*من جديد* تجمع حوامل البحرين ~حياكم الله~

~شـــــــــوق~:
امونةة
يالله ...الله كريم
بروحي كل يوم اقول لهم بولد لكم في الحفلة :smile:

ام شهد11
مناار تسوي لنه جدول...كل وحدة تقول متى تاريخ ولادتها...واذا كانت تعرف ولد او بنت تقول بس

مناار:
ام النوح & عيون ريمى& امونه &طفوف

شخباركم بكره بحاول انى اقعد منوقت علشان اسولف معاكم بس والله طول الليل ما اقدر انام

اتقولون حرايق شابه داخل بطنى بس يالله هانت :gum:

عيون ريمي:
أمونة
اني اشتغل في هيئة تنظيم سوق العمل وبنايتنا صايرة مقابل فندق إليت بين مركز المعارض ومجمع الدانة
وهني ما في برادات قريبة نطرش الهندي والمطاعم اللي في المجمعات ما تسوي اوردر واللي يسوون اوردر واغلب اللي يسوون اوردر مقاطعة ما آخذ من عندهم مثل برجر كنج ودومينوز
ونطلب ساعات من ىدم بس دابت جبدنا منه لن سنة كلمالة واحنا نطلب منه نبغي نغير

ام النوح:
صباح الخيرررررررررررررررررررررررررررر بنات

حسبي الله عليكم صار اليي مدة واني اقرا تعبت عيوني قعدتون من الصبح على الهرار والسوالف سبقتوني لكن ما عليه بلحق عليكم

يالله بقوم شوي اغسل لثياب وبرجع اليكم ارد على سوالفكم

راجعةةةةةةةةةةةةةةةةةةةةةةةةةةةةةةةةةةةةةةةةةةةة:shy: :shy: :shy:

بنت النواعم:
بسم الله الرحمن الرحيم
الحمد الله رب العالمين

شخباركم بنات
اني اليوم الحمد الله تطمنت كلشي بخير
صدق السكري قالت لي شوي كلش نسبة قليلة مرتفع عندي
اهم شي مااحتاج ادوي ولا رجيم
بس قالت لي حاسبي لا تاكلين واجد حلاوة
الحمد الله طمنتي
وهذا ببركة الله ومحمد وآل محمد ودعائكم
فعلا كنت وايد خايفة
بس الحمد الله

طفوف ترى من صدقي كل اضرب دبتي توني جاية من بيت ابوي وقبل لا اطلع واني البس الفة وضربت دبتي في الكبت
والله يستر صدق واجد خايفة على الجاهل جان مايصدة شي بس الله هو الحافظ

وسلامي الى البنات
وبمر عليكم مرة ثانية
بااااااااااااااااااااي

ام النوح:
هلا وغلا بامونة
شخبارش وشخبار الحمل وياش
يالله افتلي هالاسبوع في الاجازة
والله يساعدش في هالجامعة والمشي فيها عقب ما سووا كل محاضرة في مبنى ابعد من الثاني
وعليش بالعافية على هالريوق اني اذا زوجي مو في البيت اكل اي شي بس اذا موجود اسوي ريوق كشخة :clap:

soso84:
شخباركم بنات... ياهلا والله فيكم....

انا اليوم رحت موعدي السلمانية.. مسوية روحي شاطرة بروح من وقت... رحت قعدت من الساعة 7وما نادوني الا الساعة 9 تخيلو انكسر ظهري... والدكتورة كانت تبي تسمع النبض بحديدة مثل الهاون بس من الصوبين.. خلته على بطني وما سمعت... خرعتني قالت روحي سوي تخطيط للقلب... رحت والحمدلله كل شي اوكي وفي بطني معركة من الاصوات وانا دري سبحان الله كأن بحر ومدري شنو... المهم وديت التخطيط للدكتورة وقالت اوكي والحركة اوكي مع اني هاليومين احسها واااايد خفيفة ... تقول انها ما سمعت النبض من الحديدة لأني متينة.. والله فشلة هالمتن لاحقني وين ما اروح...

ومع الاسف هالمرة بعد كانت بتحولني المركز خلااص بس نتايج السكر ما طلعت كاملة... في تحليلين مو جاهزين... قالت لي اروح الاسبوع الجي واذا اوكي التحاليل خلاص مالي قعدة عندهم... ان شاء الله ياااااااااااااااااااااااااااارب بحق محمد وال محمد...

ام شهد11:
ياعلي ويش هالهدرة

مانلحق وياكم بنات

هههههههههههههههههههه

واني اشوفكم تقولون حليب ساخن في الريوق اقول لو زين اشربه

ما احب الحليب...

مناار:
صباح الورد والجورى
شخباركم حوامل عيون ريمى &ام النوح& امونه &ام جعفرين

ام النوح والله اليوم قاعده من ساعه 10 بس خبرش شغل البيت و الطباخ ما اخلون الواحده تتنفس
اليوم يبنات طالعين لين بطلعه وزاره الكهرباء بدقيقه ما ابندون علينا الكهرباء الحين مرتين امبندينها علينا لمده 10 دقايق اظاهر يبغون اعاقبونا:angry:

مناار:
بنات بقوم اصلى او بنشر اثيابنا او برجع لكم لا تهدرون واجد علشان يمدينى اقرا الصفحات القبليه ماابغى شى افوتنى من هدرتكم:gum:

ام شهد11:
اني اليوم افتكيت من شغل شقتي

لاني جايه بيت ابويي

ماخذه راحتي:clap:

poemes:
السلام عليكم


بنات شخباركم
عساكم بخير
بسكم عن الاكل سوالفكم تخلي الواحد مرة يجوع ومرة يشبع وهو جوعان

بنات بقول لكم
بصراحة مو قادرة اتابع معاكم ماشاء الله عليكم بسرعة تنط صفحاتكم يعني في يومين كم صفحة

واحاول اقرأ الصفحات القديمة

المهم بنات
دائما نتفائل مع الآلام والتفكير في الولادة والوسوسه
بالنسبة للجدول الصيني
فعلا مرة يصيب ومرة يخيب من خلال تجربتي به
اول حمل لي كان غير صحيح كان ولد وانا حامل ببنت
الثاني صح
الثالث صح
الحين الحمل الرابع لي والجدول خطأ:clap: و الحمد لله انه خاطئ لأني اتمنى ولد والجدول
يقول بنت
لكن الأشعة تقول ولد سويت 3 مرات والنتيجة ولد
بنات شنسوي في الحر الحين
:gum:
بعطيكم اقتراح
فواكه الصيف جايه تبرد القلب
آيسكريم :up:
عصاير فرش

بس بدأ الحر تدرون بنات انا شسوي
اسوي لي عصير جزر فرش في البيت واخليه في الفريزير مال الثلاجة ويصير نص مثلج ونص لا

يمي يمي عجيب شكلي بولد طفل برتقالي لونه من كثر اكل الجزر والبرتقال

اشوفكم على خير
تحياتي

ام جعفرين:
[grade="00BFFF A0522D 32CD32 DC143C FFA500"]والله حسرتونا على ريوق البيت والله حلات الوحدة يوم انها حامل تتدلع وتنام للظهر وترتاح احنا ولله الحمد لا راحة في شغل ولا في بيت نرد مب قادرين نبطل اعيونا من التعب والليل ماشي ارقاد من كثر الم الظهر والله امس صار لي موقف بايخ حده من جيت من الشغل قلت خلني اروح اشوي بيت عمي بعدين ارد شقتنا رحت وقعدت لين اذان المغرب قمت وشلت اغراضي وركبت الى ثالث طابق حق شقتنا وانا نفسي خلاص انقطع يوم وصلت اكتشفت اني نسيت شنطتي الي فيها المفاتيح في بيت عمي والله شوي واصيح قعدت على الدرج اشوي ورديت نزلت ورديت بيت عمي والله حسيت هلكت حتى خفت ادخل وانتو بكرامة الحمام كله خايفة اولد قبل اواني من كثر التعب [/grade]

عيون ريمي:
أم النوح
عاشوا اللي ما يقعدون إلا الظهر وتوه الناس على غسال الثياب حارسي الشمس تغيب بعدين غسليهم وما أقدر على الريوق
الكشخة خمس نجوم وانتين الصادقة
وانشغلت عنكم لأن طلبوا مني معلومات سويتها ليهم ورجعت لهراركم
واليوم ويش غداش
أني زوجي امس جاب ليي جاينيز
واليوم قلت ليه يشوف ليي لزانيا

منااار
اللي يسمعش تقولين من الساعة عشر يعني قبل الديجة من وقت عندش عشر والله يعينش على الحر ويمكن بيتكم قريب من شغلنا اقري وصفي ليه وقولي

ام جعفرين:
عشان اتصدقون انه عيالنا خذوا نص عقلنا اتكلم ويه زوجي يقولي اشفيش رديت نسيتي والله احس بإحراج وايد من ذي السالفة احس عندي طاقة بس للساعة 4 وبعدها كل شي يقفل والله المستعان

أنوار المودة:
هلا خواتي شخباركم وحشتوني

والله متابعتنكم ومتابعة أكلاتكم وسوالفكم بس ألحين عندي ظروف ما اقدر أشارك في الردود

اليوم العصر موعدي ادعو لي خواتي يبين جنس البيبي واخبركم بس يكون سر بينا ها....:shy:

وكلكم تحملو بروحكم وبس أفضى بجي أهدر وياكم وعلى اسبوع الجاي بخلص التدريب وبقعد في

البيت وان شاء الله أفضى وأقعد اهدر وياكم :shy:

*ღ*أم أحمد*ღ*:
سلام عليكم حوامل
عساكم على القوة
عندي استفسار
من استخدمت زبدة الكاكاو لمنع تشققات الجسم اثناء الحمل وهل استفادت منها
ويا ترى هل منها مضرة لا سمح الله

~شـــــــــوق~:
soso84
من خبرتي الحين في الفاتح
احنه نروح من 7 وهم ما يدامون ويبدون شغل الا الساعة 8 الا ربع... ومافي اهتمام
الله يساعدج

امونةة
انزين على الموعد اللي عاطينج...انتي ما جيكتي بروحج؟؟ جم التاريخ اللي طلع لج؟؟
وبالنسبة حق الحفلة.. اقول لهم بخلي المعرس يقوم يوديني المستشفى :smile:

ام جعفرين
الله يساعدج على الشغل والدرج
انا لو منج اقعد استراحة كل شوي على الدرج...تعب
وان شاءالله الله يعطيج اللي في خاطرج ويسهل عليج

عيون ريمي
الله يساعدج ويساعد كل اللي يشتغلون
انا كنت ادور شغل .ومن عرفت اني حامل...وقفت التدوير واجلت الموضوع
حس صعب وتعب...الحين ما نقدر ننام في الليل وبعد نقوم من الصبح واقعد طول هالمدة ...الله يساعدكم

أنوار المودة
الله يطمنج على البيبي
وان شاء الله تعرفين بنت ولا ولد وتبشرينه

*ღ*أم أحمد*ღ*
انا استخدمت زبدة الكاكو وكريمات و زيوت وما خليت شي
بس مع نهاية السابع بدت تطلع التشققات...مافادني شي...وماادري يمكن لو ما استخدمت طلعت لي اكثر وقبل

ان شاءالله باقي البنات يفيدونج