تجمع حوامل الثلاث الشهور الأولى1-2-3

هلا أختي amel01 حيااج الله بينا والف مبروك الحمل والله يتمم لج على خير ويثبت جنينج انشاءالله

أختي النفس البريئه شخبارج والله وحشتينا ووحشتني سوالفج واذا ماعندك مانع تضيفيني على المسنجر عشان نسوي محاثة جماعيه انا وانتي وقمقومه و بعثره محبره
بس قمقومه ماادري شفيها ماتقعد هالايام على المسنجر ولا أشوفها في المنتدى انشاءالله هيي بخير

يلا انا بطرش لج اميلي على الرسائل الخاصه وسوي ليي أدد اوكي
أختي بعثره محبره بطرش لج اميلي على الرسائل الخاصه وسوي ليي أدد اوكي

أختي بنت الرياض الشهر الثالث يبتدي من الاسبوع 9وينتهي في الاسبوع 12

باقييي الحوااامل طمنونا عليكم عساكم طيبين

هلا وغلا حبي الغالي ...

اوكي انتظر الايميل

هلا حبي الغالي اضفتك عندي ان شاء الله اشوفك قريب

باقي الكروشات وش اخباركم

amel01

حياك الله معنا اخت عزيزه وغاليه..
------------------------------------------------------------------

الله يسلمك يا أختي شكرا إلك و مرحبا بصداقتك.

هلا أختي حبي الغالي كيفك

[من فضلم أخبروني
أنا حامل في الشهر الثاني وأنا مرهقة ومتعبة جدا ، أقوم بأعمال بسيطة جدا في البيت أشعر بالتعب وأستلقي. هل سأبقى دائما متعبة أم هو أمر طبيعي في الحمل’

السلام عليكم يا حوامل
عاملين ايه واخبار الحمل معاكو ايه
امل مبروك الحمل حبيبتي وربنا يكمل لك على خير
لا ده عادي جدا في الشهور الاولى من الحمل كلنا كده وخصوصا مع الحار
ربنا معاكي يا قمري
باقي الحوامل اخباركو ايه
انا انهرده يوم جوازي كملت سننننننننننننننننننة
يارب اجعل باقي عمري مع جوزي زي السنة دي يارب
ها مين عاوز ياكل تورتة يقول لي وانا ابعتها له على المنتدى على طول
ههههههههه

هلا أختي النفس البريئة انا قبلتج وانشاءالله أشوفج في المسنجر أون لاين
أختي بعثره محبره قبلتج وانشاءالله أشوفج في المسنجر

أختي أمل لاتحاتين ولاتقلقين هذا شي طبيعي وعادي يصير لكل حامل
أختي حبيبه شخبارج عساج طيبه وشخبار البيبي والف مبروووك على تكملت السنه من زواجج وعقبالي وعقبال الا للحين ما كملوا
يعني شنو تورتة ؟؟ مافهمت

وش اخبار باقي الكروشات وينكم مافيي احد في الموضوع
صاير الموضوع بارد بدون قمقومه ولبى قلب وليدي وزهور بنفسجيه وباقي البنات

مرحبا بنات اخباركم ان شاءالله بخير

انا من يوم الاربعاء وانا عند امي نفسيتي نص نص بس اللوعه هاليومين متعبتني ............................

الف مبروك اختي amel01 الحمل والله يسهل عليج يااااااااااارب

مرحبا بنات .. شحالكم و مبروك للحوامل الجدد ... بنااااااااااااات شفيكم فشيييتوا .. من الحين قبل رمضان كسلتوووووووا .. و اابتديتوا نوووم .. صحصحووو يا حلوات ..
باجر بيربطوووووني :) اسال الله السلامة ...واللي بعدهم يتوحمون الله يسهل عليهم ويخفف عنهم ان شاااء الله
صحصوا بنات :21_165::BOUNCE8:

مساء الخير 00000


مبروك الحمل امل


والف مبروك لحبيبه لمرور سنه على زواجك وانشاء الله كل سعاده & سعاده


فيدباك ماتشوفين شر وارتاحي في بيت اهلك ، حتى انا اليوم في بيت اهلي 00


سيده سوسو ماتشوفين شر يارب والله يثبت حملك وتفرحي بطفلك :21_195:


شخبارك باقي الكروشااااااااات لولو والنفس البرئيه وحبي الغالي ولب قلب وليدي وقمقومه

اليوم رحت المستشفى عشان اعطيهم تحليل البول

و يوم الثلاثاء عندي موعد مع الطبيبه وانشاء الله بعد اسبوع بدخل الشهر الرابع

ابغي اسئل انا مرات احس كانه اسمع مثل النبض عاد سئلت قالوا لي هذه حركة البيبي صحيح هالكلام ولا انا اتوهم

هلا زهور ..والله يسلمج يا الغالية ..يا اختي انا لين الحين ماحسيت باي حركة مع اني خلاص باجر بخلص الرابع و بدش الخامس .. يقولون من وحده لاوحده يختلف الحمل و على حسب حجم البيبي و غلظ جدار البطن والله يحفظ البيبياات

السلام عليكم
اشلونكم خواتي
تو رجعت من بيت هلي ركضه على التجمع ولهت عليكم


الحمدلله انا بخير بس ارتاح ببيت هلي اكثر هني بشقتي ما اعرف ارتاح غير الملل اللي يصيبني لان زوجي كله برا
هناك احسن لي

المهم حبيت اسلم عليكم الحين باجر اشوفكم

هلا لبى .. انا بعد شكلي من اسوي العملية و ارتاح يوم برجع بيت اخوي من رديت بيت عمي و الملل قاطع قلبي و الضيق .. ان شاء الله استانستي عند اهلج ؟

بنات صدق الثالث ينتهي من اسبوع ال12 صديقتي حامل في الاسبوع ال12 والدكتوره تقولها بتدخلين الرابع بعد الا سبوع ال13 ونص وتقولها الثالث يبداء من الاسبوع التاسع وينتهي بعد الاسبوع ال13 ونص احسه مرررره طويل صح؟؟؟ اهي اخر دوره لها 2\6\2007

هلا أختي بنت الرياض انا قلت لج مثل الكلام بعد

هلا والله بكل الكروشات
انا بخير الحمد لله وماعلي الا العافية
فديت كل الي سألو عني يعلني ما خلا منكم
سوسو ..... فديت روحج لا اتحاتينحركة البيبي انا كنت نفسج بموت ليش فطامي ما تتحرك بس يوم سرت عند الدكتورة قالت لي يوم وزن البيبي يستوي 400 غرام اتحسين فيه وقالت لي انا اتري على عمرج اسبوعين وبترافسج .... فلا اتحاتين ولا اتوسوسين الوسواس روحه مرض انشا الله الرحمن حافظ كل الي في بطونا كلنا وحافظنا من كل شر

صباح الخير بنوتات حلوات كروشات صغار ... شو اصبحتم ان شاء الله كل شي تمام و اللي يتوحمون يخلصون وحامهم ها الاسبوع ما نريد دلع الاسبوع الياي صيااااااااااااام...
قمقومة هانم وين انتي تختفين وين تغطيين اخافج تسوين بونس من ورانا :think:المهم لا تغطين وايد علينا نحاتييج ..
لبى وليدي .. الهمسة .. زهور ..حبي الغالي ...وبقية البنات العذر بنسيان تدرون الصبح توة المخ يسوي اب دييت ..
شحالكم طمنونا عليكم ..
عني انا واعية ومعصبة بعد كنت بعاند ريلي ما بروح المستشفى علشان الربط ..امس اقولة لا تسهر وايد نااام وعيت لاصلاة الفجر ولقيتة واعي قالي انا اعرف توقيتي مافيني نوم حضرتة يريدني اتكلم معاه رسمي عفوا و لو سمحتي وخليني على راحتي ..ها الخربطة ما تمشي معاي طنقرت قلت بخاطري ماعلية الصبح :sm229: ووتوني خلصت مناقشة:mad_argue: وياه كنت شوي بحلف ما بروح المستشفى ..عقب قلت بخاطري يا بنت تعوذي من الشيطان و استهدي ..ان شاء الله موعدي الساعه 1 والله يسهل

الله يقومكم بالسلاامة
حبيبت اشارك بهالموقع يمكن يفيدكم

www.mafaresh.jeeran.com