أبوي طردني من البيت أنا وولدي وين أروووح يا ناس ...

أتمنى ما تزعلين من كلامي ، لأني راح أتكلم بكل صراااحة :) ،

وصدقيني ما تكلمت إلا لأني أتمنى لج الخير :) ،

طبعاً إحنا ما عرفنا ليش تصرف معاج الوالد بهذا التصرف ( وهو الطرد ) ،

لأنج قطعة منه ، ولا يتصرف الإنسان هالتصرف إلا بناء على سبب قوي وقوي جداً << لذلك نصيحة راجعي

نفسج وشوفي إنت شنو سويتي بحيث خليتي أبوج يتصرف معاج هالتصرف !!

وتذكري قول الله تبارك وتعالى ( إن الله لا يغير ما بقومٍ حتى يغيروا ما بأنفسهم ) ،،

بالنسبة لرجعتج لزوجج ما أنصحج ترجعين له إنت ، ولا أنصحج تقولين له عن تصرف أبوج معاج

لأنه إذا زوجج عرف بيعذر نفسه عن أي تصرف شين بيتصرفه معاج ،

وبيقول هذه ما وراها سند ولا ظهر !! ،،

وحاولي تتغيرين وأثبتي هذا التغير طبعاً التغير الإيجابي :) ، بحيث تخلين زوجج يطلب إنج تردين

له وكرامتج محفوظة ،

باختصار :

- مهما والدج تصرف معاج بأي تصرف بيظل والدج ، حاولي تتقربين منه وتعرفين سبب تصرفه

مع إني متأكدة إنج تعرفين السبب ، واعتذري منه وطيبي خاطره بكلمة طيبة تمتصين فيها غضبه ،

- ديري بالج يسمع زوجج عن تصرف والدج ، نصيحة نصيحة لا يسمع ولا يدري بهذا التصرف ،

- حاولي تتغيرين طبعاً التغير الإيجابي ، اقعدي مع نفسج وراجعيها وعيدي حساباتج مع نفسج

وشوفي شنو سلبياتج وشنو إيجابياتج ، وترى هذه المحاسبة كلنا نحتاجها سواء غلطنا وإلا ما

غلطنا ،

- لا ترجعين لزوجج ، خليه اهو يحس ويشعر ويعرف إنج تغيرتي فعلاً ، ويجي ليما عندج وهو يدل

مكانج ويطلب ترجعين له وإنت معززة وكرامتج محفوظة :) ،،

والله يوفقج وييسر أمرك ويشرح صدرج ويهدي والدج ويسخر زوجج لج ، آمين يا رب ،،

(f)