السلام عليكم ورحمة الله وبركاته
بنات، انا موعارفه ليش اكتب اللحين، بس يمكن لاني تعبت وانا احط بقلبي، تعبت وايد..
ماادري هل انا انسانه مغضوب عليها، عشان تصيرلي كل هذي المشاكل ولا ايش..فعلاً تعبت ومولاقيه حل..
عايشه في بيت اهلي ومتحمله كل ظلم قاعده القاه فيه، تخيلوا ياناس ان الانسان عقب يوم حافل ومتعب يرجع البيت بس عشان يبكي كل يوم ،ويتنكد وينظلم من اقرب الناس له..
ابوي متوفي من 17سنة يعني كان عندي 8 سنين، تركنا بخير ولله الحمد وحالتنا الاجتماعية وايد زينه، لكن للاسف مش متهنيه بأي شيء..
اخواني مثل عدمهم، مافي اهتمام، مافي مراعاة، ولافي احساس بالمسؤلية .. بس يتدخلون اذا جاه الواحد يخطبك يطلعون فيه مليون الف مشكله بس عشان ينرد، وانا صابرة وساكته ..
عندي 2 من اخواني ساكنين معانا بالبيت وتزوجوا ،على انه بيتنا كبير وواسع لكن تخيلوا طلعونا من غرفنا وخذوا القسم العلوي كله وخلوني انا وامي بغرفه، ناهيكم ان خواتي لمن يجون ينامون فيها، يعني الغرفه وانتوا بكرامة مثل الزباله...متحمله هذي الوضعيه 10 سنين ، ومتحمله كل الازعاج والمضايقات اللي كانت تجيني في احرج لحظات حياتي الدراسية، خاصة ان دراستي كانت صعبه، تحملت، وتحملت كل شي..
اللي زاد همي هم..هو مرض امي من سنة تقريبا صابتها جلطه ، ومحد تحمل فيها غيري، كانت بين الحياة والموت بالمستشفى، واحنا نترجى واحد من اخواني انه يسفرها معاي على الاقل للرياض، تخيلوا ايش الحجه، واحد قال انا مااقدر اتحمل بثلاث مرضى بنتي وزوجتي وامي بعد، مع اني قلت له مابي منك شي سواء تكون لي محرم وانا اللي بتكفل بكل شي، ورفض، وقلت للثاني قالي لا انا مااقدر اخلي عيالي باللليلة العيد،، تخيلوا هذا الرد وامكم بين الحياة والموت، والله القهر وصل حده معي، وماعدت اشوف غير الكره لهم,,وسكت وحطيتها بقلبي الين امي سوت العملية والحمدلله انها نجحت في البلاد،،وظلت امي بعدها مثل المقعده لمده سنة وزود، وانا الوحيده اللي كنت معها وعايشة كل لحظة مأساوية كانت تصير، وكنت بعد متحمله، الين انا كنت مضطرة للسفر الى باريس لاني كنت بعالج لشي..ويمكن الله مارزقني اخوان يسألون عني او حتى يحطون بالهم علي لكن الله رزقني ولد اخوي وهو اللي تكفل بالسفر معي الله يجزاه خير..وسافرت وسويت العملية..ورجعت، ولاواحد من اخواني فكر حتى يتصل ويقولي الحمدلله على السلامه، وحطيتها بقلبي وسكت، تخرجت من الجمعة وانا منتظره احد يقولي الف مبروك، كمان مافي احد قالها وانا في امس الحاجه لحنانهم ولو لمرة، كمان سكت,,,
لكن اللي فجر غضبي كله، انه بعد مارجعت من السفر بعد كم يوم زوجات اخوي يتهجمون على امي المريضة ويتهاوشون معها لدرجة اني قمت من نومي على صراخهم، هذا اللي خلاني موقادرة اتحمل، وسكت، وقلت حق امي ان الانسان اللي مش متربي مافي داعي تضيعين وقتك بالكلام معه، (والله لوناس غيرنا انا وخواتي كان أدبوهم عدل، لكن لان امي ربتنا على الطيبة اللي مالها حدود والسكوت الدايم) المهم انه بنفس اليوم كنت اسمع امي تقول حاسدين بنتي وكذا ...، سألت زوجة ولد اخوي وقلت لها ايش اللي حاسديني فيه علميني,,,تخيلوا يابنات وش يقولون؟؟؟؟؟
يقولون زوجات اخوي حق زوجة ولد اخوي، انتي شلون تخليني زوجك يروح معاها لحالهم؟؟؟!!!!، كيف ينامون في غرفة لحالهم؟؟!!!!! ليش هي اختارت هالتوقيت اللي فيه المدارس مفتوحه، اكيد لانها ماتبيك تروحين معاهم!!!!!
تخيلوا يطعنون بشرفي مع من !!!! مع ولد اخوي اللي اكبر مني 10 سنين تخيلوا هالكلام ينقال عنكم ، ولو زوجة ولد اخوي عقلها صغير كانت صدقت ، بس مااقول غير حسبي الله ونعم الوكيل،، كل اللي سويته ان قاطعتهم وماكلمتهم، والسبب كلامهم علي وهواشهم حق امي المريضة..
وظليت على هالحال الين طلع واحد من اخواني من البيت وسكن برة..قلنا له انه نبي غرفته، لانه نبي نتوسع، انا وامي بغرفه، وخواتي 4 اللي تجي من برة مع عيالها ويبون لهم مكان ينامون، واللي تولد وتبي تتنفس عندنا، يعني على الاقل اعطينا الغرفة اللي في الاساس كانت لنا دامك انت توسعت برة،،، قال لا وانا وين نصيبي من البيت يعني، وين اقعد مع عيالي لمن نجي؟؟؟!!!!!
تخيلوا هذا الرد!!!
وامي موراضية تسوي اي شي، وحتى يوم قلت لها انا بشتري بيت جديد عييت وقالت لا...
تخيلوا يابنات انا تعبت والله...رفضت اتزوج برة ديرتي كله علشان مااخليها ولا ابي احد يكدر عليها وانا برة، خاصة ان اخواني ناس ماتتعاشر ولا يبين بعينهم، وهم راح يطلعون من البيت وخفت اخليها لحالها...فوق هذا كله ماتبي تريحني، وعلى طول خايفه على زعلهم..اهم شي هم وبس..
وانا بطقاق..
تعبت ياناس لا ني متوفقه بتوظيف، ولا دكتورتي بالجامعه مستوليه على بحثي ولاتبي تعترف اني انا اللي مسويته، والزواج اهلي يطلعون الف عله وعله باللي يجي الين يطفش ..موحاسين حتى لمن اشوف بيبي كيف اتمنى انه يكون عندي واحد...
تعبت والله احس اني بموت ...ولاعندي حل..
سامحوني لاني طولت عليكم,,,
ادري انكم مش ملزومين تسمعوني...لكن ماقدر ت امسك نفسي وانا اكتب لاني حاسه بجمر ياكلني وقلبي مفطور...
ابي دعائكم الله يرحمنا وياخذ حقي من كل انسان ظلمني وافترى علي...ويفرج عليها ويسرلي امري...
بنات، انا موعارفه ليش اكتب اللحين، بس يمكن لاني تعبت وانا احط بقلبي، تعبت وايد..
ماادري هل انا انسانه مغضوب عليها، عشان تصيرلي كل هذي المشاكل ولا ايش..فعلاً تعبت ومولاقيه حل..
عايشه في بيت اهلي ومتحمله كل ظلم قاعده القاه فيه، تخيلوا ياناس ان الانسان عقب يوم حافل ومتعب يرجع البيت بس عشان يبكي كل يوم ،ويتنكد وينظلم من اقرب الناس له..
ابوي متوفي من 17سنة يعني كان عندي 8 سنين، تركنا بخير ولله الحمد وحالتنا الاجتماعية وايد زينه، لكن للاسف مش متهنيه بأي شيء..
اخواني مثل عدمهم، مافي اهتمام، مافي مراعاة، ولافي احساس بالمسؤلية .. بس يتدخلون اذا جاه الواحد يخطبك يطلعون فيه مليون الف مشكله بس عشان ينرد، وانا صابرة وساكته ..
عندي 2 من اخواني ساكنين معانا بالبيت وتزوجوا ،على انه بيتنا كبير وواسع لكن تخيلوا طلعونا من غرفنا وخذوا القسم العلوي كله وخلوني انا وامي بغرفه، ناهيكم ان خواتي لمن يجون ينامون فيها، يعني الغرفه وانتوا بكرامة مثل الزباله...متحمله هذي الوضعيه 10 سنين ، ومتحمله كل الازعاج والمضايقات اللي كانت تجيني في احرج لحظات حياتي الدراسية، خاصة ان دراستي كانت صعبه، تحملت، وتحملت كل شي..
اللي زاد همي هم..هو مرض امي من سنة تقريبا صابتها جلطه ، ومحد تحمل فيها غيري، كانت بين الحياة والموت بالمستشفى، واحنا نترجى واحد من اخواني انه يسفرها معاي على الاقل للرياض، تخيلوا ايش الحجه، واحد قال انا مااقدر اتحمل بثلاث مرضى بنتي وزوجتي وامي بعد، مع اني قلت له مابي منك شي سواء تكون لي محرم وانا اللي بتكفل بكل شي، ورفض، وقلت للثاني قالي لا انا مااقدر اخلي عيالي باللليلة العيد،، تخيلوا هذا الرد وامكم بين الحياة والموت، والله القهر وصل حده معي، وماعدت اشوف غير الكره لهم,,وسكت وحطيتها بقلبي الين امي سوت العملية والحمدلله انها نجحت في البلاد،،وظلت امي بعدها مثل المقعده لمده سنة وزود، وانا الوحيده اللي كنت معها وعايشة كل لحظة مأساوية كانت تصير، وكنت بعد متحمله، الين انا كنت مضطرة للسفر الى باريس لاني كنت بعالج لشي..ويمكن الله مارزقني اخوان يسألون عني او حتى يحطون بالهم علي لكن الله رزقني ولد اخوي وهو اللي تكفل بالسفر معي الله يجزاه خير..وسافرت وسويت العملية..ورجعت، ولاواحد من اخواني فكر حتى يتصل ويقولي الحمدلله على السلامه، وحطيتها بقلبي وسكت، تخرجت من الجمعة وانا منتظره احد يقولي الف مبروك، كمان مافي احد قالها وانا في امس الحاجه لحنانهم ولو لمرة، كمان سكت,,,
لكن اللي فجر غضبي كله، انه بعد مارجعت من السفر بعد كم يوم زوجات اخوي يتهجمون على امي المريضة ويتهاوشون معها لدرجة اني قمت من نومي على صراخهم، هذا اللي خلاني موقادرة اتحمل، وسكت، وقلت حق امي ان الانسان اللي مش متربي مافي داعي تضيعين وقتك بالكلام معه، (والله لوناس غيرنا انا وخواتي كان أدبوهم عدل، لكن لان امي ربتنا على الطيبة اللي مالها حدود والسكوت الدايم) المهم انه بنفس اليوم كنت اسمع امي تقول حاسدين بنتي وكذا ...، سألت زوجة ولد اخوي وقلت لها ايش اللي حاسديني فيه علميني,,,تخيلوا يابنات وش يقولون؟؟؟؟؟
يقولون زوجات اخوي حق زوجة ولد اخوي، انتي شلون تخليني زوجك يروح معاها لحالهم؟؟؟!!!!، كيف ينامون في غرفة لحالهم؟؟!!!!! ليش هي اختارت هالتوقيت اللي فيه المدارس مفتوحه، اكيد لانها ماتبيك تروحين معاهم!!!!!
تخيلوا يطعنون بشرفي مع من !!!! مع ولد اخوي اللي اكبر مني 10 سنين تخيلوا هالكلام ينقال عنكم ، ولو زوجة ولد اخوي عقلها صغير كانت صدقت ، بس مااقول غير حسبي الله ونعم الوكيل،، كل اللي سويته ان قاطعتهم وماكلمتهم، والسبب كلامهم علي وهواشهم حق امي المريضة..
وظليت على هالحال الين طلع واحد من اخواني من البيت وسكن برة..قلنا له انه نبي غرفته، لانه نبي نتوسع، انا وامي بغرفه، وخواتي 4 اللي تجي من برة مع عيالها ويبون لهم مكان ينامون، واللي تولد وتبي تتنفس عندنا، يعني على الاقل اعطينا الغرفة اللي في الاساس كانت لنا دامك انت توسعت برة،،، قال لا وانا وين نصيبي من البيت يعني، وين اقعد مع عيالي لمن نجي؟؟؟!!!!!
تخيلوا هذا الرد!!!
وامي موراضية تسوي اي شي، وحتى يوم قلت لها انا بشتري بيت جديد عييت وقالت لا...
تخيلوا يابنات انا تعبت والله...رفضت اتزوج برة ديرتي كله علشان مااخليها ولا ابي احد يكدر عليها وانا برة، خاصة ان اخواني ناس ماتتعاشر ولا يبين بعينهم، وهم راح يطلعون من البيت وخفت اخليها لحالها...فوق هذا كله ماتبي تريحني، وعلى طول خايفه على زعلهم..اهم شي هم وبس..
وانا بطقاق..
تعبت ياناس لا ني متوفقه بتوظيف، ولا دكتورتي بالجامعه مستوليه على بحثي ولاتبي تعترف اني انا اللي مسويته، والزواج اهلي يطلعون الف عله وعله باللي يجي الين يطفش ..موحاسين حتى لمن اشوف بيبي كيف اتمنى انه يكون عندي واحد...
تعبت والله احس اني بموت ...ولاعندي حل..
سامحوني لاني طولت عليكم,,,
ادري انكم مش ملزومين تسمعوني...لكن ماقدر ت امسك نفسي وانا اكتب لاني حاسه بجمر ياكلني وقلبي مفطور...
ابي دعائكم الله يرحمنا وياخذ حقي من كل انسان ظلمني وافترى علي...ويفرج عليها ويسرلي امري...
