاتها مره في الاسبوع او اكثر....هذا اذا كانت الزوجه ذكييه وعرفت كيف تنظم وقتها مع زوجها وتوفر وقت اكثر للزوج واقل مع الصديقات...يعني كيف اشرح ..اممممم

انه اذا الزوج جاف اهتمام من الزوجه وما مقصره في حقه. يعني انها مب مهملتنه وما يحس انه بروحه ووحييد ..لان بعض الزوجات من كثر طلعاتهم الزوج يحس انه وحيد ..لكن البعض حتى لو يطلعون ويروحون وييون ومع صديقاتهم والاهل...الزوج بعد ما يحس بوحده وفراغ....هذا لان الزوجه ذكيه وتعرف تتصرف ... ف في هالحاله بيخليها تطلع لو اكثر من مره في الاسبوع مع صديقاتها لانه مطمئن انه الزوزجه مهتمه فيه وما راح تنساه لو طلعت مع صديقاتها..فلا تخافون من الطلعات بعد الزواج...خليكم اذكيا وكل شئ بيكون اوك

...بس اللي يخوف بعد الزواج انه مثل ما ذكرتو... النووووووووم...ما تقدرين تنامين مثل ما تنامين في بيت ابووووج....لازم تقومين من وقت وتجابلين الزوج وتهتمين فيه... والمشكله نحن احين في بيت ابونا...ما قاعدين نتعلم وندرب نفسنا...كله نقول اوووه يوم بيينا الزوج ...الله كريم ...وقتها بنقوم من الرقاد وبنجابله....بس يوم ايه هاليوووم....احس انه بيكون كابوووس...خخخخخخخخخخخخخخخخخخخخخخخخخ ما اقدر استغني عن النوم
بس كل شئ يهون عشان الزوج ورضاه لوووول


ومثل ما ذكرتو ...انه في بيت اللزوج روحج ترتبين الفراش والثياب وكل شئ...وفي بيت ابونا ...الخدامات اللي يسوون لنا....معنه امي دوم تقول لنا لازم تتعلمون من احين



وطبعا يوم الزوج يدلعج ويدللج....تكون الحياه الزوجيييه غيير ولها طعم ثاني لووول

والسموووووووحه

ادري اني طولت علييكم

بس حبيت الموضوع...وبغيت اشاارك فيه.... واسمحووولي اذا بعض الكلام ماله دخل في الموضوع.... بس لاني مب متزوجه ...فما اعرف الفرق بالضبط قبل وبعد الزواج...يعني ما عندي خبره مثل خواتي المتزوجات


والله يوفق كل وحده متزوجه فيكم... وعقبالنا نحن المب متزوجات

واسمحوووووووووووولي
وتسلمين ع الموضوع الحلو

بالنسبه لي

قبل الزواج عيب الطلعه عيب اللبس هذا عيب نروح هذا المكان انتي بنت انتي مب متزوجه

صح اني ارقد متى ما ابا اطلع بشور ابوي ولازم يكون حد من البديجارد يكون موجود ويانا يعني اخوي ابوي او حتى امي .


الحين اصيع انا وريلي وين ما ابا اطلع متى ما ابا وارقد متى ما ابا اروح السوق بروحى عادي محد يحاسبني اذا تاخرت مب مجبوره ازور حد لانه كيفي

ازور الي يزورني بس........نسهر ونطلع والله لا يغير علينا ان شاء الله والعزابيات الله يرزقهم بالزوج الصالح الي يعوضها عن كل شئ ما سوته ببيت اهلها


بعدين هذي سنة الحياة البنت تتزوج وحياتها تتغير اما للزين او للشين.

صح الزواج حلو و مرحله يديده نتعلم منها المسؤوليه وبالاضافه الى الاحساس بالامومه اللي هو شعور يسوى الدنيا ومافيها
بس افتقد العزوبيه من كللللللللللللللل قلبي والله
يعني كنت انام كثر ما ابغي محد يقولي شي
ماشي مسؤوليه غير دراستي فقققققط
طلعات ويا الاهل ورحلات وحركات(نحن عدنا مستحيل نطلع روحنا البنات حتى لو مجموعه لازم ويا الاهل)

طبعا حياتج ف بيت اهلج غير كلياً عن بيت زوجج, مسؤوليات ( زوج وعيال وبيت ) الزواج سنة الحياة..
دلع بنات لمن يقولون ما بنتزوج.. الزواج ستر , كم تسوى فرحتج لمن تشوفين عيالج يتنططون جدامج وزوجج راضي عنج.. بتقولين وينك عني من زمان..
وهذا خلاصة تجربة
ودمتم بود

ماشاء الله عليج يا نونو جنج رمستي عن حياتنا كنا ماشاء الله عليج كفيتي ووفيتي

كلامها صح بالملي

كله واحد ما فرق كثير

أختي كل مجتمع أو كل عائلة بتختلف عن الثانية

مثلا أنا قبل الزواج ما كنت أطلع هالطلعات مع صاحباتي بس من البيت للمدرسة والعكس وبعدي نمن الجامعة للبيت والعكس كمان

حتى طلعات مع الأهل ما في بحجة في زعران بهالمكان الفلاني وهذا شارع الصيع وانتن عارفات الباقي من الأهل

أما بعد الزواج أنا ارتحت اكثر وانبسطت أكثر مع أنه خطيبي ظل شهر عندنا وكل يوم طلعة أنا وياه وبعدين سافر:sad:
كمان غير تحكم الأخوة لا تلبسي هذا حراااااام ,لازم تلبسي هيك وهيك لحد ما قرفت حالي

أما زوجي ما شاء الله عليه أعطاني حرية في اللبس واشياء أخرى طبعا أنا ما بلبس جلباب بس لبسي محتشم و مرتب:87457:


وبعد الزواج بتشعري باستقرار أكثر وثقة أكبر وبسسسسسسسسسسسسسسسسسسسسس:poster_dev:

تسلمين حبيبتى على الموضوع الحلو انا راى انه البنت لما تزوج تشوف الدنيا الوحدة وهيا فى بيت اهلها ملكه نفسها لاكن فى بيتها تكون مسؤلة على حاجات كثيرة المسؤلية صعبة بس حلوة تخليكى تحسى بالوجود

آآآه والله العزوبيه حلوه ووناسه... نوم على راحتي .. طلعات لصحباتي على راحتي... عزايم كيفي احضر ولامااحضر


اللبس على كيفي.. لامسؤليه ولاشي.. ولا كل شوي كاشخه 24 ساعه لازم يكون شكلي حلو..

الحين عزايم رسميه لااهله ولزوجه اصدقاه ومو اي لبس ينطلع فيه...

انا لي 3 شهور متزوجه الحمد لله مبسوطه بس للحين ابي بيتنا مع اني مرتاحه مع زوجي

بس اشتااااااااااااااااااق لهم وابيهم

موضوع طـــــــــرر

الزواج مسؤولية وأنا مجربة

اتحفونا البنات بردودهم،،

نونو القطرية كفيتي ووفيتي،، وكل البنات ماقصرن بردودهن

وتسلمين يا مهرة على الموضوع ،،وايد فكرة حلوة وفعلا نستفيد من الردود ،،

أنا مو متزوجة ،، ساعات اقول بتزوج وساعات اقول لا بتم جي احسن لي،، لكن بعد اللي قريته اقتنعت

ان الزواج احسن،،

ومنكم نستفيد

صدقووووووووني خواتي قدامي نماذج كثيرة بالعيلة..على حسب حياتك عند اهلك وعلى حسب زوجك يعني كل وحدة وبيكون حكمها على الموضوع غير عن الثانية..

وحدة اهلها حاكرينها حتى بيوت صديقاتها تروحها بالسنة مرة وبالخش والدس وتزوجت واحد يخليها تزورهم كل يوم لو بغت وماخذة راحتها على الاخر.. ووحدة مثلها اهلها حاكرينها وبعد زوجها حاكرها مثلهم<<<<<<يافرحة ماتمت

وحدة بالعكس عند اهلها تطلع وماخذه راحتها وزوجها حاكرها ومطلع ىعيونها.. ووحدة اهلها مدلعينها وزوجها مثلهم مسويها يادهينة لا تنكتين ..

وحدة امها قاسية وكارفتها كرف العمى بالبيت هي والشقالة واحد وبعد ماتزوجت ماتحرك الساكن (الخدم والحشم)

يعني على حسب التوافيق وبعدين الوحدة لازم تسأل عن الرجال وتشوف كيف نظرته هو واهله للحرمة وشلون يعاملونها وشلون خواته عايشين واذا عنده اخوان متزوجين شلونهم مع حريمهم..

ولو ان اصابع اليد مو وحدة مثلا انا زوجي يختلف اختلاف جذري عن اخووووووووووووه تقولين مش من بطن واحد ولا متربين تربية وحدة حتى في اسلوبه مع الحرمه والنظرة بشكل عام..

المسألة زي ماقلت توافيق عليكم بالدعاء بالزوج الصالح اللي يسعدكم ويعيشكم في جنة.. وتذكروا أن(سهام الليل لا تخطيء)+السؤاااااااااااااااااال(يعني معاملته لخواته لو كانت شين معناتها مايقدر الجنس اللطيف اما لو كان قلبه طيب معاهم ويحن عليهم وحليو معاهم عرفي انه مع زوجته بيكون كذا واحسن

صحيح كلام الاخت نارا

المسالة مسالة قسمة ونصيب ورزق وتوفيق

وبعد حبيت اعلق على نقطه ذكرتها الاخت نارا ... السؤال عنه وعن تعامله مع اخواته .. انا برايي ان تعامله مع زوجته راح يختلف عن اخواته ... يعني مو شرط يكون مثلا لطيف مع اخواته يكون لطيف مع زوجته ... في ناس يكونون خشنين مع اخواتهم بس لطيفين مع زوجاتهم خخخخخخخ ومثل ما قلتي انه حتى الاخوان مو شرط يطلعون بتعاملهم مع زوجاتهم مثل بعض .. انا اخواني غيررررررررر مثل ما قلت ما كانهم طالعين من بطن واحد.

هو حظ يا نصيب ههههههههههههههه

اتمنى ما تكوني زعلتي الغالية نارا ... حبيت بس اعلق على كلامك الحلو والواقعي

الله يرزق جميع البنوتاااااااااااات يا رب بالزوج الصالح الي يدللهم ويقربهم من الله ويسترهم بالدنيا والاخرة
ويكون سكن لهم ويهنيهم ويحفظهم

نسالكم الدعااااااااااااااء

اختي الحياة الوردية كلامك صحيح ،، مو شرط معاملة الرجال لاخواته نفس زوجته،، اقولها لكم عن تجربه>>

أنا اخوي يعاملنا بقسوة وصارم وحاكرنا ولحد الحين يتحكم ،، لكن شوفوا الفرق مع زوجته دلللللع على الاخيييييير

وانسان ثااااني في تعامله ، ماكنا نتوقعه بهالحنية والرقة انصدمنا به خخخخخ ،، ويخدم زوجته لو تطلب لبن العصفور يجيبه لها ههههه

الله يعينا،، ويرزقنا على قد نوايانا وناخذ اللي يستاهلنا يا أحلى بنات