أبوي طردني من البيت أنا وولدي وين أروووح يا ناس ...

انا كاتبه المشكله فالمنتدى من قبل ....




أنتي وريلج بينكم مشاكل وبسبب هالمشاكل سرتي عند أهلج وهو طبعا ما يدري عنج ولا يسال

عنج وعندج ولدج عمره 6 شهور ولنه ريلج ما يبغي يشوفج ولا يكلمج يسير يرمس حد من أهلج

يقولهم ابغي آخذ الولد وياي وبرده اليوم الثاني انتي طبعا ما راح ترضين انه ولدج يرقد بعيد عنج

وبتقوليله تبغي تشوفه وتيلس وياه أوكي ما عندي مانع ب تخليه يرقد عندك لا طبعا هو بيعصب

واليوم الثاني بيتصلون عليج من المحكمه بيخبرونج انه ريلج سار اشتكى عليج لنج ما تخلينه

يشوف ولده طبعا المحكمه ما راح ترضى انه ولد عمره 6 شهور يرقد بعيد عن امه وبيسموحن له

انه يشوفه مرتين ف الأسبوع مدة 4 ساعات وبتعدي هالسالفة ......

وعقب أسبوعين من هالسالفه يدق ريلج على أخوج ويقوله انه اخوه الكبير المحترم شافج بالسوق

وأنتي كاشخه ومتعدله ومب مغطيه ويهج ومن كثر الميك أب اللي حاطته ما عرفج وأنتي بهالوقت

اللي يقول عنه يالسه عند أهلج وبيت أهلج بمدينه ثانيه والمكان اللي شافج فيه بينج وبينه ساعه

ونص عسب توصلينه يعني هو ساير السوق عسب يطالع بنات الناس منو مسويه ميك أب أكثر عن

الثانيه وحرمته وياه !!!!

يعني يتكلمون عنج جدام ريلج ويألفون قصص عليج عسب يشك فيج !!!!!!

ياربي موضوعش صعب

طيب دقي على زوجش وقولي له انك وحشتني وعادي تتأسفي له من دون ماتبينين له المشاكل اللي صايره من بينش وبين ابوش

حاولي اتبينين له ان 3 شهور وايد وان المفروض الامور تنحل يعنى لمتى بنظل كذا

وحاولي تلينين قلبه ويردش ووياه تقدرين تغيرين اسلوب حياتش وتعيشين من دون مشاكل ان شاء الله

تعباااااااااااااااااااااااااااااااااااااااانه يا ناس


والله ميته من القهر

اسأل الله الكريم ان يفرج همك ياقلبي

ياما حسينا بالشك وياما سمعنا اقوال من ناس ..

بس انتي خليك مثل اللي يقول ( ياجبل مايهدك ريح )

حبيبتي ..

اصبري وصابري علشان الولد ..

واكيد ان زوجك في مميزات حلوه ثانيه

تذكري حسناته وانسي مساوئه

تذكري انه بهالدنيا كلها محد مرتاح

تذكري انك بنعمه عند غيرك اللي بالمستشفيات بين الحياه والموت واللي مو دارين عن الدنيا

تذكري ياقلبي الجنه ..

الجنه..

يبليها عمل شاااااق .. ويااابخت من بات مظلوم ولا بات ظالم

الجنه ماتجي بسهوله ياقلبي

تذكري .. ( الكاظمين عن الغيظ والعافين عن الناس ) وش منزلتهم ..

حبيبتي

والله اني اشوووف مشكلتك الحمدلله سهله دامها بس شك من قبل اهل الزوج ..

يعني زوجك اكيد يحبك ..

حبيبتي

تقربي منه اكثر واكثر

صدقيني اسهل شئ تربيه الرجال .. والله انها اسهل من تربيه الاطفال

الرجال تقدرين تضحكين عليهم بلبس .. بكلام دلع .. بـ .. بــ ..

ضاق صدري من موضوعك

لاتقولين ابوي طردني ..

حنا بالاخير ضيوووف عند اهلينا .. وبيتنا الحقيقي هو بيت ازواجنا ..

طمنيني عنك ياقلبي ..

وعسى ربي ياكريم يبدل همومك افراح ياااااارب

اختي ابوج مبين سوى هالشي عشان يجبرج تردين لريلج
أكيد هو ما يباج (لا سمح الله تطلقين) وعارف انه لو راغج
ما بيكون لج مكان غير بيتج.......ويمكن هو يشوف انج معانه
في سالفة رجوعج

تدرين شو تسوين؟؟ قولي حق ابوج انج تبين تردين لريلج
بس ما تبين تردين من نفسج عشان ما يتم ريلج يعيب عليج
عشان رديتي بروحج وانج تبين تحفظين كرامتج جدامه وجدام
هله.......وعشان جيه تبين ابوج يتصل بريلج عشان يتفاهمون
بخصوصج وسبحان الله ممكن هالشي يحل مشكلتج.....

اختي الحرمه مالها الا بيتها وأبوج خايف عليج ويحاتيج
لا تحطين فخاطرج منه

حبيبتي ممكن اطلبج طلب وتلبينه اذا ماعليج امر

خير حبيبتي لو اقدر عليه من عيوني

الحين ابيك تقومين تصلين ركعتين وتدعين الله فيهم من قلب قلبك وتقرين جزء من القران والله العظيم بتدعين لي يالغاليه لأنه مافيه اقرب من الله اللي بيحس بمشاكلج وبيهون عليج وادعيه وانتي ساجده اكثر شي

اتمنى تلبينه ابيك ترتاحين وماتتمين مقهوووووورة

إن شاء الله اكيد مالي غير الله بيساعدني ويريحني

خلاص الحين بسير اصلي

لا تنسوني من دعواتكم

ام بوسنيده:
انتي في بلاد زايد الخير .....وماحد في دار الخير ينظلم اذا لج حق عند ريلج بتاخذينه....
وانصحج تردين بيت ريلج مب علشانه (لو كان بينكم خلاف) ولكن تظمنين مكان لج ولولدج...والله يصلح بينكم وكل شي في سبيل راحة عيون ولدج ان شاءالله يهون....
الله يفك ضيقتج... ويمكن قسوة ابوج عليج تكون عمد وقاصدها ابوج وفي مصلحتج...وترجع المياه لمجاريها بينج انتي وريلج
ورب ضارة نافعه وعسى ان تكرهوا شيئا فيه خير لكم

حبيبتي
سيري اقري لك جزء من القران وتأكدي ان الله ماينسأعبده وريحي نفسيتج وكلمي رجلج وقوليله انج ماتستغني عنه وتبين تنسي المشاكل وتبتدو من جديد مع البيبي وفهميه ان حرام الولد يعيش بعيد عن ابوه
والله يسهل عليج وخبريني عنج

الغالية الله يعينج و يصبرج

الله يهون عليك يارب ويرزقك رضى زوجك وابوك يارب

الله بفرجها عليكي يا رب ونيال المتهم عند ربه برئ

الاخوات ما قصرو معاكي وافادزكي

وانا اتفق مع اختي دفا الكون

وان شاء الله بتتبدل جميع همومك لافراح

[grade="00BFFF 4169E1 0000FF"]حبيبتي والله

اسأل الله العظيم ان يفرج همك ويفك كربك
وكل شي وله حل بإذن الله ..
الله موجود وما ينسى عباده وكريم بس انتي لا تيأسي من الدعاء
وكلنا راح ندعي لج
قلبي معاج يا الغالية [/grade]

تسلموون خواتي ويزاكن الله كل خير

طمنينا عليج شو سويتي
وترا الريال يعاند اكثر لو شاف الحرمه عنيده وعلى قولتنا راسها يابس

مب عارفه شو اسوي وانا خاطري ارمس ريلي بس ادري انه ما راح يرد علي

طمنينا عنج حبيبتي وربي كل يوم ادخل واقول ان شالله ادخل اشوف البشاره

السلام عليكم و رحمة الله و بركاته

طمنينا عليج الغاليه و الله يوفقج إن شاء الله و يهدي قلب ريلج و يحنن قلبه