الملاب:
حبيبتي انا انسانه صريحه جدا بردودي واتمنى ما يزعلج رايي سمعي عيوني انتي تجلسين مع رجل اجنبي وتكلمينه ويكلمك ويمازحج بعد ويستخف دمه وهذا محرم بلاادنى شك وبعدين تقولين انا الدين عندي اهم شي ؟؟!!!!!!!!!!!!!!!!!!!!!!!!!!!!!!!!!!!!!!!!!
شو هذا التناقض
يعني هو الحين عدو من اعداء الله لاتنسين هذي النقطه بعده مااسلم وين الولاء والبراء في قلبج كيف ترتاحين له وحتى لو كان مسلم وعربي ومن نفس ديرتج او حتى ابن عمج وتجلسين معه وسواليف وهات يامزح وضحك ضنتج عيوني لو تزوجتو على هذي المعصيه بيوفقكم الله فكري بكلامي عدل وانتي عاقله ومسلمه وتعرفين ان الله حق وانتي طلبتي المشوره ومو كل رايي راح يعجبج بس انا ما حبيت انافق واطلع عدوالله احسن من شبابنا المسلمين مثل ماذكرت وحده الله يغفر لها
هذا شي الشي الثاني منو قالج عندنا عادات مالها علاقه في الدين كل عاداتنا نزل فيها نص تحريم او تحليل فكري زين الزواج كم نص قرأني او نبوي وضح اموره الابناء الاصدقاء الاهل حياتنا البسيطه حتى آداب الزياره نحنوا اصحاب دين عظيم حركاتنا وسكناتنا جاء فيها من الله تبيين
حبيبتي الملاب
كلامج على راسي وعيني وبالعكس مايزعلني
وانا معاج ان السالفه فيها تناقض وانا ما انكر الشي
وان اللي سويته غلط وانا معترفه بهالشي ولا انكره بس الواحد دايم يحاول انه يحسن من نفسه وانا وحده الحمدلله الحين احاول مع نفسي واسأل الله الثبات
اما بالنسبة للعادات اذا كان نازل "نص قرآني" فهذي ماصارت عادات هذي تدخل ضمن الدين
واذا عن السنة النبوية وآداب الزياره والأمور الاخرى فكل مسلم أعتقد انه بيمشي عليها دام هو مقتنع بدينه وراضي عنه
وهذا الشي ماله علاقه بعادات وتقاليد العرب أو الخليج، يمكن بعضها مستمده من الدين صحيح بس البعض الثاني ماله علاقه ومو شرط كل شي ربى عليه اجدادنا ووجدنا آبائنا يسوونه لازم يكون صحيح
الحين الناس صار عندهم فهم للدين وعرفوا يفرقون بينه وبين العادات وبين العرف
طيب بضرب لج مثال:
1. زواج الاقارب (البنت لولد عمها) هذا من العادات وليس من الدين
2. عدم السماح للبنت بالزواج من خارج العائله أو القبيله حتى لو أدى ذلك الى عدم زواجها طول حياتها، مثل ماقالت الاخت asaria girl ان هذا الشي اللي صاير عندهم في ليبيا وهذا شي اكيد انه ماله علاقه بالدين واصلا مايجوز منع البنت من الزواج عشان هاذي الاسباب التافهه
3. نظرة المجتمع للمطلقه مثلا. يعني عندنا هني الناس دايما يشوفون المطلقه بنظره احتقار او انها مذنبة وهذا الشي منتشر بكثره في المجتمعات العربيه. او اذا البنت جات تبي تتطلق قالوا لها أهلها والناس؟؟؟ او احنا ماعندنا بنات تتطلق او استحملي وقعدي حق زوجك وعيالك. وهذا الشي مانشوفه في المجتمعات الثانيه غير العربيه (مش بكثرة وجوده عندنا)
4. أو في مسألة الزواج، ممنوووووع البنت تقول انا ابي اتزوج عييييييب
او اذا جاها عريس وابدت رايها بكل صراحه صارت وحده ماتستحي وقليلة أدب او في بعض المرات ممنوع بعد تبدي أي راي "الراي رايك يايبه والشور شورك يا يبه":shy:
مع ان هي من حقها تقول زوجوني أو انا ابي اتزوج أو فلان ماعجبني انا ابي المواصفات الفلانيه
وهذا الموضوع يطول بس انا دايما أقو ان هناك فرق بين الحرام والعيب
الحرام والحلال هذا مانختلف فيه وهو شي في ديننا
أما سالفه ان هذا الشي عيب او لا فهذا الناس والمجتمع هم اللي خلقوا هالشي وصاروا يعتبرونه مثل الدين
شكلي وايد طولت بس انا حبيت أبين هالنقطه
وانا ماعندي اي اعتراض على كلامج
بالعكس الا ريحني واسعدني
ومشكوورة على مرورج وردج (f)