هل تقبلين ؟؟ (موضوع للنقاش)

نبـض روحـي:
بصراحـــه ماتخيل نفسي اتوظف مع رجال أجنبي ولا افكر حتى حرام

ولكي تقديري

مشكورة الغاليه على الرد
بس اذا اماكن الدراسه اللي عندنا هني كلها مختلطه وش نسوي؟؟:sad:

الله المستعان
ومسكورة مره ثانيه

زهرة الموت:
امي منهم
انا احبهم واحب كل الخليج والعرب
ووعد وسارة نموذج سئ وهيفا ونانسي نموذج شئ ومشين
بس الأسلوب مستفز وانا بطبعي ما احب اسكت
اسفة اني غيرت مجرى الموضوع حبوبة
والله يوفقك

ثنكس حبيبتي زهرة الموت
والله يوفقك ويوفقنا (f)

ام شجاع:
هذا اللي انت حابة تعتقدينه

هو راح يكون مسلم لكن هل راح يبطل سهر مثلا؟؟

هو راح يبطل الخمر ولحم الخنزير

بس هل راح اهله يسلمون مثله ويبطلون هالاشياء؟؟

واذا كنا مع اهله في مكان معين هل راح نمنع انفسنا نشوف عاداتهم وتقاليدهم قدامنا متجسدة

والا هو راح يتخلى عن اهله بعد؟؟؟؟

هو صحيح عن الاهل
بس هذا الشي مايمنع ان الواحد اذا كان صالح نرفضه على طول عشان أهله
لان يا ما ناس انظلموا عشان هالسبب
انا مره تقدم لي واحد ملتزم ومتدين بس امه واهله كلش عكسه
امه مديره في بنك ولا حجاب ولا شي
ووايد متحررين، حتى هي تقول عنه: مادري على من طالع، هو كلش غير عنا
وعادي هذا الشي ما أثر فيني ومارفضته
بس ماصار نصيب عشان اشيا ثانيه
يعني اذا الواحد الله هداه مايصير نسد الطريق في ويهه عشان أهله

واذا عن السهر
ماعتقد السهر فيه شي اذا كان بدون شرب واشيا مش حراام
:shy:

هلا حبوبة

بالنسبة للزواج من أجنبي جدا صعب
والعادات والتقاليد لها دور طبعا
لأنه عايلتنا يالله يالله اذا الوحده تزوجت من عايلة ثانيه
فكيف اذا تزوجت من ديرة ثانية ولا بعد أوروبي<<<<<أتكلم عن عائلتنا

واللي أعرفه ان الناس الأجانب الحديثي الاسلام
يكون التزامهم وثقافتهم بالدين وتمسكهم أكثر من العايشين فبلد مسلم ( ما أعمم)

لأن معظم الشباب تكون ثقافتهم بالاسلام سطحية
وما يعرفوا جذوره .. تقولي كأنهم يتبعوا دين الأجداد
وماعرفين شو هو الدين بالاساس(مقل ما قلت ما اعمم )...

.غير عن اللي يبي يدش في الاسلام
ويتعمق فيه وفكل نواحيه عشان يقتنع..

والأهم من هذا كله
رضا الوالدين لأنه من رضا الله سبحانه وتعالى
وعليج من كلام الناس اللي ماله نهاية

والاستخارة

:shy:

*عربية*:
هلا حبوبة

بالنسبة للزواج من أجنبي جدا صعب
والعادات والتقاليد لها دور طبعا
لأنه عايلتنا يالله يالله اذا الوحده تزوجت من عايلة ثانيه
فكيف اذا تزوجت من ديرة ثانية ولا بعد أوروبي<<<<<أتكلم عن عائلتنا

واللي أعرفه ان الناس الأجانب الحديثي الاسلام
يكون التزامهم وثقافتهم بالدين وتمسكهم أكثر من العايشين فبلد مسلم ( ما أعمم)

لأن معظم الشباب تكون ثقافتهم بالاسلام سطحية
وما يعرفوا جذوره .. تقولي كأنهم يتبعوا دين الأجداد
وماعرفين شو هو الدين بالاساس(مقل ما قلت ما اعمم )...

.غير عن اللي يبي يدش في الاسلام
ويتعمق فيه وفكل نواحيه عشان يقتنع..

والأهم من هذا كله
رضا الوالدين لأنه من رضا الله سبحانه وتعالى
وعليج من كلام الناس اللي ماله نهاية

والاستخارة

:shy:

مشكوره حبيبتي عربيه على مرورج وردج
وكلامج اللي اتفق معاج في كل شي فيه

:clap:

انا الشوق نفس السالفه امر فيها الحين
بس مع امريكي
مو ارووبي
قويه صح
وانا من سابع المستحيلات اني اتزوجه لاني عارفه راي اهلي بهالموضوع
فلو تشوفين الاحراج اللي انا فيه شكثر
عالعموم انا برايي انه اذا عاجبج وكان خوش واحد واهلج متفهمين وموافقين
توكلي على الله لكن قبل استخيري
كافي انه بيسلم
وجزاج الله خير انج عتقتيه من النار بعد الله
والله يوفقج حبوبه ويسعدج

انا في الجامعة عندي مدرسين امريكان بس مسلمين والله ادا سرت اسال عن شي وسايرة لوحدي عنده المكتب يقولي لا تدخلين جبي معاكي وحدة يعني لازم نكون ثلاث او اكثر من وحدة اما المدرسين العرب يفتحلج الباب ويسولف ويضحك ولا كان في حدود انا ما اقولج اتزوجيه بس ادا انت مقتنعة فيه الله يوفقك ولا تنسي لاجر ان بيسلم واحد على ايدك والله يوفقك

ضي_البدر:
انا الشوق نفس السالفه امر فيها الحين
بس مع امريكي
مو ارووبي
قويه صح
وانا من سابع المستحيلات اني اتزوجه لاني عارفه راي اهلي بهالموضوع
فلو تشوفين الاحراج اللي انا فيه شكثر
عالعموم انا برايي انه اذا عاجبج وكان خوش واحد واهلج متفهمين وموافقين
توكلي على الله لكن قبل استخيري
كافي انه بيسلم
وجزاج الله خير انج عتقتيه من النار بعد الله
والله يوفقج حبوبه ويسعدج

مشكورة الغاليه ضي البدر
وصج السالفه تدور الراس :shy:
وبالتوفيق (f)

noonoo_nice:
انا في الجامعة عندي مدرسين امريكان بس مسلمين والله ادا سرت اسال عن شي وسايرة لوحدي عنده المكتب يقولي لا تدخلين جبي معاكي وحدة يعني لازم نكون ثلاث او اكثر من وحدة اما المدرسين العرب يفتحلج الباب ويسولف ويضحك ولا كان في حدود انا ما اقولج اتزوجيه بس ادا انت مقتنعة فيه الله يوفقك ولا تنسي لاجر ان بيسلم واحد على ايدك والله يوفقك

والله كلامج حلو نونو نايس
وذكرتيني بعد بدكتور امريكي عندنا من جم سنه أسلم
والدكاتره الباقي اللي عندنا اذا قالوا لهم البنات ليش درجاتنا جذي يقول لهم ماتيونا المكتب :qaq:
حتى وايد بنات يقولون اذا تبون تحصلون A روحوا المكتب سلموا على الدكتور وسالفوا معاه :sad: :angry:
ومشكورة اختي على الرد

السموحه اختي
على الأخطاء في الرد
لأني كتبته على على عجله

مثل:
وعليج من كلام الناس اللي ماله نهاية

واللي قصدته:
ما عليج من كلام الناس

:shy:


والحمدلله انه ردي نال على رضاج

فديتج(f)

*عربية*:
السموحه اختي
على الأخطاء في الرد
لأني كتبته على على عجله

مثل:
وعليج من كلام الناس اللي ماله نهاية

واللي قصدته:
ما عليج من كلام الناس

:shy:


والحمدلله انه ردي نال على رضاج

فديتج(f)

فديتج عربيه
انا افهمها وهي طايره خخخخخخ
وحتى لو ماعجبني ردج
انا اقدر اقول شي؟؟:shy:

اذا كان اسلامه عن اقتناع واهلج ما عندهم مانع ليش لا

على الاقل عيالج بيطلعون شقر


لوووووووووووووووووووول


اتغشمر خخخخ

ربي يوفقجججججججججججججج بالعكس هذا شي لازم تفرحين فيه انه انسان اسلم و صار مسلم توكلي علا ربججج و ربي يوفقج

ابتسامة طفل:
اذا كان اسلامه عن اقتناع واهلج ما عندهم مانع ليش لا

على الاقل عيالج بيطلعون شقر


لوووووووووووووووووووول


اتغشمر خخخخ

ههههههههههههههههههه الله يغربل ابليسج
مشكورة حبيبتي عالرد :shy:

امانيي:
ربي يوفقجججججججججججججج بالعكس هذا شي لازم تفرحين فيه انه انسان اسلم و صار مسلم توكلي علا ربججج و ربي يوفقج

مشكوووورة حبيبتي أماني
وهو لحد الحين ما أسلم بس بنشوف اللي الله كاتبه بيصير :smile:

مرحباغلاي .....شوفي بقولج رايي وردي على كلامج ....من ناحية انه اعجبج هذا شي

عادي ممكن لانج كل يوم تشوفينه ويصير بينكم كلام في الشغل او غير الشغل...بس

لو فتره غاب عنج او غبتي عنه ما بياثر هالشي فيج ...في وحده اعرفها كبيره

شوي في العمر يمكن في ال 30 انعجبت بعد في اجنبي معاها في الدوام

بس الفرق انه كان هذاك اوروبي بس مسلم يعني المهم انعجب فيها وانعجبت فيه

وتزوجو بس زواجهم كان صدمه للكل وماتكلم وشلون نظرت الناس والمجتمع لها...

وفي النهايه طلقها بعدها بقتره بسيطه انا من رايي تشيلين الموضوع من بالج

وشباب الخليج واجد والله بيرزقج باللي احسن منه انشالله واسلوب حياتنا غير

كلش عن اسلوب حياتهم ومجتمعهم ...فكري الف مره قبل لاتميلين صوبه وفرقي

بين الاعجاب بالشخصيه وبين الحب والزواج....والله يوفقج حبيبتي

مرحبا


بختصااار وبكلمتين لج اختى ولكل من تقدم لها غير عربي ومسلم


اول شي شوفي اجرك اذا اسلم على ايدك

ثانيا من ترضوه خلقه ودينه فزوجوه يعني اذا دخل بدين صح واخلاقه توب ليش لا

ثالثا اتفقى معاه وين تسكنون >>علشان ما يصير مشاكل بعدين

رابعا توكلي على الله وبصراحه وعلى بلاطه انا حييل اتمنى اخذ واحد مو عربي ولا مسلم
ويسلم على يدي ونعيش احلى عيشه >>>>خياليه


والله يوفقك يا اختى واذا حصل نصيب خلى علاقتك معاه بعد اسلامه كم شهر لتاكد من اخلاقياته

حبيبتي الزوجة من حقها تحضن اطفالها

لفترة معينة بس

يعني الولد لين 15سنة ويخيروه بينكـ وبين أبوه

والبنت 9 سنين تروح لأبوها كذا على مااعتقد نظامنا بالسعوديه

ومين بيتعب بالنهاية غير هالعيال

زهرة الموت:
ماتتعرضي لبنات العرب بإساءة ولا تغلطي ياحلوة
لأنه عدكم كمان من السعوديات ازواجهم هاجين منهم وراحو يدوروا على المغربية والسورية اللي تقدره عيني
والناس اذواق لو زوجك هج منك وراح للسورية اسألو نفسكم ليش ؟؟؟؟
يعني لو اخذ اجنبية قلتو تريد تفشخ فلوسه ولو سعودية اخذت اجنبي قلتو ما اعرف شنو
على فكرة امي حجازية ومتزوجة ابوي اجنبي ولا اححلى من كداا
فيا حلوة لمي لسانك لأن اصابع ايدك مش سوا
وسلمي على وعد وسارة الغامدي ومدري ذيك اللي بروتانا مدري شسمها كمان

طبعا ردي لكي انتي مش لأي جنسية لأني مش من النوع اللي اعمم
وهذا ردي بكل واقعية

أول شي أنا ردي واضح جداً اني أتكلم عن الخليجيين اللي متزوجين غير خليجيات..!!
وذكرت شي واقع عندنا..(بالخليج)..!!
وبما اني سعوديه تكلمت عنها بالموضوع وماغلطت على أحد..!!
ومو ذنبي اذا انتي حاسه بالنقص وأول شي خطر على بالك اني سبيتكم..!!
ثاني شي حبيبتي انا مو متزوجه عشان زوجي يهج مني على قولتك..!!
وشي معروف عندنا بالسعوديه ان الرجال اللي يتزوج أجنبيه عربيه هذا محد رضا يزوجه بناته وخواته..لأن رجال القبايل ماتملا عينه الا السعوديه القبيليه...!!
أما سالفة الخوات بسوريا والمغرب انا ماتكلمت عنها..انتي اللي جبتي سيرتها..!!
وأرجع أقول ان اللي يتزوجون اجنبيات عادي مانزعل عليهم لأن لو كانت اخلاقه كويسه مافكر بالاجنبيه..!!
والغريب بكلامك انتي اللي تغلطين على السعوديات وجايه بالاخير تقولين :

على فكرة امي حجازية ومتزوجة ابوي اجنبي ولا اححلى من كداا

؟؟؟؟

فيا حلوة لمي لسانك لأن اصابع ايدك مش سوا
وسلمي على وعد وسارة الغامدي ومدري ذيك اللي بروتانا مدري شسمها كمان

أتمنى لو اسلوبك يكون برد حضاري على الاقل احتراماً لصاحبة الموضوع..!!
اما حكاية وعد ومدري مين الله يخلي لهم الجنسيه السعوديه اللي ماخذينها..!!


أنا الشوق

حبيبتي آسفه لأني اضطريت ارجع ارد بموضوعك لكن ردي كانت مجرد توضيح لخواتي اللي يقرون الموضوع حتى مااجرح احد او وحده تفهمني غلط من العضوات مع اني متأكده انهم اكبر من كذا..!!
ووجهة نظري مراح اغيرها عشان وحده.......!!!!!
عموماً انا قلت اللي عندي ومالي رجعه ع الموضوع اذا كان الرد على كلامي بسوقيه..!!
ويعطيك العافيه ياقلبي واتمنى تعذريني يالغلا..!! (f)

انا بكتفى انو اقنعو بالاسلام ويسلم وما راح اخلى يحكى كلام عن حب وزواج اذا انا وافقت بعرف رد اهلى دايما يكسرو خاطرى سواء مسلم ولا مو مسلم ردهم جاهز