تجمع حوامل الثلاث الشهور الأولى1-2-3

بنات اليوم كملت الأسبوع الـ13 يعني باقي لي يومين و اكمل الشهر الثالث.. يا رب يتمم لي و للجميع..

فيدباك .. لونلس ..تيد.. شلونكم حبايبي..

سحر.. انا بعد كان عندي هالصداع.. رحت المستشفى و سووا لي سونار كان كل شي تمام.. بس بس اخذ بنادول العادي مو اكسترا.. حبتين و اريح شوي يخف.. هذا يصير من ارتفاع الهرمونات..

سعودية مغتربة.. توصلين بالسلاااااااااااااااامة ان شاء الله

السلام عليكم

بكره راح كمل 11 اسبوع

اعاني في الايام الاخيره من الدوخه والصدع

هل يدل هذا على فقر بالدم ,حيث مع بداية الحمل فقدة الشهيه للاكل

والحمد لله بدأ شهية تعود بالتدريج بل اصبحت اشعر بالجوع بشكل كبير

سؤال متى ينتهي الشهر الثالث بالنسبه للاسابيع

وشكرا
:flower:

انا بعد مضايقه من الكحه شواسوي يارررررربي:( خصووصا اني على كل كحه تطلع مني احس شي بيطلع من جسمي :(

شو اشرب شو اكل شو اخذ دواء؟؟

احس في حالة الكحة ..

ارقدوا من غير مكيف .. بتصحون ثاني يوم بفرق كبير..

مرحبا الغاليات
انا الحمدلله حامل في اول يوم من الاسبوع السادس وموعد ولادتي إذا الله راد بيكون 6 اغسطس 2008

بغيت اسأكم كم تكون نسبة هرمون الحمل في أول الاسبوع السادس؟
انا راجعت الكورنيش اليوم اشوف نتيجه فحص الهرمون والدكتوره قالتلي بعتبر اوكيه ولما سألتها عن الرقم إللي المفروض يكون فيه فالاسبوع السادس ماعرفت ترد عليه
وانا كنت قريت فالانترنت إن المفروض يكون فالاسبوع السادس قريب 800 بس انا طلعلي اقل من جذية بوايد فهل الشي عادي

وسولي سونار وماشافو كيس الحمل فهل الشي عادي لأن اللي اعرفه المفروض يظهر من الاسبوع الخامس

أحبه الغالي;4784853:
مرحبا الغاليات
انا الحمدلله حامل في اول يوم من الاسبوع السادس وموعد ولادتي إذا الله راد بيكون 6 اغسطس 2008

بغيت اسأكم كم تكون نسبة هرمون الحمل في أول الاسبوع السادس؟
انا راجعت الكورنيش اليوم اشوف نتيجه فحص الهرمون والدكتوره قالتلي بعتبر اوكيه ولما سألتها عن الرقم إللي المفروض يكون فيه فالاسبوع السادس ماعرفت ترد عليه
وانا كنت قريت فالانترنت إن المفروض يكون فالاسبوع السادس قريب 800 بس انا طلعلي اقل من جذية بوايد فهل الشي عادي

وسولي سونار وماشافو كيس الحمل فهل الشي عادي لأن اللي اعرفه المفروض يظهر من الاسبوع الخامس

الغاليه ممكن اضيفج ويايه على المسنجر ؟؟:shiny:

اسمحيلي اختي fatma ماعندي ماسنجر
اكيد بتقولو الحين شو هذه في اي عصر عايشه:(

هلا أختي سعودية مغتربه توصلين بالسلااااااااامه يااااارب

هلا أختي سفيرة الحب الف مبروك الحمل وماأعتقد أن الكمبيوتر فييه ضرر بالعكس عاادي

هلا خيوو عروسه الله يعيييييينج على الكحه

هلا فيدباك بالعااااااااافيه عليج .. أنا بعد صدري واااااااايد كبر بشكل ملحووظ والكل قام يقول ليي شسوي شكله مايرجع عقب الولادة

مرحبا بنااااات

ادري صار لي مده ما دخلت مادري لمن الحين تذكروني و الا نسيتوني

انا دخلت السادس صار لي اسبوع و قالوا لي ان احتمال فيني بنوته

بنات بديتوا تجهزون و الا للحين

اااااااااه من الكحه
ماشي دواء اروم اخذه ؟؟

السلام عليكم .. شخباركم بنات كلكم .. ماشاء الله عليكم مالحقت أقرا الصفحات قريت شوي منها
المهم شخباركم ..و اللي يتوحمون ربي يهون عليكم ..
عروس الغبيراء .. الله يسهل عليج و يكتب لج الخيرة اذا كانت الوظيفة خير الله يثبتا لج
واذا شر يبعدج عنها .. ويعطيج اللي تمنينة من ذرية ..
سحر 2005 .. الحمد الله ان خف الوحام .. واعتقد يا اختي الاعراض هذي المصاحبة للصداع
وسببها تغير الجو .. اسالي دكتورتج وماتشوفين شر ..
اختي فاطمة ما تشوفين شر .. انا بعد عيد الفطر يتني حمى و رشح وكحة كلعن راحوا لا الكحة
سوت لي اختي يانسون و تميت اشرب والحمد الله راحت عني جربي وان شاء الله ما بيضرج
عيون اي دي .. شحالج عساج طيبة انا رايي من رايج الحامل تبتعد عن اي شي ممكن تشك انه يضرها ..
سواء تشقير ولا صبغه .. وراي علشان جنس البيبي خليها اخر الرابع يبان اكثر ..
انا عرفت باول الخامس لانه كلة مسكر ة ريولها ولا حبل مار بين ريولها انتي جربي ان شاء الل يبين عندج
و تبشرينا ..
لولنييييييس يااارب يعدلها من نفسية بلحمل جذية شلون بهد ما نولد .. يقولون اكتئاب الولادة .. نحنا سبقنا قبل وقتنا ..
روحي قصي شعرج و سوي بدكير وتسوقي و غيري جو ربي يحفظ بيبيااتج ..
عرووس 03 ماتشوفين شر . جربي اليانسون مع العسل و ابتعدي عن السكريات..
انوار الحب حبوبة هذي كلها اعراض الوحم والحمل يصير وايد تغيرات بس انتي حاولي تتغذين عدل
وتريحين نفسج
احبة الغالي .. مبروك حملج و الله يتمم .. اختي لا تهتمين بموضوع الهرمون ونسبتة انتي ادعي ان الله يثبتة لج
و كيس الجنين يبان على 6 اسابيع و ع حسب نوع الجهاز و تطورة ان شاء الله بتشوفينة و تبشرينا ..
لولو عاش من شافج .. نتذكرج ما نسيناج انتي من اللي بدوت مشوار الحل ويانا .. والله يعطيج اللي يرضييج ..
سوا بنت ولا ولد المهم الخلقة السليمة و تفرحي بشوفة .. معظم البنات بدوا يجهزون اللي طافوا السادس وعقبال الجداد

بنات اليوم كان عندي موعد بمستشفى الكورنيش ..خست عندهم 4 ساعات و التموا عليه الاستشاريات طيروا قلبي .. المهم البيبي راسها تحت و دشيت الثامن .. مافيه سكر ... ولا اي عارض و الحمد الله .. رحت صورت و رديت الهم ..شافر التقرير و الكل اجمع ع الولاده راح تكون قيصرية ..الاسباب ..
1- انه طفل انابيب ..2- طول الفترة اللي ما حملت فيها 11 سنة ...3- ضوق حجم الحووض مع اني جسمي مو ضعيف ..4- ما يبون البيبي يتعرض لاي مضاعفات اثناء الولاده ..
انا كان قلبي مطمئن ولا خفت كاني ادري .. وافقت وخلصت الاجراءات وقعت على الوافقة وعطوني موعد 10-2-2008 يوم الاحد الساعه 1 نص ..هذا بنسبة للمستشفى ..
و لدكتوري موعدي معاه يوم الاثنين وباشووف شوة راية و يارب يسوي فيه الخير ..ادعولي الله يقدم اللي فيه الخير
بنات امس صورة ملابس فطامي بس الصور طلعت كبيرة بحاول ارد اصورهن با الموبايل و احطهن الكم ..
الغالية زهور .. شخبارج وشخبار المعرس .. حبي الغالي بشرينا عندج ان شاء الله بخير ..قمقومتي يارب يعطيج الصحة و يقويج على الحمل و النقل ..اريج بشريما عن بو حلا عساه طيب و عن حلا الحلوة ..
ووديمة بن حارب و ارمانوف والكل الكل تبارك الله المجموعه كثرت يارب يزيد لذرية و المسلمين
بنات ها الايام مبروك اكثروا من الذكر و الادعية ..اللكم و لازواجكم ذرياتكم ..والثبات في الدين و ان شاء الله السنة الجاية الحج ...

هلا والله أختي السيدة سوسو والله يتمم لج على خير وتشوفين فطوووووووومه القمر وتقومين بالسلامه

ويلا ننتظر ملابس فطوووومه

هلا فيج السيدة سوسو

ما شاء الله الله يسهل عليج و تولدين بالسلامة يا رب

هلا السيده سوسو منوره بطلتك انشاء الله ربي يكتبلك اللي فيه الخير القيصريه او الطبيعي كله خير المهم تشوفي فطامي وتقر عينم بشوفتها يارب..والفرحه تصير كبيره.........
حبي الغالي شلونك يا ام حميييد؟؟
زهور شلونك يالغاليه؟؟ واخبار حسونه النونه
لونلس شلون العسولات التغيير حلو حبيبتي
بنات صار مالي خلق اي شئ ولا تجمع ولا منتدى ولا شئ بس حبيت ادخل اسلم واطلع...باقي الكروشات شلونكككككم؟؟؟

شحالكم بنات الله يثبت حملكم ويسهل علي وعليكم

هلا اخواتي كيفكم

انا الان في الاسبوع الثالث بدخل في الرابع بس قالتلي الدكتوره تجين بعد العيد نسوي لك تصوير وسالتها من فوق البطن قالت لي لامن تحت وانا خايفه يسيرلي اسقاط لان فيه ناس كثير بعد ماسوولهم التصوير من تحت سبحان الله بعده ينزل دم وبعدين تسقط وقلتلها مو لازم من تحت قالت لالانه انتي اول مره تحملي لازم

وش رايكم فيه احد سواه

فاطمة حق الكحة ليمون وعسل خذيلج كل يوم خاشوقتين والا فوريلج زعتر

وانا عن نفسي ضرسي بموت من ضرسي

وكل شوي حاطة عليه مسمار ((( قرنفل ))) وعاضه عليه ما شي فايدة

من بصبح بسير عند الدكتورة

وما شي رجع لي الوحام ياكروشات اليوم كنت عند الدكتورة وقلتلها من دخلت الثامن وانا كله ارجع وراقدة وتعبانة قالت لي عادي في حريم جي يرجع لهم الوحام على الثامن والتاسع

الله يعين والله كريم

صباح الخير

اخباركم يا بنات ان شاءالله بخير

الله يسهل على الحوامل الجدد الوحم

قمقومة ... قم قم ............. صح كلامج انا بعد رجعتلي شوية من اعراض الوحام قمت ارجع واحس كبدي تلوع وذبحححححني الضغط كله هبوط هبوط تعبت .....الله يعين ان شاءالله