كل العرايس يدخلون (اجباري)قولي لنا كيف انخطبتي &_&

همسة للبنوتات اللي ماتزوجن :


أكثرن من الأستغفار حبيباتي فالأستغفار يقرب

الخيرات ويفتح أبواب الرزق وللأستغفار فوائد عظيمة

لايعلمها إلا الله سبحانه ,,

وانتِ في السيارة أو في المكتب أو في البيت او قبل لاتنامين

استغفري وأنصح نفسي قبلكن ,,

وبإذن الله سترون عجائب الأستغفار ,,

وعن تجربة والله ,,




:



إختكم ,,

اختي تزوجت قبل 3سنوات واخو زوجها اللي هو حاليا خطيبي:o طلبني اكتر من مرة
والحمدلله من فترة قريبة صار نصيب
وانكتب كتابنا(f)
والعرس ان شاءالله قريب
ادعولنا..:o

يوووووووووووه والله موضوعك جاي على الوتر الحساس انا احس خطبتي نوووووووووكته اولا اهل خطيبي يصيرون جيران عمتي ومره كنت عند عمتي وشافتني اخته والضاهر انها حاطتني ببالها طبعن كانت صغيره بثالث متوسط المهم يوم تخرجت من الثنوي دقو على عمتي وطلبو منها رقمنا وهي اعطته امي وجو اهله وشافوني وكنت تووووحفه توني قايمه من النوم + مزكمه+ باكيه يعني فلم هندي المهم شافوني وكل شي اوكي وبعدها بكم يوم جاء وشافني وطبعا درت بالمجلس 5 دورات ادور مكان للقهوه الي بيدي مدري وش هالغباء الي جاني والمعرس ماقصر كمل الناقص وكب الشاهي من الربكه وعدت الشوفه على خير
وجاء يوم الفحص الطبي
ورحت وسويته ويوم جاء استلام النتيجه طبعا رحت انا والماما والبابا وهو ويوم اخذت التقرير حقي اكتشفت انهم ملخبطين بمعلوماتي عمري+ عائلتي حاطين عمري 29 طبعا هو ماقدر يمسك نفسه ماتو ضحك هو وابوي على شكلي لاني عصبت خييييييير 29 وانا عمري 18
المهم عدلوها وتم كل شي وتطابقنا

وبعدين جاء ذاك اليوم امي جتني الصبح قالت قوووومي اليوم ملكتك طلعو مكلمين ابوي امس وقايلين له احنا عازمينك على العشاء انت والعيال وودنا نملك المهم تمت الملكه
وزواجي ان شاء الله ب4\8
وووبس

وين العرايس الحلوييييييييييين
:)

فضووووووووووووووووول
اذا انخطبت على طول بجي وأقولكم
بس ادعووووووووولي

هههههههههههههه
قريت بعض القصص والمواقف حلووووووه هالذكريات
يالله ياقمرات بكتب سالفتي^_^
انا انحطبت لواحد قرابة سنه وتركنا بعض ماصار نصيب..
وبعد فتره جانا واحد من الاهل مدري ليش جااااااااا
وهك يوم طلعت بسرعه لان كان عندي اختبار فاينال اخر السنه فالجامعه سنه 2
وكان ربشه فالبيت بعد شهر عرس اخوي واسمع صوت الجرس واطلع لبرع ع بالي اغراض وترتيبات عرس اخوي ماخليت شغاله تفتح باب طلع واحد اقاربنا وكلمته ونا مستحيه وراح والاخ ع طووووووووووووووول لعند اهله قال ياحرام ماخذه فلان ونا ابغيهااااااا ههههه قالو له تعال ترى تركو بعض قبل كم شهر والا يقول اخطبها اخطبها الحيييييييييين ههههههههههه جلسنا فتره وانا اشوف اهتمام اخواته فيني مو طبيعي فالمناسبات وكان معاي اخته فالجامعه وتمدح في خوها وتكلمني عنه دووووووم يوم جا الوقت مناسب وكلمتني والله انصدمت ماكان ع بالي وبعدين اهله جونا وتكلمو مع الاهل وبين مد وجزر وافقت ولنا سنتين ونص مخطوبين والحمدلله احلى ايام مع بعض والعرس بعدها متحددت بس هالسنه ان شالله لاني خلااااااص تخرجت من الجامعه والحمدلله@
طولت عليكم ههههه
وعقبال الصباياااااااااااا يارب

فضووووووووووووووووول
اذا انخطبت على طول بجي وأقولكم
بس ادعووووووووولي

انا قصتي عجيبه في فرح قريبتي شافوني اهله وطلبوا يدي وفي البدايه رفضت من الخوف والخجل بس بعدين اصريت على الشوفه الشرعيه قال شوفه قال والله من جد فلم صامت (لابس اول مره اعرف انه سراميك المجلس مو ملأم مع الكنب) هذا دليل على اني شفته يعني مركزه في الأرض بس انتضر ابوي يشاورلي وأطلع بسرعه ركض والله كأن احد يلاحقني....هههههههههههههههه

ثانكس عالموضوع الحلو
أنا بتستغربوا وين شفت خطيبي هههههههه
بس صراحة يوم ما انساه بحياتي
الله يحفظكم المهم أنا شفت خطيبي في حفلة محمد عبده أنا وأختي كنا جالسين بقسم العوائل إلا انشوف واحد مسوي هواش مع المنظم أو السكورتي فطالعنا ورانا إلا نشوف المنظم يسألنا تعرفونه هذا وفخاطري أجول مسكين كسر خاطري على كشخته وحلاوته وحرام يتفشل هههههههههه جلت للمنظم إيه أعرفه هذا أخوي ... وجلس ورانا يعلق عالرايح والجاي وفطسنا ضحك من سوالفه بس ماعطينا ويه ولحقنا لما طلعنا من الحفلة وبالصدفة طلعت أختي تعرف أخته وساكنين قريب حارتنا وصارت زيارات خفيفة بينا وبينهم والحمدلله تم كل شي على خير وانشاءالله الملكة بعد العيد والله يوفقنا جميعاً .

طريقتي خطبتي
اتعامل مع واحد في الشغل كلمني بخصوص صديقة اخذت السالفه عن طريق المزاح
كنت دايما اروح اتمشى المغاربي اللي وياي في الشغل يدري ويعرف اوقاتي
تواعدوا كان يوم الجمعه جايين من لعب الكرة ومعرقين ورايحين الحلاق بعد يعني معفنين
من شافني على طول رجع البيت وقال لامه
ثاني يوم هم في البيت
حددنا المهر ليلة العيد الوطني 16/12/2008
وشرينا الذهب 25/12/2008 ليلة الكريسمس
وعقدنا يوم 28/12/2008 عيد ميلادي
وحفلتي 1/1/2009 راس السنه
السالفه من شافني لليلة الحفلة شهر واحد

موضوع حلووو بس لقافه دشيت الله يسعد الجميع ادعوا لي

موضوع حلووو بس لقافه دشيت الله يسعد الجميع ادعوا لي

الله يوفقش ان شاء الله ويرزقش بالزوج الصالح
الموضوووووووووووووع عجبني وااااااجد احليو
اني انخطبت عن طريق خالة زوجي اخذت الرقم من عند صديقتها واتصلوا فيني وسوينا مقابلة وقال ليهم اني عجبته فاتصلوا يوم ثاني فيني واني كنت موافقة وكنت طبعا مستانسة لاني بنخطب هههههههه وانخطبنا 1-12-2006 وتزوجنا 21-3-2008 وانجبت طفلة امورة 14-1-2009 وتوتة توتة خلصت الحتوتة

انا الحمدلله الي حلمت به الله عطاني اياه
الله يحفظكم كان ولد خالتي مسوي له ديوانيه في رمضان يفتحها الى الشباب على شاي وقهوة ومن هالسوالف كانت هالديوانيه في بيت خالتي وكنا ادا رحنا بيت خالتي انشوف الشباب قاعدين انا لفت انتباهي واحد واول ما شفته كان يصلي ما ادري ليش عجبني او شد انتباهي
مرت الايام وخلص رمضان وفي يوم عادي رحنا بيت خالتي وينطق الباب قالوا لي روحي شوفي من الا يطلع هو مسكين ماقام يطالع وعجبني زود وتمنيت ان يكون من نصيبي

في يوم من الايام جت اختي وكلمتني ان صديق ولد خالتي (خطيبها) يبي يخطب وهي قالت الى خطيبها عني وهو قال الى صديقه وثاني يوم حب ولد خالتي يطلعنا وبالصدفه شفنا صديقه كانت مأمره بينهم

وخلاص اخر الاسبوع تقدم وبعد 3 اسابيع رديت عليهم ههههههه

وهدي قصتي

موضوعك رووووعة
اولا الله يزوج كل العازبات ويتمم لكل المخطوبات على خير عاجلا غير اجلا
ويسعد كل المتزوجات
انا خطيبي يصير اخو زوج اختي ووزوج اختي هو اللي كلمه عني لانه طلب من اخواته و اخوانه انهم يدوروله عن وحدة
واختي هي اللي فاتحتني في الموضوع

وانا الحين مخطوبة بس من غير عقد لسه ماصارت ملكتي ادعولي الله ييسر امورنا نعقد قرييييييب

حلو الموضوع وقريته كلللللله
الله يسلمكم تعرفت على خطيب يالحالي عن طريج بنت خالي
سنه 2006 كنت اكلمه عادي
عقب وايد صادتني ((عقباات)) وااااايد واثرت فيني واايد
من سنه 2006-2008 هدا كل شي وسبحان الله برغم من تدخلات بنت خالي والمشاكل الا اني كنت اجوفه اهوا شريك حياتي مع اني ما حبيته من البدايه
وبس رمضان الي توه راح سوينا فحص الدم طلع اوك ولا فصيلة دمنا نفس الشي ^.^
وانشاءلله خطوبتنا شهر 11

انا شافوني في خطوبه اخوي

وكنت اول مره اتمكيج واتعدل وسيده اخطبوني خخخ

لان يازعم فيني المواصفات المطلوبه

بس اول ماسمعت الخبر استانست بس ماكنت موافقه >>> بس جذي دلع

فصليت الاستخاره وتوكلت على الله

وشفت روحي وافقت

ويوم الفحص

كنت دايما انسى شكله فانطر الموعد عشان اتذكره خخخ

وكان كلش مايضحك اشوفه يشوفني ابتسم له وهو ولا معطني ويه

ويوم اطلعت النتيجه طلع انه حامل الثيلاسيميا

عاد انا سكت ماقلت حق احد قلت الحين امي شنو يفهمها حامل و ماحامل

الا هو راح وقال حق امي

وامي قالت لا مانبيه ومادري شنو وعقب فهمتها انه عادي لأني سليمه

ويوم اتصلو يحددون الملجه

صار سوء تفاهم

وانا عبالي ان الملجه يوم الاحد فرحت الصالون حفيت وتعدلت

الا اخوي متصل يقول لا يوم الخميس

وقعدت اصيح

والظاهر اخوي كلمه وصارت الملجه يوم الثلاثاء عقب قلت اتأجل يومين ولا 4 ايام خخخخ

والحين انا متزوجه وصار لي شهرين

والحين اقوله ليش مماييت خطبتني قبل جم سنه خخخخ

على العموم مشكوره حبيبتي على الموضوع الحلو

والله لانعرفهم والاشي غير يوم دخلو بيتنا يخطبووووووووووون :2_106: سبحان الله النصيب :) ماشاء الله


امة اتصلت ع الوالدة وقالت لها انه وحدة دلتهم علينا وعطوها الرقم ودقت علينا عشان المواصفات الي طلبها ولدها فيني بختصار كانت تتكلم هي والحرمة عن مواصفات الي يبيها ولدها ومالقولة للحين والحرمة هذي تعرفنا من بعيد قالت اعرف وحدة عندها بنت بلمواصفات نفسها وسبحان الله دقو وفي نفس اليوم جوووو وخطبو وكان نهاية الشهر الشوووفة والحمدلله تتتم كل شي ع خير الملكة والشبكة بنفس اليووووووووووم والحمدلله سبحان الله كلة نصيب ومقدر

وعقبال كل البناتتتتتتتتتتتتتتتتتت يارب مايجو يشاركون بخطبتهم والله يتتم لي ولكل عروس ع خير

أما انا كنت اشتغل بصالون وشغلي بالمكياج ...وكانت اخته جاية الصالون

للحف وشافت مكياجي على وحدة من الزبايين ...الا هي تقول ووووااااوووو

مكياج حلو وناعم ... وبعدين دخلت لنا بغرفة المكياج وقالت تبي تشوفني وسلمت علية

وقامت تتكلم عن الموظفة الا تشتغل معاي بخفيف وقالت ووواااااوووو ماشاء الله ... تقول لها

احنا ندور لأخوي وحدة وإن شاء تكون من نصيبنا ... والحمدلله صرت من نصيب اخوها ...


المهم ادعوا لي الله يتمم علية بخير واتزوج...

انه خواته شافوني في عرس ويوم الثاني شفته يم الشغل الي اشتغل فيه اهو مع اخته والحمدلله عجبني وعجبته وتقدم لي وظليت اكلمه في التلفون وانه اجهز الى العقد والخطوبة وكانت فترة خطوبتي بس 3 شهور وانه الحين صار لي 3 سنوات متزوجة ادعولي الله يرزقني بالذرية الصالحة علشان افرح ريلي حبيبي