تجمع حوامل الثلاث الشهور الأولى1-2-3

انا كروشات من دخلت الرابع ..... برقت عيني واحس كله ابغي اكشخ واطلع اعوض الثلاث شهور
ابا اسوي حمام مغربي بس خايفة يغما علي
وقبل شوي رادة من الصالون سويت حلاوة وبدي كير ومساج حق ريولي والاسبوع الياي ناوية اسير اتحنى
وحتى البيت .... ارتب واتحرك واشتغل احسن عن قبل ... وبديت اداري ريلي ولي خلق اسمع له واشوف طلباته .... الحمد لله بس في شي مستغربه منه
في الثالث كنت وايد هادية .... واحين على الرابع رديت نرفوزة نفس قبل لما كنت في الثاني ما ادري ليش

مرحبا بنات ... الله يسلمكم من كل شر و مشكورات على الاهتمام و يعل ما يصيبكم شر .. انا عني البارحة وايد نفسيتي تعبانة بس عقب وكلت امري لا الله وامنت اللي في بطني الله ومابيخيب الله امانته .. انا الحين كلة منسدح و صلاتي قاعده واكلي وايد خفيف ما اشتهي الاكل كلش من البيت ...كلة من براء ..الله كريم ..
قمقومة تستاهلين التحرير :) و يارب يوفقج و تتهنين الحين بلا دلع وديري بالج على ريلج .. ها الكروشة طلعت ..
البقية ..
لبى .. وز هور.. ووردة ولولو وهمسسة و النفس البريئة .. وامممم العذر اذا نسيت احد اتمنى الكم الصحة والعافية كل وحده تخبرنا كم كملت من الحمل لين الحين
انا شهرين و نص بضبط

سوسو ..... ليش ما تشتهين اكل البيت كلي لج النشويات المعكرونات وشربي شوربا وكلي بيض وايد واندومي ونودلز
الكروشة ما ظهرت بعده البطن لازق في الظهر حتى يوم اخر مرة شفت راسه وايده وريله اقول حق ريلي هذا كله وين والبطن ماشي .... انتي شو كروشتج

وحامي على كل موديل ماداني الشغالات و من سبتهن كرهت اكل البيت ... وانا شفت البيبي فديتة يقولي الدكتور يسلم عليج و قاعد يتحرك ..:) بس انا ما احس بالحركة لانة وراني الصورة على شكل فيديوو كانة يغووص ربي يسلمة .. وانا كرشتي بعدها بس احس اخر بطني يابس .. وصدري بدا يغمج و تطلع على اطراف الحلمة حبوب غامجة ..
التغيرات وايدة الله يستر اهم شي البطن لا يتشقق كل يوم افحصة:)

أهلين حبيباتي وش اخباركم

سلامتك اختي سوسو ان شاء الله فترة وتعدي بقي لك اسبوعين وترتاحين من الوحام.

اهلين اختي قمومة ايوه كذا خليك مهتمة بنفسك بعد ماعديت شهور التعب والله يسهل لك فيما بقي

اختي لبى قلب وليدي وش اخبارك ان شاء الله بخير

اختي لولو وردة البنفسج وزهور بنفسجية ان شاء الله كلكم بخير

عن نفسي راح علي الموعد هنا في الغربة تتأخرين خمس دقايق يلغون الموعد وعطوني موعد بكرة ان شاء الله الى الان ما ادري كم لي بس اتوقع خمس اسابيع على حسابي لكن مازلت احس بألام في اسفل بطني وينزل معي الله يكرمكم افرازات مع اني مهتمة بنفسي لكن ما ادري وش سببها وهل هي طبيعية وبالنسبة للوحم الى الان مافي شي كليف بس ما اشتهي اكل واغصب نفسي على الاكل هذي اخر الاخبار وبالتوفيق للجميع.

النفس البرئية .. ان شاء الله بتروحين باجر و بيطمنونج و بترتاحين ..عيوني اول الحمل بتمين تحسين بالالم البطن و الظهر و كان الدورة بتنزل والافرازات مادري عنها باجر اسالي الدكتورة احتمال من الحرارة اشربي ماء وايد ووسلطات و اخر اليل حليب علشان البيبي ولا تنسين تسالين دكتورتج عن الفوليك اسيد لازم تاخذينة بالاشهر الولى للحمل والله يوفقج

النفس....والله يا اختي مالنا غير ريايلنا .... انا اقول كنت دوم حق ربيعاتي البيبي صغير ما يفهم لا ادلعينه وتنسين ريلج وانا بعدني ما شفته وهامله ريلي عشان ها البيبي ... ومن حالتي ونفسيتي اتحسنت اول شي فكرت بريلي
سوسو ... فديته انشا الله يتربا في عزكم واتشوفينه معرس والا اتشوفينها عروس

هلا بكم جميع
سلامتج سوسو والله يبلغج شوفه ضناج وانتي سالمه

قمقومه شاخبارج تكشخي قلبي تستاهلين هذا وقت الدلع
النفس البريئه الحمدلله انا بخير صج اللوعه والترجيع مستمره بس الحمدلله انتي اشلونج

باقي الكروشات اخباركم
لولو وورده البنفسج لي بديتوا تجهزون خل نطلع مع بعض نجهز

انا الحين ببدايه الشهر الثالث الله يثبت يارب


فكرتوا باسامي والا بعد ؟؟

انا ببالي عاليه وسارا اذا بنوتات
اعيال مافكرت لان الاسامي اشكثرها حلوه عبدالعزيز عبدالله عبدالرحمن بدر خالد

قولولنا شنو ببالكم اسامي

ليش ماحد سهران :( ...
قمقومة .. على قولت لبى قلب تدلعي و عوضي ايام الوحام وغيري جوو :)
لبى قلب وليدي ... يارب يسلم روحج و يفرحج دووم بحياتج .. ليش بتبتدين تجهزين من الحين اعتقد ولداتنا بتكون في الشتاء " يااااااازين البرااد" و بتي موديلات ذيج الساعه احلا اصبروا شوي ... وان شاء الله بتجهزين و تبشرينا شو بيكون ولد ولا بنت وبخير و بسلامة يكون
انا عني حاسة اني فيني بنت بس الاحلام واللي يحلمون يقولون ولد عني انا اريد اسمي اذا ولد
سلطان , عبدالله ,بس اخوي طالب مني من اول ما حملت اسمي علية "سعيد"
اذا بنت .مريم , روضة .هاجر <------طلب امي بخاطرها الاسم

قمقومة ... قم قم;4063579:

سوسو ... فديته انشا الله يتربا في عزكم واتشوفينه معرس والا اتشوفينها عروس

فديتج يا الغالية و تسلمين على ها الدعوة الحلوة اذا بنت ما بخليها تعرس واذا بتعرس هي وريلها عندي سنين وانا صابرة حتى احمل و اجيب عيال و اخر شي اييي الريل و ياخذها <-----------خالتي قماشة:sm2441:

يارب :21_195: يتمم عليكم حملكم و يفرحكم ان شاء الله

سلامتكم يا بنات ما تشوفون شر إن شاالله كلنا نفرح بعيالنا.

أختي سيدة سوسو صدقيني هالوحام فترة وبتعدي كلها يمكن 3 أسابيع وبعدها بتشوفي أن الدنيا كان فيها ألوان حلوه وانتي ما داريه.

بس التعب ترا هذا يكون مرافق للحامل وحتى بعد الولاده من إرهاق ورضاعه وقومة أنصاص الليالي أنتو تفتكرو نفسكم بترتاحو بعد الولاده ها ها هاي هذا حلمكن يا حلوات صدقوني أنا ما جالسة أخوفكن بس أقول لكن الحقيقة المرة اللي بتواجهنها وخاصة للحوامل لأول مرة. هذا الوحام والتعب والتغير بالحالة المزاجية كلها أتهلنا عشان المسؤلية اللي جايتنا. والله كريم.

السلام بنات شلونكم وان شاء شاء الله نكون امهات بعد سبعة اشهر .............

المهم انا ما شوف احد تكلم عن الوزن

يعني كم الوحدة يزيد وزنها في الاشهر الاولى

لأن انا وزني كان 53 وزاد وصار 55 تقريبا

مع اني داشه في الاسبوع التاسع

وهل هذا طبيعي او لأن بسبب السوائل لأني اشرب وايد ماي وحليب

حزينه الايام هلا فيج
بالنسبه للوزن يزيد الى 12 كيلو خلال فترات الحمل كامله
انا بالبدايه نزل وزني من فتره الوحام بس بعدين لمن يخف الوحام اكيد بيزيد

ريحانة ... حملتة امه وهن على وهن ...
السالفة الحمال كلها تعب بس نحمد الله بعدها نعمه من عند الله .. وان شاء الله عند الولادة السهر هلي ما بيقصرون انا ياما سهرت لا خواتي وهم والدات والحمد الله بيي الحين دورهم :)
حزينة الله لا يجيب لج حزن ... انا عني اول شهر طلع وزني و بعدين مع الوحم نزلواكيد بيزيد بزيادة الحمل ..الله ايسسسر الامور
لبى قلب .. شحالج وشلون الحمل معاج وشو اخر تطورات عندج ؟

:9_28:


وحشتوني وحبيت اسلم عليكم بس!

والا مالى خلق لشئ ابد

وحاسة بخمول موطبيعي (w)

الحمدلله على كل حال .... بكرة موعدى مع الدكتورة ...وما جاء الا بشق الانفس .... خبركم موسم اجازات

انا موووووووووووووووووووول ما زاد وزني الا نقص كنت 39 واستويت 38

بنات اشلونكم و شخباركم عساكم بخير

لبى قلب وليدي
ان شاء الله انا راح ابتدي اجهز على الخامس او السادس لمن اعرف بنت والا ولد

و على الاسامي
خليها على الله انا و زوجي اراء مختلفه تماما
انا ودي اذا ولد اسمي : يوسف , علي , حسن واذا بنت خاطري اسمي حور

انا الحين على حساباتي في أول الشهر الثاني

اي صح صح نسيت بالنسبه للوزن

انا في حملتي الاولى كان وزني اول الحمال48 و اخر شي صار 70

الحين الله يستر من هالمرة

قمقومه 38 كيلوغرام والا باوند ؟؟؟؟؟؟؟

أهلين خواتي كيفكم ان شاء الله الجميع بخير
سوسو وقمومة ولبى قلب وليدي ولولو والجميع ان شاء الله تكونوا بخير وعافية

بالنسبة لي رحت اليوم للموعد وعملولي تحليل وكل شي تمام وقلتلهم عن الالم اللي احس به قالت لازم نسوي لك اشعة صوتية نتأكد لان مكان الالم يدل على ان الحمل خارج الرحم بس المشكلة اني الان ست اسابيع واحتمال مايبين شي فهذيك الساعة راح تكشف علي الطبيبة كشف موضعي وحبيت استفسر هو مايضر الكشف الموضعي
موعدي بكرة ان شاء الله والله يكتب اللي فيه خير .

أهلين اختي حلا ان سلامتك اختي ماتشوفين شر لابد من الخمول والكسل في الشهور الاولى ان شاء الله تعدي على خير (r)