الحمل أثناء فترة الملكه

احنا ما بنتناقش فيها من ناحية الشرع

بس سمعت عن حالة صارت حملت البنت قبل الزفاف بالملكة ومات زوجها واهله رفضوا يعترفوا بالطفل ما ادري شو صار عليهم بس هذي كانت رده فعل اهله شلون عاد رده فعل الناس اتجاه الوحده والطفل

علشان هذي المشكله غلط انه تصير خلوه بين البنت وريلها مهما كانت الاسباب لانه ما في اثنين الا ثالثهم الشيطان.........صح انه هو ريلها بس الناس واهلها بعد ما بيرحموها

السلام عليكم ورحمة الله وبركاته

هو مب حرام الي صار عادي ولكن الخوف الاكبر من ان الزوج يغير رايه ويفصخ الخطبة هنا بتكون المصيبة او لا سمح الله يطلع مب زين ويتبلى عليها ويقول عنها كلام مب عدل

بعض الرجال فيهم هالصفات يسوون الشي وينكرونه - فاستعجلي بالزواج حتى لو حفلة بسيطة بس الموضوع عادي لا هو حرام ولا كفر ولكن الوحدة تحب ان كل شي يصير بعد العرس مب قبله

على الاقل انتوا بالحلال غيرها والعياذ بالله بالحرام يروحون

فترة الخطوية هي فتره انسجام فكري وتعرف اذا كانوا مناسبين لبعض و تهيأ النفسية لحياة جديده مو فتره حمل و غيره من هذا كلام..
انا استغرب من بنات الي مجرد ماينخطبون يفكرون بهذي شغلات
و كذلك استغرب اولا من الشاب..صحيح هذه فطرة في الانسان..بس احنا مو حيونات..انطالع بعضنا بشهوه..واحنا لاحقين على هذا شيء..بغض النظر عن رؤية مجتمع لموضوع هكذا.لأن بالنسبه لي كل واحد ورأيه..بس انا على نفسي ما اقبل بهذه شغلات..


وترى ساعات خطيب وخطيبه يحطوا لنفسهم فواصل او حتى مايفكروا بهذه مواضيع لان عارفين كيف يفكروا وعارفين شنهو يعني خطوبة وقت ملكه وشنهو زواج ..يعني موشرط ان هم يقعدوا مع بعض في فتره ملكه بروحهم معناها ان يصير خطأ..بل بالعكس يمكن تكون طريقة تفكير كل واحد منهم حلوه..
احس ان شباب و البنات هل يومين يفكروا في موضوع الخطبة بشكل خطأ و يتبعوا شهوتهم ورغباتهم ..وهذا كل موضوع



وشكرا

سبحان الله
دائما ترفض الخروج مع الزوج
في فترة الملكه
وكل مااسألها تقول
بعض الرجال يأخذ حاجته وبعدين
يمل ويدور على وحده ثانيه
وهو ماتكلف
الله واكبرمن هالرجاجيل مالهم امنا
والله يسترعلينا

بصراحه ابدا ما انصح بحمل فترة الملكله

اجل الزواج والدخله كيف نحس بطعمها ونكهتها

صحيح انه من جهة الشرع هو حلال موب بحرام بس الوضع الاجتماعي مرة سئ

وفشيله على قولة البنات

ما اقول الله بستر على بناتي وخواتي وبنات المسلمين

على هذا الاساس ماله داعي الزواج والزفه والفستان والكوشه

بصراحه الخوات كفوا ووفوا ف الموضوع .. وصح كلامهم يعني هو مب حرام شرعا بما انه عقد شرعي واشهار ... لكن صراحه مو مقبول اجتماعيا ولا عرفيا .. يعني فترة الخطبه فتره يكتشف فيها كل طرف للثاني ويتعرف عليه .. واذا الواحد او الوحده حسوا في نفسهم انهم مب قادرين يصبرون.. يستعجلون شوي ف العرس ... لان بصراحه مب حلوه ابدا ان الوحده تكون في بيت اهلها وعند ابوها واخوانها و....حامل .... اشدعوه وين الحيا .. وين الصبر ... وين العادات والتقاليد.. وفي اعتقادي ان اي واحد او وحده اغلطوا مثل هالغلطله لو تسألينهم عادي بنتكم اتسوي اللي سويتوه راح يجاوبونج لا ولا والف لا ... !!!!!!!!!!!!!!!!!1

الصراحه الوحده ماتعرف اذا هذا الشخص بيكمل معاها او لا .. فكيف تسوي جي.. محد يدري شو يصير؟؟ يمكن مشاكل او اي شي لاسمح الله شبتسوي حزتها..

هذي الامور الواحد يفكر فيها بعقله مو بقلبه وبس..

والله انا احسن ان ليلة الدخله ميزتها وجملها يوم الزواج يوم ما اكون لبسه الفستان الابيض وبعدين عندنا الناس فى السعوديه لا تقبل بهذا الشى لازم ان طولت فترة الخطوبه تكون 5 شهور بعد كدا تكون جدآبايخه:SOFA::87457::21_8:

احنا بزمن توقع الي الغير متوقع

انا اكيد ما راح احكي من الناحية الشرعية لانه زوجها و يحق له ما لا يحق لغيره

لكن بنات فكروا معي شوي انتي لو متملكة ((يعني متزوجة)) و استمريت متملكة سنة و خلال السنة هذي طالبك زوجك بانه .............. فما يحق لك شرعا ترفضين

عشان كذا و عشان ما تنحط البنت في موقف سئ المفروض ان الملكة تكون قبل الزواج باسبوعين او شهر يعني فترة قصيرة عشان ما يمدي الزوج يفكر

خخخخخخخ

مشكورة على الموضوع

لاحول ولاقوة الا بالله افرضي ان الخطيب مات او اخذ اللي يبيه وطفش مارجع .............................اش الحل وش السواة

الله يستر على بنات المسلمين

يا فضحيييييييييييي عند الناس

يا فشلتي راح يتطنزون علي واصير نكته وبقولون هذيلا شفيه متسرعين

الصراحه انا تعجبت من بعض الردود

وانا بقول رايي بصراااحه

هو دام هذا الشي حلااااااااال وهي الحين زوجنه شرعا فوين المانع؟؟؟
طيب بتقولون عشان يتعرفون على بعض او يمكن يموت او يطلقها
انزين اذا مات او طلقها هو كان زوجها ولا لا؟؟؟ واذا قالوا ان الولد مش ولد زوجها :qaq: ليييش لهالدرجة الدنيا سايبة ؟؟ في تحليلات بسيطه تثبت النسب والابوة
انا من رايي ان هذي السالفه مافيها شي ولا مصيبه ولا شي
بس المصيبة هم الناس والتخلف اللي عايشين فيه
والله سالفه ناس تحلل اشياء حرااام وناس تحرم اللي حلال :qaq:

وفي بنات قالوا انه زوجها بس الشيطان شاطر :qaq::qaq: واذا اثنين اختلوا بيكون ثالثهم الشيطان
هذا الحديث حق الخلوة الغير شرعيه والشيطان يزين هالاشياء حق ابن آدم
لكن اذا كان الشي بالحلال وش دخل الشيطاااان؟؟

واذا عن العرس والطقطقه ولازم حفله .... هذا شي مب مفروض ولا واجب والوحده بكيفها سوت حفله ولا راحت بيت ريلها جذي

واذا بتاخذون على الناس ترى الناس ماتعجبها شي ويعيبون على الناس والعيب فيهم

عموما، خلاصة الموضوع هذا شي حلال
لكن المجتمع نظرته لهالاشيا للحين متخلفه وفيها اشياء من العادات والتقاليد اللي مالها أساس
ولا ننسى ان من هالعادات والتقاليد وااااايد اشيا تخالف الشرع وفيها اثم اصلا للاسف

المهم
مابي اطول عليكم بس هذا رايي

صج مسخرة وين قاعدين ..؟؟

وهذا الشي سبب رفض الاهالي لخروج البنت مع زوجها بفترة الملجه ..

والله يهدي الجميع

أنا الشوق;4266063:
الصراحه انا تعجبت من بعض الردود

وانا بقول رايي بصراااحه

هو دام هذا الشي حلااااااااال وهي الحين زوجنه شرعا فوين المانع؟؟؟
طيب بتقولون عشان يتعرفون على بعض او يمكن يموت او يطلقها
انزين اذا مات او طلقها هو كان زوجها ولا لا؟؟؟ واذا قالوا ان الولد مش ولد زوجها :qaq: ليييش لهالدرجة الدنيا سايبة ؟؟ في تحليلات بسيطه تثبت النسب والابوة
انا من رايي ان هذي السالفه مافيها شي ولا مصيبه ولا شي
بس المصيبة هم الناس والتخلف اللي عايشين فيه
والله سالفه ناس تحلل اشياء حرااام وناس تحرم اللي حلال :qaq:

وفي بنات قالوا انه زوجها بس الشيطان شاطر :qaq::qaq: واذا اثنين اختلوا بيكون ثالثهم الشيطان
هذا الحديث حق الخلوة الغير شرعيه والشيطان يزين هالاشياء حق ابن آدم
لكن اذا كان الشي بالحلال وش دخل الشيطاااان؟؟

واذا عن العرس والطقطقه ولازم حفله .... هذا شي مب مفروض ولا واجب والوحده بكيفها سوت حفله ولا راحت بيت ريلها جذي

واذا بتاخذون على الناس ترى الناس ماتعجبها شي ويعيبون على الناس والعيب فيهم

عموما، خلاصة الموضوع هذا شي حلال
لكن المجتمع نظرته لهالاشيا للحين متخلفه وفيها اشياء من العادات والتقاليد اللي مالها أساس
ولا ننسى ان من هالعادات والتقاليد وااااايد اشيا تخالف الشرع وفيها اثم اصلا للاسف

المهم
مابي اطول عليكم بس هذا رايي

انا معاااااااااااااااج 100%

اذا طلقها زوجها ولا مات ترى عادي تدخل بالعدة حالها حال أي وحده .. لأنها متزوجة !!! مادري ليش مو مقتنعين ان المالجة متزوجة ؟ ليش سموها ملكة و البنت مملوكة ؟؟؟؟ لأنها خلاص صارت ملك الزوج شرعاً و قانوناً