شعري صار شكله مضحك

ندايم:
الغاليه...مشكلتج انتي اللي بتحلينها بإذن الواحد الأحد...

توكلي على الله...

و كلمي عقلج الباطن يوميا قبل النوم...قولي ما بقص شعري و كرريها...

هاتي دفتر و كتبي فيه انا اقوى من هذه العاده المزعجه و بتغلب عليها...

كرري هذه الاشياء...لا تستهينين فيها...

ترى العقل الباطن يوهمج انج ما راح تتغلبين على هذه العاده...

لانه تعود على اسهل الاشياء...

فإذا حاولتي تتغيرين (( العقل الباطن بيقولج )) :

ليش تعبين نفسج بتتغيرين يوم و يومين و بترجعين!!!!

هني انتي لازم تثبتين العكس...

و عندي لج نصيحه....

عاقبي نفسج و كافئيها....

قولي هالاسبوع ماراح اقطع شعري و لا حتى المسه الا اني امشطه و اعوضه

اذا اجتزتي هالامتحان....

سيري السوق و اشتري احلى شئ و اروع شئ (( لانك تستاهلين ))

اما اذا فشلتي في الامتحان (( وان شاء الله بتنجحين )) لأنك قدها...

عاقبي نفسج بشئ..

يعني تحطين مبلغ في (( بنك العقاب )) من مصروفج و ما تقدرين تاخذينه...

او تحرمين نفسج من شئ تحبينه...

خلي حد يشرف عليج...اذا تحبين..

و روحي بين فتره و فتره الصالون...دلعي نفسج و شعرج...

يوم بتشوفينه مترتب و حلو بتحبينه...

و اذا حبيته مستحيل تقطعينه...

الله يسر امرك و يفرج همك....

محبة القران:
أنا صراحة مثلك بس كثيــــــــــــــــــــــــــركان كذا وبطلوانشِاء الله

حنا في دور بس لابد من الصبر والتوكل على الله أدعي لي بظهر الغيب اني ابطالها معك


ياحي ياقيوم أجعلنا نتركها وأرزقنا من حيث لانتحسب

عاطفة جياشة:
السلام عليكي ورحمة الله وبركاته
عندما نصحتك الأخت بنت عذاري بالذهاب لطبيب قالت لكي اذهبي لطبيب نفسي ولم تقل اذهبي
لطبيب مجانين..........هناك فرق كبير جدا بينهما وليس كل من ذهب الي طبيب نفسي كان مجنون
كما أنك كتبتي موضوعك لنا لتأخذي برأينا وتستشيرينا وحتي اذا لم يعجبك ما قرأتيه فلا داعي
لكل هذه العصبية وفي النهاية القرار قرارك أنت وحدك ولن يجبرك أي أنسان عليه كما يجب أن
تعرفي أن حل مشكلتك لديكي أنت وحدك وهو الصبر والبعد عن أي شيء يسبب لكي أي شعور
داخلي بالأنزعاج يدفعكي لفعل هذا الأمر.
وأخيرا كل ما أملكه هو أن أدعوا الله لكي من كل قلبي أن يهديكي للصواب وأن يجعل لديكي العزيمة والأرادة القوية للبعدعن هذه العادة أن شاء الله.......والسلام عليكي ورحمة الله وبركاته.

رايقــــة:
الله يعينج وتقدرين تتركينها من غير دكتور

ياارب

new 3roos:
هلا أختي القطوة السودة

أنا كنت بقول مثل كلام أختي ندايم. بس أضيف عليه حل آخر

وهو ..
حلفي انك ما تسوين هالشي لمدة يوم كامل!!
بعدين أقسمي بالله العظيم.. والله عليك شهيد؟؟ انك ما راح تسوين هالشي 3 ايام.. قسم ليش له كفارة!

حبيبتي انا بنت خالي كانت مثلك

و حلت المشكلة بدون لا دكتور و لا شي الحل قامت ما تخلي شعرها نازل ابدا يعني دايما لافته بشباصة او قبعة او اي شي يخليه ما يكون تحت ايده و الشغلة الثانية انه خلت ابوها يراقبها لمن تفكر و تحط ايدها على شعرها بسرعة يقولها فلانة و خري ايدك و ظلت شذي فترة بسيطة لحد ما بطلت هذه العادة

و انتي بعد شدي حيلك و خلي عندك ارادة و خلال اسبوعين بتكونين ناسية هذه العادة

ابرار الجنة:
حبيبتي انا بنت خالي كانت مثلك

و حلت المشكلة بدون لا دكتور و لا شي الحل قامت ما تخلي شعرها نازل ابدا يعني دايما لافته بشباصة او قبعة او اي شي يخليه ما يكون تحت ايده و الشغلة الثانية انه خلت ابوها يراقبها لمن تفكر و تحط ايدها على شعرها بسرعة يقولها فلانة و خري ايدك و ظلت شذي فترة بسيطة لحد ما بطلت هذه العادة

و انتي بعد شدي حيلك و خلي عندك ارادة و خلال اسبوعين بتكونين ناسية هذه العادة

الله يعينك يا اختي

ماشاء الله البنات كفوا ووفوا

بس انتي فالفتره حاولي تبعدي المقص .. لاتخليه ابدا قريب منج والافضل تعطيه حد يخبيه عنج

والله يخفف عنج وتتخلصي من هالعاده السيئه

والله مشكلتج مريت فيها ..

اكون قاعده اطالع التلفزيون مثلاُ..

أو إذا كنت بروحي ..

أحط إيدي وأشوف أي شعره فيها تدرج أشيلها منال جذور ..
تصدقين أحس بمتعه هههههههههه

بس شلون تركتها مادررري .. والله مادري شلوون تركتتهااا ..

وكنت أشوف الشعر الصغار يطلع .. كان يفششل .. حتى لما كنت ألبس الشيله أحس انهم يطلعون من بره ..:(

مدام انا قدرت انتي بعد بتقدرين ..

حاولي مثل ماقالو لج إنج تشغلي نفسج بشي لما تكونين مثلاُ على النت .. حطي لج أي شي تاكلينه بيد واليد الثانيه على الماوس ..

ولما تشوفين التلفزيون جيبي فواكه وقعدي قطعيها واكليها ..
أو إشغلي نفسج بأي شي ..

بس أكييييييييييييييييد تقدرين تتكرينها و100% بس ساعدي نفسج شوي ..وإن شاء الله .. وبعون الله بتقدرين ..:)

لاتخافين مو بس إنتي اللي مريتي فيها ..

وااااااااااجد مرو فيها انا وبنت خالي وبنات عمتي ..

بس الحمد لله الحين مانسويها ..


الله يوووفقج ..

وبعد شي ..
ودائماُ رفعي شعرج .. وحطي فيه شي .. على أساس ماتقدرين تفلينه ..

والله ماجذب عليج ..
كان شعري أقصر شعر في البيت .. ومتقصف ..

والحمد لله الحين أطول وحده ..:) ومافيه شعر تقصف يبان .. ولو في .. بس بنسبه صغيرررره ..
..:)

وعليكم السلام ورحمة الله وبركاتة
عزيزتي مثل ما قالن الخوات
حالة نفسية عزيزتي هذا شي يصيب اقلب الناس وانا وحدة منهن من يصير معاي شي واحس بالضيق او تعب نفسي اكوم اكل باضافيري والله حتى احس ما بقى شي بس اللحم وفي بنات بعد يسون اشياء ثانية
يعني عزيزتي استشيري دكتور احسلج
واتمني لكي التوفيق ان شاء الله

عزيزتي ..

لا تفكرين وايد ..

انا اخت ربيعتي كانت تعاني من نفس المشكله ..

بس وقتها .. كانت نفسيتها تعبانه .. لانها كانت ثانويه عامه ..

وصلت لدرجه ان فروه راسها باااااااااااااااينه ..

و مالها الجرأه تقابل ناس .. ويوم تقعد ويا خواتها .. لازم تكون لابسه كاب ..

المهم ..

خلصت امتحاناتها .. و رتاحت نفسيا .. و شعرها بدا ينموو و وقفت عن عادتها السيئه ..

و رجع شعرها طبيعي و الله الحمد ..

ولا تقلقين عمرج .. اول ما تحطين ايدج على شعرج ..

تذكري انه مو لصالحج .. و تذكري كلام بنات المنتدى اللي توجه لج ..

وخلي عندج اراده ..

و صدقيني .. راح تقلعي عن هالعاده .. باذن الله ..

تحياتي ..
عسوله و بس

القطوة السودة:

اختي ياليتك تقرين كلامي
انا ماقلت ان دكتور نفسي معناته دكتور مجانين
وانا دارسة واعية وفاااهمه .. وما افكر بهالطريقة
بس صج مافي وحده تتمنى تروح حق اي دكتور
حتى لو دكتور اسنااان
وانا اتمنى اني ما احتااااااجه ..
واقدر اتغلب على المشكلة بنفسي ...
وان شالله يارب يثبتني وراح اتغلب عليهااا

وادعوا ليي يا اخواتي في ظهر الغيب

والله بعرف يا أختي العزيزة أنك واعية وفاهمة وبتفكري تفكير سليم والدليل أنك كتبتي مشكلتك هنا في المنتدي بكل صراحة وما خبيتي شيء في نفسك وأعتبرتينا مثل أخوات ليكي بالظبط
وحبيتي تشورينا في أمرك وأتمني أنك ما تكوني حزنتي من كلامي أبدا.
وأنا معك أن مافي أي أنسان يتمني يذهب لأي طبيب ويااااااااااارب ما تحتاجيه أبدا أبدا وأن شاء
الله بتقدري تتغلبي علي مشكلتك بدون طبيب أوأدوية.
أما بالنسبة لمشكلتك فالحل الوحيد لها هو عدم الأنفراد بنفسك.....حاولي أن تكوني وسط الأهل في المنزل وأكثري من الخروج وأندمجي مع الأصدقاء المهم أن لا تنعزلي أو تنفردي بنفسك الا وقت النوم حتي لا يكون هناك مجال لمعاودة تقطيع شعرك وأبحثي عن السبب أو عن الدافع الرئيسي لمشكلتك واذا عرفتيه فلا تفعليه وتجاهليه تماما ولله الأمر من قبل ومن بعد.
وبدعيلك من أعماق قلبي أن الله يبارك فيكي ولكي وفي كل ما حولك ويثبتك علي هداه وصراطه المستقيم وأن يظهر لك الغيب دائما وأن يجعل السعادة تعرف دوما الطريق الي قلبك والأبتسامة لا تفارق وجهك أبدا أن شاء الله............ودمتي بكل ود والسلام عليكي ورحمة الله وبركاته.

ليشششش يا ختي تقطعين شعرك !!!!

هذا يدل على عصبيتك :) ما ادري ايدينك من النوع الي يعرق ؟؟ اذا كان ايه انتي انسانه عصبيه جدااا
بالنسبه لتقطيعك لشعرك اعتقد انك انتي نفسيا غير راضيه عن شعرك ما ادري هل هو من النوع الاجعد انا اجاوبك واقلك ايه :)

اختي حل المشكله بيدينك
اول شي روحي لصالون وسوي لك فرد للشعر الي يقعد 6 شهور وحاولي ترتبين شعرك بقصه شعر حلوه وسوي له تخصيل لون بعد يكون حلوو يعني باختصار غيري من شكل شعرك ورتبيه بحيث انك نفسيااا ترضين عن شكل شعرك وتخافين عليه يخترب بعد ماترتب :)

موفقه اختي

يالله ياحبيبتي نفس مشكلتي بالضبط تكفين ساعديني معك
انا بديت فيها وانا بثالث متوسط ولحد هالحين وانا اعاني منها انا الان بثالث كليه
يااااااااااااااااااااااااااااااااااااااااارب تشفيناااااااااااااااااااااااااااااا

اختي حاولي انك تتبعي نصايح البنات تداومي على العنايه في شعرك وتروحين الصالون دايما ولما تقعدين فاالبين ارفعيه وحطي عليه ربطه واخفي المقص هالفتره هالنصايح مفيده ويدك ممكمن تكون مشعوله اي اكل ولو تعرفين ترسمين ارسمي او اكتبي شي او سوي اي اشغال يدويه وان شالله تتخلصين من هالعاده بس انتي اهتمي فشعرك في شكل يومي لان هالشي حيساعدك.

اختي اللي اصغر مني كانت تقطع شعرها لحد ما صارت شبه صلعا من قدام .. عقب وديناها طبيب نفسي وكم جلسة تخلصت من هالعادة... وغذا انت مستحية تروحين .. روحي مع وحدة ثقة من اهلج او ربعج .. وانشاء الله خير حبيبتي

السلام عليكم
لازم تعودي نفسك أنك تركزي في كل شي يعني اول ما تحسي ان ايدك راحت عند شعرك انتبهي واشغلي نفسك في شي وتعوذي من الشيطان وشوي شوي با تبطلي ان شاء الله

ابرار الجنة:
حبيبتي انا بنت خالي كانت مثلك

و حلت المشكلة بدون لا دكتور و لا شي الحل قامت ما تخلي شعرها نازل ابدا يعني دايما لافته بشباصة او قبعة او اي شي يخليه ما يكون تحت ايده و الشغلة الثانية انه خلت ابوها يراقبها لمن تفكر و تحط ايدها على شعرها بسرعة يقولها فلانة و خري ايدك و ظلت شذي فترة بسيطة لحد ما بطلت هذه العادة

و انتي بعد شدي حيلك و خلي عندك ارادة و خلال اسبوعين بتكونين ناسية هذه العادة

بنوتة مسقط:



الله يعينك يا اختي

ماشاء الله البنات كفوا ووفوا

بس انتي فالفتره حاولي تبعدي المقص .. لاتخليه ابدا قريب منج والافضل تعطيه حد يخبيه عنج

والله يخفف عنج وتتخلصي من هالعاده السيئه