ماكتبت إلا لأنه فاض بيني الكيل..

الله يجزاكم خير يارب...
ويسر امركم...
والله ينتقم من كل ظالم يارب...

حبيبتي الله يبتلي المؤمن عشان يشوف صبره..................وانتي لازم تصبرين وتدعين ربج وان شاء الله يجيج الفرج من ربج..............وحبيبتي مافي ام يهون عليها ضناها هيه اكيد تحبج بس بعد هذيلا عيالها................ولو هم جحدوا فيها هيه مستحيل تتركهم............لاتنسين هذا قلب الأم.................وصدقيني الله يمهل ولا يهمل....................وانتي سامحيهم وحقك عند رب العالمين................واجرج عند رب العالمين...................ولاتنسين تقربي من ربج.................راح تحسين براحه كبيره ان شاء الله.....................والله يفرج عليج وعلى بنات المسلمين يارب

انسه فله

الله يجزاك خير يااختي...
بس يااختي هم تزوجوا وفتحوا لهم بيوت واسرة وامورهم مستقرة بنخاف عليهم من ايش؟؟
اختي انا اللي مظلومه بينهم، لايرحمون ولايخلون رحمة الله تنزل..امي عودتهم انهم هم الكل بالكل بالبيت، واي شي مايبونه حتى لوعلى مصلحتنا يستوي،، يااختي هذا مافيه ظلم..انا موبنتها؟؟؟ماني يتيمة الاب اللي يحميني من هذولا الاخوان، والله ثم والله ان ابوي على شدته بحياته عمره ماكسر بخاطر بنت من بناته...
الحمدلله على كل حال...
مالي غير الصبر ...الله المستعان...

الله يعينج ويصبرج وان شاء اللله في ميزان حساناتج

يا الله كيف الناس غدت تفكر يتهمون الانسان في أعز شئ عنده.....في شرفه.....الله المستعان ول بعد في أشياء ما يتصورها العقل.... وهذيلا عقابهم عند الله شديد لأنه هذا اللي يسمونه القذف

والله يصبرج ويرزقج باللي خاطرج فيه ان شاء الله

الله يجزاك خير يابسمه وينولك كل خير..
للاسف يااختي..شوفي من من القذف من ناس قريبه...ومع مين يقذفوك مع ولد اخوك اللي انتي عمته، شوفي التفكير السطحي وين نزل فيهم..
مااقول غير حسبي الله ونعم الوكيل فيهم..
موكافي غيروا اخوانا علينا...فوق هذا كله بعد موراضين يتركونا بحالنا...
لااله الا انت سبحانك...

السلام عليكم..

اعرف ان محد عايش مشكلتج هذي الا انتي وانتي تحسين بالقهر كل يوم..

بس تصدقين يمكن الله مختارج من دون الناس كلهم انج تكونين من اهل الفردوس الاعلي عشان كذا مبتليج انتي من دون خواتج وصدقيني اخوانج بصير لهم نفس الي صاير لج ولامج يعني ماراح يضيع حقج وزوجات اخوانج نفس الشي اهم في قرارت نفسهم عايشين حياة كلها ضيق وكدر بس مايبون يبينون وانتي اتشوفينهم انهم عايشين بسعادة..

صدقيني ان الله يمتحنج ويبتليج بس انتي اصبري وصدقيني ادري انج اتقولين اني مب حاسة فيج بس والله حاسة بكل كلمة اتقولينها..

لو تبين نصيحتي صج عليج بقيام الليل وانج تكثرين الالحاح على الله انة يهدي اخوانج " عشان تكونين سبب هدايتهم "..

وخلي امج دايما تدعي لج ان الله يوفقج وين ما كنتي..

صدقيني في ناس عايشين حياة صعبة اكثر منج بس تقربهم لله بقيام الله..

اما زوجات اخوانج اذا كنتي تبين تقهرينهم قولي لهم " ما اقول الا كما قال ابراهيم حسبي الله ونعم الوكيل "

واحنا عندنا مثل ينقال " اذا حبيت عذابة قلل جوابة "..

اما من ناحية الزواج لو مكتوب لج نصيب فراح تاخذينة ومحد يقدر يردة..

اكثري من قراءت القران " لان اهل القران اهل الله وخاصتة " والصدقة وتكون خالصة لوجة الله وقيام الليل واهم شي سورة البقرة تقرينها كل يوم او اقل شي تشغلين شريط " كل يوووووووووووووووم " ..

وان شاء الله ما بننساج من دعائنا وراح اذكرج ان الله يحبج لانج ان شاء الله بارة بامج ..

فديتج والله حبيبتي

صج عورتي قلبي

بس استحملي ترى انتي ماتعرفين هااي اجر لج كبير عن ربج

انشالله الله مايترك حد وبيعوضج خير صدقيني

كفايه تحملج كل هاي وقومة بامج والله يهون عليج ويصبرج ويرزقج بولد الحلال اللي يعزج ويرزج وتتعدل اموركم كلها يارب

وتلومـــ فيك ـــني

جزاك الله خير يااختي..
كلامك برد على قلبي المحروق...
لا يوجد بالدنيا شيء يبرد على القلب مثل القرآن..
وراح آخذ بنصيحتك ان شاء الله ونصيحة اخواتي الله يجزاهن خير...
والله حسيب كل إنسان..


وجدان الشوق

الله يجزاك خير يااختي على دعائج الطيب...

الله يجزاكم خير يابنات..والله غاليات .. وكلامكم برد على قلبي...

والله ياخذ حقي إن شاء الله..إذا ماكان بالدنيا بالآخره..
الحمدلله على كل حال

الله يفرج همك ويجزيكي خير على صبرك خلي في بالك شي ان الله ما بيضيع حقك لأنك انسانة بارة في امك وما في مثل بر الوالدين اذا ما اليوم بكرة واذا ما بكرة اللي بعده يعني رح يجي اليوم اللي رح تشوفي فيه شرارة الأمل وتتذكري ان الله عوضك عن تعبك مع امك و بالنسبة لأخوانك اعتقد ان الله ما رح يوفقهم بشي ابدا ورح يجي يوم بتشوفيهم منذلين حالك وحال امك يريدو العفو السماح لأن الدنيا تدور على الانسان وما تبقى على حال ............و بالتوفيق

حالتج صعبه ..والله احس بصيحه من الي يصير فيج وف الوالده الله يخليها لج ان شاءالله
تحملي صبري مب عشانهم عشان امج ..ولا تزعلين عليها اذا تبي رضاهم على كل الي يسونه فيها مهما كانت هذا ام مستحيل تكره عيالها 00 ومن كلامج حسيت انج شايله على امج انها تدور رضاهم ومثل ما تقولين انا بالطقاق انتي ليش تحسين امج ما تبي رضاج بالعكس

الله بيعوضج خيييييير ان شاءالله .. والله انه فيج الخير لمراعاة امج .. وزوجات اخوانج انا اشوف ما تسكتين عنهم لو رفعوا صوتهم على امج حتى لو امج ما رضت انج توقفين بويهم.. مهما كان امج بحاجه لرعايه ومحتاجه ناس تخفف عنها مب تزيد اوجاعها يكفي الي فيها

حبيبتي اولا حظك بالأجر اي بتلاقينه برعايتك لامك والله مسخرك لها

من ناحية تعاملك مع حريم اخوانك غلط هذي مو طيبه هذا ضعف فيه قاعده امشي عليها لان احنا كنا كذا مع حريم اخواني اللي مدللين بالبيت لحد ماتمادوا وسكتنا اكثر من مره واخر مره طفح فيني الكيل على اني اصغر خواتي واللي محد توقع رده فعلي واول مره اعصب مسكتها ووقفتها عند حدها سمعتها كل تصرفاتها وانا خلاص مانتحمل تصرفاتك ياتمشين زي الناس ولا لأ انتي فبيتك واحنا بيتنا علمتها لازم تحترمنا زي محنا محترمينها وزعلت فتره وماسألنا فيها وهذي هي بالاخير مشت صح صارت تحسب حساب كلامها وتصرفاتها تدري انا صرنا مانسكت عن الغلط..
وعرفت انها خربت على نفسها وخافت تخسر طيبتنا..


( انا معاك كوني طيبة بس لا احد يدوس على طرفك بكره يدعس على راسك)


انتي لما سكتي تمادوا لدرجة الاتهام ..

اخوانك كلميهم مره ثنتين ثلاث مليون لحد فكل شي تلاحظينه من تصرفاتهم اومن تصرفات حريمهم

لاتطفشين خلي هم يطفشون من تصرفاتهم ويبطلونها

ودام الله مسخر لك ولد اخوك ماعليك منهم

وادعي دايم ان الله ييسر الحال

والله يوفقك وييسر لك الزوج الصالح

وكل ماضاقت هذا دليل انها قربت تفرج بأذن الله


كوني قووويه ما اقول شريرة لا قويه دامك على حق لحد يهمك

الطاووس الليلكي


الله يجزاك خير يالغالية..

وان شاء الله يارب تفرج...الله كريم..


***

نفسي يوم السوم غالي ثمنها

جزاك الله خير....
اختي انا موشايله على امي، ولا ابيها تكره عيالها، لكن لازم توقفهم عند حدهم..
لازم يااختي كل انسان يعرف حقوقه وواجبته..مايصير تزرع فيهم الانانيه هذي، والا متى، كله على حسابنا..لكن مااقول غير شي واحد...انانيتهم هذي راح ترجع عليهم بعيالهم...


***

غروووب

الله يجزاك خير يااختي...

صدقيني يااختي موضعف، وانا ماسكت عنهم خوفاً منهم..
للاسف يااختي امي ماترضى تخلينا نقول كلمه وحده بس، حتى يوم كانوا محاربينها ومايكلمونها، كانت اذا صار شي بالبيت تسكتني وتكمكمني تقولي اسكتي وتهاوشني كله عشان خاطرهم على كل اللي يسونه فينا، حسبي الله ونعم الوكيل ان شاء الله يكفي فيهم ...

استغفر الله...
الله يعين..

ياعمري عليك

والله حسيت فيك وبمشكلتك

اختي لا تهاوسين احد لامن اخوانك ولا من زوجاتهم
لان اللي فهمته منك راح ينقلب ضدك ولا راح احد يوقف معاك
قولي لهم بس حسبي الله ونعم الوكيل
صدقيني هذي الكيمه كفيله بتحطيمهم وتخويفهم وهو الرد المناسب

اما انتي صدقيني وثقي ان الله بيعوضك على صبرك وعلى برك
ماشاء الله عليكي باره وصابره
وادعي اخر الليل
ولاتنسي ان دعوة المظلوم ليش بينها وبين الله حجاب
وهي دعوه مستجابه
وامك ياعمري عليها صدقيني تلقينها شايله همك
بس قلب الام دايم مع اولادها
وصدقيني تسكت ماتبي مشاكل اكثر
ومابيدها شئ
لو كانت بتوقفهم كانت وقفتهم من الاول مو يوم كبروا
بكره راح يرد الله لهم جزائهم ان شاء الله
السعيد من يضحك بالاخر
والايام كفيله بامن تكشف اللي متخبي
ماعليك بهالحاله الا الدعاء وربي بفرج همك ان شاء الله
ولاتنسي دعاء
(اللهم اجعل لي من كل هم فرجا ومن كل ضيق مخرجا ومن كل بلاء عافيه)
والله يفرج همك
ويرزقك بالزوج اللي يعوضك عن كل شئ

الله يصبرج اختي على هالمصيبه الي انتوا فيها
ويعينج يارب

حبيبتي انا من رايي ان في ناس ينسكت عنها وهي روحها في النهايه تحس
ولكن في ناس للاسف ماتي الا بالعين الحمره

حبيبتي اشوف انج سكتي بما فيه الكفايه.. حاولي وياهم بالقوه خلي حد كبير يدخل
هم ليش متامدين لان يشوفون مافي سند لكم بس انتي سند الوالده ان شاالله
دامنج على حق لاتخافين وربج وياج حبيبتي

مابغي اسوي فتن ومشاكل
بس الجاي للمحكمه او النيابه واشرحيلهم الوضع الي انتوا فيه ان كلكم اتمون في حجرة وحده وهم متهنين في البيت
يعني ان شاالله حاول في طريقة ثانيه لو تحسين انها ماتنفع
لان اختي لازم تتحركين وتوقفينهم عند حدهم


واسمحيلي لو ضايقج كلامي

مرحبا اختي ما اعرف شو اقولج بس عليج بالاستغفار

والله يصبرج ويعوضج خير ان شاءالله

والله يفرج همج وهمي انا بعد

القلب المعطاء


جزاك الله خير..
وكلامك في محله...
والله عليهم...

لك الف شكر على دعائك...


****
Pinkish__Dream

جزاك الله خير...

بس مهما كان مااقدر اسوي هالشي..
في النهاية أهلي ومستحيل أعرضهم للشيء هذا...
مهما سوا بيني في رب العالمين فوقهم يحاسبهم...لكني مستحيل اسوي هالشي...

الله يجزاك خير...


****


الدانة...

دعاء أروع من الرائع...

أثلجتي صدري يالغلا بدعائك..
وأرحتيني...


الله يجزاك الجنه..وينولك كل خير...ويسر أمرك

الله يفرجها عليكمو يشفي الوالدة


وحقج ما راح يضيع ... اصبري ولج الاجر ان شاء الله

حسبي الله ونعم الوكيل 000
اكثري منها

الصبر000


الصبر000


الصبر000 لاحول ولا قوة إلا بالله

الله يوفقج يارب ..
ويبعد عنج كل ظالم وحاسد وحاقد ..

وإن شاء الله ربي يرزج بالزوج لصالح .. اللي ينسيج هالعذاب كله وهالهم والنكد ..
وتعيشين سعيده ..:)
يااارب ..
إصبري وإن شاء الله صبرج فرج لج ..