فينكوا يا بنات يا مصريات ؟؟؟؟؟ ( الجزء الثانى )

ربنا يطمنا على امل وتقوم بالسلامة

ويرزقها مولود يبارك لها فيه ويقر عينها به

رحيق الإبداع:
ربنا يطمنا على امل وتقوم بالسلامة

ويرزقها مولود يبارك لها فيه ويقر عينها به

اللهم امين

alex_bride:
أنا أرد عليكي لغاية ما اموله تيجي تنور الموضوع

تجيبي كربونات الصوديوم من الصيدليه وتغسلي بيها اسنانك بالفرشاه عادي بس استخدميها مره او اتنين في الشهر لانها ممكن تكون جامده شويه عالمينا

في كمان نبته معروفه بنشربها زي النعناع اسمها الميرمية وبتهدي احسن من النعناع ، هتلاقيها عند العطار تجففيها و تطحنيها وتخلطيها مع الملح وتبقا زي البودرة وبرضه تغسلي بيها الاسنان بالفرشاه عادي وشوفي لون اسنانك وريحتها من الميرميه وادعيلي

كمان عندك غسول بنت عذاري في ركنها رائع جداً بيطهر الفم وريحة منعشه

ودعواتك :shy:

مرسيه ليكى يا قمرايا

alex_bride:
عنيا ليكي يا حبيبتي لاخدمة ولا حاجه احنا اخوات متقوليش كده هبعتلك عالخاص التفاصيل

والله انا مش عارفه اشكرك ازاى على ذوقك ده

ناني فيبس:
مورا حبيبتي ازيك

بصي يا قمر في معجونين اسنان بصراحة انا مش بقدر استغنى عنهم ابدا وبجد هيعجبوكي جدا

كلوس اب الازرق
سنسوداين بالبيكنج صودا

هايلين بمعنى الكلمه

وكمان ياقمر انصحك قبل فرحك بأسبوعين تروحي عيادة اسنان وتعملي تنضيف اسنان مش غالي خالص في اماكن اعرف انه ب 40
بس بصراحة المكان اللى انا بروحوا بيعمله ب 150

مرسيه ليكى يا جميل انا بستخدم سنسوداين للاسنان الحساسه انا ريحة فمى عاديه كويسه يعنى لانى بعتنى بيهم بس مع كل ده لمل بنام واصحى بلاقى الريحه متغيره مع انى بغسلم فى اليوم بتاع 6 مرات وقبل منام كمان

طالبة الجنة83:
mmora بصى يا قمر انا اخوية بيستخدم نوع معجون هو زى السنفرة و بطعم الشيكولاتة بس بجد تحفة بيبيض السنان جدا انا لما اروح عند ماما هجبلك اسمة اوك

مرسيه يا قمر ياريت وانا هجرب كل اللى قولتولى عليه

egyptiangirl:
صباح الخير يا بنات يا ريت تقولولى أيه أحسن نوع كريم أساس وبودر جربتوه أنا سمعت نانيس سليم بتشكر فى كريم اساس اماندا يا ترى حد جربه؟

عندى وبستخدمه وبجد هو تحفه خاصة للبشره الدهنيه

ربنا انشاء الله يطمنا على امل والف سلامه

mmora:

مرسيه ليكى يا جميل انا بستخدم سنسوداين للاسنان الحساسه انا ريحة فمى عاديه كويسه يعنى لانى بعتنى بيهم بس مع كل ده لمل بنام واصحى بلاقى الريحه متغيره مع انى بغسلم فى اليوم بتاع 6 مرات وقبل منام كمان

لا يا قمر كدة يبقى ممكن يكون عندك مشاكل في اللثة او حاجة
بصي متسكتيش انا انصحك تروحي للدكتور احسن

ناني فيبس:
طبعا مجربينه دة نص بنات مصر بتستخدمه هههههههههههههههههههههههه

بصي يا قمر لو بشرتك دهنيه يبقى مالكيش غير نوعين اساس

اماندا ب 45 جنيه

بوبا ب 125 جنيه وبالمناسبه انا لسه قايله ان فورتشن عامل عرض عليه فبقى بحاجة وسبعين يعني الحقي العرض

مرسى يا قمر طب أخبار البودرة أيه؟

mmora:

عندى وبستخدمه وبجد هو تحفه خاصة للبشره الدهنيه

مرسى يا قمر يا ترى ممكن يدارى عيوب البشرة وخصوصا النمش؟ وبتستعملى بودرة اماندا برضه؟

egyptiangirl:
مرسى يا قمر طب أخبار البودرة أيه؟

بصراحة مجربتهاش

egyptiangirl:
مرسى يا قمر يا ترى ممكن يدارى عيوب البشرة وخصوصا النمش؟ وبتستعملى بودرة اماندا برضه؟

انا كمان مجربتهاش

egyptiangirl:
مرسى يا قمر يا ترى ممكن يدارى عيوب البشرة وخصوصا النمش؟ وبتستعملى بودرة اماندا برضه؟

وبالنسبه لكريم الاساس حلو ةبيدارى عيوب البشره واهم حاجه تختارى الدرجه المناسبه ليكى

ناني فيبس:
صباح الخير يا بنات
اموله حبيبتي وحشتنيني
تعاليلي هنا بقى
انا رحت فورتشن :confused: :confused: :sad:
اولا الشادوهات معجبتنيش خالص ماعادا شادوهات من بوبا كانت حلوة بس مفيش الوان كتير الالوان محدودة جدا بس غاليه
اللون الواحد ب 89 جنيه
بس اللى كان هايل هو الاساس بتعهم عملين عليه عرض خاص وكمان عشان هما الوكيل الوحيد في مصر لبوبا منزلين سعره من 125 ل حاجة وسبعين بسسسسسسسسسس
خدت فكرة عن البرفانات عنده واسعارها بس طبعا مش كل حاجة كانت عنده الانواع المعروفة اوي بس ومش كلها

المهم خرجت من عنده ولفت في باقي المول انا وحبيبة قلبي روز عشان كانت معايا

ودخلنا محل تاني عندها ماركات اقل شويه نيفيا وبرجوا واماندا ولونا ماركتنا يعني المهم عجبتنا شدوهات من لونا واماندا بس لاسف الالوان اللى كنا عايزنها مكنتش كلها موجودة جبنا حاجات بسيطة بس
جبت شادو من لونا ب 20 جنيه

دخلنا محل تاني لقينا شادوهات بورجوا بصراحة جميله جدا جبنا منها هي وماركة تانيه كدة الشادو بتعها الوانه تجنن بس مش فاكرة اسم الماركة لانها طبعا هبله يعني عادي لما انسى اسمها هههههههههههههههههههههههههههههه

وبعدين لفينا تاني لقينا واحد عامل استاند كدة وواقف عنده ماركة بينكي زون الجديدة دي جبت منها روجات وجلوسات

يعني الحمد لله جبت الشادوهات والوانها اللى نفسي فيها بس طبعا لسه في حاجات تانيه هنجبها
لفينا لفينا وبردوا جبنا من ماركتنا المحليه :sad:
بس الحمد لله حاجات جميله لاني بجد استخسرت جدا ادفع 90 جنيه في لون شادو واحد

السلام عليكم و رحمة الله و بركاته

وحشتوني كلكم و افتقدتكم جدا. اخباركم ايه؟؟

ننوسة حبيبتي، جزاكي الله خيرا على دعواتك الحلوة و ربنا ميحرمنيش منكم يا رب

بالنسبة لجولتك، احلى حاجة فيها انك لفيتي على كل حاجة و شفتي بنفسك الفروق و الاختلافات ايه لان كده لما تختاري حاجة سواء غالية او رخيصة حتبقى عن اقتناع تام

بالنبسة للشادو طبعا حرام 90 جنيه في لون واحد، كمان الشادو مش لازم يكون حاجة غالية اوي او ماركة معينة عشان يكون حلو، فيه ماركات رخيصة بس حلوة و الوانها تقيلة و ثابتة و متنوعة كمان

و الف مبروك عليكي الحاجة اللي جبتيها يا قمر و عقبال ما تخلصي كل حاجة الجهاز و دماغك تروق للاستخدام بقى :shy:

طالبة الجنة، و رحيق الابداع و حكاية روح عاشقة و مورا الجميلة و أليكس، جزاكم الله خيرا على دعواتكم الحلوة ليا و سؤالكم عني، بجد مش عارفة اقولكم ايه يا احلى اخوات :) ربنا ميحرمنيش منكم يا قمرات

نانى
mmore

مرسى قوى يا قمرات

أزيكم يابنات عاملين أيه أن شاء الله بخير


عايزه أسألكم فيكم بنات من المنصورة أو دمياط


عايزه أشترى مكياج أسمه جفنشى ومش عارفه أشتريه منين

amaladel:
طالبة الجنة، و رحيق الابداع و حكاية روح عاشقة و مورا الجميلة و أليكس، جزاكم الله خيرا على دعواتكم الحلوة ليا و سؤالكم عني، بجد مش عارفة اقولكم ايه يا احلى اخوات :) ربنا ميحرمنيش منكم يا قمرات

متقوليش كده كلنا اخوات وعايزيين نشوفك دايما كويسة وبخير

صباح الخير يا بنات
امل نانى الكس مورا حكاية روح رحيق الابداع و كل البنات و حشنى موت