فينكوا يا بنات يا مصريات ؟؟؟؟؟ ( الجزء الثانى )

ناني فيبس;4190698:
لو تقصدي كرات الاسترخاء اللى في طقم البيرل
دي بتحطي منها في ميه البانيو وتقعدي فيها للاسترخاء

طيب هى بتعمل اية يعنى

رغاوى ولا اية ؟؟

@ green apple @;4208859:
الماسكرا من برجوا حلوة جداااااااا

والايشادو بردو من برجوا

انا مش بستخدم اي لينر

والبلشر انا بستخدمة من ميك اب فوريفير

والاضاءة اللى تحت الحاجب اى ايشادو بلمعة حلوة كدة

لكن اللى تحت العين مش بستخدمها
وياريت اللى يعرف يقولى بكم وماركة اية

الف شكر على ردك واهتمامك وكنت عايزة اعرف الاقى الماركات دية فى اى محل مكياج ولا محلات معينة وياريت تقوليلى الاسعار لو سمحتى وياريت باقى البنات الى يعرفو يفيدونى

shewawa;4207201:
أول سؤال
انا بحط الكحل القلم بس مشكلتى معاه انه ساعتين بالظبط و بيسيح وبينزل تحت عنيا وبيشوه منظرى جدا
بليز قولولى اعمل ايه؟

نصيحة مني افضل قلم كحل استخدمته في حياتي

هو قلم كحل من اوريفلام ليه خمس الوان

اللى هو تلفي القلم عشان يخرج

دة ثابت جدا ومش بيسيح وفي نفس الوقت ناعم جدا على العين بجد رائع واكتر من رائع

shewawa;4207207:
تانى سؤال
عايزه اعرف مزيل ماكياج حلو للعين والبشره أنا بستعمل أفون هوحلو بس كريمى وانا بشرتى دهنيه

في غسول ومزيل مكياج من جونسون تحفة تحفة جربيه

هو جيل وفي حبيبات صغيرة زرقا

ياااااااااااااااه اخيرا لقيت موضوع للمصريات
كنت بدور علي مشاركه واحده لقيت موضوع كامل
انا جديده وحبه جدا اشاراك معاكو

انا قريت شويه من الجزء الاول وان شاء الله هاتابع معاكو هنا
بس انا ماليش اوي في الميكب وكنت عايزه اسال عن فير اند لافيلي ومنتجاته كويس ولا مضر واللي موجود منه في مصر اللي في الصيدالايت دا مضمون ولا اجيبه من بره انا سمعت كمان انه لا قدر الله بيجب مرض مش كوزيس في الجلد مع تكرار استخدامه وتعرضه للشمس مع انه المروض اصلا للشمس
يارب القمرات حد يفدنى

لا انصحك به ابدا له اضرار على المدى البعيد

horse25;4261435:
ياااااااااااااااه اخيرا لقيت موضوع للمصريات
كنت بدور علي مشاركه واحده لقيت موضوع كامل
انا جديده وحبه جدا اشاراك معاكو

اهلا بيكي معانا نورتي

اللى اعرفه ان اي كريمات تفتيح ما ينفعش نستخدمها مع الشمس

ومنصحكيش بيه خالص اصلا

خليكي في الطبيعي

ناني فيبس;4232907:
في غسول ومزيل مكياج من جونسون تحفة تحفة جربيه

هو جيل وفي حبيبات صغيرة زرقا

انا اتفرجت على الاعلان بتاعة بس مش عارفة اذا كان نزل مصر ولا لسة
ولو نزل ممكن تقوليلى سعرة و فين القية....ومعلش تقلت عليكى:9_28:

at2ota;4207143:
السلام عليكم ورحمة الله وبركاتة

ياريت ياجماعة تقولولى على افضل نوع للبلاشر والماسكرا والايشادو الالوان الفاتحة الى بلمعة خفيفة والاى لاينر و الاضاءة لتحت العين وتحت الحاجب
وياريت الاسعار وتكون متوافرة فى مصر

بصى انا افيدك فى المسكارا
اللى انا دايما بستخدمها هى اورفليم وبطول الرموش جدااا لدرجة انا الدكاترة بتوعى فى الكلية كانوا بيقولولى احلى حاجة فيك رموشك وهى ب 34 بس بينزل عليها عرض وبتوصل ل17
maxfactor جميلة وبجبها من اى حد يكون جاى من برا وهى بحوالى 25 يورو.... وهتلاقى دة سعرها بالمصرى حوالى 150 جنية

littel cute angel;4284538:
بصى انا افيدك فى المسكارا
اللى انا دايما بستخدمها هى اورفليم وبطول الرموش جدااا لدرجة انا الدكاترة بتوعى فى الكلية كانوا بيقولولى احلى حاجة فيك رموشك وهى ب 34 بس بينزل عليها عرض وبتوصل ل17
maxfactor جميلة وبجبها من اى حد يكون جاى من برا وهى بحوالى 25 يورو.... وهتلاقى دة سعرها بالمصرى حوالى 150 جنية

الف شكر على ردك واهتمامك بس ياريت توضحيلى شكل الماسكرا او اسمها بالظبط بتاعت اورفليم لان فى فى اورفليم كذا نوع وكمان كنت اشتريت من فترة ماسكرا من اورفليم وكانت ب 24 جنية بس معجبتنيش ياريت توضحيلى بالظبط الماسكرا الى تقصديها

at2ota;4284965:
الف شكر على ردك واهتمامك بس ياريت توضحيلى شكل الماسكرا او اسمها بالظبط بتاعت اورفليم لان فى فى اورفليم كذا نوع وكمان كنت اشتريت من فترة ماسكرا من اورفليم وكانت ب 24 جنية بس معجبتنيش ياريت توضحيلى بالظبط الماسكرا الى تقصديها

]بصى دة المكتوب عليها بالظبط
oriflame
500%volume masscara

horse25;4261505:
انا قريت شويه من الجزء الاول وان شاء الله هاتابع معاكو هنا
بس انا ماليش اوي في الميكب وكنت عايزه اسال عن فير اند لافيلي ومنتجاته كويس ولا مضر واللي موجود منه في مصر اللي في الصيدالايت دا مضمون ولا اجيبه من بره انا سمعت كمان انه لا قدر الله بيجب مرض مش كوزيس في الجلد مع تكرار استخدامه وتعرضه للشمس مع انه المروض اصلا للشمس
يارب القمرات حد يفدنى

بصى يا قمر

فير اند لافلى دة انا اشتريتة مرتين

وكل مرة استعملة مرة واحدة وارمية لان من اول استخدام لازم تتلعى حباية كبيرة ومحمرة وبتوجعنى كدة

شكلها غريب بصراحة

واتكرر معايا مرتين ومجبتهوش تانى ابدااااااااااا

منصحكيش بية خااااااااااااالص

يا بنات انا كنت بستخم الاي لاين القلم الاسود فتحديد العين علي اجفن العلوي

بس لاقيت في بنات بتستخدم الاي لاينر السائل وبتقولي انه احسن عشان بيفضل وقت اطول

ممكن حد يقولي ايه احسن

ولو في ماركه معينه للاي لاينر السائ

ناني ممكن تقوليلي مزيل ماكياج العين كويس للعين الحساسه

ويارت تقوليلي سعره كام

انا سمعت في التليفزيون عن غسول جونسون مزيل للمكياج ومكياج العين هو نزل مصر ولا لسه وبكام الي تعرف

يابنات ياريت حد يساعدني مين فيكوا تعرف معطر للشعر كويس لاني بعد مااغسله بشفه بس بردوا بيفضل في بعض الماء والفه تحت الايشارب فبيكون له رائحه مش لذيذه وكمان ايه احسن انواع الكونسيلر وبكام وياريت حاجات سعرها هادي شويه

dr/dina;4291669:
يا بنات انا كنت بستخم الاي لاين القلم الاسود فتحديد العين علي اجفن العلوي

بس لاقيت في بنات بتستخدم الاي لاينر السائل وبتقولي انه احسن عشان بيفضل وقت اطول

ممكن حد يقولي ايه احسن

ولو في ماركه معينه للاي لاينر السائ

"
kameko" بصي حبيبتي انا بجيب اي لينر اسمه كاميكو حلو قوي ورخيص مش غالي بحوالي 20 جنيه