فينكوا يا بنات يا مصريات ؟؟؟؟؟ ( الجزء الثانى )

سمراء مصر;3984206:
السلام عليكم ورحمة اللة وبركاتة /

من فضلكم يا بنات عندى سؤال يعنى اية بيز واجيب اى ماركة بس يكون سعرها كويس

والسؤال الاهم هو فى كريم اساس للجسم ووتر بروف لان طبعا الاماكن الغامقة فى الجسم ملهاش حل وكان مفيش وقت للعلاج ارجو الاجابة فى اسرع وقت

:confused::confused::confused::sad:

فى ياحبيبتى كريم اساس للجسم ووتر بروف اسمه كفر ديرم ده اللى عملتله دعاية امينه شلبايه

بس سعره هايكون غالى شويه يعنى ممكن180 جنيه بس شكله حلو اوى

بس بصراحه انا شايفه انه مش هاينفع طول العمر تحطى منه حاولى تعالجى الاماكن دى او تعايشى معاها لاننا كلنا عندنا عيوب
وربنا يوفقك حبيبتى

@ سحاب @;4002140:

السلام عليكم
يابنات انا عندى سؤال كتبته فى موضوع تانى للمصريات بس محدش عبرنى غير بنت واحدة بس ربنا يكرمها :sad:
هكتبه تانى هنا يمكن حد يرد
عايزة يابنات واحدة تجيلي البيت تعمل ميكب وشعر عروسة وتهتم بيها قبل الفرح تكون كويسة جداااااااا طبعا تبقى فى القاهرة
ياريت يابنات اى حد عنده فكرة يقولى و جزاكم الله خير :9_33:

يا حبيبه قلبى اى بيوتى سنتر روحيله واتفقى معاه ان واحده تجيلك البيت تهتم بيكى .... انا واحده قريبتى عملت كدا واهتمت بيها فى يوم الفرح كمان يعنى عملتلها شعرها والميك اب وكدا بس بصراحه الميكب اب بتاعها معجبنيش عادى اوى كأنك خارجه مع اصحابك مش فرحك حتى الميك اب مكنش فيه حتى لمعه ولا اى حاجه وكانت يادوب حاه بودر واى شادو وكحل ونسيت تحطلها ماسكرا ...:qaq:

والله اتصدمت لما عرفت انها عملتهلا الميك اب دا فى 7 ساعات :qaq:

أسيرة حنانه;4003049:
يا حبيبه قلبى اى بيوتى سنتر روحيله واتفقى معاه ان واحده تجيلك البيت تهتم بيكى .... انا واحده قريبتى عملت كدا واهتمت بيها فى يوم الفرح كمان يعنى عملتلها شعرها والميك اب وكدا بس بصراحه الميكب اب بتاعها معجبنيش عادى اوى كأنك خارجه مع اصحابك مش فرحك حتى الميك اب مكنش فيه حتى لمعه ولا اى حاجه وكانت يادوب حاه بودر واى شادو وكحل ونسيت تحطلها ماسكرا ...:qaq:

والله اتصدمت لما عرفت انها عملتهلا الميك اب دا فى 7 ساعات :qaq:

dr/dina;3991411:
ناني حبيبتي وحشتيني علي فكره

انتي اديتيلي اكتر من نوع كويس لكريم الاساس بس انا محتاره اجيب اماندا ولا جيورداني

ايه اكتر حستيه احسن


وميرسي يا قمر

انتي وحشاني اكتر يا قمر

بصي بالنسبه لو هنقارن بين الجودة والسعر يبقى هختارلك اماندا

مش عارفة ليه انا بعشقة جدا ودة رايي الشخصي

ناني فيبس;3961518:
انا جربت من اوريفلام اوبتيملز للبشرة الحساسه بس بصراحة مش مداومه عليه

مرسى ليكى يا نانى

يا بنات عايزه اعرف الكريم اللى بيدى لمعه للجسم ده اسمه ايه ومنين وبكام

السلام عليكم ورحمة اللة وبركاتة/

ازيكم يا احلى بنات من فضلكم انا محتارة وفرحى قرب ولى سؤال لاهل الخبرة منكم وارجوكم لا تبخلوا علية بالاجابة..........

انا عايزة اعمل شعرى احمر او نبيتى غامق يا ترى ايهما افضل خصوصا ان بشرتى قمحية وكنت عايزة اعرف افضل نوع صبغة لان شعرى ناشف ومقصف فانا عايزة نوع صبغة كويسة وكمان لما اللون يفتح يبقى كويس مش برتقالى زى باقى الصبغات .......

وكمان كنت عايزة اعرف لون العدسات المناسب للشعر

ارجو الاجابة فى اسرع وقت ممكن

جزاكم اللة كل خير

يا جماعة انا شفت النهاردة حاجات و كريمات من كلينيك فى العزبى - مصطفى النحاس
بس اتكسفت اسأل على التمن حد عنده فكرة عن السعر و هل حاجات كلينك نزلت مصر
شكراااااااا

و هل هى للعلاج و لا للعناية فقط

يابنات مصر يا حلوين
فرح إختكوا سنو برنسيس بكره

روحوا باركولها على الرابط ده

http://3roos.com/forums/showthread.php?p=4024797#post4024797

شكرااا يا كوفى بس اللى العزبى ممكن بسهولة تنزل حاجات متهربة مش مشكلة يكون ليها توكيل

بنات انا كنت عايزة اسال عن واقى الشمس سبكترا بان

فى حد جربه هو كويس ولا لا وكمان سعره كام وحجمه كام ميللى

معلش طولت عليكم بالاسئله ومشكورين مقدما

بنات ايه احسن بودره مضغوطه ممكن استعملها عشان انا بشرتي فالصيف بتقلب علي دهنيه بس مش اوي

بنات انا عندي فرح ومش عارفه اعمل الميكب علي لون ايه

اصل انا هلبس احمر ف اسود وطبعا لو عملته علي احمر هحسه كتير

وكمان انا مش بحب الميكب يبقي اوفر حتي لو سواريه

علي فكره انا بشرتي تعتبر خمري فاتح

بس يا كوفى مفروض ما نشتريش ميكب من الصيدليات لانهم بيبقوات مغلينه جدااااااااااااااا
و بعدين ممكن ما يكونش اصلى

و انتى ايه رأإيسك يا كوفى

.* اميرة *.;4038489:
بنات انا كنت عايزة اسال عن واقى الشمس سبكترا بان

فى حد جربه هو كويس ولا لا وكمان سعره كام وحجمه كام ميللى

معلش طولت عليكم بالاسئله ومشكورين مقدما

أيوه حبيتى انامجرباه دكتور الجلدية كان كاتبهولى هو كويس وبيفتح البشرة لما تحطيه وسعره حوالى 65جم

egyptiangirl;4044219:
أيوه حبيتى انامجرباه دكتور الجلدية كان كاتبهولى هو كويس وبيفتح البشرة لما تحطيه وسعره حوالى 65جم

طيب حبيبتى معلش هو كام درجه الحمايه بتاعته وحجمه قد ايه كده لانى جبت فوتوديرم كان 30 ميللى

ميرسى ياقمر على اهتمامك

monamar;4021850:
يا بنات عايزه اعرف الكريم اللى بيدى لمعه للجسم ده اسمه ايه ومنين وبكام

في انواع كتير

زي اللى عمله دوف اسمه دوف سيلك جلو دة ب 40 جنيه

وفي اوريفلام منزل نوع اسمه كريم الجسم الصيفي دة جميل جدا وسعره حسب العرض اللى بيكون نازل عليه