صبايا الأردن ..

الله يسلمك بنت الرافدين






رشرش

حكيتلك مع روشان
و قلتلها انو صاحبة الي كانت حكتك بخصوص حجز صالة و هيك
ههههههه قامت تذكرتك ع طول و قالت اسمك
قلتلها ايوا
و سالتها اذا بينفع الصالة ناخدها بجون بوفية و نقدم سناك مثلا
و صدق احساسك
قالتلي نووو وااااي ما بينفع
قلتلها شو بتفرق معكم
قالت انو لم تاخدي الصالة بدون بوفية انتوا اكيد بدكم تقدموا شي و احنا ممنوع عنا ندخل اي نوع اكل من برة
قلتلها دبريها روشان من هون من هون
قالتلي مستحيل:(

و هاد اللي صار يا حلوة

و على النفيس
اه كتير غالي ... بس عالفاضي يا رش
والموديلات اللي عنده موجودة بكل المحلات

خلينا على اتصال

عجقتيني ههههههههههههه

يعطيكي العافية يا عمري، والله بعرف إني مغلبتك ، شو بدي أعمل :flower:

اتوقعت والله إنهم ما يرضو :sad:

يا ستي لما حكيتيلي ردهم ، كتيـــر زعلت :cry: ..

بس لما خطيبي حكالي .. فداكي :yes: ، ارجعت انبسطت ..

يعني 6210 دينار حق الصالة بالبوفيه لـ 270 شخص، وبدك تقولي مكتب الخدمات بدو (ماكسيمم) 1500 دينار، يعني بدك تقولي بدو يكلفنا العرس حوالي 7700 دينار، وطبعا الأوتيل والتذاكر وشهر العسل .. إلخ بدو يوصل لـ 10000 دينار، والمسكين دافع مهر 5000 دينار، ولسه ما حطينا ولا قطعة بالبيت ...
والله اللي بتجوز وحدة متلي بهالأيام بدو ينطبش طبشة مرتبة :gum: ..

يا ستى المهم الله يوفقنا ويجمع بينا على خير (f) .. ويوفقكم ويكمللكم على خير .. (f)

صباح الخير ياحلوات


كيفكم والله اشتقتلكم كثيييييييييييييييييييير

ابشركم بالنتايج الحلوة اللي طلعت معاي هاليومين

طبعا كل الصالات بالتاريخ اللي بدنا اياه ,,, محــــجــــوزة

والحمد حجزنا بصالة حياة اربد ,,, يوم 20 / 8

ووبدنا نحجز زفة شامية قالولي احلى,,

وبالنسبة للصالون ,, اهل زوجي قالولي روزيت احلى اشي,,,
لان خوات زوجي لبسوا فيه,, ومدحوا فيه كثير

والحمد لله ربنا سهلها

عقبال مانفرح فيكوا يارب

بس سؤالي ياحلوات؟؟؟ حدى منكم حضر بالصالة اي عرس,, او بيعرف اي حدى رايح الها,,,
حابة اتطمن اكثر

بس هيك بيبقى علي بس انزل الاردن نزبط البروفة والدي جي وترتيب الكوشة وبوكيه الورد و ان استأجر البالطو اللي تلبسوا العروس فوق البدلة وان شاء الله ربنا يسهل,,,

بس هلا بدي تدلوني على فنادق حلوة عشان نحجز فيها,,,
واكيد بدي باربد عشان القرب احسن,,,

وربنا يسهل علي وعليكم يارب

اوف الحمد لله ربنا سهلها,,,
وتسلمون يارب ماقصرتوا معاي


يعطيكم العافية .....

صباح الفل و الياسمين

الحمدلله بنت الرافدين ان الامور مشيت لصالحك

و الله يتمملك على خير

انا سمعت عن فندق افاميا هو المشهور بأربد ... بتذكر اني بعتلك رقمهم و اكيد خطيبك بيعرف اكتر
شوفيهم انتِ



هلا رشرش

يا ستي الحمدلله .. الله يخليلك ماهر و يكمل فرحتكم يا رب

يعني افهم انك اعتمدتِ عالبريستول ؟

[frame="9 80"]


صباح الورد والفل والياسمين على عرايس وصبايا الاردن الحلوين:flower: :flower: :flower:




ماتنسوا طبعا انتو معزومين على عرسي في 20 / 8


بدي اشوفكم واتعرف عليكم ياقمراااااااااااااااااااااااااااااات





حبيباتي بس يدي اسالكم شو النظام اللي ماشي باعراس الاردن هلأ؟؟؟
لانو هون عدنا غير اول شي العروس تدخل لحالالها وبعدين العريس وبعد هيك رقصة السلو وبعدين الذهب والكيك,,,

يعني هيك المتبع


بس انا حابة اعرف بالاردن كيف النظام؟؟؟

شو اول وشو بعدين؟؟

وهل العريس بيظل موجود طول الوقت مع العروس ولا زي هون بيطلع شوي

وبعدين بيرجع,,

وكيف اول شي تقطيع الكيك ولا الذهب ولا رقصة السلو؟؟


معلش تحملوا اسالتي ,,, وتسلمولي يارب



وربنا يتمملكوا على خير يارب



بس خبروني عن تواريخ اعراسكم؟؟؟ بدي احضرها ولو؟؟:yes:
مابدكم تعزموني؟؟؟؟:cool2: [/frame]

:flower: مرحبا يا حلويـــن .. كتير كتير اشتقتلكم :flower:

أنا بالوقت الحالي بفلسطين، وعم بعمل جولة على أهم المدن في الضفة الغربية: القدس ، أريحا، بيت لحم، رام الله، قلقيلية، نابلس، طولكرم، جنين، والبحر الميت ..
طبعا بتسوق من كل بلد شوي ..
بعد ما أتجوز راح أصير أنزل ع الضفة إجازات قصيرة بدون جوزي لأنو ما عندو (لم شمل)، و يدوب أقدر أشوف بابا وأختي بالإجازة، لأني راح أكون مضيوفة طول الإجازة ..
مشان هيك عم بستغل الفرصة وبتنقل من بلد لبلد ..
{ والله بلادنا حلوة يا جماعة }


(8) آخر أخباري (8)
قررت أنا وخطيبي نحجز بفندق برستول عمان، وخلال الأسبوعين اللي راح ييجو راح نبعت العربون لحجز الصالة (إدعوووووووووولي) بحياة الغالي عندكم تدعولي،،
بالنسبة لمكتب خدمات الأفراح، لساتني عم بجيب عروض أسعار، وبشهر 6 راح أنزل على عمان لأحدد أي مكتب اللي راح يمسكلي الحفلة، (طبعا بكون أخدت فكرة منيحة عن كل مكتب وخدماته وأسعاره)،،
أما الفستان ومستلزماته.. راح ألفلي لفة مرتبة عليه قبل العرس بأسبوعين
( يعني في بداية شهر 8)،،
البيت: ما راح أخلي خطيبي يحط فيه ولا قشة عبين ما نرجع من شهر العسل، بس قلتلو حط فرشة ومخدة وحرام،،
شهر العسل: قبل العرس بشوفلي مكتب سفريات أو شركات سياحية تزبطلنا رحلة على مصر وعلى سوريا وعلى لبنان، غير إنو راح نقضيلنا 3-4 أيام بالأردن ..
أنا بصراحة كنت حابة إسبانيا، بس العرس راح يكلفنا 7500 دينار، ما في مجال أسافر إسبانيا أبدا، إلا بعد سنة سنتين

(g) شو عم بعمل هلا (g)
حاليا راسلت 25 فندق وأجنحة فندقية مشان استفسر عن أسعار الغرف، مشان أحجزلي 3-4 أيام بعد العرس وقبل شهر العسل ..
وكمان عم بدور بالسوق على تحف أو اكسسوارات مشان أوزعها في العرس على المعازيم..
ومشغولة شوي بعمل أجنحة وفساتين للصغار اللي راح يدخو بدخلة العرسان ..
وبحضر بقائمة جهازي مشان أبعتها لأختي اللي راح تشتريلي إياها من أبوظبي بهالفترة، لأني ما راح أرجع على أبوظبي قبل فترة العرس ..

(i) أنا (i)
أحكيلكم عن حالي شوي ..
طولي 171 سم، ووزني 54 كجم، بهتم بجسمي كتير، مشان هيك مسجلة بنادي رياضي، تنشيط للدورة الدموية..
حنطية، عيوني عسلية مايلة للخضار، بهتم برضو بحالي كتير، أسبوعيا بعمل حمام زيت لشعري، وكل يومين تلاتة، بعمل خلطات للوجه والإيدين والرجلين، ويوميا بعمل خلطة للمناطق الداكنة بالجسم، الكوعين والركبتين وغيرهم ..
بالنسبة لدكتور الأسنان، كل 4 شهور بزوره (مجرد عملية تنظيف) ..
يقرأ كتير من على النت المواضيع اللي بتخص الحياة الزوجية، من مشاكل وحلول، من مواضيع إدارة البيت، هدايا للزوج، ميزانية البيت، الغيرة، التعامل مع الحماة وابنتها، مواضيع جنسية وغيرها ..

(*) أحلى خبرياتي (*)
صبايا .. حابة أخبركم هالخبرية ..
متل هاليوم، وقبل 3 سنين، يعني يوم الأربعاء
(^) 14 / 04 / 2004 (^)
كانت أول مرة أشوف فيها خطيبي، ع البحر، بأبوظبي ..
فكل عام وإحنا بخيـر ، وكل الحبايب بخيـر
وبهالمناسبة بتمنى إلي وإلكم إنو نتهنى ونسعد بحياتنا الزوجية، ونتوفق باختيارنا، وهديتي لإلكم هالدعاء:
اللهم بارك لنا .. وبارك علينا .. واجمع بيننا على خير
وأغننا بحلالك عن حرامك .. وهب لنا الذرية الصالحة
وكل سنة وإنتم سالميـــن

وبس ..

تسلميلي يا رب ، ويكملك فرحتك إنتي كمان ..

فندق البرستول حاليا اعتمدناه، بس بدنا نشوفلنا يوم بآخر شهر 8،،

وخلال الأسبوعين اللي جايين راح يروح أخوي ليأكد الحجز (إدعيلي) ..

شو آخر أخبارك، في شي جديد صار معك ؟؟


:flower: :flower: :flower:

أنا أول وحدة راح أكون موجودة بإذن الله :idea: ..

(8) نظام العرس ما صار يختلف من بلد لبلد بس، صار يختلف من عيلة لعيلة ..

بس راح أحكيلك عن أعراس قرايبي بالأردن، لأنها تقريبا متشابهه :

1) زفة العرسان على باب الصالة، ممكن بفرقة زفة أو بدون (يعني الأهل بزفوكم)، هاي بدها تقريبا من تلت لنص ساعة ..
2) دخلة العرسان على الصالة: بتدخلو على أغنية إنتو بتختاروها، بتمشو للممر لغاية ما توصلو الكوشة، وبتبدلو الدبل، وبترقصو أول رقصة، ويفضل تكون أغنية رقص عادية، بصراحة مو حلو سلوو من أولها ..
3) بتقعدو شوي على الكوشة وبتصير المصورة تصوركم أكمن صورة لحالكم (p) ، ووقتها بكونو الصبايا بيرقصو تحت على الستيج ..

(f) هلا في عندك 3 فقرات مش مهم مين الأولى ومين التانية ومين التالتة، زي ما بدك:
* طلعة العريس من صالة النساء مدة نص ساعة ماكسيمم، لأنو راح يروح يسلم ع الرجال، وساعتها العروس بترقص مع خواتها وقرايبها على الستيج ..
* تلبيسة الذهب
* الكيك شوو والسلو

>>> أنا بالنسبة لعرسي، بما إنو فيه في آخر العرس بوفيه، معناتو بعمل الكيك شو في بداية الحفل، وبيناتهم بعمل تلبيسة الذهب، هلا طلعة العريس من صالة النساء، راح تكون بين الكيك شو وبين التلبيسة، لأنو أول ما يرجع من عند الرجال راح يلبسني الذهب ..

(*) آخر شي بدخلو الرجال، أهل العروس لحالهم بالأول، وبعدها بدخلو أهل العريس ..

وبعدها بتروحي مع جوزك بتلعبو غميضة :cool2:

(@) بس بالعادة أهل العريس همي اللي بحددو كيف ترتيب الحفل ..

ويا ستي، إن شاء الله بطلع عرسك مرتب، إنتي بتستاهلي كل خير والله :flower: ..

hi banat,, kefkom? ana kman 3roos 3ors'ha fi elordon bs mo'3tarebeh,, tb3n ana ma kmmlt l rodood le2nni mest3jeleh bs enf3alit eshway le2n bnt el rafedeen bedha etroo7 3la saloon rozeet,, MA ETROO7 7BIBTI, BEDHANOO LE 3AROOS DHAN MO MAKE UP,, fi salon esmo Miss Fanzewella fi shari3 el 7oson akeed ahil zojik be3rafooh hadi raheebeh, ana 3mlt 3ndha yom 5otobti w jahti 3njd raheebeh, bs 5llihom ye7jezoolik enno Jannet te3mallik hadi sa7bit le salon, 3njd shatrah w btefham ekteer,, bs 3ndi sha'3leh, mn elafdal ennik check noo3 el make up elli r7 test3miloo 3leki le2n a7yanan betkoon shatrah bs el marka tb3t el make up et5arrib 3leki, so momkin etjeebi ur make up,, bs heyye shatrah w '3alibn markat'ha ekwayseh.. jd ma btendmi, amma rozeet ana ma b7ibhaaaaaaaaaa :sad:


brja3elkom w basharekkom ya 7elween, bs hall2 i have to go, c uuuuuuuu w alf mbrook l elkom kolkom.

:flower: مرحبا أحلى الكلام .. مرحبا بنت الرافدين ..

شو أخباركم ..

اشتقتلكم كتيـر ..

أنا لساتني محتاسة بموضوع الصالة :sad: .. ما عاد نحجز بالبرستول .. عم بشوف أماكن تانية ..

الصالون :shy: راح أحجز يوم السهرة عند زبيدة ويوم العرس عند مروان خير ..

البدلة راح أجيبها من النفيس :yes: ..

بالنسبة للخدمات التانية كلها راح أشوفها بعد ما أحجز الصالة ..

صار عندي فكرة كتير منيحة :up: عن الأسعار والخدمات .. طبعا مو بشطارتي .. بمساعدة الصبايا اللي بالمنتديات التانية ..

طمنوني عنكم .. شو آخر الأخبار ..

مرحبا ياحلوووووووووووووووووووووووووين

اسفة زمان مادخلت

كثير الفترة الماضية انشغلت بالسوق والجهاز



رشا يارب تلاقوا صالة مناسبة ان شاء الله

انا بعدني مابلشت في البدلة عشان بدي اخيطها هون

وباقيلي اشتري فستان ليلة الحنة,, بس مو عارفة لازم اجيبوا فستان نفش وكبير ولا عادي فستان سهرة ناعمة وخلص؟؟؟

وبعدني متخوفة من شغلة الصالونات لاني لسى ماشفت شغلهم بالاردن ., الي زمان مو نازلة على الاردن؟؟
وكمان بدي احجز البرنص اللي فوق البدلة...
والمشكلة اني حنزل على الاردن قبل العرس ب 4 ايام بس


الله يعين
ايمتي بدي اعمل كل هالشغلات؟؟؟

وكمان هون بدي ابلش رياضة وريجيم واهتم بجسمي وبحالي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

طمنوني عنكم ,,,؟؟؟؟
اخباركم؟؟؟

شو الجديد ؟؟؟


الله يتمملكوا على خير ان شاء الله

















سلامي

هوه صحيح ما رحبتوا فيني بس معلش رح ارجع و احكي لبنت الرافدين خطيتك برأبتي ما تروحي على روزيت لأنها بتدهن دهان. أنا جربت مس فنزويلا بالخطبه و الجاهه و راجعتلها بالعرس ان شاءالله جد شغلها رهيب طبعا إحجزي جانيت صاحبة الصالون و إزا ما حجزتي جانيت فأطلبي هاديه تعملك مكياج بس أنا بنصحك لما تروحي اي صالون بإربد إنك تاخدي مكياجك معك لأن ماركاتهم سلامتك...

و مبروك صبايا أنتم السابقون و نحن اللاحقون فيعني إدعمونا بنصايحكم :shy:

السلام عليكم ورحمة الله وبركاته



مرحبا ياقمر


معلش حقك علينا مارحبنا فيكي


و 100 مليون اهلا وسهلا


حبييبتي والله خوفتيني اذا عند جد هيك بتحكي


والله مابعرف لكن شو بدي اسوي


انا بدي اغلبك معي اذا ممكن


بدي ارقام الصالونين

مس روزيت, وجانيت

ياريت ياعمري اذا بتقدري تبعثيلي الارقام على الخاص
واكون الك شاكرة طول عمري....

عشان انا احكي معهم واتفاهم معاهم ,,,,


لاني خايفة اتورط,,, الله يعين


وشكرا الك لانك حذرتيني

يارب يعطيكي العافية يارب


وتسلمي مقدما

======================================================

up

hi bint elrafedeen, sorry 7bibti zaman ma jeet online.. ana r7 as2allik 3n rqam el salon inshallah le2n ana hall2 mo fi elordon so r7 as2l sa7bati..
bs 7bibti ma et5afi sorry enni 5awwaftik.. w akeed r7 tetl3i amr. inshallah bs2alli k3n areeb w bab3tli kel raqam. b ezn allah.

howwe salon wa7id esmo (miss vanzwilla, w sa7bit elsalon elli btetshte'3il isemha jannet) bjeebli kelraqam b ezn allah

هلا ياقمر

وشكرا على مساعدتك واهتمامك وان شاء الله نخدمك بالافراح يارب


وتسلمي مقدما على كل اشي

يعطيكي العافية


- انا مبدئيا حجزت بصالون مس روزيت بس ان شاء الله بس انزل بعملي لفة على الصالونات المنيحة وبتاكد قبل العرس ,,,
وان شاء الله خير

وتسلمي مرة ثانية

bint elrafedeen check ur private msgs

حبيبتي انا بالسعوديه بس حبيت اساعدك لإن كنت عايشه بالأردن وأختي تزوجت هناك بالنسبه للصالونات (الكوافيرات ) اختي سوت عند دريم خلدون القرا وطلبي ماكيرا لبنانيه أسمها نجوى شغلها رووعه وفي مروان خير بعد مرة شغله حلو

عيون من ماس:
حبيبتي انا بالسعوديه بس حبيت اساعدك لإن كنت عايشه بالأردن وأختي تزوجت هناك بالنسبه للصالونات (الكوافيرات ) اختي سوت عند دريم خلدون القرا وطلبي ماكيرا لبنانيه أسمها نجوى شغلها رووعه وفي مروان خير بعد مرة شغله حلو

هلا عيون من ماس

شكرا على الاهتمام والمساعدة يعطيكي العافية

بس هذول الصالونات باربد او عمان؟؟؟

وشكرا ياحلو

حبيبتي لا شكر على واجب هذول بعمان بالرابيه بس اذا انتي بأربد بصراحه ما اعرف احد بس عندي صديقتي هناك أسألج وأردلج الخبر وتدللين:shy: