تجمع حوامل الثلاث الشهور الأولى1-2-3

فيدباك عيوني ماتقصرين وانا اقول يمكن صحيح البطارية مخلصة بس شي يملل بس اهمال المستشفى


حبيبه احتمال يكون عندك التهاب في البول اهم تكثرين من شرب الماء وتروحين المستشفى ضروري



مبروك الحمل للجدد


بنات نزل وزني كيلوين كان 42 والحين 40

هلا والله با الكروشات
شخباركم اتولهت عليكم ........... مع انه محد اتوله علي غير سوسو
انا الانترنيت كان مقطوع عندي
وغير جي مراكض حق رمضان ..... الجدور والمواعين الجدام اتصدقت فيهم وخذت حق رمضان يديد
وخذت مطابق حق ماما لانها هي الي بطرش لي اكل كل يوم
بس انا خذت جيلي وكستر وكريم كراميل هاي الاشياء الخفيفة اروم انا اسويها وخذت عصاير فيمتو وناتق وسان كويك
وبس
واليوم الي قبل امس سرت الجمعية بعد واغمى علي وتيلفوني ايصيح وانا اسمعه بعيد كاني غرقانة وردت حرمه على التيلفون اتقول حق ريلي تعال اغمى عليها حرمتك وتدرون وين طحت وين الكلوركس والكلوركس انفتح علي وعباتي صارت بيضا وشعري لين صبع ريولي كلوركس
والحمد لله عدت على خير .....

هلاااا وغلاااا بقمقومه


عاش من شافج يالغاليه ,,

تو مانور المنتدى ...


وألف الحمدلله على سلامتج ياغلاي

فدييييييييييييييتج يا قمقومة ما تشوفين شر ... روعتيني عليج انتبهي ثاني مرة اكيد طلعتي مب ماكله شي ولا مب مريحة عمرج .. حاسبي على عمرج ... ويارب يبلغج رمضان وانتي بخير ..وبسلامة ..
انا احتمال باجر اروح بيت اخوي و اقطع ككم يوم .. مادري شو صاير معاي ايني ضيقة من البيت حتى النفس بصعوبة اتنفسة لما كنت بلمستشفى ما احس باي شي ..قلت بخاطري بروح بيت اخوي احسن شو يقعدني .. ريلي الله يسلمة دوم مشغول وبعد كم يوم بيسافر احسن لي اشرد قبل لا يمسكوني بيت عمي :)
باقي البنات شحالكم ..صديقاتنا الحوامل اللي على وشك يخلصون الوحاام طمنونا عليكم
واللي بعدهم يتوحمون الله يعينكم ..

هي والله يا سوسو الله سلم ما طحت واغمى علي على بطني والا على ظهري والا جان وليت الله سترها وياي كانت الطيحة جايدة
وليش بتسيرين عنا بعد بيت اخوج بنتوله عليج
انزين تدرين عيل دام جي
جيكي الخاص اباج في كلمة خشم خخخخخخخخخخخخ

أختي املي ان يرضى الله عني الله يثبت حملج ويسهل عليج انشاءالله ويخفف عنج التعب

هلا قمقومه ماتشوفين شر وينج انتي حتى المسنجر كلش ما أشوفج اون لاين

Romanove اخبارج يالغاليه ان شاءالله انج بخير .وكيف الوحم وياج .......اما عن البرنامج والله مثلج طول الوقت اقول سبحان الله:9_33:


زهور بنفسجيه العفو يا قلبي ......اهمال شو تبينا انسوي......ان شاءالله ما تشوفين شر وزيدي من الاكل عشان تمتنين شوي....:encore:


قمقومة ... قم قم ما تشوفين شر يالغاليه ....انتبهي على عمرج مره ثانيه :9_28:



بعثره محبره اخبارج ياقلبي بشريني عنج ..............:flower:


السيدة سوسو كيفج يا عسل ...احسن سيري بيت اخوي عسب ترتاحين ........وماتشوفين شر يالغاليه:9_28:


حبي الغالي اخبارج فديتج ان شاءالله بخير .............:9_33:




ومبروك للحمل اليدااااااااااااد والله يسهل عالجميع ان شاءالله

امس سرت الموعد واطمنت عالبيبي الحمدلله بخير ونبضاته زينه وطوله 3 انش وامس كملت 13 اسبوع يعني دخلت الرابع اللحين


حاولت اعرف نوع الجنين بس ما قدرت الدكتوره تقول صغير ما يبين وعطوني موعد بعد العيد ان شاءالله

بس شفت شكل الكيس زين الروبيان يعني مو مسكر كامل ؟؟؟؟؟؟ شو يعني ولد والا بنت؟؟؟؟؟

وزني مثل ما اهو مازاد 51 .............


عطوني ادويه ورقضت اخذها ويبون يسويلي تحليل دم لكن رفضت وعطيتهم كوبي من التحاليل اللي سويتها من 3 اسابيع


والله يسهل عالجميع...............

إشحالكن يا حوامل ...قموقوووووووووومه ما تشوفين شر الغاليه ... الصراحه روعتيني عليج وانا اتخيل الموقف....

انا الحمدالله اليوم بخير ... ريلي سوا العملية البارحه وباجر ان شالله بيطلع من المستشفى.... بس حسيت بعوار ببطني لاني طول الوقت واقفه ... والله يعيني يوم بيطلع ما بتوقف الزيارات والناس .... بس الحمدالله على كل حال


انا وفيدباك احس مع بعض في الحمل انا عاطيني تاريخ الولاده 9/3/2008 بس يوم رحت من يومين موعدي شفت في الورقة موعد الولاده 13/3/2008 هل طبيعي انه كل مره يختلف التاريخ ... لاني المواعيد اللي طافن كلهن نفس التاريخ...

wadeema;4350020:
إشحالكن يا حوامل ...قموقوووووووووومه ما تشوفين شر الغاليه ... الصراحه روعتيني عليج وانا اتخيل الموقف....

انا الحمدالله اليوم بخير ... ريلي سوا العملية البارحه وباجر ان شالله بيطلع من المستشفى.... بس حسيت بعوار ببطني لاني طول الوقت واقفه ... والله يعيني يوم بيطلع ما بتوقف الزيارات والناس .... بس الحمدالله على كل حال


انا وفيدباك احس مع بعض في الحمل انا عاطيني تاريخ الولاده 9/3/2008 بس يوم رحت من يومين موعدي شفت في الورقة موعد الولاده 13/3/2008 هل طبيعي انه كل مره يختلف التاريخ ... لاني المواعيد اللي طافن كلهن نفس التاريخ...

هلا وغلا وديمه :flower:

الحمدلله على سلامة ريلج واجر وعافيه ان شاء الله:9_28:

ما شي فرق بينا يا حلوه غير يومين ............الله يسهل علينا يارب:balloons:

صباح الخير الكروشات الحلوات
بخبركم قبل يومين شو استوى بي ..... سرت كارفور ريلي نزلني قالي انتي اجدمي انا ربع ساعة نص ساعة بخلص شغلة وبلحقج قلتله اوكي
خذت القاري وتميت اتشرى اتشرى اتشرى ........ لين ما وصلت عند الصابون والكلوركس وهاي السوالف وراي كانوا حرمتين وريال ............ ما حسيت بعمري مول الا انا دازة القاري بعيد على جدام وطايحة وراسي دق على الرف مال الكلوركس .... انفتح كلوركس واحد وانجب كله علي من شعر راسي لين ريولي كلي كلوركس الحمد لله ما شربته وعباتي غدت بيضة .... الحمد لله طحت ما اعرف كيف جي على ورا الحمد لله الله ستر ما طحت على بطني والا ظهري دق في الرف
المهم تميت طايحة فترة مب حاسة بعمري وعقب اسمع جي كاني غرقانة الصوت بعيد وجي جنه ضغط مال الطيارة ما اعرف كيف اشرح لكم المهم اسمع الريال ايقول حق الحرمتين هاي الحرمة طولت وهي طايحة سيروا شوفوا شو فيها ....
وعقب اسمع تيلفوني ايرن ايرن ايرن بعد جي الصوت بعيييييييييييييييييييد...
وردت الحرمة على التيلفون قالت: الو ........... قال لها ريلي : اسمحيلي اختي مغلط في الرقم <<<< اتخادى الريال ما عرف شو السالفة ........... جان اتقوله الحرمة : لا لا لا مب غلطان ها التيلفون تيلفون حرمة في الجمعية شو تقربلك هاي الحرمة .... قال لها : هاي حرمتي .......... قالت له : تعال ترى اغمى عليها في الجمعية
عقب فقيرة الحرمة يلست على الارض ويابت ماي وتمت اتغسل لي ويهي واتصب على راسي وانا طايحة وراسي على ريولها .... وعقب انتبهت ....... اقولها شو استوى ........ اتقولي ما استوى شي ما عليج الا العافية .... اقولها انا في الجمعية اتقولي هي انتي شو فيج اغمى عليج .... انتي فيج ضغط سكر القلب شو فيج .... جان اقولها لا انا حامل
قالت لي هي ترى ريلج اتصل وانا رديت عليه واحين هو ياي ... كنت بنش من على ريل الحرمة استحيت منها ... قالت لا لا لا اتنشين تمي ارتاحي قلتها لا امثجلة عليج قالت لي لا انتي الا شرات بنتي ....وبس يا ريلي وشلني وانا عباتي بيضة وشعري كله كلوركس وحالتي حالة شلني لين السيارة
عقب في اللفت مال الشقة مرة ثانية اغمى علي ما حسيت بعمري الا انا على الكنفة في صالتي .... قالي قومي بسبحج وشربي هاي الماي ويا شكر .......... قلت له لا ما ابا شي بس شل عباتي وهات لي لحاف واطلع برع <<<<<<<< خخخخخخخ وجان اطرد ريلي حليله
قالي لا بتم وياج قلتله انته بتم اتقرقر على راسي وانا ابا ارقد
ياب اللحاف اتلحفت وسكر الليت وظهر ورقدت انا جي با الكلوركس من 12 في الليل لين 12 الظهر
نشيت ما فيني شي كل شي تمام ولا كاني اغنى علي امس
وسلامتكم..................... عاد ديرو بالكم على نفسكم لا اتروحون مكان بدون ريايلكم <<<< والله يحفظ الجميع

وديمة وفيد باك وكل البنات الله يسلمكم من الشر يا رب

صباح الخير خواتي الطيبين
كيف احوالكم
انا اليوم والحمدلله حاسه بنشاط غير عن هذيك الايام
مع اني مانمت البارح الا وانا ابكي
طفشت ابو الشباب
ماادري احس بضيقه وملل
وهذا شهر رمضان بالطريق الله يعينه على صيامه وقيامه
ولاختي قمقوووووووووومه انتبهي تطلعين لحالك هالفتره والله مخيفه وزين الله ستر
وماتشوفين شر
وللاخت wadeema الحمد لله على سلامة بو العيال

قمقومة ... قم قم لا اله الا الله ..............الحمدلله الله ستر وانتبهى على روحج مره ثانيه

كروشات با النسبة لا اعراض الخامس
صداع صداع صدااااااااااااااااااااااااااااااااااااااااااع فضيع
كانه حد ساحب شعرج على فوق يا الله

صباح الخير 000

مادري وش فيني وانا اكتب لكم ادموعي تنزل جايني وسواس من امس وزايد علي اليوم واحلام وكوابيس ماهي زينه

كله بسبب ان امس يوم جيت اسمع نبض الجنين كان صوت يوشوش وقاولوا يمكن صغير ماينسمع او البطاريه مخلصه

عاد جلست اقول مستحيل الحين دخلت الشهر الرابع مايصير انه صغير يمكن صحيح البطاريه

بس جلست اوسوس يمكن البيبي فيه شي


قمقومه ماتشوفين شر00

وديمه الحمدلله على سلامة زوجك

باقي البنات عذروني بس احس نفسيتي تعبانه

انشاء كلكم بخير

مرحبا بنات .. شحالكم عسكم بخير قمقومة ان شاء الله احسن اليوم اختي وديمة تستاهلين سلامت ريلج وما يشوف شر ..والكل عساه بخير وطيب ..
زهزو فديتج ليش بتمين قاعده تترين دكتورتج روحي لدكتورة ثانية و تطمني انا اول شهر رحت لللدكتور لما عرفت اني حامل و بعدين عطاني موعد بعد شهر خلال ها الشهر قلبي عورنني من تفكير كل اسبوع اروح لدكتتورة ثانية اشيك على البيبي و النبض لين ما وصل موعدي عن دكتوري الاساسي..
ادعي من الله انه ايجيب لج الخير .. وبعدين الوحام بعده تحسين فية ؟؟
المهم روحي لدكورة ثانية و طمنينا ولا تعبين روحج بلتفكير لان التفكير بروحة مرض ويارب انه ايجيب لج الخييير و العافية

السلام عليكم يا حوامل حبيت ادردش وياكم أنا حامل في بداية الشهر الثاني وها الحمل ثاني حمل لي الأول كان تسقيط وانا خايفة من ها الحمل لأني أعاني من نزيف ورحت للدكتورة بس قالت لي لاتخافي لأني النزيف بسيط ومتقطع وعطتني الدفستون وقالت استمري عليه حبتين في اليوم وأنا بصراحة ما مطمنه لها الحمل ادعولي يا أخواتي انه الله يثبت حملي .......... وانشاء الله يثبت حملكم جميعا ويسهل ولادتكم آمين........

صباح الخير كيف حالكم.
أختي NAW.M شفت الرابطين اللي كتبتهم لك في صفحة 116 علشان الحساب؟شفتك مارديت.

أختي FeedBack كنت مفكرتك رجل من شان هيك ماجاوبت آسفة. والله الحين بس شفت الجنس أنثى آسفة. بس ليش واضعة صورة رجل؟ مبروك الحمل .أنا هلا بضحك على حالي لاني فكرتك رجل.