تجمع حوامل الثلاث الشهور الأولى1-2-3

[FRAME="11 70"]السلام عليكم حوامل شخباركم وشخبار الحمل معاكم عساكم ان شاء الله بخير
حبيت بس الطمن على الجمبع
حبياتي يجني دايم الم في الثديين والأبطين هذ الوجع جاني بس من حملت لحد هذ الوقت وخاصه اذا نمت وجلست احس ابه اخثر
هل هذا طبيعي ولا لا
تمنياتي للجميع بالصحه والعافيه[/FRAME]

انا ان شاء الله بعد اسبوع بدخل السابع ان شاء الله على خير ربنا يهون الايام الباقية علينا ان شاء الله و يعديها على خير

سوسو ميدوو انشاء الله تدخلينه وانتي بالف خير وصحه وعافيه .....نجمة الفجر انا شخصيا ماجاني الم بس اعتقد طبيعي مع الحمل الم الثديين بسبب الهرمونات لا تحاتين الحمل من حامل لحامل يختلف...بالتوفيق للجميع

شكرا لك اختى اريج ربى يكمل لنا جميعا على خير

اهلين اريج حبيبتي ... تسلمين ياقلبي.. وان شاء الله كل شي الله يفرجه!

سوسو ميدو... الله يتمم لك حبيبتي على خير ويعدي الثامن والتاسع وتولدين وتقومين لنا بالسلامه!

نجمة فجر.. حبيبتي الم الثدي طبيعي مع الحمل.. وتحسين ان الثدي غير انه يألم.. يكبر والحلمات تصير مره حساسه.. فتره وتعدي ياقلبي..


باقي الكروشات طمنونا عليكم!

هلا ياسعوديه ياقمر!

حبيبتي بالنسبه للنفسيه.. نفس الشي تأثير الهرمونات..

انا امس مع اني كنت مستانسه العصر مع اهلي.. بنفس الوقت جاتني كأبه وبس ابي اصيح!

بالنسبه للنفس... نفس الشي تأثير الحمل!! الواحد مايشتهي ياكل شي.. ولا يشتهي اي شي مو بس الاكل ههه!!

انا مثلك صايره ملانه للأخر!! و ماني طايقه اي شي .. اليوم بالدوام. ودي اتهاوش مع الكل.. امي الله يحفظها تهاوشت معاها بالتلفون.. واخر شي قلت لامي (ترا بانتّفكم كلكم)
مادري وش في اخلاقي!

ماقلتي لنا حبيبتي انتي بأي اسبوع..؟

ربى معك اختى سعودية هو الحمل كله ملل

sosomedo;4712413:
ربى معك اختى سعودية هو الحمل كله ملل

ايه والله .. الله يكون بعون الجمييع .. الله يصبرني بس وأوصل للشهر التاسع ..

هلا سعوديه..
معليش اذا زوجك ماوقف معاك وتحملك مين راح يتحملك.. الله يسعدكم مع بعض يارب :)

انا بالاسبوع 19 و 3 ايام:) ولا تشيلين هم ترا الايام تمشي بسررررررررعه :)

الله يتمم لك وللجميع على خير!

شكرا إلكن لولينس و زهور إنشاء الله الأسبوع الجاي بروح إنشا الله بس يكون الطقس مشمس

هلا كروووووووشات شخباركم ؟؟

والله أنا بعد عن نفسي لا جديد وانشاءالله باچر موعدي

أدعووووووووووا ليي ان تكون المشيمه أرتفعت يااااااااااااااارب

هلا والله كروشات شخباركم
انا بخير ونفسيتي عال العال

من يوم الخميس وتوني رادة من الشاليهاات طلعنا شلة بنات وامهات يعني بس حريم

وسرنا صوب حتا

وشو الطبيعة والوديان جنان جنان

صح انه الشاليه ما كان هاك الزود بس لانا ما حصلنا حجوزات كل مكان فل

ونحنا كنا بس نبغي اللمة والاكل والضحك والسهر والسوالف

والحمد لله سولفنا وضحكنا وكلنا وحشينا خخخخخخخخخخخخخخخخ

مرحبا ..
ياااااااارب يا حبي الغالي ترتفع المشيمة و تصير بخير ..انا اخر الثالث نزلت عندي وتميت كلة منسدحة صح تعب نفسي بس الحمد الله ارتفع منها جزء و عقب سولي رباط حتى ما تنزل وتبطل الرحم ..انتي الحمد الله ان النزول بالشهور الاخير لا تحاتين ان شاء الل خير
قمقومة ..زين انج تونستي ورحتي وغيرتي جوو ها الايام الجو وايد حلوو .. عني في بوظبي ما طلعت مع الكل طلع مع هاالاجازة ..طلعت الكورنيش وشفنا المسيرة و زحمة وربشة بس غيرت جوو مع بنات عمتي ..
زهوور شخبارج و شخبار حسين .. خلصتي تجهيزاتج ؟
الجمييييع عساة بخير ..

http://www.3roos.com/forums/t290603_67.html

شوفوا بنات صور الماي والوديان مع انه ما طاح عندنا لين الحين مطر بس سبحان الله ما اعرف من وين ها الوديان



وعقب قولولي شو رايكم ؟؟؟؟؟؟؟؟؟؟؟

مرحبااااااااااااااااا :21_161:


ام نمير اول ماتحدد لك الطبيبه علميني عشان اضيفك معانا والله يكتب لك ولد صالح يارب


loneliness الله يفرج همك يارب وهونيها وتهون انشاء الله ، تدرين توني اليوم انتبه لخط خفيييييييييف مررره من تحت السره مو واحظ الا اذا دققتي عليه وسمعت مثلك ان عادي يطلع وبعد الولادة يروح


sosomedo الله يتمم عليك يارب الى الشهر التاسع وانا بعد انشاء الله بعد اسبوع بادخل السابع


اريج_خاشقجي وينك ماشوفك على المسن وشخبار الاميره حلا ؟؟


نجمة فجر الام ثدي طبيعيه في فترة الحمل اما عن الابطين ماعندي علم


سعودية مغتربة ترى هرمونات الحمل تعمل بلاوي في نفسية الحامل كل يوم شي وتقلبات يوم :wavetowel2: ويوم :tears: وزين ان زوجك متفهم لانه عارف هالشي عدل ، انت الحين في بداية الشهر الثالث والايام ترى تعدي بسرعه



amel01 انشاء الله يارب تتسهل امورك


حبي الغالي يارب يارب :21_195: ترتفع المشيمه وتصيرين بخير


قمقومة ... قم قم عليك الف عافيه وزين انك غيرتي جو واحلى شي انكم بنات وحريم عان تفلونها فله ، الصور مرره روعه لانه مافي احلى من الطبيعه ، ودي اروح هالمكان يفتح النفس



السيدة سوسو الحمدلله انا بخير وحسين بعد بخير:21_103::21_104: على فطومه

اشتريت بعض الاغراض من سيتي بلازا ومن محل ثاني بس بعد باقي لي وااجد

وانت اشتريتي شي حق فطومه ؟؟


اخباري بكره عند موعد وعندي بعد تحليل انشاء الله كل الامور بخير

السلام عليكم انا جديدة عليكم بس اتمني تقبلوني في مجموعتكم انا حامل بشهر ولي اسقاطات قبل وايد خايفة وماعلمت احد اني حامل غير زوجي وانتو بس ادري انكم بتدعون لي بثبات حملي انشالله انا لحد الحين ما في اي اعراض للحمل بس معاي بلغم فضيع ومضايقني وسدري كبر صار يلوع الجبد انا كذا في حملي من البداية يكبر بس الحلمة وايد تعورني اتمني القي عندكم حلول:shiny::shiny::shiny::shiny::shiny::shiny:

afary_858 الف مبروك الحمل والله يثبت حملك يارب اهم شي انك تلتزمي الراحه التامه لمن يثبت حملك ، الم ثدي مرره طبيعي للحامل لاتحاتي والوحام يختلف من حامل الى حامل انشاء الله يكون وحامك خفيف ولاتتعبي منه ، وحياك معانا في التجمع