كرش ما بعد الولادة وكيفية التخلص منه

[GRADE="00008B FF6347 008000 4B0082"]
الاسمرار يروح بعد شهرين
وبالنسبه للي ماربطت بطنها اهم شي الرياضه ألحين حتى تنشد.
[/GRADE]

انا عن نفسي تمرخت بعد الولاده 3 ايام ... وشريت من رامز ب 600 درهم مشد عادي يشد البطن وايد حلو

وانشاء الله اوكي يصير بطني

طيب انا الحين صارلي 18 يوم تقريبن يمديني اشد ولا راحت علي

نتايج الشماغ مثل نتايج المشد ؟

وش احسن

عانيت من الكرشه لكن رحت لاخصائية تغذيه
ونصحتني اكيد بالرياضه بعد الاربعين رياضة مشي خفيفه
وتمارين للبطن ..وكنت اشد بطني برباط طويل من تحت من اول الايام..
ارتحت واجد عليه..ونصحتني الدكتورة بنصيحة عجيبه
تقول ان الكرشة تروح اكيد بالتمارين الخفيفه لكن للي تبيها تروح بسرعه
تداوم على اكل اللوز الغير مملح يعني الطبيعي كل يوم 5 حبات او كل يومين
وتفطر ببيض افضل من اي شي ثاني وبعد تداوم على تناول فول الصويا
والتفاح وبعد ثمار الفراوله الطازجه مو العصير لااااااا..
وتبلع البطن يعني قد ما تقدر تحاول تشد بطنها
والجلسه الخطأ بعد تزيد من الكرش..
والحين الحمد لله ما عندي كرشه صار لي سنه من ولدت واختفت بفضل
هالنصايح..طبعا مع الانتظام بالاكل الصحي ..

سنيورة..
انا ما استخدمت المشد الخاص استخدمت رباط عادي!

واكرشتاااااااااااااااااااه

مصيبه هالكرشه

كيف الحصى الحارة؟؟؟؟؟؟؟؟؟
والله مشكلة هالكرشة
اذا فيه كريم ممتاز طبي مجرب ياريت ما تبخلون علينا

manar_463

فيه وقت شدي بطنج وانشاء الله بتروح الكرشه

انا بعد الولادة الثانيه اهتميت اكثر وشديت بطني 50 يوم وحطيت حصاه حاره لمدة شهر يوميا ومالعبت رياضة بس انقطعت عن العيش في الاربعين وشربت سوائل ساخنه والحين اشوف بطني اختفى اكثر من الولادة الاولى..

حبيبي;6266148:
manar_463

فيه وقت شدي بطنج وانشاء الله بتروح الكرشه

انا بعد الولادة الثانيه اهتميت اكثر وشديت بطني 50 يوم وحطيت حصاه حاره لمدة شهر يوميا ومالعبت رياضة بس انقطعت عن العيش في الاربعين وشربت سوائل ساخنه والحين اشوف بطني اختفى اكثر من الولادة الاولى..

كيف الحصاه الحارة وكيف حجمها ومن فين أجيبها

افضل طريقة للربط
هي الربط بشماغ الزوج
مجربه مع جميع اخواتي
واناراح اجربهاباذن الله

خواتي أنا بولادتي الاولى كنت كثير مهملة ورفضت الربط وصار عندي كرشة مش طبيعية ... وحاليا انا حامل للمرة الثانية بس ناوية اهتم اكثر هالمرة سؤالي في امل افقد الكرشة بعد حملي الثاني ولا خلص راحت علي ؟؟طمنوني ارجوكم علشان ترتفع معنوياتي


شكرا .. ودمتن بود

um toleen

الغالية انشاء الله فيه امل لاني انا خف بطني في الولادة الثانية عن الاولى لما ربطت واهتميت وانشاء الله انت بعد بيخف..لاتحاتين

لا تهتمي اختي
النفاس يعدل النفاس
والدوره تعدل الدوره
هذا معروف

اسمحولي يابنات
تراني اول مرة اسمع عن كل إلي تقولونه
لا اعرف المشد ولا شلون يتلبس ولا كم يوم
ولا اعرف الحصاه الحارة وش هي اصلا
ولا اي كريمات
يعني الله يعيني بنفسي
انا بالدوحة وماعرف من وين اجيب المشد والحصارة؟؟؟
وشلون اربطها؟؟؟
ومتي ألبسها ومن متي لمتي؟؟؟

واسمحولي لاني زي الاطرش بالزفة

مرحبا أخواتى ...


طيب والى عامله قيصرى ويش تعمل لبطنها ؟؟؟ صديقتى الان والده بس قيصرى وبطنها كبير ومش عارفه تعمل ايه؟؟


تحياتى

الماسة وحساسة

اختي الحصاه هي عبارة عن صخرة صميه مكوره تسخن على النار وتلف بفوطه وتوضع على البطن مرتين في اليوم لمدة ساعة الى اثنتين..
اما الربط فاذا ما اتوفر لج المشد الاندونيسي ربطي بالشماغ الاحمر للريايل ..اخذي الشماغ وقصيه الى ثلاث اجزاء متساويه وبعدين رفعي بطنج الى اعلى وربطي اول الثنه ثم المنطقه الي تحت السر والاخيرة المنطقة الي فوق السر يعني بتربطين 3 مناطق وتقطين الاطراف الزائدة بعد الربط..وانشاء الله فهمتي علية

للتخلص من الكرش المفروض ما تسمنين كثير في فترة الحمل
و بعد الولادة الرضاعة الطبيعية تشد البطن و ترد الرحم و يصير مافي كرش و لا بطيخ و هذه نعمة الرضاعة
و عن تجربتي الخاصة الحمدلله ماعندي كرش لاني اهتمين بنفسي فترة الحمل و بعد الولادة كذلك و استمريت بلرضاعة و من المعروف علمياً ان الرضاعة الطبيعية تحرق السعرات الحرارية بدون رجيم و لا رياضة

و اسمحولي سالفة المشد و هالخرابيط كلها مالها اساس علمي و سألو الدكاترة اذا مو مصدقين

انصح الجميع بالرضاعة الطبيعية

انا بعد من مؤيدي ان الرضاعة الطبيعية ترد الجسم مثل ما كان

مرحبا أختي ..
انا سمعت طريقة حلوة وجيدة وبدون تعب وهي انك تنامين بدون وسادة فترة النفاس خاصة بالنوم العميق مش النوم اللي نص ساعة او ساعة بس عشان يتساوى الجسم مع الكرشة وتروح

بالتوفيق..