تجمع حوامل الثلاث الشهور الأولى1-2-3

السيدة سوسو;4875467:
السلام عليكم ..شحالكم بنات كلكم حوامل كبار ومتوسطات و مبتدئيات ..
وعدناااااااااا .. و اشكر على من سال عني ..اخر الاسبوع رحت بيت اخوي خبركم اجازة والكل طالع الا انا ماسكة ها البيت ..الموهم ..اخبااااااااااااري ..كوابيس الولادة بدت عندي كل يوم حالمة شي و غير الويع اللي ايني فليل كاني بولد خوصوصا الضغط اخر البطن الله المستعان .. مع اني نص الثامن وغير هذا ارق النوم و ضيق النفس و الثقل .. يارب تكتب لنا الاجر ..
قمقومة يارب يسهل عليج و يغير الوضعية يارب و تولدين بخير وسلامة فطامي بخير ان شاء الله ..
زهور طمنيني علييج وشو اخر تطورات العريس وصلتي اي شهر ...؟وخلصتي تجهيزات .؟
اريج يا ام الحلا كله شخبارج وان شاء الله بخير و النفسية احسن ؟ ترج دايما ع البال ..
حبي الغالي طلي عليننا و طمنينا عليج و على احمد يارب تفرحينا انه طلع و بخير ..
لولنيس شخبارج و البنات عساهم مب متعبينج ..؟ يارب يتمم عليج وانتي بخير والبنات بخير
عيون بوظبي ..ارمانوف ..امل ..عروسة ..سوسو ميدوو.. فيد باك اهم شي راحتج و الدوام لاحقة عليه عليج بالاجازات الطبية :)
والمتوحمات يارب يسهل عليكم ويتمم عليكم
والعذر اذا نسيت احد ..

الله يسهل عليج فديتج وتربين بالسلامه ...........واذا عالاجازات لا توصين حريص كل يومين وانا غايبه ..........والحمدلله انهم مقدرين وضعي في الدوام ..........:)

مرحبا كروووشات
انا رجعت من موعدي
الحمدلله كل شي بخير الف شكر لله :)
البنوتات بخير الحمدلله :) فديتهم فيه وحده والدكتور يسوي لي الترا ساوند مدت رجلها ورفست اختها ... ماشاء الله عليهم!
سآلت الدكتور عن اوزانهم ،، وحده 600 غرام والثانيه 618 او 680 والله ماني متذكره

طلبت منه يعطيني light duty صرت ماقدر اداوم انا سكرتيره ولازم اتحرك بين مكتب مديري وماكتب مدراء ثانين وصرت اتعب امشي بين المكاتب،، وماقصر كتب لي دوام خمس ساعات بدل ثمان ساعات!

سآلته نفس الشي عن ورقه لموعد الولاده،، شركتنا والصلاة على الرسول ماتقصر معقده مليون بالميه،، يعني ارسل لهم طلب الاجازه وعلى مايتوقع يبي له شهرين!! تخيلوا!!!

وسآلت متي اولد .. مو المفروض موعدي April 23 واللي يصادف انه يكون نهايه التاسع لي!
قال لااا!! انتي حامل بتوآم وموعد ولادتك بنحدده مبدئيا على انه بيكون في الاسبوع 36 وقال مبدئيا بيكون
April 2
هذا اذا ماصادفتنا ظروف خارجه عن ارادتنا وولدتي قبل!

قلت له عن الكتمه اللي احس فيها،، قال شي طبيعي! والشي اللي نقدر نسويه عشان نخففها ننام على الجهه اليسار من الجسم!

وهذا كل شي صار! الله يسهل عليكم يارب ويسهلي علي ويرزق كل محرومه ،، اااااااااامين يارب


هلا فيد باك.. ههههههههههههه من الروقان مارحت ههههههههه والله البرد مايشجع ان الوحده تداوم! وجد اللي يشوف الشركات يقول شركات ابونا،، يالله مدرائنا المفروض يفهمو ويحسو لنا !


سوسو ميدو.. انا مثلك المشكله انهم مايرضو يوافقو على اجازتي انا سكرتيره وبجد الشغل يتعطل وبنتك ماشاء الله عليها مثل وحده من بناتي ماشاء الله عليها بتطلع شقيه . بس الله لايقولها ان شاء الله يارب يطلعو هاديات والله يحط فيهم البركه!


عروس الغبيراء ،،، اااااااه يالدنيا ياحبيبتي هالايام كل شي واسطه،، بس تدرين عندنا رب العالمين معانا...ويوفقنا يارب!


السيده سوسو،، هلا ياقلبي ،،، تعوذي من ابليس وان شاء الله الله يسهلها عليج،، انا والبنات بخير يامال الخير انتي والبيبي شخباركم؟ وكيف الاهل؟


ترانيم القلب،، هلا ياقلبي الف مبروك الحمل والله يتمم لج على خير يارب ويسهل الحمل والدراسه :)

حاملة القرنفل الله يثبت حملك وتبشرينا يارب :)

عروس الموج ،، ههههههه حلون يسكرون المكاتب،، يالله هذي سنة الحياه .. كلنا نحمل ونخلف ونسوي عوايل :)
لله يسهل علينا جميع يارب!

هلا كروووووووووووشات شخبااااااااااااااااركم ؟؟

مشكوووووووووووورين كلكم على سؤالكم عني

أنا الحمدالله بألف صحه بس الجرح للحين يألمني شوي وحمووودي بعد بصحه وسلامه ووزنه صار الحين كيلو وانشاءالله اذا وصل وزنه كيلويين بعطوني أيااه

أدعواااااااااا لـحمووودي بسرعه يزيييد وزنه وآخذه في حضني .. والله كليوم أروح له المستشفى وأطلع عنه وقلبي متقطع لان بخلييه وبرجع البيت

حياااااااااااااااااااااتي انتين
اخبارش يالغلا وماتشوفي شر حبيبتي


والله لش وحشه!!

وباذن الله حمودي يصير بالف خير ويطلع بالسلامه

هلوووله

قلتلج التوائم دايما الدكاتره ما يخلووونهم يطولووون لانهم يخافووون على البيبيات وسبحان الله كل ما يكبرون حركتهم تكون صعبه فالبطن...الله يحفظهم يااااااااااااااااااااااارب لج


ودايما سمي عليهم وحصنيهم لين ما يطلعون وحتى بعد ما يطلعون بسلامه دايما اقري عليهم اليوم قريت قصة مشاعل الي حامل اب 3 توائم والله قلبي عورني.....من العين والحسد الواحد ما يعرف شو يصير.




ترا انا خبره في سوالف الحوامل هههههههههههه لاني اداوم في مستشفى واشووووف وايد حالات..

حتى اليوم زاقريني عسب في حرمه حامل بسادس بس الضغط وايد مرتفع عنها وكانوا يبون ينزلون الياهل عسب الخطر على الام والله تذكرت عمري لاني نفس حالتها بس الحمدالله انا كنت بثامن..
بس زوج الحرمه رااافض........بس الدكتور اقنعه واخر شي وافق..وانا كنت شاهد عيان اوني ههههه

تسلمين حبيبتي عروس الموج ع التذكير والله يجزاج خير :)

ياقلبي انتي والخبره عيل كل شي بسآلج!!

:)

حبي الغالي...
الحمدالله على سلامتج

والجرح عسب يالتأم لازم تمشين لان بالمشي يلتئم...

وحمودي ما عليه شر كل يوم اشفطيله حليب او وديه المستشفى حتى بالليل نشي من النوم وشفطي وحطيه بالفريزير والصبح وديلهم الحليب...ان شاء الله بياخذ 3 اسابيع بالكثير وبيكون في حضنج بإذن الله تعالى

او يوم بتودينه البيت لا تخلين حد يلمسه او يشلووونه والافضل انج ما تخلين حد يدخل الغرفه من الاطفال و الكبار
لانه يكون صغير مب مثل الاطفال الطبيعين يعني توه طالع من العنايه...والله انا كان زوجي ما يخلي حد يلمس مروان ولا حد يدخل غرفتي تخيلي..وهذا كله لمصلحة البيبي
ودايما اشفطي كل 4 او 3 ساعات عسب ما ينشف الحليب عندج....

واحنا في دبي من يوصل وزن البيبي 1800 يعطوون الام.....

هلوووله
هههههههههههه افا عليج اي سؤال انا حاضر ترا غرف الدكاتره مره ورا المكتب..انا اروحلهم بدون موعد ولا اشي انبطح وخليهم يسون اسكان هههههههههههههههه والله اذكر في ولدي كل يومين رايحتلهم كلل شوي سؤال

والله احسن شي ههههههههه
ولا تقعدين تنتظرين موعدج ولا شي :) ولا تحاتين او تخافين اذا صار عندج استفسار تروحين تسآليهم!

سلاااااااااااام حبيباتي شخباركمم
لونلس الحمدلله تطمنتي على البنوتات وطمنتينا وحتى انا باخر موعد قالولي يمكن اولد اول ابريل لاني احتمال قيصري والله هالزمن الكل قيصري وربي يهون علينا
حبي الغالي حمدالله على سلامتك وربي يطلع لك حمووووووودي بالف خير وسلامه ودائما ندعي له والله
زهور شلونك وشلون حسونه النونه (( مدلعته باسم من راسي )) لووووووووول
السيده سوسو الحمدلله انك بخير وصحه وعافيه لا تقطعين وطمنينا عنك دايم يالغاليه وانتي بعد دايييييييم عالبال والله وامي البارحه تسال عنك انتي وزهور تقول ما شفتوهم شئ قلتلها لا واحده كانت بزواج والثانيه مشغوله عند اخوها لووووووووووول حبت تطمان عنكم وسالتني عن فطوم لوووول
سوسو ميدو ربي يخليك البنوته ويحفظها واضح انك هادئه وانشاء الله بنتك تطلع مثلك
باقي البنات امل و رومانوف و ينكم غاطسين؟؟؟؟؟
عروس الغبيراء و عروس الموج وشلوووووونكم؟
ترانيم مبروك الحمل وربي يثبته
حاملة القرنفله لا تستعجلين حبيبتي انشاء الله ربي يجعل فيه الخير ويثبته ياااااااااارب وتبشرينا ولو صار شئ لاااااااااااااااا سمح الله يصير لحاله بدون تدخل واعوذ بالله الله لا يقول
بنات انا بخير الحمدلله حلا صايره هادئه ما تتحرك كثير مدري شفيها وبالنسبه للاكل صار مالي نفس ولا خلق ااكل وربي يعين بس

هلا عروسااااااااااااااات امورات حلاوت عسلات سكرات خخخخخ ابغي ادلعكم :tongue:

عروس الغبيراء والله تمام شغلك في المستشفى على الاقل اذا بغيتي اي استفسار او تطميني على الجنين دغري تروحي ، وخلاص واي سؤال راح نسئلك مدام عندك خبره


*Hala* الحمدلله انك تطمينتي على قموراتك وانشاء الله تولدي بالسلامه


&شهد& الافضل تروحي تابعي في المستشفى بس اذا موعدك بعيد اخذي الفوليك من الصيدليه لانه مهم في هالفتره


السيدة سوسو الحمدلله انك غيرتي جو و رحتي بيت اخوك ، والله يعينك على كوابيس الولاده انا كل ماتذكر ان الوقت قرب يجيني فلم الرعب بس كله اقول ان التسهيلات من عند رب العالمين وماعلينا الا نتوكل على الله ، انا اموري بخير والعريس الحمدلله بخير والحين انا في نهاية الشهر السابع انشاء الله بعد اسبوع بدخل الثامن كلللللللوووووووووووش ، طبعا من زمان ماشريت ولا شي لانه كنت مشغوله في تجهيزات الزواج والحمدلله ان الزواج صار وتم على خير بحاول هالفترة اكمل باقي الاغراض بس برتب الوقت ومتى اروح وشوف شنو الناقص عندي

ترانيم القلب مبروك الحمل وحياك معانا ، وتعالي شوفينا احنا كل يوم نعد الايام ومتى نخلص شهر وندخل شهر جديد

بنات انا مره متضايقه
وصايره حساسه لاخر درجه!!

جد من كثر ماني حساسه ،، تهاوشت مع ابو العيال وقفلت الجوال في وجهه!!
شسوي!!! هو غلط بعد مو بس انا!

:cry:

السلام عليكم حوامل
انا المفروض يسموني ام غايب
مش ام فاضل
شخباركم وشخبار الحمل معاكم ان شاء الله بخير
معذره لقلت دخولي للمنتدى الوحم عندي شديد ماتتوقعونه الله يكون في عون وعونكم
ونولد بالسلامه ان شاء الله
بس حبيت اطمن عليكم لأني ولهت عليكم وعلى سوالفكم الي ما ينمل منها
ادعولي الله يخفف عني الوحم اشوي
اخليكم حبايبي في امان الله وحفظه
مع الف سلامه

هاله استعيذي من الشيطان حبيبتي وانشاء الله الامور تهدئ قومي خدي شاور تخففي عن نفسك شوي و فكري في بناتك العسولات وقدومهم عليكي وانه ناطرك حب جديد باذن واحد احد ولا تخانقي ابو الشباب كثير ترى بيكره انك تحملي بعد تولدي لوووووووول بيتعقد مشيلو يا قلبي انا فديتك يالله ربي معاكي

مرحبا بنات .. ومساء الخير ..زهور مبروك الزواج و جعل الله ايامكم افراح ..
اريج ..ربي يحفظ امك و تسال عنها العافية بالله عليج خليها تكثر دعاويها ربي يتمم علينا عجايزنا خير وبركة ..
عروس .. زين خليج معانا حتى تلميين استقسارتنا و اسئلتنا و تودينها للدكاترة ..
هالة ..طولي بالج هذي الحالة مرت علينا بسانتي لا تعطين مجال للوسواس والله يفرحج ببناتج ..
حبي الغالي ..تطمني حبيبتي مرت اخو ريلي جابت بنت وهي ام ست شهور ونص ووزنها 700 و قعدت شهر ونص صار وزنها 1200 وطلعوها والحين زي العروسة لا تحاتيين بتفرحين بشوفت احمد ان شاء الله ..
نجمة الفجر يارب يخفف عنج الوحام و يتمم عليج ان شاء الله
ندا عاجل ... لبى قلب وليدي .. النفس البرئية ...وينهم ..
قمقومة طمنيني عليج شالة همج والله

السيده سوسو انشاء الله باكلمها تدعيلك و بالنسبه للعواجيز لا تشيلين هم جدتي موجوده باكلمها تدعيلك ربي يسهلك بساعه مباركه يارب وقمقومه بعد وحنا بعدكم

الله يسمع منكم يااااااااااااااااااااارب وانشاءالله يكمل وزنه ويعطوني أياااه وأفرح فيييييييه

اليوم رحت له المستشفى وشفط له حليب .. بعد عمري صاااااير قمر كلما يكبر يتغير شكله

وانشاءالله اذا عطوني أياه بصوره وبحط لكم صورته

حبي الغالي
الف الحمدالله على السلامه والله كنت احاتيج :) اهم شي انج بخير والبيبي بخير وباذن الله يارررررررب تكتمل فرحتج وتشوووووووفينه بصحته وعافيته يارب

رحت اليوم الموعد كل شي تمام بس لعوزتني بتحليل
كل بين شهرين اتسوي تحليل دم وبو....

زهور الله يعطيك العافيه على الربط

حبي الغالي طمنيني عليك شخبارك