الحمل بعد الزواج مباشرة!

انا اقول الي من الله حياه الله واحسن تتهنى لمدت سنه فقط
بنسبه لي متزوجه لي سنه وخمسة اشهر واتمنى اليوم قبل
بكره اسمع مبروك انتي حامل

أنا حملت أول ماعرست على طوووووووووووووول... بس والله استانست وسرت وييت مع زوجي وغير الدلع اللي حصلته من زوجي....وكنت اتلبس واكشخ عادي ..... بس والله اليهال هم احلى شي في هالدنيا.... صراحه والله حياتنا صارت أحلى مع ولدي ....وبالعكس يوم عرفت اني حامل استااانست وبغيت اطير من الفرح....وزوجي بعد استانس.... حياتنا صارت احلى واحلى بوجوووووووووود كتكوتي...

هلااااااااااااا حبيبتي ..

اما انا كان زوجي يموووووووت على الجهال مره في الخطوبه كل يدعي انه يرزق باولاد .. وبعدني مخطوبه اقوله اصبر اعرست وبعدين اتكلم على الولاد .. هو بس على قلبي مررررررره مينون عليهم وكنت خائفه اتاخرو
انا وابي اشوفه دايم مستانس

بس الحمد الله لي شهر ونصف واحملت .. ماتعرفي كيف صارت وناسته اول مره اشوفه الدمه في عينه

وبيني وبينك انا بعد ابي اموت فيهم وثانيا لان بغربه وابي احد يسليني ... وزوجي مشغول بدراسه

واما عن الدلع احلى شي دلع الحاااامل ادلع على كيفي ...هههههههههههههه حامل ومعذوره

بس احمد الله الف مرررره على النعمه ... والله يعطي كل وحده محرومه .. يعطيها الدريه الصالحه

نتركها على الله احسن
الحمد لله انا حملت من اول شهر
صح في اشياء كثير ما سويتها وانحرمت من كثير
بس الحمد الله فرحتي بحملي ما تنوصف
وإن شاء الله بعد الولادة اعمل كل اللي كان نفسي فيه

أنا حملت من ثاني شهر.. والحمدلله ريلي واااااايد استانس وطار من الفرحة ومخلني على كفوف الراحـــــة .... بالعكس عادي اتكشخ له واتعدل والبس بناطلين وقمصان حوامل مع إني في السادس بس عادي حتى البس له شورتات وأحط ميكب ودايماً أسير الصالون واكشخ...

ودايماً يقول لي أول مره أشوف وحده حامل وتكشخ وتهتم بعمرها بهالطريقة...وحتى الريال يعجبه شكل الحرمه واهي حامل ولما تطلع الكرشة....

ودايماً اسوي رياضة في البيت حتى أحافظ على رشاقتي...

يا بنات كل مرحلة ولها طعم ...

مشكوره حبيبتي على هالموضوع ................ذكرتيني بالذي مضى ....................ههههههههههههههه

انا اقول اللي من الله حياه الله ,وكل وحده لها ظروفها

بالنسبه لي اول ما تزوجت كنت ادرس وزوجي كان متشبع من المسؤليات {لانه الاخ الاكبر وكان شايل مسؤلية خوانه من بدري }

عشان كذا من ايام الخطوبه طلب مني ان ناجل الحمل مدة سنتين وانا وافقت

بس بعد كم شهر صارو اهلي يحنون علي خاصة ان انا اول بنت عندهم وانا اشتقت للامومه فضليت احن عليه وازن الى ان وافق بعد سنه من الزواج

والحمد لله بمجرد تركنا المنع حملت ,يعني بعد الزواج بسنه وشهر من الزواج حملت

وكانت السنه هاذي من اجملللللللللللللللللللللللل ايام حياتي ............اااااااااااااااااااااااااه ذكرتوني بذيك الايام

والله وناسه لامسؤليه ولاهم يحزنون ,على طول لف بالشوارع ما بقى مطعم ولا مجمع كل يوم مكان

بس الحمد لله حتى لما جبت عبود عسى الله يحفظه بعد استانسنه فيه وقربنا لبعض اكثر

عسى الله يمن على كل محروم بالذريه الصالحه ااااااااااااااااااامين يارب العالمين .

مرحبا أخواتي...عساكن دوم على القوة والعافية...
أنا متزوجة من سبعة شهور وحملت من أول أسبوع رغم إني ما حابة فكرة الحمل مباشرة بعد الزواج ولكن أنا أريد والله يفعل ما يريد والحمد لله حاليا أعيش تجربة من أحلى وأعظم التجارب في حياتي وخاصة لما بدأ جنيني بالحركة...الله يوفقنا كلنا ويعينا على مرضاته وييسر ويسهل حملنا وولادتنا...والله يرزق العزاب الأزواج الصالحين والذرية الصالحة النافعة الطيبة إنه سميع مجيب الدعاء.:21_87:

انا عن نفسى حملت بعد زواجى 4 شهور وماكان الحمل ابدا يخطر على بالى حتى يوم حملت خفت مادرى ليشش بس بصراحه العيال حلويييين وانشا الله يرزقنى بالعيال لانى اتعالج الحين من سنتين والله كريم

انا حملت من اول شهر زواج ووحم ولوعة ماتهنيت ابد

لكن عوضت بعد مالله رزقني بولدي قعدت خمس سنوات لين يجي الثاني الله يجيبه بالسلامة

وانا مااشجع الحمل مباشرة بعد الزواج مع ان كل شي بيد رب العالمين

الافضل ان الوحدة تستقر على الاقل لانها توها في حياة جديدة

انا حملت بعد زواجي بعد ماكملت 15 يوم تقريبا صح اني ماتهنيت بشهر العسل بس الحمدالله نعمه من رب العالمين وكنت مستانسه وريلي بعد مستانس لان هاي ارزاق من رب العالمين يرزق من يشاء وبغير حساب وانا الحين بشهر الثامن

والله انا حملت بعد 6 شهور زواج

مع احنا كنا مخليينها على الله

والحمد لله ان ربي خلاني فترة ارتاح واستانس بدون موانع ولا شيء

وبصراحة ماأنكر اني قبل حملي كنت احاتي موضوع الحمل ومشتاقة اني اصير ام

لكن بمجرد ماحملت فرحت فرح مو طبيعي انا وزوجي وكأن صار لنا 6 سنين زواج مو 6 شهور هههههههههههه

وبعد ماجبت بنوتي الغالية الله يحفظها بعد فرحنا فيها الله يبلغنا فيها ويرزقنا بأخ لها

لكن بعد ماكبرت وزادت مسؤليتها ندمت اني ما صبرت لي بعد شوي على الأقل سنه

عشان استانس واعيش حياتي لان بنتي الله يحفظها شاغله كل وقتي ومي مخليتني اتفرغ لبيتي وزوجي ودايما احس اني مقصرة رغم اني احاول ان يكون كل شيء تمام

والله يساعدني اني مااكون مقصرة بشيء والحمد لله ان زوجي حاس فيي ويقول ليي خلنا نستنى 5 سنوات عليها لين ماتكبر وعشان نتفرغ لبعض ونسافر ونتمشى وطبعا بوجود قمري لان مااعتقد اقدر اعيش دقيقة بدونها خلاص صارت جزء مني الله يحفظها

نصيحتي تأخروا لكم سنة أو سنتين بعد زواجكم استانسوا وانبسطوا وروحوا اسواق ومجمعات وسافروا

وبعدين جيبوا لكم ولي العهد اللي اكيد بيضفي لمسة من الحب والتغيير في حياتكم

لكن لاتزيدوا على هالمدة ترى مو حلوة

وبعدين الناس وهدرتهم بيكرهونك في حياتكم

واللي مثلي حملوا قبل السنة لا تستعجلين بالثاني ترى مسؤلية طفل واحد غير عن مسؤلية طفلين وفعلا مااتخيل نفسي عندي اثنين إلا لما تكبر بنتي ان شاء الله وتصير مسؤلة عن حالها بعدين لو جبت الثاني علشان لايشغلوني عن زوجي بعد
وطفل واحد مايأثر بداك التأثير إلا اللهم يوم عمرهم 3 شهور والصياح واللغة حقتهم اللي مو مفهومه وتصيري عصبيه وتهملي زوجك لكن بعدين كل ماكبر البيبي يصير الحمل والمسؤلية حقتها تقل شوي شوي

بنتي اللحين سنة وشهرين واحس مسؤليتها ابتدت تقل لان صارت تمشي ولله الحمد من عمر سنة وانا ارتحت شوي من سالفة الرضاعة لان قلت

وآسفة على الاطالة بس حبيت أفضفض اللي بقلبي وانصح العرايس لا يستعجلوا


مشكورررررررررررررررررررررررررررررة على الموضوع الروووووووووووووووووووعة


تسلمي

اعتقد انا اسرع واحدة فيكم حملت بعد الزواج
بعد زواجى ب 20 يوم الطبيب قالى مبروك انتى حامل
وبدات المشاكل فى البداية نزول دم وكان انذار بالاجهاض طلب منى الطبيب استريح على ضهرى لمدة 3 شهور
تخيلو عروسة جديدةمكملتش شهر ترجع لبيت اهلها عشان تستريح
الكل ضحك على حالى والله
بس الحمد لله الحمل استمر والان انا فى نصف الشهر السابع ادعولى يا بنات اقوم بالسلامة ويبارك لى طفلى

انا والله ياخواتي حملت من اول الاسابيع في زواجنا


سبحان الله انا ما كنت اريد احمل وريلي كان مصر فقلت له هذا مب بايدي ولا ايدك والله يكتب لنا الرزق من عنده

وفعلاا طلعت حامل بعد ما ردينا من شهر العسل بفتره بسيطة

وتميت متلعوزة ووحامي متعب كرهت ريلي وملاابسي وعطوري وكل شي حتى غرفة نومنا

وغير جذيه انه انا تعبانه اول حمل لي

ام ريلي الله يهديها هي مب مقصرة معي بشي

بس لما تشوفيني تعبانه كله تقول لي هاذي اعراض نفسية والمفروض ما تحسين بالوحام لو اقنعتي نفسج بغير جذيه

واذا اطلع تقول لي المفروض ما تطلعين وايد مب زينه الطلعه لج وايد تعب وارهاق

واذا ما طلعت تقول لي انتي كسلانه وروحي غيري جوو

ما عرفت شو اسوي معها


حسيت انها مب حاسة فيني ولااا لما تشوف ولدها (ريلي) يحاتيني تتم تقول ما فيها شي وانت ليش مكبر الموضوع

وانا لما كنت احمل بك وبخوتك ما كنت اوحم ولا اتعب

مب مقتنعة انه انا تعبانه تحسسني كأني ابالغ بكل شي


وكل هذا صار لي باول اسابيع في بيت اهله زوجي لاني عايشة معهم وبعدي ما لحقت اتعود عليهم

وغير جذيه تحسين باحراج انج تعبانه

فتميت كل ما اتعب من شي او احس بشي غريب اقول لامي الله يعطيها العافية وهي تقول لي شو اسوي

لانه كنت فظيعة في اول شهرين

دوار ودوخة قوية وترجيع كل شوي............ تبهدلت وايد

بس الحمد لله كل شوية يخف شي من الاعراض وارتاح منها


عشان جذيه انا ما اشجع الحمل بعد الزواج مباشرة

لانه تكوني وسط عائلة جديدة وحياة جديدة وتكوني تعبانه وتغيرات انتي اول مره تحسين فيها

انا الصراحه اول ما اتزوجت ما كنت ابا احمل ويوم قلت لزوجي زعل وااايد وقنعني وقال لي اليوم انت يمكن الله يعطيج وما تبين وباجر لو تبين وما اتحصلين شو بتقولين.... عقب تفكير وكلت امري الى الله..

وعقب خمس اشهر حملت... بس والله كنت واااايد مستانسه....
شعور غير والله بعد ما تكتشفين انج حااااامل وفي بطنج نونو ...

بس للاسف ما اكتملت الفرحه الابعد شهر اجهضت...
بس يلا الله يعوضني قولو اميين..

انا وجهة نظري انا الوحده تتركها على ربنا ولا تستخدم اي وسيله لمنع الحمل حتى لو كانت طبيعيه

انا من جهتي حملت من اول شهر
بس انتظرت 4 سنين لحملت بالثاني
التالت 6 سنين
وهلئ عمره 3 اشهر
والله يخليهم

انا حملت بعد شهرين وشوي تقربا مثل مامبين فالشريط

فالبداية ضاق خلقي لاني ماكنت اريد اولاد وزوجي بيموت يريد اطفال حسيته مشى كلامة علي وبعض الاشياء الثانيه االلي ضايقتني مثل الوظيفه اللي على وشك فقدانها

بس تفداه النونو حبيبي اللي بيعوضنا خير بجيته

بس الحين مستاااااانسه حييييييييييل وانتظر بس اشوفه فديته

لا حبيبتي حياة رائعة .. انا اسرع ,,, انا حملت من اول خمس ايام ..
بعد ما تزوجت بـ 3 اسابيع فحصت ولقت نفسي حامل وكنت حامل لي 3 اسابيع ,,,

تزوجت 16/12 وولدت تاريخ 12/9 ... يعني 9 شهور بالتمام ,,,

لما عرفت اني حامل انصدمت وكرهت حياتي وكرهت الدنيا ... زوجي كمان ما كان متوقع بس ردت فعله ما كانت مثلي ...
حسيت اني ما استمتعت ابدا باي زواج .. من اول يوم وانا احس بلوعة ومرض ...
اصلا كان في لف استوري طويل بيني وبين زوجي .. من يوم وانا صغيرة كان يحبني " احنا اولاد عم " وكان في خياله ان زواجنا هذا بايكون خلاص سعادة الدنيا ... وكان في خياله في اشياء كثير ... بس للاسف ما حط ابدا موضوع اني ممكن احمل وبالسرعة دي ..

بس لما ولدت وشاف ابنه ... وقع في غرامه ... وصار يموت عليه حتى اكثر منى .. واحس انه سعيد كثير بابنه ودايما يتندم على اليوم الي حسه فيه بالصدمة من الحمل ...

انا شخصيا افضل الانتظار وعدم التسرع في الانجاب ... يعني اشوف 6 شهور مناسبة وبعدها ممكن الانجاب بس بعد الاتفاق مع الزوج ..

انا تزوجت و كان عمري 18 و سافرت شهر العسل و رجعت
و من بعدها انا ناطره على احر من الجمر متى احمل
كان عندي حنين كبير للاطفال و البيبي
و مرت سنه بعدها حملت بس ما اكتمل
و مر على الحمل الاول سنه تقريبا بعدها حملت حملي الثاني و انا الحين حامل بالشهر الرابع الله يتمم على خير
انا من رأيي اذا الوحده كانت تدرس ممكن تاجل او اذا كان عندها سبب واضح
بس لمجرد الوناسه ها يعتمد على الزوجين
بس والله تكتمل فرحه الزوجين بالحمل

يارب ارزق كل اللى نفسها فى اولاد ارزقهم الذرية الصالحة

اما انا عن نفسي حملت على طوووووول بعد شهر العسل ممداني اتهنى بلبسي وطلعاتي مع زووجي
الحمد الله على كل حال انا اول ماخلصت بعد الاربعين بسبوعين كان ذكرررى زواجنا بس شعوور مره حلووو انك تزوجتي هذا سنه وسنه الي بعدها تكوني ام
الله يرزق كل محررروم ويسعدها بشوووفت ذريته أميــــــــــــــن