الحمل بعد الزواج مباشرة!

انا كنت اتمنى اني ما احمل الا بعد سنة بس حملت بعد شهر ولما عرفت مافرحت ع العكس ما كنت متقبلة الموضوع ابدا خصوصا ان حملي كان صعب جدا

أنـــــــــا تمنيت أحمل بسرعه بعد زواجي والله عطاني ..

لا ما نعت ولا حاسبت ولا عيشت روحي في خوف .. كلشي خليته طبيعي وعلى الله سبحانه ..

ومن قال ان ما اقدر اهتم في نفسي اذا حملت .. هذاني مهتمه والبس .. واتعدل واسويلي حركات ,..,

حتى ريلي يستانس على ستايلاتي .. ومستانس بعد على حمالي لان اهوه يبي ياهل بعد .. :)

أحلى شي أتكونين أم .. اذا ترفضين فكره البيبي الحين علشان انج تبين تستانسين اقولج ما بتستانسين طول حياتج لان العيال بيكونون في حياتج كلها .. تعلمي اشلون تفرحين بالأطفال وتخلينهم مصدر سعادتج وتستانسين مع زوجج بوجود اليهال او بدونهم ..

مراحب للجميع

اانا عن نفسي ما كنت ابي احمل على طول


كنت ابي 3 شهور ضمان

وبعد ها لو حملت عااااااااااااااااااادي بس ماكنت اتمنى الا بعد 6 شهور يعني نص سنه زينه



وصرت حامل في الشهر الخامس من زواجي ناقص شهر من الي تمنيته ههههههههه


شعور غريب رائع

بالرغم انو ماكنت اخذ اي شي ولا حتى موانع كل شي على الله


بعدينا لما شفت زوجي فرحااااااااااااااان حيل ومومصدق انه بيصير ابو فرحت وحسيت بشعور غريب




يعني فرحته هونت علي وخلتني استانس حيل وانا الحين حامل بالشهر الثاني والنص داخله على الثالث


ومايمر يوم الا ويسلم عليه ويسولف معاه


عن الوناسه والطلعات الحمد لله سافرت شهر عسل واستمتعت

ولبست كل شي وكشخت ومازلت احيانا اكشخ

بس مو كثير لان النوم دابحني هههههههههههه


وبعد الي مهونها علي اكثر واكثر


خطوبتي كانت سنتين والحمد لله انبسطت بكل يوم من ذيك الايام


طلعات وجيات ودلع وكل شي يخطر على بال المخطوبه


اياااااااااااااااام ورديه الحمد لله


تدرون الايام الاولى من زواااااااااااااجي


كنت عصبيه دلوعه حساسه


بس من حملت غير تغيرت اموري صاااااااااااااااارت


حب هدوء حنان اهتمام الحمد لله انا عودت نفسي لاني سمعت ان التوتر والخوف والاكتئاب يسبب عسر ولاده

على كل حال الله يتمم الخير على الجميع يارب


ويكونوا اطفالنا من الذريه الصالحه

أول ما تزوجت اقول لماما وخواتي لالالا ما بحمل إلا عقب سنه ابغا اسافر واعيش وووووو..أذا بيا شهرين وحملت بس ربي ما كتب واجهضت وبعدها ما حسيت بإحساس الخلفة كم هو يجنن حبيت احمل على طول دون جدوى تمر الشهور كأنها سنوات وندمت اني قلت بأحمل بعد سنه وقلت أكيد ربي يعاقبني لاني تبثرث بالنعمة بس كلها اربعة شهور وحملت ثاني
وانصح الكل يخليها على الله وخاصة في اول خلفة...هاذي نعمة يا بنات في ناس يتمنوها وبايعين الي وراهم والي قدامهم عشان طفل....