اللي ولدت قيصريه تدخل ندردش شوي

:1_8::1_8::1_8:أنا ولدت ثلاث مرات قيصرية وكلها تخدير كامل وقريت موضوع عن التخدير النصفي وخفت أجره أعرف ناس ولدو خمس وست مرات بعدين سوو الربط والالتصاقت اذا كانت العملية نظيفه وكويسه أن شاء الله ماتتكون والله يساعدنا وياجرنا وعلى الخوف من العمليه حتى الي يولدون طبيعي عندهم مخاوف وتفكير قبل الولادة

bInT_aL3io0on;3818399:
ماشاااء الله عليج ياعوااااطف,,:D_smil1: وانا بعد ما اقصد اني اخوف البنيااات من العملية تراهي اهوون من الااام الطلق بس سبحاان الله كل شي وله حكمته وصج احسااس الامومه غير لمن تولدين طبيعي وهاي كلاام وايد حريم جربو الطبيعي والقيصري قالو انه عيالهم اللي ولدوهم قيصري خدالهم وقت لين ماحبوهم وسبحان الله اجر. بس الحمدلله على كل حاال عيل الاوليين اش سوو بدون عمليات وكانو يجيبون طبيعي وحتى لو كان لهم مضاعفاات سبحان الله الله كان معطهم على نيييتهم والله... زيييين اختي عواطف انا الدكاتره قالو لي مب زين الربط عشان يعوق الرحم من انه يرجع مكانه.. ابي اعرف عن تجربتج وهل جبتي مساااده وانا عن نفسي بعد اربعيني بارد بيت ريلي وابي اكشخ واتعدل وابي اسوي حمام مغربي ياترى متى اقدر اسوييي.....:B_wink: وابييي اعرف كم خذا لج وقت لين دخلت الكرشه

هلا فيج يا الغاليه انا مستغربه من اللي تقول انه عيالها اللي اولدتهم قيصريه خذت وقت لين حبوهم انا اعتقد مع احترامي لكل وحده انه هذول الحريم يشوفون طبيب نفسي لانه اكيد عندهم مشكله لازم تنحل ولا تفهمون كلامي غلط انا اتكلم جد والدكتور النفسي شي مهم لهم اذا بتحمل وتولد قيصري لانه واضح انه العمليه لها اثر سلبي عليهم .

انا معاج انه شوفت الياهل واهو توه طالع شي حلو بس اذا الله كاتبلي اني ما اعيش هالاحساس فهو عوضني في طفل بعيش معاه اجمل اللحظات شوفي اللي ما عندهم اطفال بتحمدين الله الف مره عالقيصريه ولا انج تعيشين احساسهم دايما شوفي المحروم لا تشوفين اللي ولدت طبيعي بتعرفين انج احسن من غيرج بكثير.

اما بالنسبه للاولين صج جابوا عيال بس هم في ناس ماتوا لهم عيال واجد و في ناس ولدوا لهم عيال معاقين انا اعرف وحده كل واحد من عيالها فيه اعاقه وواحد منهم تلف كامل بخلايا المخ والسبب انه يصير معاها نقص اكسجين اثناء الولاده ما تتحمل الولاده الطبيعيه لو كانوا عارفين القيصريه وقتها كان ما صار اللي صار .

اما بالنسبه للربط انا اربط من عاشر يوم للولاده واسوي رياضه خفيفه وطبعا ما سويت شي الا بعد استشاره الدكتور واهو اللي سمحلي بالربط والرياضه واهو استشاري مو اي دكتور وسالت فيها بعد دكتور ثاني بمستشفى حكومي وكان استشاري بعد قلت مو مستفيد مني شي قالي نفس كلام دكتوري اللي ولدت عنده بالخاص .

وانا الحين بعد ولادتين الحمدالله ما فيني شي بطن ما لي والحمدلله حتى كل من يشوفني ما يتوقع انه متزوجه لا و عندي طفلين و اذا مشيتي على نفس نظامي والله ما تطلعين من الاربعين الا و بطنج لازق بظهرج .

تدرين انه الكل يقول مو معقوله مو مسويه شفط عاد انا استانس و اتشقق ومن انصح وحده فيهم بطريقتي تقول لا عمليتي تتاثر والله خرابيط انا الحين لي سنه ونص من عمليتي الثانيه ما فيني شي الام بسيطه اثناء الدوره وبس.


واموت على بناتي واحمد ربي اللي ما حرمني هالنعمه كل يوم

اهلييييييييييييييييييين عواااطف جعل ربي يحفظ عياالج لج,,, وانااا معاااج وطبعا فضل الطب رجع لرب العالمين والحمدلله على نعمه العقل,,, انا عندي موعد مع الدكتوره بعد - اسابيع وبقول لها اذا اربط او لا بس قبل هاي انتي ماكنتي تشربييين شييي يعني من الاعشااب اللي العيااييز يوصونه فيهم؟ وبعديين ابي اعرف متى اقدر اسوي حماام مغربي انا خاايفه من الجرح واااايد وانااا ابي امنع الحمل ومابي اخذ حبوب لانها تنفخ فاايش انتي كمجربه تنصحيني والاخواات في المنتدى؟؟

انا ولدت ولاده قيصريه بس الحمدلله على كل شي ومب لهدرجه عاد يعطونج مسكنات واتخفف الويع والله اعرف ناس ولدو ولاده طبيعيه وشافوا الموت بعيونهم واتمنوا القيصريه ........ صديقتي والله ولدت ولاده طبيعيه وسو لها 10 غرز والله انها عانت لمدة شهررررررين واستوت لها التهابات ... يعني نحمد ربنا احسن عن وايد بنات ما اتخيل انه عشر غرز وفي هالمكان يالله اخسسسسسس عن القيصريه انا اشوف انه القيصريه زينه لانج ما اتحاتين المنطقه تتوسع خخخخخخخخخخ تكون فرش بس المشكله في الكرشه شوي مع التمارين احس انها بتخف :) يعني هاي نقطه مهمه ترفع المعنويات ما نعاني في استخدام كريمات او خلطات عشان نضيق المكان الحممدلله :)

والله ياختي عواطف كلماتج ترفع المعنويات

وينج عني من زمان

لأني تأزمت بسبه العمليه

بس والله كلامج يشرح الخاطر

والله استانست من شفت كلامكم لاني والله اني كنت ناصحه لكل وحده من كل قلبي لاني والله يضيق خلقي من الفكره اللي منتشره بين الناس عن القيصريه و عندي وحده من اهلنا من ولدت قيصريه واهي مهمله بنفسها كل ما قلت لها شي قالت مو زين على العمليه والله والله والله يا بنات اني اربط بطني والعب رياضه واشرب مرمريه وشاي اخضر و اكل حسو ومدود بس بدون فلفل هذول اسويهم من عاشر يوم ومن يصير لي اسبوعين اسوي برنامج عنايه شامل عند صالون بخار وتبييض وعلاج شعر برنامج متكامل .

وعلى فكره من يصير لي اسبوعين ارد لدراستي كل وحده فيكم لازم تعيش حياتها عادي ليش مكبرين الموضوع .

وكل ما حسيتي بالم اشغلي نفسك باي شي ودوسي على نفسك وامشي من ثاني يوم ولا تقولين ما اقدر قولي انا اقوا وكل يوم اغلبي نفسك اذا امس مشيتي 10 دقايق فاليوم قولي بخليهم 20 دقيقه بتشوفين اشلون عافيتك بترد لك بسرعه.

وبالنسبه للاخت اللي سالت عن المانع انا استخدمت جنيرا 6 شهور الاولى بعدها حطيت لولب لانه الولب ما يحطونه الا بعد 6 شهور من العمليه وخليته 4 شهور بعدها زهقني الدوره تقعد 15 يوم بعدها استخدمت ياسمين سنتين و حملت بعد 2 من تركي لها بس كانت اطيح الشعر والحين لي سنه و 3 شهور استخدم سلست ومرتاحه حيل عليهم.

وبالتوفيق للجميع.

سلست هذا حبوب؟ وهل ينباع بالصيدليات؟ زييين يارييت تفيدينااا شنهي الرياضات اللي تلعبينها غير المشي وكيف نظامج الغذائي لاني خايفه ابدأ اقلل نظامي او اغيره وياثر هذا على الحليب والرضاعه....:sad:

الاخت عواطف مشكورة على النصايح الذهبية اي والله انا متعقدة من العملية بس الحين بعد كلامك احس ان ارتفعت معنوياتي :2_106:

عواطف صدقتي حبيبتي وبعدين في ناس يبالغون في الوصف احس نحن ندخل عشان نرفع المعنويات مب عشان الاحباط ولا احلى شي من اتقولين حق حد انج بتولدين ولاده قيصريه يقولون لح يحليلج حررررررررررررررام ..... الله يعينج على الويع حتى اللي ما مجربه اتقول جيخخخخخخخخخخخخخ اللي يسمع يقول داشه بيقصون راسج خخخخخخخخخ عادي والله جربتها والحمدلله

هلا فيكم حبايبي سلست تنباع بالصيدليه واهي حبوب منع للحمل وانا اسوي رياضه شد البطن الضغط وغيرها من الرياضات المخصصه للبطن انتي سوي بحث بقوقل وبتطلع لج عن التمارين للبطن

GAZAL;3796397:
السلام عليكم ورحمة الله وبركاتة
بدخل في الموضوع مباشرة :qaq:
عندي بنوتة البكر ولادة طبيعيه بس الحمل الثاني بقيصرية وايد تعب العملية بعد زوال البنج
ماأقدر اتحرك الوالدة الله يخليها ساعدتني وايد من ناحية الحركة
والبيبي كان يصيح وايد تخيلو الوضع صعب .كملت الحمد لله 7شهور وماحملت للحين والله خايفه من الحمل والعملية ::sad:ان شاء الله المره اليايه اولد طبيعي قولوا أمين

ان شااء الله تولدين طبيعي

شوق العيوووون;3796829:
ام -ليونه والله انه موضوعك كان على بالي بس هاليومين
كنت ناويه انزل موضوع افضفض فيه قهري وحرتي بعد العمليه
بس شكلك تقرين افكاري:B_wink:

هذي أول ولاده لي وجبت بنوته قمر ... اليوم يصير لي 40 يوم بالضبط
عطوني طلق صناعي 18 ساعه ومافتح الا 1 سم وتعب البيبي وقررو عمليه
أخذت ابرة الظهر ( بنج نصفي ) حلو فيه انك تشوفي البيبي اول مايطلع بس
اما سالفة انك تحسين بالحوسه اللي صايره في بطنك شي فظيييييييييييييييع
ينرفز انا بعد ماشفت البيبي جلست اصرخ من قمة راسي ابي انام ماابي احس بشي
بس ياام ليونه ياقلبي ترى يحطون ستار فاصل يعني انتي ماتشوفين العمليه ابد

وش احكي لكم يابنات :sad: الضغط النفسي اللي جاني بعد العمليه
للحيييين اعاني منه....قبل ماأنام كل يوم أفكر ليش ماولدت طبيعي
ودي اولد طبيعي كان نفسي بالتعب هذا اللي تحسه الوحده وقت الولاده
وقت طلعة البيبي تحس انها بذلت مجهوووووووووود عشان تدفع البيبي يطلع للدنيا
والله والله انها تجربه كان ودي اخوضها بس الحمد لله رب العالمين على كل حال
وادعو لي الولاده الثانيه تكون طبيعيه
كريشما والله الولاده الطبيعيه نعمه من رب العالمين

صحيح هي موت وعذاب وقتها بس بعدين خلص تشوفين النونو وتنسين كل التعب
عكس العمليه لو ماحسيتي فيها وقتها بس تعانين لفتره قدام منهاااااااااااا
ألم الجرح بعد مايروح أثر البنج ...أول قومه من السرير بعد العمليه
والا المشي أول أسبوعين ... والا النوم والا الضحك والا الكحه والعطاس
اللي للحين موقادره اكح ولااعطس طبيعي
يوووووووووووووه مايحتاج أحكي لكم عنها لأنكم مجربينها ...:sad:
الحمدلله على كل حال

اسمحو لي يابنات والله احس طولت عليكم بس توني والد واحس اني متأثره بقوووه
ياترى جاكم نفس شعوري؟؟؟؟؟؟؟؟؟؟؟
مرايم ذكرتيني بنفسي احسك متأثره كثير مثل حالتي

طبعا انا حالي حالكم كثير متخوفه من سالفة الحمل
وأحلام كوابيس بالنسبه لهالموضوع بين ليله والثانيه
بس طبعا كل شي يجي من ربنا نحمد الله عليه...

أنا ابي استخدم مانع بس ماابي اخذ حبوب انتو في ايش
تنصحووني يابنات:gum:

مشكوره الغلا ام ليونه على موضوعك
تحياتي لكم ولي عوده

والله قلتي كل اللي في خاااطري خلي هذا كوم وكلام الناس انا لما ولدت الثانيه عمليه اللي يتشمت واللي يخوف وحده عمرها 44 وتوها طالعه من النفاس تقول مسكينه ماتقدرين تجيبين مثلي ثمانيه مايمديك والده قيصره انا لومثلك والده قيصريه كان قعدت خمس سنوات
والثانيه حامل وولدها في الاشهر واناحامل وبنتي عمرها سنتين تقول والله انك طايره ع الحمل قلت اذا انا طايره انتي وش تقول مافيه وجه مقارنه انا والده طبيعي
والثالثه تقوا اثنين قيصريه لوانا مكانك حرمت احمل ثانيه
والرابعه تقول وش رايك اذا منعوك من الحمل اعطيك رحمي رحمي صاااحي تدرين ليه تقول اولولد طبيعي وكل سنه طفل طالعه من النفاس برقم 6 وحامل تقول انا بجيب 10 ولا13 اذا خلصت ومليت من الحمل ومنعوك اوحددلك عددالولاده اعطيك رحمي اجااار انا رحمي صاحي ومامزع مثل رحمك
شفتي معناتي
واللي تقول انا اطلق وانتي يخدرونك ظلم

طولت عليك اسفه بس بغيت افضفض وتشوفون معاناتي

جنات قطر;3797794:
انا بعد مثلكم ولدت مرتين قيصري والحين حامل وبعد لولادة الثانية رحت حق دكتور نفسي يعالجني من الخوف الي صادني من العملية خبركم طالبه بنج نصفي وانا خوافة بس ولله الحمد لين الحين اخذ مسكنات نفسية علشان منحملت وانا كله صياح واخاف من الولادة .............زشكثر اتمنى اني اولد طبيعي مثل الناس .........بس الحمد لله على كل حال

الله يكون بعونك ااااامين

bInT_aL3io0on;3799055:
اهليين, انا عمري عشرين ووتوني من عشرين يوم والده قيصري وذا بجري. انا جاني الطلق اسبوع الله وكيلكم وكنت عايشه بالطواري لين انصاص الليالي وكل ما حطو علي التخطيط قالو لي الحين بتولدين يجون يتجيكون علي يقولون الرحم مامفتوح ولا سم تعبت والله ويقولون انه رحمي بعيد عن الحوض ومش مال ولاده وانا كنت مخلص شهري, ماخليت خروع بالصيدليات ولا عشرج ولا دارسين ولا كف مريم الا وشربته لكن مافي فايده, وهم قالو لي انه الولد كبير بالنسبه لحوضج عشاني قصيره شوي. المهم كنت اتنقل من مستشفى الاهلي لين مستشفى حمد لين قالت لي الدكتوره في حمد بنولدج قيصري وتعااالي شوووفي المنااحه اللي صااارت في المستشفى قدام الناااس,, حسييت الدكتوره بغت تكفخني من الفضيحه اللي سويت لها وامي تهدي فيني وانا واااااااااااااااااااااااااااااااااااااااااااااااااااااء,بيشقوون بطني وااااااء جسمي بيخترب واااااء ريلي بيعرس عليييييي يمه لحقيييييي مابي مابي وطبعا الخ الخ ههههههههه وطبعا رقدوني يوم بالمستشفى عقبها سولي بنج موضعي واول مابنجوني رقدوني ومن الخوف انه البنج ماخذه مفعوله اول مامسكت الدكتوره جسمي قمت اصرخ ااااااااااااااااااي ااااي والله والله احس :S <-- صج بزر, قالت لي دكتوره التخدير السودانيه الله ي>كرها بالخير اش فيكي ياماما اقول لها احس احس والله تقول لي تحسي باللمس مش بالوجع والله انه ويهي انصفق اكثر منماهو مصفوق. المهم يوم شفت وليديي وسمعت صوت صيااحه يلست اصيييييح وانا بالعمليات. بس اكثر شي كان يقهرني في البنج الموضعي انج وانتي نايمه وبطنج مفتوح شبرين الدكاتره مايخلون حد من خلق الله الا واعقرووو فيه ههههه وانا ودي اصرخ واقول دخيل الله خيطووني وفكوني هههههه,,,, ادري اني هذاره وطولت السالفه وهي قصيره بس سؤاااااااااااااااااااااااااااااااااللل هم قالو انه بعد العمليه بسنتين لازم ما احمل عشان الجرح وانا جرحي تجميلي بس ابي اعرف شنو الوسائل اللي تمنع الحمل غير الحبوب لانها اتنفخ الجسم واتمتنز يارييييت اتفيدوني

وش رايك في البنج النصفي

*وجدان*;3810493:
مرحبا يا حلوات..
انا من ولدت بقيصريه هذا رابع شهر لي ...وللحين هالكرشه ..ماراحت القهر كرشه مربعه أول مره اشوف جذي !! وما ادري متى اقدر امارس الرياضه وخصوصا رياضة البطن ..؟؟
وبالنسبه للموانع ...مالكم إلا الحبوب ..لأنه اللولب ما يصلح للمسوين قيصريه ..وفي كبسوله تنزرع تحت الجلد وتدوم 3 سنوات بس قالت لي الدكتوره انها تسبب نزف قليل بين الدورتين ..

معك حق الحبوب اسلم من الحمل ع القيصريه

raytha;3812196:
مرحبا

العملية تحتاج لنفسية تتقبلها ،، حتى يتم التماثل للشفاء
وانا بكري كان بقيصرية ،،
لما قالوا لي عملية ما تضايقت و لا قعدت اصيح مع ان اهلي كانوا مو موافقين هذي عطايا رب العالمين ،، و اكيد العملية خلاص لي من الالام و المعاناة ،،

بنجوني نص من البطن الى الارجل ،، بواسطه حقنة الضهر ! و الحمد لله ما حسين بمضاعافات ابدا
الممرضات نصحوني اتمشى عشان يلتألم الجرح بسرعه و سمعت كلامهم وبالفعل ما اخذ له وقت و صار من احسن ما يكون
اهم شي الجرح ما يصيده ماء واجد و لا تعرق و الاندر وير ما ينحط على جرح العملية ( فوقه او تحته )
و الحمدلله الحين العمليات اسهل من قبل بواااااايد
قبل خياط الحين غرزتين على اليمين و الشمال و كبس في الوسط

تنصحيني لما احمل اطلب نصفي وشلون يمشي الوقت ماتحسين بشي ابد

ورد الامل;3812429:
انا ولدت بالقصيرية يوم كنت حامل بالشهر التاسع صار لي حادث سيارة ونزل علي الماي بدون وجع يومين ونبضات الجنين كانت مو طبيعية فعملوا لي عملية بتخدير كامل بس الحمدلله حسيتها سهلة اول ما تقومين من البنج حسيت وجع بس جابوا لي ولد وشفته وابتسمت واتكلمت ويا الممرضة بعد كذا عطوني ابرة ونمت وقمت الصبح ورضعت ولدي وقالوا لي امشي علشان الهوا في البطن يطلع ولا بتصير فيني كرشه وتم كل شيء على خير والحين بطني لاصق بظهري

ماشااء

عووواااطف;3817740:
السلام عليكم بنات لحد يزعل من كلامي انا بتكلم بكل صراحه وبدون مبالغه اغلب اللي مروا بالموضوع اذا مو كلهم امسوين القيصريه كنها شي خطير و من كلامهم اي وحده حامل ودشت عالموضوع بتاخذ فكره عن القيصريه انها شي خطييييييييييير و كله مساوئ بتقولون المجرب غير اللي ما جرب صح!!!!!!!!!!
انا وحده ولدت مرتين قيصريه و خلاص طول عمري بولد قيصري مالي امل طبيعي وبذكر لكم تجربتي لانها ما كانت سهله ابد وانا بترك لكم الحكم انا عندي مضاعفات تصير لحملي من احمل وانا لازم الازم السرير وما اتحرك الا عند الضروره لانه تصير معاي طلق مبكر وفي ولادتي الاولى ولدت ولاده مبكره بالثامن لانه البيبي تعب وقلت نبضات القلب عنده فدخلوني عمليه بلا نقاش ولانه الراس كان بعد فوق وكان البنج كلي وفي ولادتي الثانيه حاولوا اني اوولد طبيعي 12 ساعه واهم يحاولون لين صرت خرجه من التعب عقب طلعت عندي مشكله اخري واهي سماكه بعنق الرحم ما يفتح ابد وولدت قيصريه بعد ما هلكت 12 ساعه بالوضع وقبلها الطلق 5 شهور ذابحني وكان البنج كلي والفرق بين الطفلين 3 سنوات ونص بس والله انه العمليه رحمه من رب العالمين يعني انا اقول لو ما كان فيه عمليه كان ممكن اني اكون ام الحين؟ اعتقد الجواب واضح واهو لا لانه الطفل بيتعب ويموت في بطني فالعمليه لها اكبر فضل علي بعد الله سبحانه وشوفت بنتي بعد العمليه تستاهل التعب كله .


العمليه رحمه من الله للي تعاني من مشاكل واللي بتنظر لها من الناحيه الايجابيه نفسي راح يهون الالم وكله فيه تعب الطبيعي او القيصري الفرق انه الطبيعي المها بوقت الولاده اما القيصري فبعد الولاده .

بالنسبه للجرح فخياطتي تجميلي يعني مالها اثر و مالي كرش والحمدلله اربط بطني عاشر يوم من الولاده وامشي والعب رياضه الشي الوحيد اللي نبهني له الدكتور اني ما اشيل شي ثقيل .

وللاخت اللي قالت ما يصير لولب للوالده قيصري فهذي معلومه خطأ لاني انا ركبت في بنتي البكر لولب بعد فتره 6 شهور من العمليه .

ولكل وحده حامل وفي احتمال انها تولد قيصري اقول لها لا تخاف و تكثر من الدعاء و قراءه القرآن وبتشوف اشلون انها سهاله من رب العالمين العمليه والله والله والله والله اني ما قلت غير الصج وتجربتي بدون اي مبالغه والحين عمر بنتي سنه ومن تكمل سنتين بحمل و بولد قيصري باذن الله والخوف شايلته من راسي لانه اهو اللي بجيب الالم والنفسيه الزفت اللي بتنعكس عليج .

ادري طولت عليكم بس حبيت افيدكم واغير شوي من تفكير البعض للعمليه لو كل وحده اهتمت بنفسها بعد القيصريه بجسمها و شعرها و تحدت نفسها انها ترد احلى من اول انا متاكده انه راح تغير كلامها بس تقعد وتصيح وتقول كل شوي اي اكيد نفسيتها بتاثر عليها.

المشكله في النفسيه والخوف من البنج

أم فهد وشهد;3809928:

السلام عليكم

والله ذكرتينا بأيام صعبه
انا ولدت مرتين قيصري

الأولى على ولدى بنج كلي وتعب، والله ثم والله فكرت نفسي في سكرات الموت (قبل العمليه آلام الطلق وبعدها كابوس العمليه التعبانه)
الثانية على بنتي بنج نصفي والله روعه وكان الجو بغرفة العمليات كله ضحك ووناسه
لاني ولدت برى والاوربيين مرة تعاملهم حلو ونظيف ويهتمون بنفسيتك وانك ماتحسي بالالم وانه تكون تجربة الولادة تجربه حلوة

وانا قايله لزوجي اذا بولد يسفرني برى (لا والله حرمة وزير)

ههههه
وش رايك اذا حملت اطلب نصفي احسن بس والله ماادري احس ماعتدي جرئه

am slooh;3818849:
:1_8::1_8::1_8:أنا ولدت ثلاث مرات قيصرية وكلها تخدير كامل وقريت موضوع عن التخدير النصفي وخفت أجره أعرف ناس ولدو خمس وست مرات بعدين سوو الربط والالتصاقت اذا كانت العملية نظيفه وكويسه أن شاء الله ماتتكون والله يساعدنا وياجرنا وعلى الخوف من العمليه حتى الي يولدون طبيعي عندهم مخاوف وتفكير قبل الولادة

امييييييييييييييييييييييييييين