كيف راح ينزل الجنين؟؟

عذاري.. ماقصرتي حبيبتي وربي يحفظ لك إبنك

redflower ماشاء الله ربي يتمم لك على خير،،،عارفة أن اللي مجرب يحس فيني كثير والله لا يخلي أحد بهالموقف.. ويالله اللي عطاني يعطيني مرة ثانية كامل الخلق والخلقة ومايطول علي..
بس مثل ماسمعت أن المفروض مايصير حمل بعد الإجهاض الا بعد مرور 6 شهور ، صح هالكلام؟؟؟

غاليتي رانيا

الله يعوضج خير حبيبتي...وهذي مشيئه رب العالمين اكيد هي الاحسن لج و للجنين...
انا مريت بتجربتج بس كنت بس في الاسبوع الخامس و نزفت بس مب وايد كأنه اول يوم للدوره..وبعدها خلااااص

ان شالله ينزل بروحه...واذا ما نزل اتوقع يسوون تنظيف

كفايه 3 شهور راحه وبعده حاولي تحملين مره ثانيه

الله يعوضج خير و يرزقج طفل صحيح تام الخلقه ويلعب مع عبودي و يكسرون لج البيت :)

صدقيني بيي اليوم اللي بتكون هاي التجربه القاسيه مجرد ذكرى يوم بتشوفين عيالج يراكضون حوالينج

خبرينا عن اللي بيصير مع الاجهاض عشان نتطمن عليج

السلام عليكم ورحمة الله وبركاته

:sad: :sad: :sad: والله وايد استانست لك لما بشرتينا عن حملك

ووايد تضايقت لما قرأت ها الخبر

بس ربي عالم الخيره لعدم إكتمال الحمل عيوني

الله يصبرك يا رب ويعوضك خير ان شاء الله عاجلا غير آجل

وقولي الحمد لله دوم يا رانيا الحمد لله عبادي وياج يخفف عليك الالم فيه ناس يتمنوا ظفر بيبي معاهم بالبيت يونسهم

الله يحفظلج عبادي ويعوضج عن ها الحمل خير يا رب عاجلا غير آجل ويعوض ملوذ ويرزق كل محرومة ان شاء الله

تفائلي خير الغالية وان شاء الله ينزل بروحه

طمنينا عليج الغالية

اختي رانيا سلامتك ماتشوفين شر
والله حزنت يوم قريت الخبر بس الحمدلله ع كل حال
الله يصبرك ويعوضك بكل خير ويحفظلك عبادي يارب

عورتي قلبي اختي رانيه.,.الله يجبر بخاطرج ويعوضج خير يارب....هو صح الجنين روحة ينزل...بس ممكن يستوي هالشي في اي وقت يعني لازم اتكونين فالبيت

angle تسلمي أم محمد ويالله يارب الله يسمع منج وآشوف عيالي مكسرين البيت ..راضيه والحمدلله على المصاب وربي يعوضني خير.... وقفتك معاي بهالمحنة شدت من أزري كثير والله صديقات من الطفولة محد منهم واساني مثلكم تسلمون لي حبيباتي..

malaak مشكورة على كلامك الحلو والحمدلله على النعمة والله عبودي عندي بالدنيا ربي لا يحرمني منه والله يعوضني ويرزقني أنا وملاذ وكل من يتمنى الذرية الصالحة عاجل غير آجل وربي يسهل عليك..

حلا قطر،، يالله مايكون صار لك مثل اللي صار لي ، طمنينا عليك،، واللهم لا إعتراض على إرادة رب العالمين... بس آنه ماسوا لي فحص للهرمون ، لأن خط النبض كان مستقيم مارتفع بالمرة والكيس أكبر من حجم الجنين. طمنينا عليك أختى..

صمت الدورب.. أشكرك أختى على مشاعرك الطيبة وربي يحفظ لك إبنك من كل شر..

Floona مشكورة أختى وماقصرتي على كلامك الطيب.. ربي يسهل كل أمورك...

بنات بعده مانزل الجنين بس من أمس العصر وأنا معي دم خفيف ينزل عند دخولي تكرمون الحمام.. وأنا ماداومت اليوم
هل تنصحوني أروح الدوام بكرة او أجلس بالبيت لأن الخوف لا يزيد ويصير فيني شي والعمل مختلط ماتخيل شكلي بين الرجال وأنا فيني شي.. وهل تتوقعون راح ينزل خلال هاليومين؟؟ يعني اللي مرت منكم بهالحالة....

أختي رانيا سلامتج وماتشوفين شر ...
الله يعوضج خير ان شاءالله...
قدر الله وماشاء فعل..
بس طمنينا عليج ....

تسلمي أختى هياووي .. شربت اليوم دارسين وبانتظار نتيجته...

الله يسهل عليكي أختي رانيا

و يعوض عليكي

قدر الله وما شاء فعل
الله يعوضك بالخير عاجلا غير آجل وعسى أن تكرهوا شيئا وهو خيرا لكم




والله الخبر أحزني عزيزتي رانيا والله يعوضك خير يارب وتحملي من جديد وتجيبي أخت لعبودي



بس نصيحه لا تداومين بالمره أخذي أجازه والله لا يراويك أي مكروه يارب

الله يعينك ويعوضك ويساعدك على الي بتمريين فيه مرييت بلشي والله موقف صعععب

الله يعوضج يارب

عروس جنان.. تسملي أختى ماقصرتي.

malaak مشكورة أختى على السؤال.. رحت البارحة المستشفى مع زوجي وكانت دكتورتي علىالطوارئ وقالت ماراح نسوي شي الا بعد ماينزل لأن مانبي نفتح لك عنق الرحم وبعدها يصير عندك إرتخاء ويسبب لك هالشي نزيف في الحمل القادم،، خلي العنق ينفتح بروحه ، وإذا زاد الدم تعالي لنا، وعطتني إجازة اليوم بس والمفروض بكرة آداوم وتقول خلك عادي وروحي الدوام ومابيصير شي.

أحلى شهد.. تسلمي أختى وماقصرتي،، مافي مفر الإجازة بالحسرة علينا، بكرة بارجع الدوام، وإذا زاد قالت طلعي، تخيلوا بس يطيح تكرمون بحمام العمل،، شنو باسوي؟؟؟؟؟

جورية وردية.. ربي يعوضك خير ويرزقنا مع بعض عاجل غير آجل... ربك كريم...

هيه و الله الإجازات يطلعونها من عيونا

بس الي على خاطرهم يعطوه لو إجازة شهر

معليه حبيبتي انتي الحين مو عارفة متى بينزل ؟؟؟؟؟ وبنفس الوقت محتاجة لإجازة عقب ما ينزل فأحسن تدوامي ها الفترة ولو حسيتي بشي طلعي أكيد ما بينزل مباشرة من غير شي وبعدين تقولين بالاسبوع السادس يعني ما اتوقع يكون حجمه كبير لدرجة تخوف فلا تخافي إن شاء الله بيعدي الموضوع بسلام

وطمنينا عليك الغالية

أم المهند:
حبيبتي رنوش ألف سلامة عليك وما تشوفين شر يار ب


أصلا إنتي لييييييييش مداااومة ؟؟؟؟!!!!!

من وقت ما تشوفي الأشياء اللي تنزل لازم تريحين نفسج ع الآخر ..

بصراحة الدوام مو أهم من صحتك وصحة البيبي .. الله يثبت لك هالحمل يا رب

أنصحك تاخذين إجازة وتروحين البيت تريحين .. وإذكري ربك وايد ولا تنسين الدعوات بأن يحفظ لك جنينك من كل شر آمييين ..

قدر الله وما شاء فعل
الله يعوضك بالخير عاجلا غير آجل وعسى أن تكرهوا شيئا وهو خيرا لكم




والله الخبر أحزني عزيزتي رانيا والله يعوضك خير يارب وتحملي من جديد وتجيبي أخت لعبودي



بس نصيحه لا تداومين بالمره أخذي أجازه والله لا يراويك أي مكروه يارب

رانيا لا تحاتين

اذا نزل وانتي بالشغل تراه بيكون مثل الدوره العاديه لان بعده صغييير..الله ايسر لج امورج

malaak، طفوف، angle eyes

تسلمون خواتي على سؤالكم المستمر.. بعده مانزل وأنا داومت اليوم مع أن عندي نزيف خفيف صار له 5 أيام،، باخلي الإجازات لبعدين سبحان الله أتعب أكثر وأحتاجهم...

معاج حق يا ام عبدالله
خلي الاجازه لأيام التعب و التعب الحقيقي
دام في الوقت الحالي الامور ميسره خليج على الدوام
و الحمدلله على كل حال
ما تشوفين شر يا الغلا