كل العرايس يدخلون (اجباري)قولي لنا كيف انخطبتي &_&

السلام
يا حليلكم يا بنات
هذا الله يسلمكم خطيبي الله يحفظه لي >>>>>>>>>> زواجنا بشهر 10 ان شاء الله يصير اخو زوجة اخوي
و بنفس الوقت امه بنت خال امي
المهييييييييم مالكم بطول السيرة هو قال لخواته انه قرر يتزوج فيبغاهم يرشحون له بنية بنت حلال و متعلمة و راقية و ما يهمه الجمال >>>>>> بس الله وفقه فيني لا تفكروني مو حلوة بس من جد على قولة خطيبي اللي ما يتشرط يتوفق :D:D:D
هم رشحوا له اكثر من بنت و انا من بينهم
المهم و لانه الله يسلمكم يحب اخوي اللي هو زوج اخته اختارني و لان مواصفاتي عجبته اكثر من باقي البنات >>>>>>>> وصلت للتصفية النهائية كككككككك
المهم اخوي اللي كلمني و انا بصراحة ما كنت اعرف عنه شي فقلت له اسأل امي و ابوي و شوف ايش يقولون
الله يسلمكم هذا الوالد و الوالدة وافقوا و بديت استقبل التبريكات و التهاني
و فجأة .................................. و بنفس اليوم اللي المفروض يجون جاهة الرجال تفاجأنا ان ابوي غير رايه و قال اتصلوا عليهم و قولوا لهم لا يجون لان اختي اكبر مني و هو ما يبيني اتزوج قبل اختي اللي اكبر مني
الرجال انصدم بس قال ما دام هم مو رافضيني شخصيا انا بانتظرها لما تتزوج اختها ما عندي ما نع
و ظلينا يمكن سنة و شوي و رجع اخوي و كلم ابوي و اقنعه انه يوافق لان الزواج نصيب و ما احد يدري متى يجي نصيبه و من هالكلام و بالنهاية وافق و هالمرة استقبلنا الرجال و تمت الموافقة المبدئية
و فجأة ...................................................... للمرة الثانية قبل حفلة الخطوبة يعلن ابوي الرفض للمرة الثانية بحجة ان الولد مو عاجبه و ما يناسبني
بس هالمرة انا اللي يجيني احباط و تعبت نفسيتي كثييييييييير و الله حسيت ان في شي مب طبيعي بهالخطوبة
بس حياتي زوجي اعلنها صريحة انه يحبني و ما يبيني الا انا و انه اذا ما تزوجني ما راح يتزوج وحدة ثانية و الله يا بنات صرت مشهورة و كل ما اروح زواج او مناسبة عائلية او غيرها اسمع الحريم يسألون عني و ين بنت فلان اللي يحبها فلان و ابوها مو راضي
و الله السالفة صارت فللللللللللة المهم صار كل ما احد خطبني ارفض
و ابوي ينقهر قلت له انا ما ابغى الا هالانسان اذا ما بتوافق على زواجي منه باظل طول عمري ما باتزوج >>>>>>>>>> خاف الرجال من التهديد و قال ازوجها قبل لا تطيح بجبدي :D:D:D
المهم يا بنات يوم وافق هالمرة بسسسسسسسسسسرعة سوينا خطوبة و ملكة عشان لا يرجع و يهون
و الله انه حتى ليلة الملكة كان بيهون بس الله ستر و اخواني تدخلوا
و الحين صار لنا 9 شهور مملكين و زواجنا بعد العيد
ان شاء الله ما اكون مللتكم و لا طولت عليكم
بس الوحدة ما تدري وين نصيبهاو لا من بتاخذ