تجمع حوامل الثلاث الشهور الأولى1-2-3

حبي الغالي هونيها وتهون انشاء الله مابقى شي وزوجك يرجع كلها 11 يوم


الغريبة 111 مبروك ، والله يثبت حملك ا نشاء الله ، التزمي الراحه التامه ولاتجهدي روحك وانشاء الله تفرحي بشوفة البيبي


باقي البنات وش اخباركم ؟؟


انا هاليومين في بيت اهلي وكله فيني نوم بسبب الخربطة في موعد النوم

من شوي امي كانت تسبح ولد اختي الصغير وكنت واقفه يمها والله جلست احاتي شلون بعدين احس يبغي لها ، عاد امي قالت لي 40 يوم بتكونين عندنا وانا بسبحه بس بعدها الله يعينك :eek:

loneliness *ضي القمر* قوه حبيباتي ومشكورين علي الردوداللي اتبرد الجبد
وانشالله يارب اكمل المشوار معاكم
وانا انصح كل وحده في القران الكريم والمعوذات

زهور.. خيتوو لا تخليني احاتي.. انا بجيب توآم ان شاء الله :( وتخيلي انا في ديره وامي بتكون في ديره ثانيه
وغير هذا اني موظفه :( جد الله يعيننا على تربيه عيالنا لحالنا.. احس البدايه صعبه خاصه اول مولود،،،

مالنا غير نقول الله ييسرها يارب...


بسبووسه .،، تسلمين ياقلبي ع التذكير بالفعل المعوذات تحفظنا باذن الله..
ونفس الشي لما نقول ثلاث مرات (اعوذ بكلمات الله التامات من شر ماخلق) لما نروح اي مكان وندخل على ناس او نكون في بيت احد ونكون خايفين من العين


الله يحفظنا ويحفظ اجنتنا يارب..

اي والله الصراحه انا حدي متعقده من السالفه هذه
عشان جذي انا المدلله دايما ويوميا الصراحه اختم بصورة البقره
واذا ماكو شغل مرتين في اليوم
والله اتحسين في راحه مو طبيعيه
والنومه حدها تكون مريييييحه
والحمدلله علي كل حال والله الحافظ
وانا انشالله علي يوم الاثنين الياي راح اسوي السونار وانشالله خير

السلام عليكم عرايس لكم وحشه...[/CENTER][/CENTER][/CENTER][/CENTER][/CENTER]

انزين حبايبي ما تعرفوت تحاميل او شي يوقف ها الافرازات يعني احد مجرب من قبا تو تاد؛نوره اوصفت لكم شي
اتنه ما احب اشوفه

هلا النفس البريئه والله وش أقول لج خيوو كلما أتصل ليه أقعد أصيح وهو يستحمق عليي يقول ليي لاتصيحين تالي يصير في ولدي شي

هلا اختي الغريبه الف مبروك الحمل والله يثبته لج أنشاءالله

هلا أختي أم هيا أنا متقدمه عليج بشهر كامل .. أنا آخر دورة ليي كانت 23/5

هلا أختي ALSHOG الف مبروك حبيبتي على الحمل والله يثبته لج انشاءالله وانتي لاتخوفين روحج

هلا أختي زهور بنفسجيه والله حدي تعبانه مضايقه حتى هالايام ولدي واااايد يتحرك وأذا قعد يتحرك أقعد أصيح وأقعد أكلمه أقول له انت بعد وحشك البابا ههههههههههههههههههههههه

هلا أختي بسبوسة الحلوة شخبارج ؟؟ أنشاءالله تواصلين معانا وتتعودين علينا وماتنسينا :)

هلا أختي loneliness الله يعينج حبيبتي والله صج صعب الوحدة تولد وأهيي بعيده عن أمها بس يلا شتسوين بعد

هلا أختي أريج اي والله وش نسوي .. أنتي شخبارج أنشااءلله بخير ؟؟

وش أخباركم باقي الكروشات ؟؟ وينكم قمقومه وفيدباك وأمل وحبيبه وسوسو ميدو والسيدة سوسو وحزينه الايام وwadeema وأم عزوز والسموحه اذا نسيت أحد والله مو مني من فراق الحبيب :(

قصدي ان الدكتوره اوصفت لكم شي يوقف ها الافرازات

هلا والله كروشات


لا جديد لا جديد لا جديد

عقب كم يوم بدخل السابع وعندي موعد ويا الدكتورة

مرحبا بنات .. حابه انضم لكم .. الحمد لله طلعت حامل وهاي حملي الثاني .. بنتي عمرها سنتين ونص والحين صار لي 6أسابيع حامل .. لكن للحين ما حسيت بأي شي الحمد لله مو مثل حملي الأول كنت دوم اترقد في المستشفى ووحامي كان وايد قوي .. يارب الحمل هاي يكون أسهل ..
والله يسهل على الجميع

++ ختيه الغالية حبي الغالي ++

أنا بخير يعلنيه افداج

والحمدلله ابتديت أشتهي على الأكل :21_21:

وإن شاء الله أستمر على هالحال وأتحسن أكثر وأكثر

والبيبي قمت أحس بحركته بوضوح

إن شاء الله عقب 3 أيام (22 - 10 - 2007) عندي موعد في المستشفى

بحاول هالمرة أسأل عن جنس البيبي

لأني آخر مرة سرت مستشفى خاص

وقالت لي الدكتورة البيبي نايم على بطنه ولا ايبين جنسه :21_182:


الغالية بخصوص أبو الشباب

لا اتصيحين ولا تزعلين

كل شي يكتبه رب العالمين فيه خير للإنسان

وادعي أنه رب العالمين ايرده لج سالم غانم ويحفظه لج



+++++++++++++++++++

++ ختيه الغالية *ضي القمر* ++

أنا بخير يالغالية

والبيبي الحمدلله بخير


طمنينيه عنج حبوبة


+++++++++++++++++++

++ ختيه الغالية لبى قلب وليدي ++

وعليكم السلام ورحمة الله وبركاته

وانتي بخير يالغالية وعساج من العايدين والسالمين

ونحن اشتقنا لج وولهنا عليج أكثر حبوبة

وإن شاء الله دوم متواصلين



+++++++++++++++++++

++ ختيه الغالية زهور بنفسجيه ++

عساج تفرحين بشوفة البيبي يا رب

ويتربى بعزج وعز أبوه

آاااامين يا رب

وإن شاء الله بشوف المكتبات الكبيرة عندنا وبدور على هدية المولود .. وإن شاء الله خير

وتسلمين يالغالية أنج طمنتينيه بخصوص السونار

عسى ربي يحفظ لنا بيبياتنا ويرزقنا إياهم سالمين كاملين الخلقة من غير زيادة ولا نقصان

+++++++++++++++++++

++ ختيه الغالية *ام هيا* ++

عسى ربي يحفظ لج البيبي

وإن شاء الله الشهر الياي ايخبرونج بجنسه وتفرحين به واتقر عينج بشوفته

بس خبريننا أول ما اتعرفين جنسه إن شاء الله .. عشان نفرح وياج :21_112:


+++++++++++++++++++

++ ختيه الغالية qtr-dream ++

أنا من بداية الشهر الثاني لين نهاية الثالث وأنا تعباااانة

وحامي كان من النوع الصعب جداً

وهذا أول حمل لي

فما كنت أعرف كيف بيكون الوحام

عانيت من اللوعة والترجيع والتعب والوهن والجفاف وكرهت الأكل .. حتى برامج الطبخ صار عندي شي كريه

وكنت أرجع في اليوم على الأٌقل 4 - 5 مرات .. هذا وأنا مش ماكلة .. أو ماكلة خيارة أو شي خفيف

لكن من دخلت الرابع

الحمدلله خفت اللوعة

ويوم عن يوم خف الوحام والترجيع

وحالياً أرجع يمكن مرتين إلى 3 مرات في الأسبوع

يعني الحمدلله أحسن عن قبل

وغديت أشتهي على الأكل وأطلب أكلات معينة

فإن شاء الله ايخف عندج الترجيع

رغم أنه بعض الحريم يستمر وياهن

يعني من وحدة للثانية يختلف هالشي

وسمعت أنه من حمل للثاني عند الحرمة نفسها يختلف الوحام

فإن شاء الله من تدخلين الرابع اتبشريننا أنه الترجيع خف واختفى عندج


أما بالنسبة للحركة

فنفس الشي

الاحساس بالحركة يختلف من وحدة للثانية

أنا حسيت بالحركة في الشهر الثالث تقريباً

لكن طبعاً من شهر لشهر .. تبتدي الحركة اتزيد واتحس فيها الحامل بوضوح



+++++++++++++++++++

++ ختيه الغالية بسبوسة الحلوة ++

مرحبا بج بيننا حبوبة

كثري من الدعاء والاستغفار يالغالية

وعسى ربي ايتمم لج على خير

+++++++++++++++++++

++ ختيه الغالية feedback++

الحمدلله طمنتينيه أنه الوحام خف عندج

أنا شراتج بعد .. الحمدلله أحسن

ولو أني بعدنيه أكره بعض الأكلات .. خصوصاً اللحوم

لكن غديت آكل كاكاو على خفيف رغم أنيه كرهت ريحته في الوحام

وغديت أدخل المطبخ وأطبخ على خفيف <<< إنجاااااز الحمدلله

ربي ايتمم لنا على خير .. آااامين يا رب

+++++++++++++++++++

++ ختيه الغالية اريج_خاشقجي ++

النور نورج يعلنيه افداج

وعسى ربي ايرد لج أبو الشباب سالم غانم واتقر عينج بشوفته

وتسلمين أنج طمنتينيه بخصوص السونار

وإن شاء الله مستمرة على الألبان :up:

+++++++++++++++++++

++ ختيه الغالية ted ++

كلنا على نفس الحال

النوم متخربط والوقت مش منظم

لكن إن شاء الله خير



+++++++++++++++++++

++ ختيه الغالية النفس البريئة ++

منورة يالغالية

وعسى ربي يحفظ لج حملج يا رب

+++++++++++++++++++

++ ختيه الغالية الغريبة 111 ++

حياج الله بيننا يالغالية

وعسى ربي ايثبت حملج وحملنا وايتمم لنا على كل خير

ويرزقنا ذرية صالحة .. صحيحة وسالمة

آااامين يا رب

+++++++++++++++++++

++ ختيه الغالية ALSHOG ++

ألف ألف ألف مبروك الحمل يالغالية

وسبحان الله!!!

رب العالمين يرزق من يشاء بغير حساب

وعسى ربي ايتمم لج على خير

+++++++++++++++++++

++ ختيه الغالية قمقومة ... قم قم ++

إن شاء الله اتممين شهور الحمل بكل خير

واتقر عينج بشوفة البيبي

+++++++++++++++++++

++ ختيه الغالية ندى الدوحه ++

حياج الله بيننا يالغالية

وألف ألف ألف مبروك الحمل

وعسى الله ايتمم لج على خير


أنا كل ما وحدة قالت أنها في حملها الثاني ما حست بالوحام شرات أول حمل

أتفاءل وأقول إن شاء الله ربي يرزقني الحمل عقب حملي هذا وأكون من هالنوعية

لأني صدق عانيت في حملي هذا واترقدت في المستشفى

بسبوسة الحلوة ماعندي اي فكره اذا في حبوب توقف الافرازات بس الافضل روحي للطبيبه ، والله يحفظ جنينك وجنيني


loneliness لاتحاتين انشاء الله الله يسهلها علينا


اريج_خاشقجي شخبارك يالغاليه ، كم صار لك الحين من اسبوع ؟؟الله يفرحك بشوفة البيبي ويرد زوجك سالم


حبي الغالي ههههههههه الله يرد زوجك سالم يارب ترى الصياح ماهو زين لك بعدين طفلك بيطلع صياح





قمقومة ... قم قم تراك تغبين عن واجد انت والسيده سوسو ماتعلمنا نبعد عنكم ، الله يخلي لك فتوووووووووومه



ندى الدوحه الف مبروك الحمل ، انشاء الله وحامك هالمره اخف



Romanove زين زين قمتي تشتهي الاكل والوحام خف عليك اكثر ، لاتنسين تبرينا اذا عرفتي وش فيك


اخباري لاجديد الوضع امان :9_28:

هلا أختي ندى الدوحه الف مبروك حبيبتي على الحمل والله يثبته لج أنشاءالله

هلا أختي Romanove وش أسوي بعد والله كليوم أصبر روحي على فراقه وأقول يلا ماباقي الا جم يوم ويرد والله يرجع ليي بالسلامه يااااااااااااارب .. حتى حاطه نك نيمي في المسنجر جذي ( ياراحلاً عني غصب يعز عليي أودعك أعفيني من حرق الدمع ماقول غير الله معك) :(

هلا أختي زهور بنفسجيه اي والله صدقتي اذا طلع صيااح بضربه ههههههههههههههههههههههههههههه

والله أنا متملله حدي في بيت أبوي .. ما أعرف أنام كلش أبي بسرعه ارجع شقتي لان كلش مو مرتاحه في بيت أبوي ماادري ليش ؟؟

الناس اذا في بيت أبوها تستانس وترتاح لكن أنا غير :sad:

بسبوسة الحلوة اي والله الافرازات مره تاعبتني نفسك بس انا سمعت انه في حبوب بس خفت اني اجرب


loneliness الله يساعد الجميع على العيال وبلاويهم بس حلوين ههه


اريج_خاشقجي شخبارك واخبار البيبي ؟


حبي الغالي ههههههههه الله يرد زوجك سالم يارب


ندى الدوحه الف مبروك الحمل ، انشاء الله وحامك ااخف

Romanove زين زين قمتي تشتهي الاكل والله حاله اذا ماكلتي تتعبين مره

هلا بالغاليات زهووور حبيبتي انا ببداية الاسبوع ال 14 اول يوم وكل يوم خوفي يزيد.........ربي كريم...........تيد هلا حبيبتي الحمدلله بخير شلونج انتي والبيبي؟؟ حبي الغالي ربي يصبرنا.........لونلس حبيبتي طمنينا عنج..................................بنات باسالكم لا تنطشوني بالله هل الزعتر يضر الحمل؟؟ اكلت زعتر البارحه وحااايفه واحس اني تعبانه مدري بسبب القولون او بطني والله محتاره............اليوم العصر باسوي سونار وباخبركم ويارب كل خييييييييييير دعواتكم

ايه والله يا بنات سالفة النوم هذي صج سالفه .. والمشكله ريلي يزعل علي لأني أنام قبله وأصحى الفجر .. يعني مااشوفه أبـــــــداً :21_163:.. بس شسوي مو مني والله..بس آنه وايد قاعده أحاتي وانتظر موعدي الجاي في تاريخ 29-10 لأن نبض البيبي كان ضعيف .. مع ان الدكتور طمني وقالي يمكن لأنه توه بادي النبض فهذا شي طبيعي .. بس الوسواس لاعب فيني لأني حملت قبل هالمره وفجأة وقف نمو البيبي .. الله كريم :whistling:

ندى الدوحه اعتقد حبيبتي ان نمو الطفل فجاه وقف لان الغذاء والاكسجين ما يوصل كفايه للطفل. والعلاج هو الاسبرين حبة اسبرين كل يوم تزيد تدفق الدم للجنين وياخد كفايته من الغداء والاكسجين ..............................استشيري طبيب ااخر وربي يتمم لك واياكي على خير

صح حبيبتي هذا اللي كان السبب .. والحمد لله الحين آخذ اسبرين كل يوم مع 4 حبات دافستون والفوليك اسيد .. والله يكتب اللي فيه الخير يا قلبي

مرحبا كروشات وش اخباركم طمنونا عليكم

الله يرد زوجك لك ولا يفرقكم عن بعض ويديم عليكم الالفة حبي الغالي

اهلين اريج والله ما ادري اذا الزعتر يضر او لا انا مثلك هلايام نفسي فيه فطور وغذاء وعشاء كله فطائر زعتر الله يستر

هلا والله وغلا بريمانوف وشلونك يالغلا طمنينا عليك ولا تقطعينا

باقي الكروشات وش اخباركم ومبروووووووووك الحمل للكروشات الجدد