كيف راح ينزل الجنين؟؟

الله يكون في عونك اخت رانيا

الله يكون في عونك اخت رانيا

طيب ليش ما تغيري الطبيبة ؟؟؟؟؟؟؟

وانا بصراحة رأيي من رأي اخت ملاك

ايه انتي لازم تروحين تاخذين اي اكثر من دكتوره
وتشوفين اللي ترتاحين لها اكثر
او اللي تحسين انها شاطره
والله يكون في عونك

اما بالنسبه انه بعد ثلاث شهور الوحده تحمل
لا انا مانيب معك
لانه اصلا تنزفين عقب الاسقاط وتطلع الاوساخ ويتنظف الرحم
وعقبه تكون حالته جيده ويستقبل الحمل

اما اذا كان الاسقاط على اشهر متقدمه
يعني كان الجنين كبير ومكتمل
في هذي الحاله لابد انك ترتاحين فتره قبل الحمل مره ثانيه

والله يقومك بالسلامه
ونشوفك تقولين بنات باركولي انا حامل
يااااارب

بئر الصمت.. تسلمي وماقصرتي..

أخواتي .. ملاك.. لولي 18 مترددة أني أبدل الدكتورة وأمس شافتني دكتورة ثانية لأن دكتورتي مو موجودة وكلامها نفس الشي.. دام تنزل القطع يعني بإذن الله بينزل الباقي..

ana-saudia ماقصرتي أختى وأنا مثل ماقالت مترددة آروح مستشفى ثاني.
وعن الحمل بعد الإسقاط، سمعت أن لو الحمل في بدايته مافي خطورة يتم الحمل بعده بسرعة.
والله يسمع منك وأحمل وأبشركم بأحلى خبر..

بنات من أمس الظهر بالدوام نزفت ورجعت البيت ومعاي ألم فظيع وماصارت الساعة 8 الا الحالة زايدة، المهم رحنا على الطوارئ وشافتني الدكتورة الا تقول الرحم مفتوح والحين تدخلين عملية تنظيف ، المهم دخلوني العمليات الساعة 11 بالليل وماصارت ربع ساعة الا مخلصين ومقعديني من البنج وبقيت بالمستشفى لحد بعد الظهر اليوم والحين الحمدلله رجعت بيت أهلي قلت أرتاح عندهم شوي بدل جلوسي لوحدي وأتعب مع عبودي.

الدكتورة عطتني مضاد وكبسولات حديد وكتبت بالورقة يفضل الحمل بعد 3 أشهر،، ياترى لازم يكون الحمل بعد 3 أشهر،، وهل من الداعي الذهاب للمسادة نفس الولادة ام لا؟؟؟؟والعادة متى يوقف الدم بعد التنظيف؟؟؟؟

أشكركم يابنات جميعا على وقفنكم معاي ودعواتكم لي، وربي يتمم لكل حامل حملها ويرزق كل من يتمنى.......

الحمدلله على سلامتج اختي..
بصراحه ما اقدر افيدج لانه انا ما سوولي تنظيف..قالولي الجنين صغير وما يحتاج تنظيف...

اما بالنسبه للحمل بعد 3 اشهر اتوقع ما يفضل قبل..خلي جسمج و رحمج يرتاحون عشان يتهيؤون للحمل الجديد..بصراحه انا خمس شهور منعت الحمل لاني كنت خايفه...وحده جارتنا كانت حامل و الجنين توفي ببطنها و اجهضت و حملت على طول بعدها..ومسكين ولدها طلع مب طبيعي ..يعني شوي فيه اعاقه ذهنيه مسكين..وما يتكلم...قالولها الدكاتره..لانج حملتي على طول بعد اجهاض...وما خليتي جسج يرتاح ...فدوم احط هالسالفه في بالي..قلت كمن شهر ما بيأثرون علي..المهم صحتي و صحه البيبي اليديد...ولا تنسين وخلج عالفوليك اسيد...وان شالله تبشرينا قريب

السلام عليكم ورحمة الله وبركاته

الحمد لله عيوني ارتحتي وخلاص وحمد الله على سلامتك يا رب

وان شاء الله الله يعوضك بالذرية الصالحة عاجلا غير آجل يا رب ودام الدكتورة كتبتلك اصبري 3 اشهر فخلاص مو وايد 3 اشهر على راحتك وعشان يكون الرحم متهيأ للحمل مره ثانية

اصبري الغالية وان شاء الله الله بيعوض صبرك خير يا رب

وزين رحتي عند الوالدة تغيرين جو بدل البيت :)

والهل يحفظلج عبادي يا رب ويزرقك بره

الف الحمدلله على السلامة اختي رانية
ان شاءالله هالثلاث شهور يمروا بسرعة وتبشرينا بحملك يا رب
وما تنسي الفوليك اسيد
الله يعوض عليكي يا رب

angle eyes
malaak
لولي 18

أخواتي ماقصرتوا على وقفتكم معاي طول هالفترة ومتابعتكم لحالتي....
وإن شاء الله أرتاح كم شهر وأبشركم عن قريب وماراح أنسى الفوليك أسيد.

حبيبتي الله يعوض عليك بخير ويرزقك

انا كنت حامل وبعد شهرين من الحمل صادني نزيف وطرحت بعدها بشهرين في شهر يوليو

2006 حملت والله رزقني بولد في شهر مارس 2007 والحمد لله ما فيه شيء

بس الدكتورة في بداية الحمل قالت لي المفروض انتظر ثلاثة اشهر حتى يعود الرحم الى طبيعتة

حمدالله على السلامة اختي


ويلا لاتتضايقين

اخيراً افتكيتي من وجع الظهر والتقلصااات اللي تذبح الوحدة وتطلع روحها



وان شاء الله خير ياارب

الف الحمد لله على السلامة اختي ام عبدالله ..

كنت احاتيج وحتى خالتي اللي قصتها مثل قصتج كانت دوم تسأل عنج .. على فكرة تسأل عن الفترة اللي لازم تنتظرها علشان ترد تحمل والاهل يقولون لها صبري ع الاقل 6 اشهر وزوجها مصمم على الحمل بسرعة والدكتورة ما عطتها فكرة عن المدة اللي تصبرها على الرغم انها ظلت يومين بالمستشفى .. وحتى اوراق ما عطوها ، عطوها بس ورقة وحدة توديها المركز علشان فحص ما بعد الولادة ..

وعن الدم اخر مرة شفتها يوم الجمعة " بعد اسبوع من طرحت يعني " كان الدم ما زال مستمر معاها لكن هو عموما بعد التنظيف قام ينزل عليها بكميات جدااا قليلة وشكله بيوقف بسرعة ..

الله يعوضكم ان شاء الله وتبشرونا :shy:

بنت الصبية.. الحمدلله الله عوضك خير،، ربي يبارك فيه ويحفظه.. يعني كان حملك بعد الإجهاض بشهرين والحمدلله عدى الحمل على خير..

بئر الصمت،، ماقصرتي أختى الحمدلله أرتحت من الآلام...

ماما حسون.. شكرا أختى وماقصرتي، ويارب أنا وخالتك نحمل عن قريب ويتمم لنا على خير،، بخصوص الحمل مرة ثانية مادري كل ناس لهم كلام،، يقولون مافي مضرة لو حملتي مباشرة لأن الحمل كان في بدايته وماكبر الرحم، وناس تقول أجلي ، الحين باتصل بحرمة مسادة وباشوف اذا له داعي للمراخ بعد التنظيف او لا......

السلام عليكم و رحمة الله و بركاته

الله يعوضك خير يا رب أختي رانيا...و ما تقلقي أبدا...أغلبنا صدقيني مر بهذه الحالة...و ما تنسي إنه ربك كريم بعباده...

و توكلي على الله و ما تستعملي موانع...و ربي وقت ما يريد بيكتب لك الحمل إن شاء الله...

و إن شاء الله تبشرينا كلنا قريب...و السنة الجاية مثل الحين يكون معاكي أحلى بيبي في الدنيا :)