*من جديد* تجمع حوامل البحرين ~حياكم الله~

ام جعفرين
عادي اذا ماتحسين بالحركة
لان يكبر الجنين وتصير حركته مو محسوسة
وانه سمعت هالشي من ناس وايد

عيون ريمي
ايه انه سمعت ان طابا اسعاره وايد زينة


بنات ليش قفلو موضوع حوامل البحرين
وحوامل قطر ماقفلوه
مع ان مشاركاتنا اقل بالنسبة لمشاركاتهم؟
مجرد استفسار

انا بشهر الخامس و20-4 بدش السادس رحت حق فوزيه كمال قالت لي بنت والمفترض ولادتي 20-8والله يسهل على الجميع

امونةة
اي والله صح ردودهم تجاوزت 1000 من زمان وما صكوه!!
لازم نسوي احتجاج :smile:

عيز حد يروضني
الله يتمم لج على خير ويسهل على الجميع ان شاء الله

سلام خواتي شخباركم اليوم

اختي عيون ريمي عليك بالعافية تلبسين الثياب انتي والبيبي وتشققينهم في عرق العافية ان شاء الله( نفس ما يقولون):dd:

اختي ام جعفرين ويش اقول ليش :think:
الصراحة اخاف لان اني نفس حالتش:sad:

اني الحين في السادس وصار لي يومين احس بالحركة خفيفة مو نفس قبل.

بس احسه عادي هذا الشي نفس ما ردوا عليش خواتي لان اني بولدي الاول ما كان يتحرك خير شر وكنت كل خايفة اني يكون فيه شي بس الحمد طلع ولد كثير الحركة عكس يوم هو في البطن ( طلع علي رادي والله)
ارجو ان اكون ريحتش شوي بس الوحدة مننا لازم تحاتي

وتحياتي

لا يا أم النوح وام جعفرين
لا تحاتون لأن كلش عادي وخصوصاً أن البيبي بعده حركته في هالةقت ما تكون بقوة لما تدشون السابع بتلاحظون الفرق حتى أكلكم يجي بيطلع
وساعات يتحرك حركة هادئة ما تحسين ليها
يعتمد على جسمش بعد يقولون اللي بطنها شيو عريض ما تحس بالحركة قد اللي بطنها ضيق
حماتي لنهاية السادس تقول ماحست للحركة بالمرة وقالت اكيد الجاهل في شي ويوم سوت الترا ساوند قالوا ليها أكوا يتحرك قدامنا قالت ما احس ليه
هي لن بطنها يستوي لين وفسيح أما أني من نهاية الثالث بداية الرابع أحس لأن بطني ما يتوسع وكل الحركة في جبدي من جدي احس ليه من وقت

شوق

شكله عندهم واسطة هههه

مرحبا بنات شخباركم... بنصير امهات وللحين ادلعكم ببنات شتبون عد...ههه
عيون ريمي حبيبتي مبروووووووووك عليج ثياب البيبي وتتهنين انتي والبيبي فيهم... والله من زمان زوجي يحن علي نروح السعودية..لان هناك عندهم اشياء حليوة.. اذكر العام رحت معاه نشتري ثياب اشتاء ونتسوق حق العرس.. شفت ثياب البيبيات وحلفته ان يجيبني لما احمل... وهذاني حملت بس مالله كاتب اني اروح... لان حالتي تصير عدم.. حدي نص ساعة في السيارة وادوخ واحس اني برجع... الله كريم هانت.. اصلا غير ذي انا اموت من الخوف من شوارعهم .. ---راحة سياقة السعوديين مأساااااااااة بالنسبة للبحرينين.. والسموحة من الخوات السعوديات بس هذي الصراحة.. كل مرة نروح الله ينجينا من حادث...

وبالنسبة لحركة البيبي... انا في الخامس ماكنت احس الا بنبضات خفيفة لما انبح على ظهري.. ويعني في اليوم مرتين او 3 بس.. وفي السادس لا بدى يزيد شوي.. وحسيت انه البيبي يدور في بطني.. وترى انا سألت الدكتورة انه ساعات ما احس بالحركة... قالت لي عقب الاكل انبطحي وما بتمر نص ساعة الا وتحسين فيها.. واذا كنتي من المتان نفسي... فبيكون جلد البطن سميك وغير الرحم فيقل الاحساس... على عكس اللي بطنها لاصق بظهرها فمن الرابع بتحس ... هذا ملخص اللي اعرفه عن الحركة...

بنات انا دبدوبة.. والحين لما اوقف بطني يصير مشدود ويابس .. احسه بينشق لما المسه.. بس لما اقعد يصير لين وكل شحومي تجي على الرحم هههههه... يعني وانا قاعدة بطني لين ولا كأني حامل.... ودي لما اقعد يصير بطني يابس ومثل الكرة... احد جذي مثلي؟؟؟؟؟

سلام اخت سوسو

والله الحكي الي قلتينه كله ينطبق عليي لان اني نفسش دبدوبة:gum:

ويقولون اذا دبدوبة ما تحس بالحركة مثل الضعيفة

يالله الحمد لله اشوى زوجي عاجبتنه حتى واني دبدوبة:clap: :clap:

:shy: :shy:

هلا خواتي شخباركم كلكم

أني اخباري هذه هي ما عندي شي جديد بس شوقتني الاخت عيون ريمي ان اروح السعودية وان

شاءالله بس تسمح الفرصة أروح بس اللي مو مشجعني ان اني كل شوي اروح الحمام وانتون

بكرامة واخاف انحصر في الشارع او في السوق هو صدق في حمامات بس بعد كريهة هالسالفة

بس لازم اروح على الأقل اشتري لي اني ثياب ثيابي صغروا على مع اني كل سبوع اشتري لي

شي ولا امبي من ألحين ألبس دشاديش :shy:

وعن البيبي هذا هو ،، كل اللي اتمناه وانشاء الله يكون بصحة والحمدالله

سبوع الاي عندي موعد عند د.زينب الجفيري وان شاء الله تقول لي جنس البيبي ادعو لي اجيب

بنوته :shy: هذا اللي خاطري بس اللهم لا اعتراض بعد لو صغنون بموت عليه أهم شي سلامته

بنات خاطري اشوف اللي ببطني بسرعة واحمله بذراعي لأني استخف اذا اجود جهال غيري شلون ضنايي :shy:
ادري عورت راسكم سامحوني بس فضفضت ليكم شوي

واذا صار جديد بخبركم وياكم على الخط

بسم الله الرحمن الرحيم
الحمد الله رب العالمين

شخباركم حوامل الديرة:gum:
عيوني ريمي الف مبروك على الثياب ودي اروح لكن بسرعة اتعب من السيارة خسارة والله:qaq: .
انوار المودة هلا فيج حبيبتي بينا.:shy:
شوق شخبارج حبيتبي شوفي سويت لي توقيع:shy: ؟؟
امونة شخبارج وشخبار موعد الوزن ذاك اليوم :cool2: ؟؟
يؤيؤ طلع في دبدوبات نفسي خخخخخخخخخخخخخخخخخخخخ:dd:
اني بعد دبدوبة ومثل الي اتحسينة اختي سوسو اني احسة بس ساعات لما ااقعد يتكور بطني من فوق بس مو كل الاحيان على حسب وضعيتة <<<<<<<<<<<<<<<<<<<<<ماادري :think: شسوي داخل خخخخخخخخخخخخخخخخخخخ
ام نوح وانا بعد زوجي عاجبنة وانا دبدوبة:shy: ساعات اقول الحمد الله بلا وجع راس علشان لايقول لي صيري نفس فلانة ولا علانة من الممثلين(r)
وساعات انقهر لما خاطري اروح اشترك في نادي ولا امشي وفينا حماس حق اضعف مايخليني هني انقهر واقول لوزين يشجعني.:sad:
بس الواحد مايقول غير الحمد الله ان ارجالنا عقل ولا يغربلونة بطلبات ارجال هالايام :gum: خخخخخخخخخخخخ.
يلا هريت واجد اليوم:bigsmile:
اشوفكم على خير
باااااااااااااااااااااااااي

امونةة
اي والله الظاهر جذي :smile:

soso84
انا وحدة للحين ما اتخيل ان هالبيبي بيكبرني!! خلينه بنات احسن :shy:
وعلى فكرة عندي نفس احساسج اذا اوقف او امشي شوي بس اذا اقعد ما يتغير وايد!!

أنوار المودة
صدقتي والله ..انا اروح اتسوق في السعودية واحاتي الحمام...بس اشوه حمامات المجمعات نظيفة (وحدة وسواسية)
وتصدقين انا للحين ما لبست دشاديش والحمدلله...بروحي ما لحقت اتهنى بثيابي :shy: وحملت بسرعة
ما اتخيل ابهدل روحي واقعد
انا من بداية الخامس شريت لي جينزات وقمصان حمل..والغريب انهم للحين يدشون! :smile:
لأني انفجرت في البداية وعقب الحمدلله شيرت

بنت النواعم
اول شي مبروك على التوقيع :smile:
وانا بخير الحمدلله...صح من دشيت الثامن بدا لتعب يزيد وايد بس الحمدلله ..اهم شي البيبي يكون اوكي
وبالنسبة حق الرجال...حلو ان يكون زوجج مقتنع فيج مهما يصير شكلج...بس ساعات صج نحتاج تشجيع

ام النوح وبنت النواعم.... اشوة طلع في ناس مثلي...هههههههه... عاد انا كل مرة اقول بسوي رجيم الاسبوع الجاي واهون... مع اني العام سويت رجيم ونقصت بس 6 كيلو وزوجي حس بالفرق واستانس... بس رجعتهم في اقل من شهر ... الزين في السالفة انه هو بعد شوي دبدوب بس مو واجد... بس الصراحة الوحدة اذا تبي تضعف لنفسها قبل زوجها.. والله ودي البس ضيق على راحتي والبس بنطلونات لو وست .. غير ذي المتن واجد شين في الحر... افففففففففففف

انا باذن الله بعد الاربعين بسوي رجيم.. وبستخدم مشد بعد الولادة... بس مادري وين يبيعونهم؟؟؟ ادعو لي احصل شغل بعد الولادة...

السلام عليكم

حبيت أخبركم ان زوجتي (وهـــــــــــــــــــــــج) قدأنجبت بنت وأسميناها


(جــــــــــــــــــــــــــود)

بتـــــــــــاريخ 10-4-2007

وشكرا

الللللللللللللللف مبروك لام وابو جود على المولودة القمر...
تتربى في عزكم وتشوفونها عرووووووووووووسة يارب... سلامنا لوهج...ومثل مايقولون من طول الغيبات جاب الغنايم ههههه

الحمدلله على سلامة وهج ...واشوه ان تطمنه عليها
ومبروك عليكم جود وتتربى بعزكم ان شاء الله
سلم على وهج يا ابو جود

soso84
ان شاء الله نلاقي شغل (رزيت ويهي معاج) :shy:
وانا بعد ود ارجع وزني اقل من قبل..وبالنسبة حق المشد..سمعت يمدحون المشد الاندونيسي وفي وحدة بحرينية تبيعه اهني بالمنتدى
طلبته من عندها بس قالت اذا وصلت الطلبية بتحجز لي وللحين ما ردت علي ...اخاف اولد قبل :smile:

الف الحمدلله على سلامة ام جود..

تتربى بعزكم

منووووووووووو فيكم

عندها فكرة عن دكتورة فرح الي في التخصصي؟؟؟

شرايك بيها؟؟؟؟

عطوني فكرتكم عنها

SoSo 84 أم النوح
حيا الله الدباديب بس تصدقون اني أحب الدباديب أحسهم خفاف طينة زيادة عن اللزوم
وياعيني على اللو ويست يا سوسو

أنوار المودة
حبيبتي مشكلة الحمامات عند الجميع بس أصبر روحي وزوجي يحاول بين كل فترة يطوف بنا على مجمع عشان أدخل حمام نظيف وبالنسبة لحمال الجاهل ترى عندي نفس الشعور خاطري اهر وياه وأغني عليه كان ينام

بنت النواعم
حبيبتي أني بعد تعبت يوم رحت بس أصريت وفعلاً تعبت لكن حصلت نتيجة تعبي ورديت مستانسة بالأغراض وغني افتكيت من حمل كبير كنت أحاتيه

ألف الحمد لله على سلامة وهج الدموع ونشكر زوجها الفاضل لأنه دخل وطمنا وبشرنا وألف مبروك للأم والأبو قدوم جود وإن شاء الله تدخل في القريب طمنا على صحتهم

أم ديار
أني بعد شهر بجربها
بس لا تعتمدين واجد علىآراء الناس في الدكاترة لأنهم يختلفون اختلاف كبير وبتشوفين الحين الردود ناس بتمدح وتشكر وناس بتذم بس أني متوكلة على الله وبروح ليها وإنشاء الله بولد عنده

شوق شخبار فستانش جهز والا للحين