*من جديد* تجمع حوامل البحرين ~حياكم الله~

صباح الخير عيون ريمي اشوفش اليوم ما تسولفين واجد عسى ما شر

شكلش كل جوعانة سوالفش كل عن الاكل والله عزمتش بس ما لبيتين العزيمة كيفش والله لو جيتين كان شبعتين لمدة يومين هههههههههههههههههههههههههههههههههههه

والله افتكيتين من السياقة اني لان بيت ابويي بعيد فيقول الي زوجي روحي بروحش احسن من اروح وارجع اروح وارجع :sad: اني قلت بيدلعوني مدام حملت بس شكله ما في دلع في هالسالفة:sad: اشوى في اشياء ثانية يدلعونا:clap: :shy:

منار صباح الخير

وينش ما شفتش اني قلت ما بدخل اليوم الا انتين هني بس طلع ظني مو في محله

للحين نايمة قومي بسش نوم:shy:

ياعلي ويش هالهدرة

مانلحق وياكم بنات

هههههههههههههههههههه

واني اشوفكم تقولون حليب ساخن في الريوق اقول لو زين اشربه

ما احب الحليب...

صباح الورد والجورى
شخباركم حوامل عيون ريمى &ام النوح& امونه &ام جعفرين

ام النوح والله اليوم قاعده من ساعه 10 بس خبرش شغل البيت و الطباخ ما اخلون الواحده تتنفس
اليوم يبنات طالعين لين بطلعه وزاره الكهرباء بدقيقه ما ابندون علينا الكهرباء الحين مرتين امبندينها علينا لمده 10 دقايق اظاهر يبغون اعاقبونا:angry:

منار

الله يساعدكم


عاد كل شي ولا الحر ملللللللل

بنات بقوم اصلى او بنشر اثيابنا او برجع لكم لا تهدرون واجد علشان يمدينى اقرا الصفحات القبليه ماابغى شى افوتنى من هدرتكم:gum:

اني اليوم افتكيت من شغل شقتي

لاني جايه بيت ابويي

ماخذه راحتي:clap:

ام شهد والله مفتكه الله يعينا احنا على هالشغل الي ما يخلص
بس اقول اليش شي الشغل وراش وراش ما في فكة هههههههههههههههههههههههه

منار انتين من وين ( تقولين الكهرباء منطفية عندكم ) اختي توها اتقول اليي ان في ديرتنا بعد الكهرباء مقطوعة وتوا جابينها من شوي :shy:

ام النوح

صدقتين خيووو الشغل ورانا ورانا برغم انى ما اجمع عليى الشغل بس ويش اسوى ما اتخلص الشغلات او ولدى الله يخليه قايم بالواجب بعد

انى من السنابس اختش من وين اذا من السنابس الله اعينها عجل

السلام عليكم


بنات شخباركم
عساكم بخير
بسكم عن الاكل سوالفكم تخلي الواحد مرة يجوع ومرة يشبع وهو جوعان

بنات بقول لكم
بصراحة مو قادرة اتابع معاكم ماشاء الله عليكم بسرعة تنط صفحاتكم يعني في يومين كم صفحة

واحاول اقرأ الصفحات القديمة

المهم بنات
دائما نتفائل مع الآلام والتفكير في الولادة والوسوسه
بالنسبة للجدول الصيني
فعلا مرة يصيب ومرة يخيب من خلال تجربتي به
اول حمل لي كان غير صحيح كان ولد وانا حامل ببنت
الثاني صح
الثالث صح
الحين الحمل الرابع لي والجدول خطأ:clap: و الحمد لله انه خاطئ لأني اتمنى ولد والجدول
يقول بنت
لكن الأشعة تقول ولد سويت 3 مرات والنتيجة ولد
بنات شنسوي في الحر الحين
:gum:
بعطيكم اقتراح
فواكه الصيف جايه تبرد القلب
آيسكريم :up:
عصاير فرش

بس بدأ الحر تدرون بنات انا شسوي
اسوي لي عصير جزر فرش في البيت واخليه في الفريزير مال الثلاجة ويصير نص مثلج ونص لا

يمي يمي عجيب شكلي بولد طفل برتقالي لونه من كثر اكل الجزر والبرتقال

اشوفكم على خير
تحياتي

والله صادقين وراي وراي الشغل

والله يخلي بنتي قايمة بالواجب في الشقه000


الله يساعدني بكرة

poemes
لاتخليني يصير خاطري الحين في جزر وفواكة

ترى من اشوف كاتبين شي اروح اكله لا يصير في اللي بطني شامه
ههههههههههههههههه

أم النوح
عاشوا اللي ما يقعدون إلا الظهر وتوه الناس على غسال الثياب حارسي الشمس تغيب بعدين غسليهم وما أقدر على الريوق
الكشخة خمس نجوم وانتين الصادقة
وانشغلت عنكم لأن طلبوا مني معلومات سويتها ليهم ورجعت لهراركم
واليوم ويش غداش
أني زوجي امس جاب ليي جاينيز
واليوم قلت ليه يشوف ليي لزانيا

منااار
اللي يسمعش تقولين من الساعة عشر يعني قبل الديجة من وقت عندش عشر والله يعينش على الحر ويمكن بيتكم قريب من شغلنا اقري وصفي ليه وقولي

عيون ريمي خاطري في جاينيز

بلوة الحامل من تشوف شي شفيت عليه


الله يساعدنا

اخت عيون الريمي تشتغلين في هيئة تنظيم سوق العمل انا مقدمه فيها ما ادري الظاهر انهم يقطون الاوراق ما شوف رد بالمرة هي مب تابعة حق الحكومة كانها مع وزارة العمل وشغل وزراة العمل صار كله على هيئة تنظيم سوق العمل
ها تتوسطين لي هناك عيون الريمي يمكن ياخذوني والله مليت من هني انا دارسة دبلوما عليا في المحاسبة واواصل عليها وهم مشغليني استقبال والله فشلة

عيون ريمي:
أمونة
تتعمدين تحسريني يعني موزين عليش من الله
على ما خلصت ردود وكتبت أنه خاطري في بيض وطماطة أرجع اشوف ريوقش جدي
أحد وازنش عليي
ويعني اليوم قعدتش من وقت مو شطارة مكره اخاك لا بطل لن جاية بيت أبوش وطارت النومة
والله العادة القعدة ادان الظهر الريوق هو الغدا

أم جعفرين
لا تحاتينهم اللي رزقش اياهم نعمة الكل يتمناها بيحفظهم وبيسلمهم ليش
وترى سوس اللي قالت بنرجع المركز مو أمونة ة لا تفهين

عشان اتصدقون انه عيالنا خذوا نص عقلنا اتكلم ويه زوجي يقولي اشفيش رديت نسيتي والله احس بإحراج وايد من ذي السالفة احس عندي طاقة بس للساعة 4 وبعدها كل شي يقفل والله المستعان

هلا خواتي شخباركم وحشتوني

والله متابعتنكم ومتابعة أكلاتكم وسوالفكم بس ألحين عندي ظروف ما اقدر أشارك في الردود

اليوم العصر موعدي ادعو لي خواتي يبين جنس البيبي واخبركم بس يكون سر بينا ها....:shy:

وكلكم تحملو بروحكم وبس أفضى بجي أهدر وياكم وعلى اسبوع الجاي بخلص التدريب وبقعد في

البيت وان شاء الله أفضى وأقعد اهدر وياكم :shy:

سلام عليكم حوامل
عساكم على القوة
عندي استفسار
من استخدمت زبدة الكاكاو لمنع تشققات الجسم اثناء الحمل وهل استفادت منها
ويا ترى هل منها مضرة لا سمح الله

أم جعفرين
هي هيئة حكومية مستقلة بذاتها تمولها الحكومة لكن معاشاتها بروحها وقوانينها بروحها يعني ما تتبع لديوان الخدمة المدنية ومنفصلة بعد عن وزارة العمل بس بعض أعمالهم مثل إصدار الفيز والتفتيش العمالي وسن القوانين العمالية بينتقل عندنا
وضحكتيني على إني اتوسط ليش
اني من صغار الموظفين فيها
واللي هني كلهم كبارية وجايين من مناصب كبيرة وهم اللي تمشي واسطاتهم مو أني وين ابين قدام هالهوامير
وترى عادي الحواس كلش معدوم عندي صار ليه فترة والله يستر يرجع عقب الولادة لو لا

أم شهد
سامحيني غدا خليت في خاطرش جاينيز

أنوار المودة
إن شاء الله تعرفين وترتاحين
وبتنضمين للقاعدات في البيت اللي ما يقعدون إلا أذان الظهر عليكم بالعافية وحقنا العافية

soso84
من خبرتي الحين في الفاتح
احنه نروح من 7 وهم ما يدامون ويبدون شغل الا الساعة 8 الا ربع... ومافي اهتمام
الله يساعدج

امونةة
انزين على الموعد اللي عاطينج...انتي ما جيكتي بروحج؟؟ جم التاريخ اللي طلع لج؟؟
وبالنسبة حق الحفلة.. اقول لهم بخلي المعرس يقوم يوديني المستشفى :smile:

ام جعفرين
الله يساعدج على الشغل والدرج
انا لو منج اقعد استراحة كل شوي على الدرج...تعب
وان شاءالله الله يعطيج اللي في خاطرج ويسهل عليج

عيون ريمي
الله يساعدج ويساعد كل اللي يشتغلون
انا كنت ادور شغل .ومن عرفت اني حامل...وقفت التدوير واجلت الموضوع
حس صعب وتعب...الحين ما نقدر ننام في الليل وبعد نقوم من الصبح واقعد طول هالمدة ...الله يساعدكم

أنوار المودة
الله يطمنج على البيبي
وان شاء الله تعرفين بنت ولا ولد وتبشرينه

*ღ*أم أحمد*ღ*
انا استخدمت زبدة الكاكو وكريمات و زيوت وما خليت شي
بس مع نهاية السابع بدت تطلع التشققات...مافادني شي...وماادري يمكن لو ما استخدمت طلعت لي اكثر وقبل

ان شاءالله باقي البنات يفيدونج

ام شهد11:
طفوف

حاولت معاها اعطيها حليب صناعي بس ماتبيه تقعد تصيح

واذا اغصب عليها تقعد تصيح وفي الاخير استسلم واعطيها من صدري

شنو اسوي والله محتارة

احس صدق صعبة هالمرحلة

ام شهد الله يساعدش صدق الفطام صعب امااا عنى ولدى ماشرب حليب من عندى اقل من اسبوع من جبته الصراحة من اشوف وحدة ترضع ولدهااا تجينى الصيحة:sad: بس اقول الحمد الله على النعمة ان شاء الله الحين الى بجيبة ان شاء الله يشرب من عندى يعنى :shy: علشان لا تجينى حالة نفسية ههههههههههههبس الحمد الله على كل حال

انى الحين انصحش انش ماتستسلمى عن الفطام اهواا صدق بتعبش بس لازم تتحملييييين

الله يوفقش ان شاء الله وييسر ليش

وموفقين لكل خير

أختكم طفوف