تجمع حوامل الثلاث الشهور الأولى1-2-3

هلا بنات شخباركم؟؟
قمقومه ربي يحفظ هالقموره من كل عين وكل شر ياااااااارب ويخليها لكم فديتهاااااااااا
فيدباك هاله تغير مواعيد الولاده صارت باول شهر ابريل وانا مدري متى اتاكد واخبركم يمكن اولد قيصري
حبي الغالي شلون احمدوه؟؟ عساه بخير متى بيطلع من المستشفى؟؟؟

السلام

شخباركم

قمقومه شخبارك ماشاء الله
اتهههههههههههببببببل اتججججججننن فطومه الله يحفضه لك

اريج شخبارك واخبار حلا الحلوه

حبي الغالي شخبارك واخبار حمودي عس بس طلع من المستشفه

زهور وين الجدول حق من بيولد قبل

هلا والله كرووووووووووووووشات <<<<< وحشتنييي هالكلمه :)

حمووووووووووودي بألف صحه وسلامه خلف جبدي بس لازم يكمل وزنه كيلوين عشان يعطوني أياه وهو الحين وصل كيلو انشاءالله بس يكمل وزنه بعطوني أيااااه

السلااااااااااااااااااااااااااااام عليكم..

أعود اليكم من جديد..

شلونكم حبايبي.. الجميييييييييييييييييع ان شاء الله بخير..

اذن مرت عملية الربط بسلام.. تميت في المسشفى اربعة أيام.. يوم الخميس رجعت البيت.. و انا الحين مصابة بحمى و زكام ناتج عن التهاب فيروسي.. البارحة كنت في المستشفى مرة ثانية و عطوني مغذي وريدي و رجعت البيت.. الله يسهل و يفرج يا رب.. مشتاقة لكم واااااااااااااااااايد..

ما قدرت أقرا كل المشاركات قرأت بعضها .. كاني عرفت ان السيدة سوسو ولدت.. الحمدلله على سلامتها.. تتربى المولودة في عزها ان شاء الله..

الجمييييييييع شخباركم حبايبي؟؟؟؟؟؟؟؟

حبي الغالي.. ان شاء الله يكبر حمود و تاخذينه البيت.. شخبارش ألحين ان شاء الله أحسن؟؟

هلا بضي القنر الغاليه انا الحمدلله بخير وحلا بخير شخبار بنوتك؟؟؟ صايره تطولين الغيبات
عروسه حمدالله على سلامتك يالغاليه سالنا عنك والله وربي يقومك بالسلامه ويحفظلك ولدك يارب

صباح الخير حبايبي

عروسه حمدلله على سلامتك وماتشوفي شر والله يقومك بالسلامه


قمقومه مثل ماقالت لك عيون يمكن يبغي لك تزيد بعض اغراضك ، والله يخلي لك فطومه طالعه قمر ماشاء الله ، الله يسهل عليك ولادتك


البنت الدلوعه ماتقصرين على الجدول الجديد

ضي القمر هذا الجدول بنزله من جديد


قمقومة قم قم
23/1/2008
11/2/2008 ( بنت )

زهور بنفسجيه
4/3/2008

10/3/2008 ( ولد )

wadeema

09/03/2008 ( ولد )

feedback
11/3/2008 ( ولد )

النفس البريئة
17\3\2008 ( ولد )

lolu
20/3/2008 ( بنت )

نبعه الريحان
23/3/2008 ( بنت )

kitcat
23/3/2008 ( ولد )

*ضي القمر*
20/3/2008
24/3/2008 ( بنت )

TED
16/04/2008( بنت)

أمال Amel01
16/4/2008 ( ولد )

loneliness
23/4/2008 ( بنوتات )

أريج خاشقجي
26/4/2008 ( بنت )

ntsh
2/5/2008

قطرات الندى
6/5/2008

بن حارب
16/5/2008

عروسة 03
18/06/2008( ولد )

3oyoon_ad
20/6/2008

سعودية مغتربة
27/6/2008

عروس الغبيراء
2/8/2008

البنت الدلوعة
13/8/2008

عروس الموج
20/8/2008

هلا صباح الخير كروشات شخباركم؟
اريج،، ايه تغير موعد ولادتي لبداية الشهر ،، هذا وبيولدوني ع الاسبوع سبع وثلاثين تقريبا!
قمووومه،، تجنن فيد باك فديتها يارب والله يحفظها من كل عين وكل سوء يارب!
عروسه.. الف الحمدلله ع السلامه وماتوشفين شر يارب!!
عيون بوظبي.. الحمدلله خف الزكام والله يخلي سلوووم يارب


بناااااااااااااااااااااااات..
ادعوا لولد عمي بالرحمه والمغفره وان الله يصبر اهله ويلهمهم الصبر على فقداه..
اللي صار الله يسلمكم،، ان عندي عم ساكن في الكويت،،
وعمي اللي ساكن بالسعوديه اخذت مرته وعياله + عمتي وبنتها وراحو الكويت
امس ولد عمي اللي ساكنين في الكويت.. اخذ العايله ووداهم السوق
في رجعته من السوق كان فيه واحد كويتي قاعد يعاندهم ع الطريق ويفحط قدامهم
ولد عمي حاول يتفاداه .. وانقلبت فيهم السياره
ولد عمي توفى الله يرحمه (عمره ثلاث وعشرين)
عمتي صار فيها رضوض وانشق راسها
مرت عمي (مو امه .. لامرت اللي في السعوديه) صار فيها رضوض وكسر في القفص الصدري
بنت عمتي صار لها رضوض وكسر في الرجل
الاطفال الحمدلله سلمهم وصابتهم شويه رضوض

اللي صار.. ان عمي اللي ساكن في الكويت اتصلت له بنت عمتي وقالت له عن الحادث وجا لهم المستشفى
هو الوحيد اللي كان يدري ان ولده توفى وكلم كل العايله في السعوديه وقال لهم!
ام الولد مسكينه اخر وحده درت عن ولدها،.. لانها كانت تدور بين مرت عمي وعمتي وبنت عمتي.. وتشوف احوالهم
لما سآلوها عن ولدها قالت: والله ماني شايفته بآي غرفه!! بس شكله بخير
وهو متوفي الله يرحمه!

ادعوا للمرضى بالشفاء واللي توفي ربي يرحمه ويسكنه جناته يارب ويمسح على قلب اهله ويصبرهم جميع!

لا حول ولا قوة الا بالله:(
حسبي الله ونعم الوكيل على الظالم ...هاله عظم الله اجركم توني قريت الرد وتاثرت .الله يسكنه فسيح جناته يارب وحسبي الله ونعم الوكيل على اللي كان السبب بعد ارادة رب العالمين طبعا
والله يشفى مرضاكم ومرضى المسلمين يارب ويخفف المهم...

قمقومة .. لا فديتج علقت على القمر ردي حق اول رد لي يوم اخبرج عن الملابس هههه فديتها الله يحفظها..

هالة.. الله يرحمه يارب ويثبته عند السؤال والله يعين امه واهله يارب .. :(

عروسة الحمدلله على السلامة .. شفتي حتى انا قالوا لي ولد هههههههههه

احس انه الي يحملون بنفس الشهر سبحان الله يكونون ايبون نفس الشي ..

هالشي لاحظته بنت خالتي حملت في شهر 7 وتربي اول 4 .. وفيها بنت..

ربيعتي نفسها بالضبط فيها بنت ..

انا وعروسة نفس الشهر بالضبط بيننا ايام بس وفينا ولد ..

سبحان الله

هاله
عظم الله اجركم وربي يرحم ولد عمج ويغسله بماء الثلج والبرد يارب....والله قلبي عورني.

قمقومه
انا بقولج شو خذت...

اذكر كنت مسويه 5 جلابيات بدانتيل طبعا وكل وحده عليها شيله اورني نفس اللون خفاف وساده..

او لولدي ما خذت شي لانه طبعا كان فالعنايه..

وكنت حاطه الديودرنت + دهن العود + فرشاة اسنان + معجون + شامبو + اسشوار خخخخ عسب الكشه + ومشط + وشباصات الي فيهن ورد انا بعد كنت ماخذه على لون الجلاليب + وشلح داخليه طوال + وهافات كلهن سووود + وكريم عسب الايد والريا + وخذيلج دلاغاات لانه بتبردين + وشب شب انا كنت ماخذه 2 +

وفراش طبعا لازام

وحق البيبي ( فوانيل داخليه + بجامات الطوال الي يغطن الريل الكاملات خذيلها ساده حلوات يكونن راقيات خذيلها 4 + وقحافي مال الراس + قماط يكوون كشخه 2 يكفي + ودوووش السرسر هذا انا كنت اسويه روحي عندي كمن لون مال ولدي بس ما حطيته لان مثل ما قلت كان الفالعنايه بس استخدمتهم فالبيت يوم يوني الناس.


واذا ما لحقتي اتسوين حلاوه ولا بادي كير ولا مانيكير عادي ترا مستشفى الوصل فيه صالووون مره يكشخوونج هههه

وعن الفوط الصحيه انا كنت استخدم مالهم لانه طووويل وزين ما يتسرب منه شي وتدرين شو كنت اسوي احط فالشنطه واقولهم خلص ابا كانوا ايبولي وستخدمتهم فالبيت بعد لين ما خق عني الدم وبعدين استخدمت مالي العادي..

هالي اتذكره الحين اذا في شي بعد بخبرج

صح قمقومه
لا تخافين كلشي بيوفرووولج في مستشفى الوصل الحمدالله والله انا صدق صدق كانوا مدلعيني ما ادري هل لاني موظفه او يا كل الناس جي...هههههه


عيون بوظبي
ذكرتني عن الطاقه امسات اربيعتنا امربيه فالوصل بعد والله كانت فوووووووووووووول ميكب تخيلوا حتى امها كانت وايد محرجه عليها اتقولها عنبوا بياكلوونج الناس..

ومخسره على حجرتها 5000 بس عسب يعدلون الغرفه وهي كانت يايبه بنت وطبعا البنت بالكثير اتم يومين بس
بس هي عسب مخسره هالخسر كانت كل يوم تسوي مشكله عسب يخلونها والله ضحكتني..

قلت الناس يضحكووووون وما يفكرون حد بيتوحاهم ولا شي اهم شي الفشره.

ياربي يا هل اللوعه الي متعبتني....استغفر الله

الله يعني بس

عروس الموج;4911532:
ياربي يا هل اللوعه الي متعبتني....استغفر الله

الله يعني بس

ربي يعينك حبيبتي عالوحام ...ما تاكلين شابوره او بسكوت على الريق حبيبتي؟؟؟
انا سمعت من زوجة خالي هي بريطانيه ان عندهم ببريطانيا يكسرون الوحام في الصبح بملعقه خل ابيض وكاسة ماي تقول بعدها ولا تحسين بشئ اسالي وجربي وبالتوفيق حبيبتي

عروس الموج ههه هذا دلع عاد ..

الوحدة عقب ما تربي بييها نفس تتعدل شوي مب قبل هههههههه

والله يعينج على اللوعة .. صدق انها شي كريه .. ما اكره شي في الحمل اللا الوحام احس الولادة اهون بوايد عنه هههههههههه كلي حب دوم سلي عمرج بالحب المصري والله لأنه فيه ملح يخفف علي وايد

بما اناغلبنا يخطا بحساب اسابيع الحمل ويتسال انا باي اسبوع ويعني دخلت اي شهر؟؟ وتصير لخبطه فحبيت افيدكم بهالجدول وهو جدول مظبوط وانشاء الله جميع الكروشات يستفيدون...
وتبدأي كل شهر :


الاول: من اول يوم في الدورة


الشهر الثاني: 4 اسابيع و4 ايام تدخلين الثاني


الشهر الثالث: 9 اسابيع تمام تدخلين الثالث


الشهر الرابع: 13 اسبوع و3 ايام تدخلين الرابع


الشهر الخامس: 17 اسبوع و6 ايام تدخلين الخامس


الشهر السادس 22 اسبوع و2 يوم تدخلين السادس


الشهر السابع: 26 اسبوع و5 ايام تدخلين السابع


الشهر الثامن: 31 اسبوع و1 يوم تدخلين الثامن


الشهر التاسع :35 اسبوع و4 ايام تدخلين التاسع


وهذا الرابط سجلي فيه تاريخ اول يوم من اخر دوره


ويحسب لك تواريخ بداية ونهاية اسابيع حملك


لاجل تعرفي اليوم اللي تبدين فيه بداية اسبوعك الجديد وبالتوفيق حبيباتي

http://go.3roos.com/em7NhN3hmXC

بنات شخباركم

انا عن اخباري اني اليوم داومت بعد غياب يومين وطلبت اني استقيل وهم مالت علييييييييههم جالسين ينظروا فالطلب

بس مااقول غير حسبي الله عليهم ونعم الوكيل

الله يرزقني بوظيفه احسن وبراتب احسن

وعلى كذا بنقطع عنكم الى اجل غير مسمى لانه ماعندي نت فالشقه من اركب بتواصل معكم

والله بشتاقلكم كثيييييييييييييير

عروس الغبيراء;4911775:
بنات شخباركم

انا عن اخباري اني اليوم داومت بعد غياب يومين وطلبت اني استقيل وهم مالت علييييييييههم جالسين ينظروا فالطلب

بس مااقول غير حسبي الله عليهم ونعم الوكيل

الله يرزقني بوظيفه احسن وبراتب احسن

وعلى كذا بنقطع عنكم الى اجل غير مسمى لانه ماعندي نت فالشقه من اركب بتواصل معكم

والله بشتاقلكم كثيييييييييييييير

ياحليلك عروس الغبيراء بنشتاقلك والله ولشقاوتك هههههه
ربي يرزقك بوظيفه افضل باذن الله وحاولي تدخلين النت من فتره لفتره تطمنينا عنك وعن البيبي يالغلا...نشوفك على خير(f):)

والله حتى انا بشتاقلكم

يالله انا طالعه الحين