*من جديد* تجمع حوامل البحرين ~حياكم الله~

اهلين حبيباتي حوامل البحرين...

شلونكم شخباركم؟؟

امس رحت السعودية وشريت اغراض حك البيبي والله الصراحة يسوى الشبك على 6 و7 ريال وحلوين والملاحف على 10 ريال بصراحة بلاش ،،، طبعا انا رحت طابا وللي ما يعرفه هو محل عوووود في الخبر..

سوسو
ترى الشي اللي عندج عادي انا نفس الشي وبعد من دخلت السابع زاااااد...

بغيت اسألكم انا رحت فوزية كمال وسوت لي سونار وقالت لي بنت وهي متأكدة وانا رحت شريت فراش وردي وثياب بنات وهالسوالف بس في ناس خرعوني وقالولي يمكن غلط ويطلع صبي شرايكم انتو؟؟؟ ما ابي الأغراض تطيح في حظي،،، يعني اسوي مرة ثانية او لا؟؟|

بنات عندي سؤال وااااااااااااااااااااااااااااااايد مهم

من فيكم اكلت جبن في الثلاث شهور الاولى من الحمل

وهل فعلا له تاثير سلبي على البيبي؟؟؟

انتظر الاجابة للضرورة

بسم الله الرحمن الرحيم
الحمد الله رب العالمين

اختي ام شجاع من وين هالمعلومة الغريبة والله اني في حملت ثلاث مرات ولاعمري سمعت هالمعلومة ابد
صحيح طرحت مرتين لكن ماكن هذا السبب
والحمد الله في هالمرة من الحمل كنت آكل جبن واجد لان تنسيت علية كنت احبة وايد والحمد الله ماصادني شي .
ويش هالحالة كل مرة وطلعوا الينا معلومة جديد
يبة كلشي على الله
ولاتسمعين اشياء وتسوينها الا اذا كنت متاكدة منها
ولا تعقدين روحج
الله هو الي عطاج الي في رحمج وهو مكلف انة يحافض علية
سامحني على الاطالة بس والله قهر هالدكاترة ماخلوا شي مامنعوه

http://www.3roos.com/forums/showthread.php?t=241803

طمنتيني بنت النواعم الله يطمن بالج بس انا اللي خوفني هو هذا الموضوع

فتوش العسل
الله يهنيج بالاغراض اللي اخذتيهم
وبالنسبة حق اغراض البنت..انا قالت لي الدكتورة 3 مرات انها بنت...وبعد ساعات يخرعوني يقولون يمكن يطلع ولد بس انا خلص توكلت على الله ...وشريت الاغراض على اساس انها بنت...والله يستر :smile:


ام شجاع
اختي شفيج كله مخرعة روحج وبس؟؟؟
اول مرة اسمع ان الجبن مضر!!! انا ما كنت اشتهي اشرب الحليب والدكتورة قالت لي اعوض بأني آكل جبن

~شـــــــــوق~:


ام شجاع
اختي شفيج كله مخرعة روحج وبس؟؟؟
اول مرة اسمع ان الجبن مضر!!! انا ما كنت اشتهي اشرب الحليب والدكتورة قالت لي اعوض بأني آكل جبن

:dd: :dd: :dd: :dd:

صدقتي يا اختي بيجيني وسواس:shy:

سلام بنات شخباركم

اختي فتوش العسل الثياب الي اشتريتهم زينين؟؟؟؟؟؟؟؟؟؟
لان اني متحيرة في ناس يقولون لي اشتري من السعودية وناس يقولون لي لا لن البضاعة مو خوش والشبك من اول غسلة ويندلعون:qaq:
فقلت بروح بس اخذ اليي مسبح حق تسبيح الجاهل فيه وشوية اغراض خفيفة والباقي من ماذركير احسن قطن 100% يقولون!!!!

اما اختي ام شجاع فالمعلومة هذي اول مرة اسمعها ان الجبن مضرة بالحامل ليش ويش فيه الجبن ؟
سمعنا ان كثرته تسبب غباء بس ما يأثر على الحامل والجنين والله اعلم

وصادقة اختي شوق واختي بنت النواعم كل يوم وقالوا لينا هذا مو زين وهذا مو زين بس ويش الا زين الحين ما ادري وخلها على الله والله الحامي...........

:shy: :shy:

هلا باحلى حوامل....

للي سألو عني ... انا هالمرة كانت اول مرة يسوون لي التحليل... وانا قبل كنت في المركز مال عراد بس قالو لي الماي ناقص فحولوني السلمانية الفاتح.. وشفت الويل هناك من الزحمة والقرف.. لا كلش ولا روايح الهنود واللدهن مالهم...ياااربي.... عاد سووا لي تحليل السكر لاني دخلت السابع... واخر موعد الدكتورة خلاص كانت بترجعني المركز تقول الماي اوكي... الا تسألني سويتي تحليل السكر.. وانا رحت وطبعته وشافته هونت قالتما بحولج لانه مرتفع.. وسوي اللي بو 4 مرات اذا اوكي بحولجج مركزكم واذا لا انتي هني مؤبد... الله يستر.. بس انا ليلة التحليل كنت قبل لا اصوم ماكلة 3 قفشات كاكاو نوتلا.. وشاربة 4 كاسات شربت طول اليوم .. يمكن هالشي هو اللي اثر فيني مادري....

بنت النواعم الله يعين 4 مرات ياخذون دم من نفس المكان.. انا مرة وحدة ومكان الابرة يظل بنفسجي اسبوع الله يعين 4 مرات... وغير ذي الجووووووووووووووووووووووع اللي يذبح...

يلاا اهم شي سلامة اللي ببطوننا... وسلامتكم بعد....

سلام عليكم

مساء الخير على أحلى حوامل
شوق مشكورة اختي على الرد
أمونة الف شكر لج على الرد وأنا إن شاء الله أكيد راح استفسر من دكتورتي عن الموضوع بس حبيت أستفيد من خبراتكم

عندي بعد استفسار
هل الفلفل او اي شي حار ممكن يأثر على الجنين لاني قبل شوي اكلت ذرة وكانت حارة وآنا الحين خايفة إن شاء الله يا رب ما ينضر اللي في بطني يــــــــــــــــــا رب
طمنوني يا بنات الله يخليكم

السلام عليكم

شخباركم حوامل ديرتي ان شاء الله بخير

ومشكورة شوق على فتح الموضوع مرة ثانية

دعواتي للجميع

أختكم طفوف

السلام عليكم خواتي الحبيبات
مشكورة شواق على إعادة لم الشمل
وبغيت اسأل هل الموضوع انصك لأن المشاركات فيه اتعدت الحد المعقول والا شنو
المهم أنه شوفة اخباركم وهالأسماء الطيبة أحلى من اي شي الله لا يحرمنا منكم
وياهلا بالأخت الجديدة وحياش الله

أني بعد يوم الخميس رحت السعودية واشتريت أشياء حلوة
بس مو الشباحات لأن مو كل قطنهم زين بس بعد أني شفت عندهم شباحات قطن 100%
وحتى إني قبل سنة ونصف اشتريت لحماتي وعجبوها واجد وكانوا الطقطق مالهم مبلاستك وما يحلي لو ويش يظل في الماي بس أني ما رحت اللا مخلصة شباحات

اشتريت لجانة التسبوح ب 2.0 وحليوة
وبرنصين حليوين واحد خفيف وواحد أمتن شوي لأن صراحة هني البرانص واجد غالية وانتين تبغين شي صغير بس تغطين به الجاهل وهو في فراشة وهدا بتستخدمينه غالباً بس فترة الأربعين بعدين حق السرير بتشترين ليه واحد أكبر لأن لو اشتريتين الكبير من الحين بيغفص الجاهل وهو في الفراش
واشتريت مشط حليو من بيبي هاوس لأن أغلب المشوط هني من اللي ما فيهم دوائر في الأسنان ودلين أحسهم خطرين وإدا تحصلين ابو الدوائر ياموديله قديم وحصلت واحد حليو من جيكو بس كان غالي ب 3 دينار أني اللي اشتريته حليو وموديله حليو وب 1.4
بعد شريت الطربال اللي تبدلين عله الجاهل ومن النوعية الزينة اللي فوق فوطة منه وفيه يعني ما يحتاج تفرشين عليه فوطة وكان سعره 1.9 بينما هني أرخص واحد من أبو الفوط حصلته ب 2.9 بع شريت البوكيت مال الرضاعة حليو ونعومي ب4 ريال وشريت الإسفنجة اللي تحطين عليه الجاهل على شكل دبدوب ووياها مفركه ب 1.5 بينما هني كانت اغلى

وبعد شريت اللي يسمونه بيت الطفل أني ما كنت مخططة بشتري منه لأن موعندي كلش ضروري بس يوم شفت واحد حليو ورخيص شريت
وشريت دواليغ صغار حليوين الواحد ب2 ريال ونسيت أحلى اربعة هناك وجيت بس بواحد تخيلوا
وشريت قبعات 3 على خمس مئة فلس وقطنهم ناعم ومئة بالمئة هذا اللي اذكره وصراحة اشيائهم حلوة ومو مكلفة وعن المحلات اشتريت كم غرض من طابا وكم غرض من السعر المنافس ومن بيبي هاوس وكنت أبغي اشتري ليي بيجامات زود من طابا لن لين تقلبين في بيجاماتهم تحصلين اشياء ناعمة وحلوة بس اذن اذان العشاء وما نبغي نلوع جبدنا من الإنتظار وكنا نبغي نستغل الوقت

والحين ارتاح بالي لأن بقى لي اشياء سهلة
قصاصة اضافر البيبي وملابسي الداخلية وهذي اشياء مقدور عليها

هلا بحوامل ديرتنا

شخباركم

تابعت الموضوع من البداية وان شاء الله وياكم على الخط نفيد ونستفيد من خبراتكم

شكراً لكل من عطانا من خبرته من تجهيزات ودكاترة ومستشفيات ...الخ

سلام اخواتي مشكورين على فتح الرابط من جديد مع اني ما دريت انه صكوه
عندي استفسار ؟
يوم كنتوا في الشهر الخامس او الي في الشهر الخامس كانت اتحس بالحركة وايد ولا ساعات تنساها انا الحين ما احس فيها وايد بس ساعات احسه كثيرة وساعات ما احس اشلون اتأكد انه ما فيهم شي وانهم طبيعين لا تقولين روحي المستشفيى لاني اسبوعيا لي مواعيد في السلمانية بس والله اخاف اذا فترة ما حسيت بالحركة ارجوكم طمنوني

ام جعفرين لاتخافين

اني نفسش ما احس بالحركة واجد في اليوم ولا على طول واحنا ويا بعض في الخامس

من كثر خوفي ان اسمع ناس وياي يقولون يحسون بالحركة واجد فسألت قالو لي عادي على حسب البيبي وبتزيد الحركة في السادس

فلا تخوفين روحش اهم ان في الاربع وعشرين ساعة أي في اليوم الواحد تحسين بحركتهم وان شاء الله ما فيش اللا الخير والله يطمنش علييهم

حوامل البحرين ..... شخبااااركم عساكم بخير

حبيت أسلم عليكم لأني حبيت البحرين قعدت فيها فتره وولدت هناك في مستشفى البحرين

التخصصي ، ووحشتني سوالفكم الحلوة :shy:

الله يتمم لكم على خير

ام شجاع
الله يعينج...والافضل انج تخلين كلشي على الله وما توسوسين وايد لأنه مو زين

ام النوح
بالنسبة حق طابا ..انا ما يعجبوني ثياب البيبي عندهم (الناس اذواق) بس آخذ لي ثياب حق البيت وما شاء الله يتمون فترة ما يختربون

soso84
الله يعينج على الفاتح...انا كل مرة عندي موعد احس بضيقة خلق...زحمة ومافي اهتمام يعني المركز وايد ارحم
وطبعا هذا غير الريحة اللي تلوع الجبد..انا آخر مرة لاعت جبدي من ريحة بصل!! في احد ياكل بصل على الريق؟؟


*ღ*أم أحمد*ღ*
العفو اختي


طفوف(1)
العفو اختي ومشكورة على التواصل


عيون ريمي
هلا والله ..والموضوع انصك لأن الردود تجاوزت 1000
وتتهنين بالاغراض اللي اخذتيهم :smile:

أنوار المودة
حياج الله اختي

ام جعفرين
بالنسبة حق حركة البيبي..طبعا تختلف من بيبي لثاني ومن وقت لثاني بعد
وانا لما سألت قالوا لي اهم شي تحسبين حركة البيبي انها ما تقل عن 10 حركات في اليوم
وماادري بعد...ان شاء الله الباقي يفيدونج

العيناوية
حياج الله اختي...ومشكورة



حوامل ...احد يعرف عن وهج الدموع شي؟؟ من زمان ما سمعنه عنها شي يطمننه...ما يندرى شصار معاها

فتوش العسل

هلا والله فيج

بالنسبة للسعودية بصراحة فرصة العمر
بس انه مشكلتي اني ما اتحمل السيارة نصف ساعة

بسرعة تلوع جبدي وارجع

وبالنسبة لسونار
انه بعد اخاف
قالوو لي شي واحلم باحلامي شي
حتى لدرجة خايفة لفراشات تطيح في حظي


ام شجاع
بصراحة تسيت اذا اكلت او لا
بس بالنسبة للفاست فود ماكنت اتحمله
من اكله ارجع

وعلى فكرة انه والحمام هالايام ربع

سوسووو
الله يحفظج يارب ويسلمج
ويثبت حملج
ويعطيج الي ببالج

ام احمد
انه بصراحة صايرة اموت بالفلفل الاسود والاشياء الحارة مع ان قبل عادي
وحتى لو الاكل عادي احط فيه فلفل اسود
مادري بعد


طفوف

هلا فيج يا الغلا

عيون

شوقتيني لسعودية
بس عاد ها ماذكرتي اسماء المحلات بالضبط؟


انوار
شخبارج؟


ام جعفرين
ان شاء الله مافيهم الا الخير والعافية
لاتخافين
وربج الحافظ
بس تقدرين تشوفين سونار تاخذين موعد بس تطمنين زيادة


العيناوية
هلا فيج والله

شوق

هلا والله
ان شاء الله وهج ولدت بالسلامة يارب

انه صار لي اسبوعين اسوي التراسوند وما شاء الله في المرتين تكون حركتهم كثيرة بس في نفس الوقت ما احس فيها حتى اقول اله الدكتورة يتحركون قالت لش مب قاعدة تحسين

بس اتصير لي فترة احس بيها وبعدين توقف وانا خفت لاني من قعدت من الرقاد ما حسيت توني من شوي حاسه فيها بس الي مستغربة منه انه انا احس كانه حركة جنين واحد مب اثتين لاني احس الحركة بس تحت وانا ورتني الاسبوع الي فات انه واحد فوق واحد تحت وكانو كل شي متماثل فيهم من طول ووزن وكانو يتحركون بعد

أمونة أني ذكرت إني شريت من طابا والسعر المنافس وبيبي هاوس
ووهج الدموع من ذاك اليوم اللي دشت فيه وقلت عندها الم من الفجر ما شفناها غن شاء الله الله سهل عليها وولدت بس حوامل بلييييييز ماعليه يمكن ما يصير عندكم وقت تبشرونا وتطمنونا لما تولدون بس رجاء حاواوا قد ما تقدرون طرشوا احد ترى احنا نحاتي اللي تغيب ونستانس للي الله يسهل عليها فلا تخلونا نحاتي وتحرمونا الفرحة
عشان خاطر العشرة اللي بينا