تجمع حوامل الثلاث الشهور الأولى1-2-3

هلا عيون

شلونج ياقلبي؟

تدرين مو بس انتي اللي صايره اكوله :( حتى انا نفس الشي،،
بس انا مايمديني اكل على طول اشبع،، وبعد ساعه ارد يوعااااااااااانه ولا كآني ماكله شي!
مثلج طبعا انتفخت :( بس شسوي اقتل عمري وما اكل!!؟


يالله حبيبتي ان شاء الله تعرفي جنس المولود قريب والله ينولج اللي في بالج يارب :flower:

3yoOon_AD;4749601:
انتبهي خرزة

لا تاخذين اي مسهلات ..

مب زين ابد.. تخيلي عشان يستوي الاسهال شو يستوي ؟؟؟

يسبقه مغص صح واللا لا ؟؟ وعوار في البطن .. عقب تتسهل الامور ..

وهذا مب زين للياهل .. لأنه الحين عبارة عن دم متجمع يعني كأنها دورة محبوسة.. عشان اقرب لج الصورة ..

اصلا كيف توصفه لج ؟؟ الملينات ممنوعة او 3 شهور ..

خلج منهم واسمعيني .. كلي كل يوم برتقالتين ..اذا ما تبينهم عصير ..

انا قمت اسوي جي .. والحمدلله رب العالمين هالحمل ما عانيت المغص نفس حملي الاولاني ...

فديتج زهور بنفسجية.. محد يسأل عني غيرج ...

انا الحمدلله وقربت على الشهر الرابع الي انتظره بفارغ الصبر عشان اعرف شو فيني ولد واللا بنت .. ههههه

احس الوحام اخف الحمدلله .. لكن الصبح لابد من المعاناة..

وتدرون من شو اعاني ؟؟:( صايرة اكوولة .. ماعرف اقعد فاضية لازم في حلجي شي ..

والله وقاعدة امتن بشكل رهيب .. رغم اني ما احب الاكل وايد وفي الاصل انا ضعيفونه بس سبحان الله مع الحمل كيف .. للحين انا زايدة تقريباً 4 كيلو :( الله يستر على الباجي .. حد زاد جي ؟

زهور بنفسجيه;4749230:
صباح الخير :tooth:


fatma كيس الجنين يبان من اول شهر ، والنبض من الاسبوع 12 وممكن في اجهزة متطورة وتبان قبل


loneliness شخبارك واخبار اقمارك والله يعينك على الحموضه الي سببت لك حالة الاكتائب والبكي شكل هرموناتك ملخبطه عدل ، صراحه اذا دبنهامز تخفيضاتهم بس 25% مايسوى ابدا ومادري التخفيضات هالمره موشي ، ليش وين زوجك الي قعدتي لحالك في الشقة ؟؟اها يعني نفسيتك تحسنت اجل الحمدلله


قمقومة ... قم قم ماتشوفين شر ، صج لب قلب وليدي مع لولو في تجمع ثاني !!! والله اغلب الايام نسئل عنهم



amel01 شخبارك واخبار البيبي ؟ماقلتي للحين ماحصلتي اسم ؟؟



اريج_خاشقجي حمدلله على سلامة زوجك وزين اطمئنيتي عليه والله يجيبه بالسلامه ،اووف طلعت لك التشققات الله يستر علي كله بشتري زيت ومتكيسله حدي



feedback الحمدلله ان امورك بخير ، شخبار فصولي ؟؟



عروسة03 شخبارك يالغاليه ؟



احب بيتي وعيالي مبروك الحمل ، لاتتخافين من الوحام وانشاء الله يكون خفيف مرره



نبعه الريحان شخبارك يالغلا ؟؟ الله يعينك على حاله الاكتائب
اي جديد في التخفيضات قولي لنا



خرزة زرقة اوكلي امرك لله وانشاء الله الله يكتب لك الصالح والمعافي يارب ، اتوقع يبان في الدم بس يكون هرمون الحمل ضعيف واكيد المستشفى قالوا لك ، انا اعرف ان حبوب الاسهال ماهي زينه تاخذينها في فترة الحمل اقرئي النشرة وتاكدي اذا خطر على الحامل ، الله يثبت جنينك



3yoOon_AD شخبارك واخبار الحمل معاك ؟؟




السيدة سوسو ماعليك شر انشاء الله



حبي الغالي صدقتي كل ماقربت الشهور الاخير بدأ الخوف من الولادة والقلق


صحيح في الشهر السابع الجنين يقلب وصج وقلت مايقلب تحسين ببعض الالم 000 زعميتنا قمقومه علمينا وش صار معاك او سيدة سوسو


اخباري لاجديد لا جديد

بس وقت النوم لازم لازم يجيني شد في رجولي بس الحمدلله اذا صحيت يروح الشد

البارحه كنت رايحة جرير وقلت بشتري هدية المولود ( الالبوم ) بس من الزحمه صار مالي خلق

قلت شكلي بعدين بروح اشتري لانه في وقت للحين والتجهيزات لا جديد

لونلس وصلت غرفة النوم من الرياض ؟؟

مشكووره يا قلبي على سرعة الرد يعطيج ربي العافيه :)

مشكورة يااختي العيووووووون على ردج.........بس انا مب ماخذه حبوب اتسهل او ملين عشان لامساك انا لااعاني من الامساك

انا اعاني من اسهال في اليوم 5 مرات وتعبانة منه بس امس خف شوي .......وعطتني الدكتورة حبيتين بس اكلهم اذا رجع اللي الاسهال.......

واليوم مارحت الحمام تكرمين بس لو صار لي اسهال لازم اخذهم لانه عندي طفيليات........

وانا محتارة اخذها والا لا بس اكدت لي انها ما اتاثر على الجنين والا الا ماراح تكتبها لي لو تاثر

وصابرة ومتوكلة على ربي .......لاحول ولاقوة اللي بيصير بيصير

اختي العيووووووووووون.......ربي يسهل عليج حملج ماشاء الله دخلتي الرابع....

بس الشهور الاولى ماحسيتي باللوعة او الدوخة انا للحين ماحاسة بشي واوسوس واخاف يكون الجنين ميت

حتى الدكتورة قالت لي لازم نسوي فحص هرمون بالدم عشان يشوفون الهرمون ينزل والا يرتفع...

لانها قالت لي انا جربت هالشي قبل والواحد ياخذ احتياطه ويتاكد


واعولي بالخير يارب

عزيزتي خرزة ..

في هالحالة ماعرف بصراحة ... انا على بالي ملين للبطن ...

انا بعدني باقي لي تقريباً 10 ايام وادش الرابع ان شالله ...

حبيبتي انا ماحسيت بالوحام الي في نص الثاني .. يعني مب من البداية تحسين ...

ولا توسوسين ترا والله التفكير يذبح اكثر ..

وشدراج حمل عن حمل يفرق .. يعني انا وحامي في ولدي كان يذبحني والحين هالحمل اخف ..

وانتي توج بدري على الأعراض ... في اي اسبوع انتي الحين ؟؟

اصبري شوي وبالعكس استانسي في الوقت الي انتي ما تتوحمين فيه راحة لج ...

اما الهرمون .. اذكر اخت ريلي كانوا شاكين انها حامل .. في تحليل البيت ما يبين الحمل .. وفي الدم قالوا الهرمون ضعيف ويمكن ما يكون حمل ..

عقب عادوا التحليل وارتفع الهرمون سبحان الله .. والحين هي في التاسع ماشالله ..

يعني هالشي يكون في البداية وفي احتمال انه يستمر ان شالله .. والله يسهل لج ...

انزين ليش ماتروحين تسوين صورة.. واذا انتي كملتي 40 يوم من الحمل اتوقع يكون فيه نبض ويعرفون اذا الجنين بخير ..

عزيزتي لولنلس.. انا اكل كل شوي .. واحس بالجوع بسرعة نفس ماقلتي والله ..بس احس لازم اضبط عمري اكل على الفاضي والمليان .. عندنا عرس اخر الاسبوع واخاف الفستان ما يدش ههههههههههه

كنت سألتج سؤال قبل ما شكلج ما شفتيه .. كنت اسأل انتي عرفتي انه فيج توم من الالترا ساوند واللا كان في شي يخليج تحسين ؟؟ وفي اي اسبوع عرفتي ؟؟ (شاكة بعمري هههههه)

مرحبا حوامل
انا حامل في الثاني بالثاني
بالنسبة للنوم الى الشهر الثالث عادي لاكن بعدين يكون النوم على الجنب الايمن ويفضل وضع وسادة بين رجولك
اما بالنسبة للجماع فهو عادي لاكن مو بقوة انا الدكتورة قالتلي ان وقت الجماع الطفل يرفع نفسه لفوق شوي عشان يكون مجال للاب اكثر

هلا يابعد قلبي العيووووووووون.......فديت روحج انا يارب ربي يسهل عليج دوم

وانا الحين على كلام الدكتورة الاسبوع الخامس ويوم واحد يعني مب عارفة في الشهر الاول والا الثاني لاني سالتها قلت لها يعني في الشهر الثاني قالت لا بعدج

وقالت دامج طرحتي في الشهر الثاني نهايته هالمرة كوني حذره والله العالم

وطلبت صورة قالت مب الحين تاريخ 23-12 بعد العيد قلت الله يستر لذاك اليوم

والمهم بخصوص الاسهال يااختي ملين والا مال اسهال في النهاية ادوية وباكل روب وموز بدل الحبوب لو زاد الاسهال باكله وبسلم امري لله..........


وصح كلامج حمل عن حمل....يفرق..........بس يارب يثبت الحمل واستمر بالسوالف معاكم والله اني اشتاق اسولف مع بنات جي الصراحة وانتوااااااااااااا مثل العسل


بس انا تاركه الوسواس.......

انا ابي ارد عند هلي لكن العوق اختي.......تدرس في ابوظبي

واذا اخليها في الشقة عيب بروحها ماابيها اتم اهني ابروحها


لانه ريلي يقول لااطبخين وتتحركين لاني كثيرة الحركة واحاول اترك الشغل....لانه دام اختي اهني لازم اطبخ حقها واذا مااطبخ تعصب وتتصل لامي ....ولو خبرتها عن حملي بتخبر كل اربيعاتها...

نفس سافة الحج ماخلت ماخبرت حد اني بروح بس سبحان الله مارحنا

صج ماكذبوا يوم قالوا: اقضوا حوائجكم بالكتمان

والله الميسر


تدرين الحمل الاولاني يوم طرحت تعرفين شو كنت مسوية

زرت 3 اربيعات وراء بعض من بيت لبيت انا واختي وحميتي

واخر شي يت عند جارتي وشربتني غصب شاي نعناع وانا ماخبرتها بحملي ومارضيت اشرب لانه اللي اعرفه بعد مب زين

بس شربت شوي


ورجعت الشقة اداهس اغسل حمامات واغم البيت ورحت سبحت الا باليوم نفسه نزل علي دم......

وهذا غير الادوية اللي كنت اعوسقها وانا ماادري ..........قبل لااادري بالحمل

بس هذي حكمة ربنا


عموما ربي يسهل عليج ويثبت حملج امين ويثبت حمل خوات في الرابطة



fatema

انته بالشهر الاول م حملج والا بعدج...........اتحسين بشي من الاعراض

زهور بنفسجية عساااااااااااااااااج بخير وبصحة

الله يسلمج حبيبتي خرزة ويثبت حملج يارب واتمين ويانا ..

غريب الصراحة وضع اختج ... انتي ملزومه تطبخين لريلج مب اختج ... عشان تعصب ههههه الله يعينج ان شالله

اعتقد الاسبوع الخامس بدايات الشهر الثاني ..

متى اخر دورة ؟؟ ليش ماتحطين شريط حمل يسهل وايد في الحساب ..

والشاي عادي ماسمعت شي عنه اشربه ..بس كله كتبه من رب العالمين..

بس انتي شكلج نفسياً مب مرتاحة .. هذا الي حسيته بالذات انه اختج مب متعاونه وياج اصعب شي ..

ان شالله تبشرينا بأن كل شي تمام

خواتي انا امس مارقدت الم قوي في كتفي الايسر وتشنج بريلي كاملة اللي باليسار

شو االسبب...ابي اعرف ليش..........

وطول الليل مالي نفس حاسة بالم مكان الرحم ومثل الثقل على جهة اليمن

طمنوني انشا ءالله خير

انا مااوسوس

بس اخبركم عن الاعراض اللي تعبتني البارحة


شنو اسبابها

زهور .............. حياتي في السابع

البيبي اتكون حركته وايد

وما اتحسين بألم الا يوم ايوسع له مكان عند الخصر هذا لاني انا بنت

بس مو الم يخوف لا الم حلو لانه البيبي يتحرك فديته

بس لاني انا الحين في الثامن راس فطوم فوق عند قلبي وريولها تحت

فاتخيلي يوم ترفس احس مثل الابر تحت
متى التاسع عشان راسها ينزل تحت وريولها فوق

وارجع اقولج لا تخافين مو الم الم وناسة احساس وايد حلو
وفي السابع والثامن الحركة اتزيد واتكون اكثر قوة وملحوظة
هو الالم مو في الركلة او الحركة السريعة
هو الالم لما تتحرك وتتجمع في مكان واحد ويصير بطنج من صوب كبير ومن صوب فاش خخخخخخخخخخخخ

هاي الحركة هي الي اتعور انا اتم امسح عليها وادلدغها لين ما اتغير يلستها

عليج نور يالعيوووووووووووووووون.....كلامج كله صح مية بالمية.,سبحان الله مع انها اختي بس مستوية عدوتي بس احاول مااتكلم وايد عشان ماتصير معاها مشاكل

والوضع من اربع شهور وريلي كاره حياته متملل يبينا انكون بروحنا بس شسوي اختي هون لها اتكون عندي ولاتكون ساكنة بروحها...



بس معلومة الشاي صح وايد سمعت عنها واعتقد لو دورتي بالنت بتحصلين عن هالمعلومة....

العيووووووووون انا اخر دورة 1-11-2007

اريج

انا بطني وصدري يحني

بس مول ابد ما احك عشان التشققات

كله احط بودرة او زيت زيتون وانتي بعد لا اتحكين بيتشقق جسمج كله

مرحبا حوامل
انا حامل في الثاني بالثاني
بالنسبة للنوم الى الشهر الثالث عادي لاكن بعدين يكون النوم على الجنب الايمن ويفضل وضع وسادة بين رجولك
اما بالنسبة للجماع فهو عادي لاكن مو بقوة انا الدكتورة قالتلي ان وقت الجماع الطفل يرفع نفسه لفوق شوي عشان يكون مجال للاب اكثر

طيب ماتحسون بالشهر الثاتي الم في البطن زي التقلص؟؟

خرزة دورتج 1-11

يعني انتي ا 8-12 او 7-12 تدخلين الشهر الثاني ان شالله ..

شفتي كيف بدري انه تحسين بوحام ... :)

موعد الولادة ان شالله 7-8

والله يعينج على اختج ويهديها وضعها غريب .. يعني هي في بيتكم وجي تسوي ؟؟ احس شوفي حل بيتج وريلج اولى واهم كلمي امج وعسى خير ..

اختي فاطمة .. احيانا تحسين بتقلصات لما يكون نفس موعد الدورة يعني نفس آلام الدورة وعادي تحسين ترا الرحم يتوسع وغيره .. لازم تحسيت بتعب شوي

مشكوروة العيون على ردج والله مااهتميت للحسابات ولا موعد الولادة ههههههههههههههههههه

خل يثبت قبل


وعن اختي الله يصبرنا بعد خلاص اونه بوظفونها وتبي اتم عندي على طول وريلي مطنقر بس الله كريم

والله يعصبون مني ولاهامنهم حياتي مع زوجي هم اختي

سبحان الله

بس من اتخلص احنا بنتصرف والله كريم

وانتي متى ولادتج ان شاء الله


وتعالي انا بعد مرات اتصير لي نفس تقلصات في الظهر نفس الدورة قبل بعد احمل الاولاني صارت لي وطنشت ونزل دم وطلع اجهاض

والا تعتقدين عادي يصير لكم

فطومة فديتها تشتكي من شوية جي تربع لنا فديت روحها انا شرات طبعي

انا بعد وخايفة وايد

الله يعينكم ..

اما عن ولادتي ان شالله بتكون في 20-6

اما التقلصات .. انا اعرف انه كل مرة يكون موعد الدورة المعتاد تحسين بآلامها سبحان الله ..

يعني كأنها بتنزل نفس الاحساس ....

عشان جي يقولون الحامل في الشهور الاولى اي شي معروف انه ينزل الدورة في المعتاد تتجنب تشرب هالسوالف في الحمل

هلا حبيبتي

مسامحه ماشفت استفسارج.. تدرين ماشاء الله الوحده تغيب ثلاث ساعات وترجع تشوف اكثر من سبع او ثمان ردود من البنات الله يحفظهم

عزيزتي ،، لا قبل الالترا ساوند ماكنت شاكه ان فيني توآم خاصه ان وحامي كان مره خفيف (ماشاء الله تبارك الله علي) اللهم لوعه جبد بس!

بس انا استغربت اول مره اسوي تحليل حمل منزلي ويبان لي النتيجه خاصه ان الدوره كانت مآخرتني يوم بس!
والحمل اللي قبل سويت تحليل والدوره مآخرتني اسبوع ، وتحليل الدم مابين شي! بعدها بفتره جاني نزيف وعرفت اني حامل وسقطت!


بس لا قبل الالترا ساوند ماكنت حاطه في بالي اني حامل بتوم الله يحفظهم وتقر عيني بشوفتهم!

3yoOon_AD;4750151:

[B][COLOR=royalblue]عزيزتي لولنلس.. انا اكل كل شوي .. واحس بالجوع بسرعة نفس ماقلتي والله ..بس احس لازم اضبط عمري اكل على الفاضي والمليان .. عندنا عرس اخر الاسبوع واخاف الفستان ما يدش ههههههههههه

كنت سألتج سؤال قبل ما شكلج ما شفتيه .. كنت اسأل انتي عرفتي انه فيج توم من الالترا ساوند واللا كان في شي يخليج تحسين ؟؟ وفي اي اسبوع عرفتي ؟؟ (شاكة بعمري هههههه)