صبايا الأردن ..

مرحبا ياحلوات


كيفكم وشو اخباركم ؟؟

معلش انا دخلت على الخط على طول

بس جذبني اسم الموضوع بالبداية

وانا كمان نفسكم

عرسي بشهر 8 بالاردن

انا عراقية ومقيمة في ابوظبي وخطيبي اردني وكمان بابوظبي

والمفروض عرسنا بشهر 8 باربد

بس بعد ماقريت موضوعكم والنقاش اللي صار

عرفت اني مس لاح الحق اعمل اشي

لاني لسى يلا مبلشة اجهز

وبالنسبة لحجوزات العرس

ولا عاملين اشي,, منيح اللي دخلت الموضوع وتنورت معاكم

انا كنت ساكنة بعمان من فترة وحابة اعمل عرسي فيها بس اهل زوجي من اربد واكيد العرس حيكون هناك

بس مش فارقة معي ,, لاني ماعندي قرايب هناك


معلش سامحوني مرة ثانية اني دخلت عرضي على الخط
وربي يتمم عليكم بالخير


ان شاء الله بتشرف بعزيمتكم على عرسي

بس مو ماتعزومني :)


المهم: ياريت لو عندكم اي فكرة عن محلات اربد ,, تفيدوني فيها
او اي شي عن صالاتها

لان خطيبي لسى حيبلش هالفترة يسال عشان يحجز


وربنا كريم ويتمم علينا وعليكو بالخير يارب


على فكرة الاخت رشا انا يمكن عرفتك, اذا والدتك ربنا يرحمها كانت في مستشفى الجزيرة
فانا اكيد بعرفك ,,,
بس رديلي خير اذا هي كانت هناك وانا حعرفك على حالي ,,, لغز


المهم ,.,,,,, انا كثير انبسطت بالحكي اللي قريتو لاني تنورت وتعلمت
وهيك هسه بروح اشحن خطيبي عشان يستعجل الحجزوات

بس اذا رايحين عرس في اربد وعارفين الصالات والصالوانات ياريت ماتبخلون علي باي معلومة ممكن تفيدني

ومشكورات ياحلوات

اهلا و سهلا ببنت الرافدين
ادخلي عرض و طوووول ههههههه خدي راحتك


الله يتمملك على خير يا رب


بالنسبة لاربد رح احاول اشفلك و لا يهمك
ان شاء الله عن قريب بردلك خبر

شكرا لرشا اللي فتحت الموضوع

:shy:

ياربي مااحسنك


شكرا شكرا شكرا


حياتي انا مابدي اغلبك وبعرف انك عروس والدقيقة عندك الها ثمن

بس الحمد لله انه انفتح الموضوع لاني لسى عم ابلش اجهز هون وحاطي ايدي ورجلي بماي باردة زي مابيحكوا

وتاركة موضوع العرس لاهل زوجي’’ بستحي احكي

بس شكلي بدي اصحى معاهم وابلش اسال انا واقرر

لاني مابعرف شو هم حيعملوا

خليني اشارك براي احسن

عشان هيك انا بس بدي فكرة عن الصالونات ومحلات تاجير الروب اللي بيكون فوق بدلة العرس المفتوحة ,, مش عارفة شو اسمه بالضبط عشان عرسي مو مختلط واكيد بس يدخلوا اهلة لازم اغطي فوق البدلة وشعري

وكمان الصالونات باربد ومحلات الورد

وشكرا شكرا شكرا
الك


ربنا يتمملك على خير يارب

واذا ناقصك اي شي مكياج او عطور ترى هون في ابوظبي في اشياء حلوة وانتي تامرين امر

مع السلامة

ولا يهمك يا قمر

انا موزعة وقتي كويس
و صدقي ما بعرف شو الهدوءاللي ربنا منزله علي


بس ان شاء الله و اقدر اجيبلك الاشيا اللي طلبتيها و ما اخيب املك


ما بتقصري يا قمر
كلك ذووووووق

انبسطي أحلى الكلام ، هاي إجت عروس معنا، صرنا تلاتة .. :salam:

هلا بنت الرافدين، نورتينا :flower: ، أنا وأحلى الكلام داقين روسنا ببعض، ولا كأنو إلنا دخل بالمنتدى ..

انا ماما قعدت بمستشفى الجزيرة فترة، وقعدت بعنبر الكلى فترة، وقعدت تغسل قريب السنتين

(بسألكم الفاتحة والدعاء لها بالرحمة والمغفرة)
الله يرحمهـــا :(

حببتي، إنت ما اتأخرت ولا شي، قدامك 4 شهور لسه، بتلحقي ترتبي أمورك كلها، بس إحنا عم نستعجل مشان ما نزنق حالنا بالوقت (o) ،،

أنا بصراحة ما عندي فكرة أبدا عن إربد، أنا عمان يالا يالا بعرفلها، وهي أحلى الكلام ما عم بتقصر معي، جزاها ربنا ألف خير .. (f) (f) (f)

هلا بالعرايس

ربنا يتمم علينا بالخير يارب


اخت رشا: انا عرفتك لان والدتي دخلت فترة المستشفى وكان عندها مشاكل بالمرارة والكبد بعد عملية المرارة
وكانت جنب سرير والدتك ربنا يرحمها
ماما كانت العراقية اللي جنبها

وانا اظن اني شايفتك او اختك ,
مش عارفة بالضبط..

المهم انا تشرفت بمعرفتك,,, وربنا يرحم والدتك ويسكنها الجنة يارب


المهم انا صرعت خطيبي من شوي وقتلوا قوم شوف الناس عن تشتغل واحنا لسى
ياحرام قلي ولايهمك كلوا بيتسهل ان شاء الله

والله اني انبسطت اني فتحت الموضوع هذا وشفتكو ياحلوات

ربي يسهل عليكم يارب ويتمم عليكم افراحكم ان شاء الله


واي خدمة انا حاضرة

ههههههههههه يا رشا جد ضحكتيني

احلى عروسات احنا:shy: :gum:


الله يرحم الوالدة و يغفر الها





بنت الرافدين خليكي معنا و ان شاء الله كل شي بيكون متل ما بدك:salam:



بتعرفوا بالعيلة انا العروس الوحيدة هلأ
لاني اصلا بالبيت ما بقي غير انا

و اخواتي 2 مسافرين

ما في غير انا و ماما و اختي متزوجة بس مو بعمان بعيدة :(

و ما كنت احس اني عروس الا لما حكيت معكم هون
الله يسعدكم يا رب

و يتمم للكل على خير

انا كمان شوي طالعة في محل بدلات عرس دلتني عليه حماتي بدنا نروح نشوفه و بالمرة بسال لبنت الرافدين عن الاشيا اللي ط\لبتها

ادعولي ارجعلكم بالسلامة و ما اكون منكدة لو ما لقيت موديلات احطها في بالي لو انزنقت:sad:




ههههههههههه


يلا سلام عروسات الاردن:salam:

والله فكرة حلوة .. راح أشوفلي شركة سياحية لما أنزل بشهر 6 ..

طب أحلى الكلام، بتقدري تعرفيلي إذا ممكن نحجز البرستول بدون بوفيه؟؟

المسؤولة هناك إسمها روشان، لما سألتها عن حجز الصالة والتيراس، أعطتني قائمتين، وحده بـ 23 دينار ، ووحدة بـ 26 دينار، (طبعا شامل الضرائب)، فحسيت إنو نظام الفندق الحجز بالبوفيه، إذا قدرتي إنك تحكيلي معاها، إسأليها عن هالأكمن شغلة:

هل بصير الحجز بدون بوفيه ؟؟
وهل بصير بدل البوفيه نقدم سناك ؟؟
بتعرفي لأنو إذا بصير بدون بوفيه، راح أتعامل مع محل ضيافة، وأقدم صواني شوكولا، وصواني فواكه مجففة، وصواني تمر، طبعا غير العصائر والمشروبات الغازية والقهوة والشاي، وغير الكيك، والكنافة، وراح أعمل توزيعات للمعازيم ..

يا ريت لو بتستفسريلي منها :think:

وإذا بعدك على اتصال بصاحبتك اللي عملت عرسها بالبرستول، استفسريلي منها إذا في عندها تعليقات على الصالة، أو إذا بتنصحنا نعمل شي معين، وإسأليها إذا كانت مقدمة بوفيه ولا لأ ..

بتعرفي أنا أخوي راح على البرستول، وحكالي بتجنن، ما عليها تعليق، بس بتعرفي الشباب ما بنتبهو على التفاصيل متل الصبايا .. :gum:

بالنسبة لصالة سدين، أنا شفتها بموقعهم، كمان حلوة، بس برستول أفخم، بتعرفي، يمكن اللي معطيها فخامة كمان، إنهم فارشينها موكيت غامق طبعا مع الإضاءة والألوان .. :up: يا سلاااام

يا ستي .. في الأخير راح نحجز راح نحجز شو ما كان ..

ان شاء الله السبت بجيبلك الخبر اليقين

واذا عالسناك فيكِ تجيبيه من اي محل مو شرط من الفندق

بس بتطلبي يعملوا سيرفس الو
لان اكيد عندهم الاسعار نااار


صاحبتي الله سهل عليها و هي بالامارات هلأ
و بصراحة كل ارقامها غيرتهم:sad: حتى ايميلها
في ناس بيتغيروا بعد الزواج ما بعرف ليه


خطيبي تأخر:confused: (n)
و مامته بتستنانا

على فكرة .. في محل إسمو روليتا ، في الصويفية، شارع باريس، مجمع حجازي الباير، الطابق الأول ..

بعتلهم كل الخدمات اللي بدي إياها على الإيميل، ردت علي وحدة إسمها رولا،،

بتحكيلي بالنسبة للأسعار ، بكون أحسن لو جيتي على مكتبنا، لأنو عنا أكتر من عرض حسب المزايا اللي بدك إياها، وحكتلي إنو كل اللي طلبتيه موجود :bigsmile:

بيني وبينك معها حق، لأنو مثلا إذا بدي أعمل ديكور للكوشة، بفرق السعر من 100 وردة لـ 1000 وردة، وكمان إذا اتفقت معها على خدمة مش زي لم اتفق على 5 خدمات :qaq:

بس راح أحاول آخد منها فكرة عن الأسعار (حتى لو سعر تقريبي) عن الإشياء إللي ما فيها نقاش، متل : ال DJ والزفة والدبكة والتصوير وإيجار السيارة، لأنو الديكور ما راح أقدر أتفاهم عليه معها عن بعد ..

شو رأيك ؟؟ ولا أأجل الموضوع كله لشهر 6، أنا بصراحة غايتي إني آخد فكرة عن المحلات وأسعارهابس ،،

تروحوا بالسلامة يارب
وان شاء الله تلاقي اشي يعجبك

انا ان شاء الله لاح اخيط فستان العرس هون واخذوا معي الاردن

اختي السنة الماضية اتزوجت عملت هيك

يعني استاجرت بس كانت هي اللي مخيطة الفستان يعني اول وحدة تلبسوا هي

وكمان عشان القياس يطلع مزبوط

ربنا يسهل


مشكورات

أحلى الكلام ، وين خطيبك ؟؟؟ مو بالبلد !!!
ولا عندكم مشوار واتأخر عليكي ؟؟؟

لا مسافر:confused:

باسبانيا:(

عم استناه يدخل عالمسنجر
بعتله مسج
قال هي بالطريق


بس طرقهم مو متلنا يعني ساعتين ليوصل لبيته

و مامته بتستنى امر عليها عشان نروح

حكيتها قلتلها انا ما دخلني
ابنك السبب ههههههههههه
ما خصني:gum:





بنت الرافدين فكرة والله

الله يسلمك حبيبتي

مرحبا يا حلوات :flower:

شو صار معك أحلى الكلام ؟ لقيتي بدلة ولا لسه ؟ خبرينا عجبك شي ؟؟

والله يرجعلك خطيبك بالسلامة :shy:

مرحبا يا عرايس :flower:

بنت الرافدين، أنا عرفتكم، إنتو إجيتو عنا زيارة بعد ما إمي طلعت من المستشفى على بيتنا بالخالدية ..

كيفها إمك، وكيف صحتها، إن شاء الله بخير ومعافيه ..

يالله شو الدنيا صغيرة ..

أمانة تسلملي على إمك كتير السلام، وإن شاء الله بلتقي معكم لما أرجع على أبوظبي..

والله يوفقك يا رب، وألف ألف مبروك (f) (f) (f)

هلا رشا

اهلين فيكي ,,,

على فكرة اللي زارتكم اختي اللي اصغر عني

انا اللي بالوسط,,, اختي الكبيرة اتزوجت وهلا حامل الحمد لله
وانا جايني الدور :)

وامي الحمد لله بخير ,, وانا خبرتها عنك سبحان الله قالت ياربي شو الدنيا صغيرة,,,

انا بتذكر اجيت مرة قدمت عندكم بالشغل,, لمن اجيت مع رانيا (ام رهف) اذا عارفيتها

سلامي الك ولاهلك

حبيبتي يا رشا الله يسلمك

في موديل عجبني

بس قلي استني شوي في موديلات رح توصل قريب


رشا .. بنت الرافدين

بيقولوا جبل و جبل ما بيلتقوا بس بني آدم و بني آدم بيلتقوا

سبحان الله كيف اجتمعتوا بالصدفة

الله يقوم اختك بالسلامة و تجيب الكم بوبو تنبسطوا عليه

من الصبح عم احاول احكيلك مع البريستول رشرش و بيحولوني و بيلطعوني.. رح ارجع احاول بعد الظهر و اذا ما ردوا بمر عليهم

شيكي الخاص بنت الرافدين رح ابعتلك كم رقم


سلام يا عرايس

تسلمي ياغالية

غلبناكي معنا


الله يباركلك

عرفتك، والله والله عرفتك :idea:، أول مرة شفتك فيها كانت بالرحلة اللي طلعناها مع المكتب، أهلا وسهلا حبيبتي،،

هلا رانيا بتكون مبسوطة كتير إنك خاطبة على أردني، زي ما أنا مبسوطة .. صرتي منا وفينا (y) ..

الله يوفقك يا رب :flower: ..

:shy: هلا أحلى الكلام، ريتك سالمة يا رب .. أنا مغلبتك معي والله ..

على فكرة أنا عندي تليفون روشان (t) ، بس المشكلة ما عم بقدر أبعته على الخاص، كان ريحتك..

شو بدي أحكيلك ..
في وحدة في منتدى تاني اختارت فستانها العرس من محل النفيس، حلوو كتير :up: الفستان،،
كتبتلنا اسم الموقع، ودخلت اتفرجت على الفساتين اللي عنده، عجبوني فستانين للسهرة، وحوالي أربع فساتين للعرس، بس ما عندي فكرة عن أسعارهم، بس على حسب ما اسمعت من البنات إنو أسعار المحل غالية :sad: ، والله أعلم..

بس انبسطت (r) لأني أخدت فكرة عن الموديلات اللي عنده، تقريبا كلها نفس الفكرة، (بدون شيالات وبذيل طويل)، ما بعرف إذا بلبقولي :think: ، إجمالا الفساتين اللي بذيل، حلوين علي لأني طويلة، واللي بخصر، كمان بطلعو حلوين، لأنو خصري رفيع، بس أنا كتافي عراض وضعاف (الله وكيلك متل عارضات الأزياء) ، مش عارفة إذا راح تلبقلي الفساتين اللي بدون شيالات .. :gum: بس إذا كان ولا بد، بركب للفستان شيالات ..

(*) المهم .. شو صار معك إنتي على هوا الفساتين، إن شاء الله اتوفقتي ؟؟

(8) ديري بالك، وخبرينا شو بصير معك أول بأول :flower: ..