الحمل أثناء فترة الملكه

الريـــــــــــــم;4169711:

والله يا بنات الي اعرفه انه ما شهر الزواج بعد يعني المفروض ما يسوون هالشي حفاظا على البنت و الدين دايما يكرم البنت و يصونها

كفايه انها تسوي هالشي من ورا أهلها

شبيقول عنها ريلها؟ تتصورن يحترمها؟ و الا تحمل و يقول هذا مب ولدي و يطلقها؟

والله الدين صان البنت و المجتمع صانها بعد بس اذا هي مرخصه بنفسها ما باليد حيله !

عندي اضافه بس

يا بنات الاشهار مفروووووض

في ايه للأسف مب حافظتها بس تناقش الطلاق و فالايه تقول اذا بتطلقونهم وانتوا ما مسكتوهم فكذا كذا كذا ...

أتوقع هذي الملجه

وعموما البنت لازم تحافظ على نفسها من الفشيله عالاقل جدام اهلها !

غريبه الصراحه ماجد ستوت عند فالامارات عيب جيه الريال مايدخل عالحرمه الا عقب العرس شو هالرمسه صح ان حلاله لكن نحن عايشين بمجتمع له عادات وتقاليد ملزوين نتقيد فيها وهذا راي والسموحه:qaq:

عادي مافيها شي .......... ازواج على سنة الله ورسوله ......... واللي مايعجبه يشرب من ماي البحر






ترى انا ماحملت في فترة الملجه .......... بس حبيت اقول رائي بالموضوع

يقول الله تعالى : " وماكان لمؤمنٍ ولامؤمنةٍ إذا قضى الله ورسوله أمراً أن يكون لهم الخيرة من أمرهم ومن يعص الله ورسوله فقد ضل ضلالاً مبيناً "

اتقول الله ولا تحرمون ما حلل الله

اولا نحب نفهم شنو معنى كلمة ( ملكة او ملجة ) >>>>>>>>>> ببساطة يجي شيخ دين ويجي اهل الزوج واهل الزوجة ومعازيم وعقب هاليلة عادة تصير الحنة وعقبها حفلة الخطوبة يعني في عقد وفي اشهار

ثانيا بعض الاخوات استغربت من قولهم ان الشيطان يكون ثالث شلون الشيطان يكون ثالث بين زوج وزوجته ؟؟؟؟؟؟؟؟؟؟؟؟؟؟؟؟؟؟؟؟؟

ثالثا استغرب لما البنات يقولون لمى وحده تسوي جدي مع زوجها فإنها تطيح من عينه ؟؟؟؟؟؟؟ شلون تطيح من عينه وهي زوجته على سنة الله وسوله

رابعا الانسان لما يكون مؤمن وصادق النية مع الله فأنه يلتزم بأحكام الله وليس بأحكام الناس ، وعلى رأسهم شيخ دين عرفته قال حق بنته عقب الملجة انج تقدرين تروحين تباتين مع زوجج وتطلعين معاه والله يوفقكم , فنستغرب من الاهل الي تمنع بناتها تطلع مع ازواجهم وتحرم ما حلل الله

خامسا الناس ما يعجبها شي مثلا انه انخطبت شهور بسيطة وبعدين تزوجت قالوا ليش تزوجوا بسرعة اكيد مستعجلين
خخخخخخخخخخخخخخخخخخخخخخخخخخخخخخخخخخخخخخخ اذا في الخطوبة قالوا لا تسوون شي وما سوينه وفي الزواج يبونه بعد ما نسوي شي وكل يوم وحده طالعة لي بطلعه اله لا تحملين من بداية الزواج والي تقول لي كملي دراستج تالي حملي والي تقول لي لا تحملين قبل 4 سنوات

في ذمتكم هذي حياتي او حياة الناس مو باقي اله يحددون لي التاريخ ؟؟؟؟

بصراحة احنا نعيش في عالم متخلف وبعيد كل البعد عن الدين و نتمسك بعادات وتقاليد غريبة حتى لو كانت غلط ببساطة موضوع الحمل واحد فقط من المواضيع الكثيرة الي المجتمع يتزمت فيها برايه ويضرب شرع الله عرض الحائط مثل ما الكثير منه متمسك بعادات الجاهلية مثل تفضيل الصبيان على البنات والابيض على الاسود والغني على الفقير وكثيييييييييييييييييييييييييير اشياء الله يجيرنا

وحبيت اقول للي تقول واذا ما الزوج وهو داخل بزوجته
احب اقول اعكسي الآية

افرضي ماتوا وما دخلوا دنية ؟؟؟؟؟؟؟؟ خخخخخخخخخخخخخخخخخخخخخخ

الله بستر على بنات المسلمين

والله هذي ما خلت طعم لليلةالزواج ولا احترام لاهلهاولزوجهاولا لنفسها
يعني ليش مستعجلين
العمركله الكم

غلط كبير أن الوحده تسمح لزوجها يلمسها قبل الدخله وحتى لو كانوا متملكين ، لأن لازم الإشهار قبل الدخله ، لأن هالشي يترتب عليه حقوق ، وممكن الواحد عقب ما ياخذ الي يبيه من مرته يختلفون على أمر ، ويطلقها وينكر أن لمسها ، وحتى لو كان ممكن إثبات هالشي بالطب الشرعي ، ليش الوحده تفتح عليها باب.

[GRADE="00008B FF6347 008000 4B0082"]أنا أرى أن المحافظة ايضا على التقاليد والأعراف مهم لاننا نعيش وسط مجتمع يؤثر فينا ونؤثر فيه[/GRADE]

لا حول ولا قوة الا بالله

لازم البنات يكونوا عاقلات وتفهم اش هيا فترة الملكه واش لازم يصير فيها وما هي المحظورات يعني التوعيه ضروريه من ناس اكبر منها

الله يهدي بناتنا

مشكوره

امر غريب بس الناس مابتفكر انه يكون خلاص زوجه بالملكه
دمتي بود

السلام عليكم و رحمة الله وبركاته

ههههههههههههههههههههههه
ضحكني الموضوع


بتكلم عن وضعنا الاجتماعي بالبحرين

بما ان عندنا بالبحرين فترة الخطوبه احنا نسميها و انتو تسمونها ( الملكه)

طويله على الاغلب تترواح من سنه الى خمــــــــــــــس
سنوات ( بتسألوني ليش عدة اسباب منها البنت في الجامعه تكمل دراستها او الوضع المادي او البنت ما تبي الا شقه و على ما يبني و يجهز و يخلص انتو عارفينها ) فأنتو عارفين ان الرجال ما يقدر يصبر

و على فكرة احنا عندنا الخطوبه البنت تروح و تجي براحتها
و تبات بيت خطيبها عاااااااااااااااااادي حتى اسبوع
او اكثر

فمن المحتمل او المؤكد ان يحدث كل شيء بينهم بس المهم انه يحاااافظ على انها ما تحمل الاااا بعد الزواج
و لاااا بد من الخطأ فتحمل البنت

و صارت عندنا كلمة حاااااامل في الخطوبة شبه عاااااااااديه عندنا لدرجة في مثل مضحك يديد طلع في الفترة الاخير و يقولنه النسوان الكبار اكثر اللي هو ( اللي ما تحمل في الخطوبه يخافون عليها )
ههههههههههههه


البحرين بشكل عام صار فيها الشي عاااادي
بسسسسسسسس تبقى في عوايل قليـــــــــــــــــــــــــــــــــــــله او ناااااااااااااااااادرة
يشترطون ان تكون الخطوبه قصيره 3 شهو او 6 شهور
و ما يخلون بالبنت تنام بيت خطيبها

بس ترى اللي بيصير في الليل يصير في النهاااااااااار جاااااايز صححححححححح


هههههههههههههههههه

على فكرة شرعا جااااااااااااااااااائز

شنو حفلة ليلة العرس هل فيها
ملكة مرة ثانيه او شنو؟؟؟؟؟؟؟؟؟؟؟؟

حفلة و فستان ابيض و اغاني و سهرة و روحه لبيت الزوجيه
هذا اللي يحلل كل شيء بين الزوجين

لما يدرون الناس ان البنت تزوجت بعدين يصير حلااااااااال
هما يدروووووووووون انها مالكه صحححححححححححححححح
خلاااااااااااااااااااااااااااااااااااص



يعني لازم اتحدد فترة الحيا بينها و بين خطيبها
و تخليها بعد الزواج
و اذا طولت الفترة( الخطوبه ) و صارت 3 سنوات
من يقرب منها خطيبها تقول لاااااء انا استحي قوم عني لين تزوجنا ما بستحي

بتطلع معاااه و بتروح وياه و كل يوم كل يوم خلاااااااااص تعودت عليه البنيه
استحت في البدايه
و شوي وشوي طااااااااااحت الميانه ههههههههههههههه

بسألكم صح على ايام الرسول ( ص) في حفلة و فستاااااااااان ابيض ؟؟؟؟؟؟؟؟؟؟



تراني متزوجه و ليلحين ما حملت لا تروووووووح افكاركم بعيـــــــــــــــــــــــــــــــد

وَإِنْ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ إِلَّا أَنْ يَعْفُونَ أَوْ يَعْفُوَ الَّذِي بِيَدِهِ عُقْدَةُ النِّكَاحِ وَأَنْ تَعْفُوا أَقْرَبُ لِلتَّقْوَى وَلَا تَنْسَوُا الْفَضْلَ بَيْنَكُمْ إِنَّ اللَّهَ بِمَا تَعْمَلُونَ بَصِيرٌ
سوره البقره

ياااااااااااااااااااااااااااااااااااااااااااااااااااااااااااااالله سترك وعفوك الله لا يبلانا والحمد لله الذي عافنا

قسما بالله يا بنات
يوم رحت كوافيره علشان احجز لاختي لزواجها
شفت عروس الله لا يبلانا حامل ومبين يا الثامن او السبع لان بطنها كبيرهههههههههههههههههه
عاد انا تركت الحجز ووقفت سرحانه عليها لحد ما اختي قرصتني خخخخخخخخخخخخخخ
قسما بالله شكلها يكسر الخاطو وخشمها مبين مورم من الحمل طالع بشعه استغفر الله
ومالها اى بهجه
واختي الكبيره من فتره قالت انها حضرت عرس والعروس في الشهر الخامس وبطنها كبيره
خخخخخخخ
انا اعتقد شرعا عادي جدا بس عرفا لا طبعا مرفوض نهائي.
والي تحمل لا تسوي عرس وتفشل نفسها.
تحياتي

[COLOR="Purple"]

هلا ومرحبا حبوبه
شرعا ه و حلال عليها
ولكن مو حلوه بحقها انها تحمل من غير زواج الال اذا فكروا انهم ما يعملو عرس فهذا افضل لهم
واتمنى الكل ياخذ حذره صحييح انه حلال عليكم مو حرام بس الحيطه والحذر مطلوبين

تحياتي لكم[/COLOR]

عادي !!!!

ها الزمن كل شي يمشي فيه بالمقلوب ..
وسبحان الله البنات قل حيائهم قبل الوحده في عرسها تشوفينها ميته من الحيا والخوف والتفكير في ها الليله اللي بتقضيها مع زوجها ..
الحين لا ليلة الزفاف اصبحت تحصيل حاصل وشي شكلي عند البعض ..
انا اقول البعض لانه الحمدلله واااايد بنات ماشاااء الله عليهن بعدهم يتميزون بالحشمه والحيا والادب والاخلاق ..
بس اذا بنتكلم في ها الموضوع اول مايخطر في بالي .. سبحان الله لو صار اي خلاف في اللحظات الاخيره وماتم الزفاف شو بيكو ن موقف البنت وقتها ..؟
كيف بتواجه الناس بها المشكله ..؟
وشو نظرة الناس الها ..؟
انا اعرف بنات وايد سبحان الله قبل العرس بأيام يتكنسل كل شي واللي اعرفهم الحمدلله عرسو وياهم نصيبهم ,, لكن لو انفصلت وهي حامل منو ها الشخص اللي بيرضى يرتبط بوحده قاضيه كل شي قبل العرس ..
الله يهدي بناتنا ويلبسهم ثوب الحيااااء .. والله انه الوحده تستحي حتى بعد العرس من ريلها ويالله يالله تاخذ سنين اللي تتعود عليه ويكون البساط احمدي بينهم ..

الحلال بين والحرام بين


هالسالفه حلال

بس مدام احنا عايشين بمجتمع والله خلقنا بمجتعات ولكل مجتمع خصوصيات

لازم نراعي هالخصوصيات

عن نفسى اراعى الحرام والحلال اولا
ومن ثم المجتمع