اللي ولدت قيصريه تدخل ندردش شوي

كريشما;3395496:
خوفتوووني كنت ناويه بطفل ثالث اطلب قيصري لاني تعبت بولادتي ال2 ببنتي وولدي كل ولادة كانت عذاااب وفيلم رعب

ليش اشفيها قيصري ليش متعبه خبرررونا؟

احمدي ربك ع الطبيعي وشيلي العمليه من راسك

umsaltone;3395607:
ولادتي الولى والثانيه بالقيصريه اول مره انفتح الرحم عندي بس 4 سم بعد معاناة 8 ساعات وبالطلق الصناعي مرتين واخر شي يبت ولد حلو نساني كل تعبي يوم شفته يلست اصيح بس كنت في حالة اكتئاب من العمليه ودوم اصيح ونفسيتي تعبانه والمرة الثانية سرت المستشفى وانا فاتحه 8سم واخر شي الدكتورة سوتلي القيصرية حسيت انها ماصبرت علي بس شو اقول غير قدر الله وماشاء فعل

الله يكون بعونا اااااااااااامين

*وجدان*;3396450:
انا بكريه و ولدت قيصريه من 19 يوم ..والسبب اني كان معي طلق لمدة 18 ساعه وللأسف ما فتح عنق الرحم إلا 2سم مما اتعب البيبي وجعله يتبرز في بطني فخوفاُ على البيبي وافقت قيصريه

التخدير نصفي ابرة الظهر ..الصراحه الشيء الوحيد الجميل في القيصريه ..ما حسيت بشيء بتاتاً إلا بعد ماراح مفعولها
وكنت بالفعل متخوفه من ابرة الظهر لكن الصراحه بعد ما جربتها أفضلها على البنج الكلي والحمدلله ما عانيت من اي مضاعفات للبنج النصفي ..لكن ألم الجرح والحركه عذاب وللحين ما أقدر امشي طبيعي ..على الرغم اني بدأت احاول امشي من ثاني يوم ..
وخوفي من الحمل مجددا والعمليه مره ثانيه ..اصبح كابوس احلم به كل يوم ..:sad:

الحمد لله ع سلامتك
والله انا فيلم رعب موكابوس بس

swany_75;3397739:
السلام عليكم يا عريس
بصراحه النت مو حلو والمنتدي مقفول الحمد الله انكم رحعتوه
اختي ام ليونه بالنسبه للتخدير النصفي طبعا اخذت ابره الظهر ....الدكاتره قبل العمليه سالوني اذا ابي تخدير عام ولا نصفي ....وانا طلبت النصفي و هم نصحوني فيه بعد و قالو لي افضل ....بس علي فكره لازم و لازم و لازم دكتور التخدير يكون موثوق فيه و شاطر يعني مو تحطون نفسكم تحت ايد اي احد
هذي ابره ظهر مو لعبه ....و لانه اي غلطه لها مضاعفات كبيره :confused:
المهم انا اخذت الابره و نمت و طلت مني الدكتور اني احرك اصابع رجلي ...و بعد مده بسيطه ما حسيت فيها .....و قلت للدكتور اني ما احسي فيها .....و طبعا انتي ما تفقدين الاحساس بالمره ....يكون شعروك كأن احد يمسح علي بطنك....و الحمد الله انا صار لي سنه و نصف من العمليه ما عندي اي مشاكل و لا احس باي مضاعفات ....الف الف الف الحمد الله
:z_clap:

بصراحه ماحس عندي جرائه للتخدير النصفي ماادري ليه خااااااااااااااااااااايفه منه وخايفه مااقدر استحمل انه يشقون ويخيطون وانا اشوف

أم إلياس;3398514:
السلام عليكم خواتي
انا بعد ولدت قيصرية بعد معاناه و السبب انحشار الرأس
و الحمدلله على كل حال
والله عندي وايد أسئله ياليت اتجاوبوني عليها
متى أقدر امشي و اسوي رياضه ؟؟
هل في فحص أروح حق الدكتوره حتى أتأكد اذا صادتني مضاعافات مثل الإلتصاقات أو إلتهاب الجرح؟؟

صج الوحده بعد العمليه لازم الثاني بعد عمليه؟ و هل في خطر اذا يابت اعيال وره بعض اذا الله سبحانه كتب؟

بس اتصدقون مب عارفة ليش الكل متخوف من القيصريه والله على الاقل ماتحسين باألم من البنج تدرون انا اللي طلبت قيصرية من كثر ماتعبت و البيبي مب راضي يطلع و تخدير عام حتى انسى الدنيا و مافيها و اللي تبي تفاصيل أكثر عن ولادتي تسألني

لاتفحصين االالتصاقات ماتجي الامن كثره القيصريات
واذا جبتي واحد عمليه موشرط الباقي عمليات

حواء055;3400426:
للرفع

مشكوووره لرفع الموضوع

السلام عليكم ورحمة الله وبركاتة
بدخل في الموضوع مباشرة :qaq:
عندي بنوتة البكر ولادة طبيعيه بس الحمل الثاني بقيصرية وايد تعب العملية بعد زوال البنج
ماأقدر اتحرك الوالدة الله يخليها ساعدتني وايد من ناحية الحركة
والبيبي كان يصيح وايد تخيلو الوضع صعب .كملت الحمد لله 7شهور وماحملت للحين والله خايفه من الحمل والعملية ::sad:ان شاء الله المره اليايه اولد طبيعي قولوا أمين

ام -ليونه والله انه موضوعك كان على بالي بس هاليومين
كنت ناويه انزل موضوع افضفض فيه قهري وحرتي بعد العمليه
بس شكلك تقرين افكاري:B_wink:

هذي أول ولاده لي وجبت بنوته قمر ... اليوم يصير لي 40 يوم بالضبط
عطوني طلق صناعي 18 ساعه ومافتح الا 1 سم وتعب البيبي وقررو عمليه
أخذت ابرة الظهر ( بنج نصفي ) حلو فيه انك تشوفي البيبي اول مايطلع بس
اما سالفة انك تحسين بالحوسه اللي صايره في بطنك شي فظيييييييييييييييع
ينرفز انا بعد ماشفت البيبي جلست اصرخ من قمة راسي ابي انام ماابي احس بشي
بس ياام ليونه ياقلبي ترى يحطون ستار فاصل يعني انتي ماتشوفين العمليه ابد

وش احكي لكم يابنات :sad: الضغط النفسي اللي جاني بعد العمليه
للحيييين اعاني منه....قبل ماأنام كل يوم أفكر ليش ماولدت طبيعي
ودي اولد طبيعي كان نفسي بالتعب هذا اللي تحسه الوحده وقت الولاده
وقت طلعة البيبي تحس انها بذلت مجهوووووووووود عشان تدفع البيبي يطلع للدنيا
والله والله انها تجربه كان ودي اخوضها بس الحمد لله رب العالمين على كل حال
وادعو لي الولاده الثانيه تكون طبيعيه
كريشما والله الولاده الطبيعيه نعمه من رب العالمين

صحيح هي موت وعذاب وقتها بس بعدين خلص تشوفين النونو وتنسين كل التعب
عكس العمليه لو ماحسيتي فيها وقتها بس تعانين لفتره قدام منهاااااااااااا
ألم الجرح بعد مايروح أثر البنج ...أول قومه من السرير بعد العمليه
والا المشي أول أسبوعين ... والا النوم والا الضحك والا الكحه والعطاس
اللي للحين موقادره اكح ولااعطس طبيعي
يوووووووووووووه مايحتاج أحكي لكم عنها لأنكم مجربينها ...:sad:
الحمدلله على كل حال

اسمحو لي يابنات والله احس طولت عليكم بس توني والد واحس اني متأثره بقوووه
ياترى جاكم نفس شعوري؟؟؟؟؟؟؟؟؟؟؟
مرايم ذكرتيني بنفسي احسك متأثره كثير مثل حالتي

طبعا انا حالي حالكم كثير متخوفه من سالفة الحمل
وأحلام كوابيس بالنسبه لهالموضوع بين ليله والثانيه
بس طبعا كل شي يجي من ربنا نحمد الله عليه...

أنا ابي استخدم مانع بس ماابي اخذ حبوب انتو في ايش
تنصحووني يابنات:gum:

مشكوره الغلا ام ليونه على موضوعك
تحياتي لكم ولي عوده

انا بعد مثلكم ولدت مرتين قيصري والحين حامل وبعد لولادة الثانية رحت حق دكتور نفسي يعالجني من الخوف الي صادني من العملية خبركم طالبه بنج نصفي وانا خوافة بس ولله الحمد لين الحين اخذ مسكنات نفسية علشان منحملت وانا كله صياح واخاف من الولادة .............زشكثر اتمنى اني اولد طبيعي مثل الناس .........بس الحمد لله على كل حال

اهليين, انا عمري عشرين ووتوني من عشرين يوم والده قيصري وذا بجري. انا جاني الطلق اسبوع الله وكيلكم وكنت عايشه بالطواري لين انصاص الليالي وكل ما حطو علي التخطيط قالو لي الحين بتولدين يجون يتجيكون علي يقولون الرحم مامفتوح ولا سم تعبت والله ويقولون انه رحمي بعيد عن الحوض ومش مال ولاده وانا كنت مخلص شهري, ماخليت خروع بالصيدليات ولا عشرج ولا دارسين ولا كف مريم الا وشربته لكن مافي فايده, وهم قالو لي انه الولد كبير بالنسبه لحوضج عشاني قصيره شوي. المهم كنت اتنقل من مستشفى الاهلي لين مستشفى حمد لين قالت لي الدكتوره في حمد بنولدج قيصري وتعااالي شوووفي المنااحه اللي صااارت في المستشفى قدام الناااس,, حسييت الدكتوره بغت تكفخني من الفضيحه اللي سويت لها وامي تهدي فيني وانا واااااااااااااااااااااااااااااااااااااااااااااااااااااء,بيشقوون بطني وااااااء جسمي بيخترب واااااء ريلي بيعرس عليييييي يمه لحقيييييي مابي مابي وطبعا الخ الخ ههههههههه وطبعا رقدوني يوم بالمستشفى عقبها سولي بنج موضعي واول مابنجوني رقدوني ومن الخوف انه البنج ماخذه مفعوله اول مامسكت الدكتوره جسمي قمت اصرخ ااااااااااااااااااي ااااي والله والله احس :S <-- صج بزر, قالت لي دكتوره التخدير السودانيه الله ي>كرها بالخير اش فيكي ياماما اقول لها احس احس والله تقول لي تحسي باللمس مش بالوجع والله انه ويهي انصفق اكثر منماهو مصفوق. المهم يوم شفت وليديي وسمعت صوت صيااحه يلست اصيييييح وانا بالعمليات. بس اكثر شي كان يقهرني في البنج الموضعي انج وانتي نايمه وبطنج مفتوح شبرين الدكاتره مايخلون حد من خلق الله الا واعقرووو فيه ههههه وانا ودي اصرخ واقول دخيل الله خيطووني وفكوني هههههه,,,, ادري اني هذاره وطولت السالفه وهي قصيره بس سؤاااااااااااااااااااااااااااااااااللل هم قالو انه بعد العمليه بسنتين لازم ما احمل عشان الجرح وانا جرحي تجميلي بس ابي اعرف شنو الوسائل اللي تمنع الحمل غير الحبوب لانها اتنفخ الجسم واتمتنز يارييييت اتفيدوني

bInT_aL3io0on
هههههههههههههههههه
والله ضحكتيني عن جد

وعن وسائل الحمل بعدنا جاري البحث

آنه بعد ولدت عملية بالبكر وكاااااااانت صدق لحظااااااات وايام صعبة ماتنسى

جاني الطلق وذبحني عدل بس ماانفتحت الا 3 سم ظليت 12 ساعة وآنه بس 3سم

حتى مارضوا يحطون لي طلق صناعي عشان انه عندي طلق

وقلت لها عطيني شي يخدرني يريحني قالت لي مايصير لان دقات قلب البيبي تعبانة واذا عطيتش

بتتعب ازيد

وصبرت ليم حطت لي هوووز حق الابوال (الله يعزكم) وجيس الماي انبط

يعني مايصير بعد اتأخر ازيد خطر على البيبي

فسواااااا لي عملية بنج نصفي لكن ارتحت واااااااايد وقلت ياريت قلت لهم من زمان يسووون لي عملية

لان آلام الطلق الي صادتني ذبحتني عدل

وظليت اعاني مااقدر اتحرك من على السرير لمدة 5 ايام كله بالحركة البطيئة

ويالله الحمدلله فترة وعدت مع انه مستحيل تنسى خصوصا البكر

المهم انه الحين آنه بعد حامل وماصار لي على ولادتي الاولى يعني يوم احمل على بنتي عمرها 6 شهور

وآنه الحين حامل بشهري الخامس,,,,, يعني بس من الحمال الاولي بالعملية بس 6شهورررررر

وخايفة موت اولد عملية بعد

مع اني سألت الدكاترة قالوا لي كل عملية حسب ظروفها ماعدى اذا حملتين عملية الثالثة لازم عملية

بس اذا الاولى عملية الثانية موبشرط

المهم ادعو لي اولد وياكم طبيعي ويردنا ويسلمنا ان شاء الله

ان شاء الله ماكون طولت عليكم

بس هذي هي معاناتي مع العملية القيصرية

مرحبا يا حلوات..
انا من ولدت بقيصريه هذا رابع شهر لي ...وللحين هالكرشه ..ماراحت القهر كرشه مربعه أول مره اشوف جذي !! وما ادري متى اقدر امارس الرياضه وخصوصا رياضة البطن ..؟؟
وبالنسبه للموانع ...مالكم إلا الحبوب ..لأنه اللولب ما يصلح للمسوين قيصريه ..وفي كبسوله تنزرع تحت الجلد وتدوم 3 سنوات بس قالت لي الدكتوره انها تسبب نزف قليل بين الدورتين ..

مرحبا

العملية تحتاج لنفسية تتقبلها ،، حتى يتم التماثل للشفاء
وانا بكري كان بقيصرية ،،
لما قالوا لي عملية ما تضايقت و لا قعدت اصيح مع ان اهلي كانوا مو موافقين هذي عطايا رب العالمين ،، و اكيد العملية خلاص لي من الالام و المعاناة ،،

بنجوني نص من البطن الى الارجل ،، بواسطه حقنة الضهر ! و الحمد لله ما حسين بمضاعافات ابدا
الممرضات نصحوني اتمشى عشان يلتألم الجرح بسرعه و سمعت كلامهم وبالفعل ما اخذ له وقت و صار من احسن ما يكون
اهم شي الجرح ما يصيده ماء واجد و لا تعرق و الاندر وير ما ينحط على جرح العملية ( فوقه او تحته )
و الحمدلله الحين العمليات اسهل من قبل بواااااايد
قبل خياط الحين غرزتين على اليمين و الشمال و كبس في الوسط

بعد خشمي والله مرااااااااايم جعل ايامج كلها ضحك وونااسه, بس عسى الله لايذوقج وجع القيصريه عقب تنحرمين من الضحك من قلب. :D_smil1:
العاااااااااشقه جعل ربي يهونها علييج ويسهلها بولاده طبيعيه امين.
وجدااااااااااان انا صار لي 21 يوم وكاني بالعه 5 برتقالاااات وبعد 22 يوم عرس رفيجتي مادري شاسوي مايدخل فيني شيييي وقالو مب زين الربط.:sad: وبالنسبه حق حبوب المنع يابنييياااات والله انها اتنفخ واحنا مو ناقصين كفايه الكرش متدلدل بعد العمليه بعد تنفخ عاد صج ريلي بيعرس علييي :( فدييييييييت ريلي والله يهبا يعرس علي احرقه وهو بالفراااش....:ok:

انا ولدت بالقصيرية يوم كنت حامل بالشهر التاسع صار لي حادث سيارة ونزل علي الماي بدون وجع يومين ونبضات الجنين كانت مو طبيعية فعملوا لي عملية بتخدير كامل بس الحمدلله حسيتها سهلة اول ما تقومين من البنج حسيت وجع بس جابوا لي ولد وشفته وابتسمت واتكلمت ويا الممرضة بعد كذا عطوني ابرة ونمت وقمت الصبح ورضعت ولدي وقالوا لي امشي علشان الهوا في البطن يطلع ولا بتصير فيني كرشه وتم كل شيء على خير والحين بطني لاصق بظهري

السلام عليكم بنات لحد يزعل من كلامي انا بتكلم بكل صراحه وبدون مبالغه اغلب اللي مروا بالموضوع اذا مو كلهم امسوين القيصريه كنها شي خطير و من كلامهم اي وحده حامل ودشت عالموضوع بتاخذ فكره عن القيصريه انها شي خطييييييييييير و كله مساوئ بتقولون المجرب غير اللي ما جرب صح!!!!!!!!!!
انا وحده ولدت مرتين قيصريه و خلاص طول عمري بولد قيصري مالي امل طبيعي وبذكر لكم تجربتي لانها ما كانت سهله ابد وانا بترك لكم الحكم انا عندي مضاعفات تصير لحملي من احمل وانا لازم الازم السرير وما اتحرك الا عند الضروره لانه تصير معاي طلق مبكر وفي ولادتي الاولى ولدت ولاده مبكره بالثامن لانه البيبي تعب وقلت نبضات القلب عنده فدخلوني عمليه بلا نقاش ولانه الراس كان بعد فوق وكان البنج كلي وفي ولادتي الثانيه حاولوا اني اوولد طبيعي 12 ساعه واهم يحاولون لين صرت خرجه من التعب عقب طلعت عندي مشكله اخري واهي سماكه بعنق الرحم ما يفتح ابد وولدت قيصريه بعد ما هلكت 12 ساعه بالوضع وقبلها الطلق 5 شهور ذابحني وكان البنج كلي والفرق بين الطفلين 3 سنوات ونص بس والله انه العمليه رحمه من رب العالمين يعني انا اقول لو ما كان فيه عمليه كان ممكن اني اكون ام الحين؟ اعتقد الجواب واضح واهو لا لانه الطفل بيتعب ويموت في بطني فالعمليه لها اكبر فضل علي بعد الله سبحانه وشوفت بنتي بعد العمليه تستاهل التعب كله .


العمليه رحمه من الله للي تعاني من مشاكل واللي بتنظر لها من الناحيه الايجابيه نفسي راح يهون الالم وكله فيه تعب الطبيعي او القيصري الفرق انه الطبيعي المها بوقت الولاده اما القيصري فبعد الولاده .

بالنسبه للجرح فخياطتي تجميلي يعني مالها اثر و مالي كرش والحمدلله اربط بطني عاشر يوم من الولاده وامشي والعب رياضه الشي الوحيد اللي نبهني له الدكتور اني ما اشيل شي ثقيل .

وللاخت اللي قالت ما يصير لولب للوالده قيصري فهذي معلومه خطأ لاني انا ركبت في بنتي البكر لولب بعد فتره 6 شهور من العمليه .

ولكل وحده حامل وفي احتمال انها تولد قيصري اقول لها لا تخاف و تكثر من الدعاء و قراءه القرآن وبتشوف اشلون انها سهاله من رب العالمين العمليه والله والله والله والله اني ما قلت غير الصج وتجربتي بدون اي مبالغه والحين عمر بنتي سنه ومن تكمل سنتين بحمل و بولد قيصري باذن الله والخوف شايلته من راسي لانه اهو اللي بجيب الالم والنفسيه الزفت اللي بتنعكس عليج .

ادري طولت عليكم بس حبيت افيدكم واغير شوي من تفكير البعض للعمليه لو كل وحده اهتمت بنفسها بعد القيصريه بجسمها و شعرها و تحدت نفسها انها ترد احلى من اول انا متاكده انه راح تغير كلامها بس تقعد وتصيح وتقول كل شوي اي اكيد نفسيتها بتاثر عليها.

ماشاااء الله عليج ياعوااااطف,,:D_smil1: وانا بعد ما اقصد اني اخوف البنيااات من العملية تراهي اهوون من الااام الطلق بس سبحاان الله كل شي وله حكمته وصج احسااس الامومه غير لمن تولدين طبيعي وهاي كلاام وايد حريم جربو الطبيعي والقيصري قالو انه عيالهم اللي ولدوهم قيصري خدالهم وقت لين ماحبوهم وسبحان الله اجر. بس الحمدلله على كل حاال عيل الاوليين اش سوو بدون عمليات وكانو يجيبون طبيعي وحتى لو كان لهم مضاعفاات سبحان الله الله كان معطهم على نيييتهم والله... زيييين اختي عواطف انا الدكاتره قالو لي مب زين الربط عشان يعوق الرحم من انه يرجع مكانه.. ابي اعرف عن تجربتج وهل جبتي مساااده وانا عن نفسي بعد اربعيني بارد بيت ريلي وابي اكشخ واتعدل وابي اسوي حمام مغربي ياترى متى اقدر اسوييي.....:B_wink: وابييي اعرف كم خذا لج وقت لين دخلت الكرشه

انا من شهر والده ابقيصري طبعا مب بأيدي ولا كنت حاطه في بالي اني بولد قيصري ايدااااااااااااااا

بس شو الي صار كنت امنومه بالمستشفى لان الضغط كان يرتفع عندي..وكنت بشهر الثامن يعني اسبوعين ودخل التاسع..

فجاءة الفجر حسيت الالام في بطني وما قدرت اتحملها وكان الضغط وااااايد مرتفع فا بسرعه نقلوني للعنايه الي ما قبل الولاده..وكانووا 7 دكاتره عليه وبسرعه بسرعه ما خلووووا ابره ما حطوها في ايدي ويميع الويارات على صدري ونقلوني بسرعه لغرفه العمليات وكانوووو مقررين بنج كامل ويوم عرفت انه بنج كااااااامل وتعلق في زوجي وصيح اقوووله لو شوو ماااا اباا بنج كامل وسولي بنج نص

وشفت الدكتوره والله كنت ذبيحه بايدها هههههههه

عن الالام اانا كنت فالعنايه المركزه الفائقه 3 ايااااام لان خايفين من الضغط وثاني يوم قالوا لازم تمشين ااااااااااااااااااااااااااااااه والله تعذبت مااااااا كنت اقدر امشي احس مثل الموووووس يطر بطني وما كنت اقدر انااااام كله على مسكناااااااات بس يوم سمعت انه الجرح يبرى بسرعه بالمشي كنت اضغط على عمري وامشي كل يوم فالمستشفى ارووح اشووف ولدي بالعنايه والحمدالله والله خلال اسبوعين انا رديت عاديه بس طبعا مرات الالم يرجع اذا طولت وايد فالمشي والحين مرات احس بالم الخياطه بس يقولولي عادي..

انا يمكن ما حسيت ابتعب وايد لاني اتحملت المي انا يعني ولدي ما كان عندي يعني الاهتمام كله عليه..

بس حاليا احس اب الالام فالرحم الصراحه واحس فيه انه بعده يتقلص.